အစိုးရ ဘဏ္ႏွင့္ ပုဂၢလိက ဘဏ္မ်ားတြင္ တာဝန္ ထမ္းေဆာင္ေနၾကသည့္ အမႈေဆာင္ အရာရွိခ်ဳပ္ (CEO) မ်ားသည္ ဘဏ္လုပ္သက္ အနည္းဆုံး ၁၀ ႏွစ္ ရွိရမည္ဟူေသာ ျမန္မာနိုင္ငံေတာ္ ဗဟိုဘဏ္၏ ထုတ္ျပန္ခ်က္က ဘဏ္လုပ္ငန္း အသိုင္းအဝိုင္းတြင္ ေဝဖန္ေျပာဆိုမ်ား ရွိေနေၾကာင္း သတင္း ရရွိသည္။

ဘဏ္မ်ားအေနျဖင့္ အေတြ႕အႀကဳံ မရွိဘဲ ပညာတတ္႐ုံသက္သက္ျဖင့္ ဘဏ္၏ အေရးႀကီးဆုံးရာထူးတခုကို ခန႔္အပ္ ေနျခင္းသည္ မျဖစ္သင့္ေၾကာင္း၊ အေတြ႕အႀကဳံမရွိဘဲ Board of Director အဖြဲ႕သို႔ ဝင္ထိုင္ၿပီး ဆုံးျဖတ္ခ်က္မ်ား ခ်မွတ္ ေနပါက အလြဲလြဲအမွားမွား ျဖစ္နိုင္သျဖင့္ ပေရာ္ဖက္ရွင္နယ္ ဆန္သူမ်ား ဘဏ္လုပ္ငန္းသို႔ ေရာက္ရွိလာေစရန္ ယခု အမိန႔္ ကို ထုတ္ျပန္ရျခင္း ျဖစ္ေၾကာင္း ဗဟိုဘဏ္ ဒု ဥကၠ႒ ဦးစိုးသိန္းက ေျပာသည္။

“ပညာတတ္႐ုံသက္သက္ ဘာအေတြ႕အႀကဳံမွ မရွိတဲ့ လူတေယာက္ကို CEO လုပ္ခြင့္ေပးမလား။ ဒီပိုက္ဆံေတြက ျပည္သူ ေတြက အပ္ထားတဲ့ ပိုက္ဆံေတြ။ ကိုယ့္ပိုက္ဆံနဲ႕ကိုယ္ဆိုရင္ေတာ့ ႀကိဳက္တဲ့လူခန႔္။ ျပည္သူျပည္သား အပ္ ထား တဲ့ ပိုက္ဆံကို Drive လုပ္မယ့္ သူေတြကို ပေရာ္ဖက္ရွင္နယ္ ျဖစ္တဲ့သူေတြကို လုပ္ေစခ်င္တယ္”ဟု ၎က ေမလ ၁၇ ရက္ေန႕က ေနျပည္ေတာ္တြင္ ျပဳလုပ္သည့္ သတင္းစာ ရွင္းလင္းပြဲတခုတြင္ ေျပာဆိုျခင္း ျဖစ္သည္။

ဘဏ္ေလာကတြင္ CEO ျဖစ္သူကို လုပ္သက္ ၁၀ ႏွစ္ ရွိရမည္ဟု မတ္လ ၂၅ ရက္ေန႕ ရက္စြဲျဖင့္ ထုတ္ျပန္လိုက္သည့္ သတ္မွတ္ခ်က္ေၾကာင့္ အျငင္းပြားမႈတခ်ိဳ႕ ရွိေနေၾကာင္း၊ နိုင္ငံျခားမွ လူငယ္မ်ား ျပန္ေရာက္လာၿပီး လုပ္လို႔ မရဘူးလား ဆိုသည့္ ေမးခြန္းမ်ိဳးႏွင့္ အေတြ႕အႀကဳံကို အရမ္း ဦးစားေပးေနသည္ ဆိုသည့္ သေဘာမ်ိဳး ေျပာဆိုလာမႈမ်ား ရွိေၾကာင္း လည္း ဘဏ္ တာဝန္ရွိသူမ်ားက ေျပာသည္။

“ရေအာင္ရွာပါ။ ၁၀ ႏွစ္ဆိုတာ ဘာမွ မရွိပါဘူး။ တေယာက္က အသက္ ၂၀၊ ၂၅ မွာ မာစတာေတြ PhD ေတြ ရၿပီးရင္ ၃၅ ႏွစ္မွာ CEO လုပ္လို႔ ရမွာပါ။ က်ေနာ္ အသက္ ၇၁ ႏွစ္ ရွိၿပီ။ အခုမွ ဗဟိုဘဏ္မွာ ဒုဥကၠဌ ျဖစ္တယ္။ Second Man ပဲ ရွိေသးတယ္။ ကိုယ္က ပိုက္ဆံရွိလို႔ ဘဏ္ေထာင္ထားတယ္။ ၿပီးေတာ့ ကိုယ့္သားကို MD ခန႔္လိုက္တယ္ဆိုရင္ ဒီဘဏ္ႀကီးကို ဘယ္လို လုပ္မလဲ”ဟု ဗဟို ဘဏ္ ဒု ဥကၠ႒ ဦးစိုးသိန္းက ေမးခြန္းထုတ္သည္။

ဗဟိုဘဏ္၏ ၫႊန္ၾကားခ်က္သည္ အစိုးရ ဘဏ္ႏွင့္ ပုဂၢလိက ဘဏ္မ်ား အားလုံးကို ရည္႐ြယ္ျခင္း ျဖစ္သျဖင့္ ျမန္မာ နိုင္ငံတြင္ ဘဏ္လုပ္ငန္း အေတြ႕အႀကဳံ ၁၀ ႏွစ္ရွိသည့္ CEO ဘယ္ႏွဦး ရွိသလဲဆိုသည့္ ေမးခြန္းရွိေၾကာင္း၊ ထို႔ျပင္ အခ်ိန္ ၁ ႏွစ္သာေပး၍ လက္ရွိ ျပည္တြင္း ဘဏ္အမ်ားစု၏ CEO မ်ားမွာ လုပ္ငန္း အေတြ႕အႀကဳံ ၁၀ ႏွစ္ မရွိၾက ေၾကာင္း ေနျပည္ေတာ္ စည္ပင္ဘဏ္ လီမိတက္ ဒါရိုက္တာ အဖြဲ႕ ဥကၠ႒ ဦးရဲမင္းဦးက ေျပာသည္။

“အဲဒီ အမိန႔္မွာ ၁ ႏွစ္ျပည့္သြားရင္ ၫႊန္ၾကားခ်က္မွာ ပါတာက ၁၅ ရက္အတြင္း အလုပ္ျဖဳတ္ရမယ္လို႔ ပါတယ္။ စည္းကမ္းႏွင့္ မကိုက္ညီပါက ၁၅ ရက္အတြင္း တာဝန္မွ ရပ္စဲရမည္လို႔ ပါတယ္။ ဘဏ္ဆိုတာက ဗဟိုဘဏ္ ၫႊန္ၾကား ရင္ အတိအက် လိုက္နာရတာေလ။ ဘဏ္ေတြက သူတို႔ရဲ႕ CEO ေတြကို အလုပ္ ထုတ္ရေတာ့မွာလားေပါ့”ဟု ဦးရဲမင္းဦး က ေျပာဆိုသည္။

၎က ဆက္၍ “က်ေနာ္တု႔ိဘဏ္ဆိုရင္ က်ေနာ္ရယ္ က်ေနာ့္ CEO ရယ္က ကိုက္တယ္။ ဒါေပမယ့္ တျခားဘဏ္ေတြ ဆိုရင္ မကိုက္ဘူး။ မကိုက္ရင္ မကိုက္တဲ့ ဘဏ္ေတာ္ေတာ္မ်ားမ်ားက ဘာလုပ္ရမလဲေပါ့။ ဘဏ္မွာ အေတြ႕အႀကဳံ ရွိတဲ့ ပုဂၢိဳလ္၊ ၁၀ ႏွစ္၊ ၁၅ ႏွစ္ အေတြ႕အႀကဳံ ရွိတဲ့ ပုဂၢိဳလ္ ဘယ္ႏွေယာက္ ခန႔္ရမယ္ဆိုတာမ်ိဳး ဆိုရင္ ပိုၿပီးေတာ့ လက္ေတြ႕က် တယ္။ အဲဒီလို မဟုတ္ဘဲနဲ႕ ရာထူးႀကီးနဲ႕ အေသ သတ္မွတ္လိုက္တာက နည္းနည္း လႈပ္ရ၊ ရွားရ ခက္လိမ့္မယ္”ဟုလည္း ေျပာသည္။

ျပည္တြင္းဘဏ္ တခ်ိဳတြင္ ပိုင္ရွင္မ်ား၏ သားသမီးမ်ားသည္ ဘဏ္တြင္ အဓိကက်သည့္ ရာထူးႀကီးမ်ားကို ရယူ ထား ရာ ဘဏ္ဆိုသည္မွာ အမ်ား ျပည္သူ၏ အပ္ေငြႏွင့္ ရပ္တည္သည့္ စီးပြားေရး လုပ္ငန္းတခု ျဖစ္ၿပီး ယင္းလုပ္ငန္းတြင္ ငါ့သမီး၊ ငါ့သား၊ ငါယုံၾကည္ ရသူကို CEO ခန႔္မည္ဆိုပါက မူဝါဒပိုင္းဆိုင္ရာအရ လုံးဝ မွားယြင္းေနေၾကာင္း ျပည္သူ႕ လႊတ္ေတာ္ ဘဏ္မ်ားႏွင့္ ေငြေၾကးဆိုင္ရာ ေကာ္မတီ အတြင္းေရးမႉး ဦးတင္ထြန္းနိုင္က ေျပာဆိုသည္။

“လိုအပ္လို႔ ဗဟိုဘဏ္က ထုတ္ျပန္တာ ဆိုေပမယ့္ လက္ေတြ႕ဆန္ဖို႔ လိုတယ္။ ျဖစ္ေပၚလာမယ့္ အက်ိဳးဆက္က အက်ိဳး ထက္ အျပစ္မ်ားေနရင္ေတာ့ နည္းနည္း ခ်င့္ခ်ိန္ဖို႔ေတာ့ လိုမယ္။ ဒီ ၂ ခ်က္ၾကားထဲမွာ ဗဟိုဘဏ္က ဟန္ခ်က္ ညီဖို႔ လိုတယ္။ သူတို႔ ထိန္းေက်ာင္းတဲ့ အတိုင္း မလိုက္နာရင္ ဘဏ္ေတြကို အေရးယူရမွာ။ အေရးယူလိုက္ရင္ ျမန္မာ ျပည္က ေကာလာဟလကလည္း ဘဏ္တခု ဘာျဖစ္တယ္၊ ညာျဖစ္တယ္ဆိုရင္ တကယ္ စိတ္ပူစရာ အဲဒါက။ လုပ္သင့္တာ မွန္ေပ မယ့္ အခ်ိန္မွန္ရဲ႕လားဆိုတာ အေရးႀကီးတယ္”ဟုလည္း ၎က ဆိုသည္။

ျမန္မာနိုင္ငံတြင္ ပုဂၢလိက ဘဏ္မ်ား ဖြံ႕ၿဖိဳးလာသည္မွာ ၁၀ စုႏွစ္ တခု ဝန္းက်င္သာ ရွိေသးၿပီး ယခင္ တပ္မေတာ္ အစိုးရ သည္ ၎ႏွင့္နီးစပ္သူ ခရိုနီမ်ားကို ဘဏ္လုပ္ငန္းမ်ား လုပ္ပိုင္ခြင့္ ျပဳခဲ့ရာ ကေမာၻဇဘဏ္သည္ လုပ္ပိုင္ခြင့္ အေစာဆုံး ရရွိခဲ့သည့္ ဘဏ္တခု ျဖစ္ေၾကာင္း သိရသည္။

ကေမာၻဇဘဏ္၏ အႀကံေပး ဦးသန္းလြင္က ဗဟိုဘဏ္၏ ထုတ္ျပန္ခ်က္ကို သေဘာတူေၾကာင္း၊ ယခင္က Board of Director ကို အနည္းဆုံး ၇ ႏွစ္ ရွိရမည္ဟု သတ္မွတ္ခဲ့ဖူးၿပီး ယခု CEO မွာ တဘဏ္လုံး၏ ဘတ္ဂ်က္ကို ကိုင္တြယ္ ေဆာင္႐ြက္ရသူ၊ ဘဏ္တခုလုံး၏ ေကာင္းေမြ၊ ဆိုးေမြ အကုန္ ၎၏ လက္ထဲတြင္ ရွိေန၍ အေတြ႕အႀကဳံ မရွိဘဲ ခန႔္အပ္၍ မရေၾကာင္း ေျပာသည္။

ဦးသန္းလြင္က“အမွန္က ၁၀ ႏွစ္ ဆိုတာေတာင္ နည္းေသးတယ္။ အေတြ႕အႀကဳံ ဒီထက္ပိုမ်ားရင္ေတာင္ ေကာင္းေသး တယ္။ အခုဘဏ္တခ်ိဳ႕ ဆိုရင္ ကိုယ့္သားသမီးေတြကိုပဲ ခန႔္ထားတာမ်ိဳေးတြ ရွိတယ္။ အသက္ငယ္ငယ္ေလးေတြ ရွိ ေသးတယ္။ အေတြ႕အႀကဳံလည္း သိပ္ရွိတာ မဟုတ္ဘူး။ ရာထူးႀကီးႀကီးေတြ ေပးထားတာေလ။ အခု အမိန႔္အရ ဆိုရင္ အဲဒီေခတ္ကေတာ့ ကုန္ၿပီေပါ့ဗ်ာ”ဟု ေျပာဆိုသည္။

၎က ဆက္၍ “အဲဒါမ်ိဳးေလးေတြေတာ့ ဆင္ျခင္ဖို႔ လိုတယ္။ CEO ကို နိုင္ငံျခားသားေတြ ခန႔္တာကို သူတို႔ လက္ခံ တယ္။ အန္ကယ္တို႔ ကေမာၻဇဘဏ္မွာဆိုရင္ CEO ကို နိုင္ငံျခားသားကို ခန႔္ထားတာ။ ဒီပုဂၢိဳလ္ကလည္း ၁၀ ႏွစ္ ေတာင္ မကဘူး။ ဒါေပမယ့္ လခေတာ့ ေကာင္းေကာင္း ေပးထားရတယ္”ဟုလည္း ရွင္းျပသည္။

ဘဏ္တခုကို မည္သူ ပိုင္ပိုင္ ကိစၥ မရွိေသာ္လည္း ၎သည္ Ownership (ပိုင္ရွင္) ျဖစ္ေၾကာင္း၊ သို႔ေသာ္ Management (စီမံခန႔္ခြဲမႈ) ကိုမူ ပေရာ္ဖက္ရွင္နယ္ ျဖစ္ေအာင္ သပ္သပ္ လုပ္ရမည္ ျဖစ္ေၾကာင္း၊ ယခု အမိန႔္မွာ ေနာက္တႏွစ္တြင္ စတင္ အသက္ဝင္မည္ ျဖစ္ရာ ယင္းအခ်ိန္ ေရာက္ပါက ယခု စည္းကမ္းႏွင့္ မကိုက္ညီသူကို CEO၊ MD တို႔ ခန႔္ခြင့္ မရွိေတာ့ေၾကာင္း ဗဟိုဘဏ္ ဒု ဥကၠဌ ဦးစိုးသိန္းက ေျပာသည္။

“၁၀ ႏွစ္ အေတြ႕အႀကဳံရွိတဲ့သူကို မရရင္ ဘယ္လိုလုပ္မလဲ။ ရေအာင္ ရွာပါ။ တင္ျပလာရင္လည္း က်ေနာ္တို႔က ၾကည့္ မယ္။ ကိုက္ ႀကိဳက္တဲ့သူေတာ့ ကိုယ္တင္လို႔ မရေတာ့ဘူး။ မရခဲ့ရင္လည္း ရတဲ့အထဲက အေကာင္းဆုံး ျဖစ္တဲ့ဟာကို က်ေနာ္တို႔ စဥ္းစားရမယ္”ဟုလည္း ၎က ဆိုသည္။

ေနျပည္ေတာ္ စည္ပင္ဘဏ္ တာဝန္ရွိသူ ဦးရဲမင္းဦးကမူ ကိုယ့္နိုင္ငံ၏ အေျခအေနကိုလည္း ၾကည့္သင့္ေၾကာင္း၊ ဘဏ္ မ်ားတြင္ CEO၊ MD မ်ားကို ၁၀ ႏွစ္ အေတြ႕အႀကဳံ ရွိရမည္ဟု သတ္မွတ္ပါက ဗဟိုဘဏ္ ဒု ဥကၠဌမ်ားကိုလည္း ႏွစ္ ၂၀ အေတြ႕အႀကဳံ ရွိရမည္ဟု သတ္မွတ္ရန္ စဥ္းစားသင့္ေၾကာင္း အႀကံျပဳသည္။

“က်ေနာ္တို႔က မလိုက္နာဘူးလို႔ ေျပာခြင့္မရွိဘူး။ လိုက္နာရေတာ့မယ္။ ဒါႀကီးက လက္ေတြ႕ ျဖစ္ပါ့မလားေပါ့။ က်ေနာ္ နဲ႕ေတာ့ မဆိုင္ဘူး။ ဒါေပမယ့္ တခ်ိဳ႕ဘဏ္ေတြ ဒုကၡေရာက္ေတာ့မွာ ျမင္ေနတယ္။ ခ်က္ခ်င္း လုပ္လိုက္တာကို ေျပာခ်င္ တာ။ ဘဏ္ေတြဘက္က ေတာင္းဆိုတာက ေနာက္ထပ္ ၃ ႏွစ္ေပးပါ။ ၃ ႏွစ္ျပည့္ရင္ ဒီအမိန႔္ကို အသက္ဝင္ပါလို႔ ေတာင္းဆို ဖူးတယ္။ အမိန႔္ထြက္လာတဲ့ အခ်ိန္မွာ ၃ ႏွစ္ မဟုတ္ဘဲ တႏွစ္ျဖစ္ေနတာေပါ့”ဟု ၎က ေျပာဆိုသည္။

ျမန္မာနိုင္ငံတြင္ ျပည္တြင္း ပုဂၢလိကဘဏ္ ၂၄ ခု၊ နိုင္ငံပိုင္ဘဏ္ ၄ ခုႏွင့္ နိုင္ငံျခားဘဏ္ ၁၃ ခုရွိသည္။

၂၀၁၈ ခုႏွစ္တြင္ ျမန္မာဘဏ္ ၅ ခု တိုးလာခဲ့ၿပီး လက္ရွိတြင္ ဘဏ္လုပ္ငန္း၌ ဦးေဆာင္ေနသည့္ ဘဏ္မ်ားမွာ ကေမာၻဇဘဏ္၊ ဧရာဝတီ ဘဏ္ႏွင့္ CB ဘဏ္တို႔ ျဖစ္ၾကသည္။

ယင္းဘဏ္မ်ား၏ ပိုင္ရွင္မ်ားမွာ အစိုးရ အဆက္ဆက္ႏွင့္ နီးစပ္ခဲ့သူမ်ား ျဖစ္ၿပီး နိုင္ငံတြင္ အခ်မ္းသာဆုံး လူမ်ားလည္း ျဖစ္သလို ၎တို႔၏ ဘဏ္မ်ားသည္ ဘဏ္အားလုံး ပိုင္ဆိုင္မႈ၏ ၅၈ ရာခိုင္ႏႈန္းကို ပိုင္ဆိုင္ၿပီး ေခ်းေငြ အားလုံး၏ ၆၄ ရာခိုင္ႏႈန္း၊ အပ္ေငြ အားလုံး၏ ၆၆ ရာခိုင္ႏႈန္းကို ပိုင္ဆိုင္ၾကသည္ဟု ျမန္မာ ဘ႑ာေရး ဝန္ေဆာင္မႈ အစီရင္ခံစာ Myanmar Financial Services Report အရ သိရသည္။

သို႔ေသာ္ ျမန္မာနိုင္ငံတြင္ လူဦးေရ၏ ၂၀ ရာခိုင္ႏႈန္းေအာက္တြင္သာ ဘဏ္စာရင္း ရွိသည္ဟု ဆိုသည္။

ဖိုးသူေတာ္(www.phothutaw.com)
Credit:The Irrawaddy

#Unicode Verison#
အစိုးရ ဘဏ်နှင့် ပုဂ္ဂလိက ဘဏ်များတွင် တာဝန် ထမ်းဆောင်နေကြသည့် အမှုဆောင် အရာရှိချုပ် (CEO) များသည် ဘဏ်လုပ်သက် အနည်းဆုံး ၁၀ နှစ် ရှိရမည်ဟူသော မြန်မာနိုင်ငံတော် ဗဟိုဘဏ်၏ ထုတ်ပြန်ချက်က ဘဏ်လုပ်ငန်း အသိုင်းအဝိုင်းတွင် ဝေဖန်ပြောဆိုများ ရှိနေကြောင်း သတင်း ရရှိသည်။

ဘဏ်များအနေဖြင့် အတွေ့အကြုံ မရှိဘဲ ပညာတတ်ရုံသက်သက်ဖြင့် ဘဏ်၏ အရေးကြီးဆုံးရာထူးတခုကို ခန့်အပ် နေခြင်းသည် မဖြစ်သင့်ကြောင်း၊ အတွေ့အကြုံမရှိဘဲ Board of Director အဖွဲ့သို့ ဝင်ထိုင်ပြီး ဆုံးဖြတ်ချက်များ ချမှတ် နေပါက အလွဲလွဲအမှားမှား ဖြစ်နိုင်သဖြင့် ပရော်ဖက်ရှင်နယ် ဆန်သူများ ဘဏ်လုပ်ငန်းသို့ ရောက်ရှိလာစေရန် ယခု အမိန့် ကို ထုတ်ပြန်ရခြင်း ဖြစ်ကြောင်း ဗဟိုဘဏ် ဒု ဥက္ကဋ္ဌ ဦးစိုးသိန်းက ပြောသည်။

“ပညာတတ်ရုံသက်သက် ဘာအတွေ့အကြုံမှ မရှိတဲ့ လူတယောက်ကို CEO လုပ်ခွင့်ပေးမလား။ ဒီပိုက်ဆံတွေက ပြည်သူ တွေက အပ်ထားတဲ့ ပိုက်ဆံတွေ။ ကိုယ့်ပိုက်ဆံနဲ့ကိုယ်ဆိုရင်တော့ ကြိုက်တဲ့လူခန့်။ ပြည်သူပြည်သား အပ် ထား တဲ့ ပိုက်ဆံကို Drive လုပ်မယ့် သူတွေကို ပရော်ဖက်ရှင်နယ် ဖြစ်တဲ့သူတွေကို လုပ်စေချင်တယ်”ဟု ၎င်းက မေလ ၁၇ ရက်နေ့က နေပြည်တော်တွင် ပြုလုပ်သည့် သတင်းစာ ရှင်းလင်းပွဲတခုတွင် ပြောဆိုခြင်း ဖြစ်သည်။

ဘဏ်လောကတွင် CEO ဖြစ်သူကို လုပ်သက် ၁၀ နှစ် ရှိရမည်ဟု မတ်လ ၂၅ ရက်နေ့ ရက်စွဲဖြင့် ထုတ်ပြန်လိုက်သည့် သတ်မှတ်ချက်ကြောင့် အငြင်းပွားမှုတချို့ ရှိနေကြောင်း၊ နိုင်ငံခြားမှ လူငယ်များ ပြန်ရောက်လာပြီး လုပ်လို့ မရဘူးလား ဆိုသည့် မေးခွန်းမျိုးနှင့် အတွေ့အကြုံကို အရမ်း ဦးစားပေးနေသည် ဆိုသည့် သဘောမျိုး ပြောဆိုလာမှုများ ရှိကြောင်း လည်း ဘဏ် တာဝန်ရှိသူများက ပြောသည်။

“ရအောင်ရှာပါ။ ၁၀ နှစ်ဆိုတာ ဘာမှ မရှိပါဘူး။ တယောက်က အသက် ၂၀၊ ၂၅ မှာ မာစတာတွေ PhD တွေ ရပြီးရင် ၃၅ နှစ်မှာ CEO လုပ်လို့ ရမှာပါ။ ကျနော် အသက် ၇၁ နှစ် ရှိပြီ။ အခုမှ ဗဟိုဘဏ်မှာ ဒုဥက္ကဌ ဖြစ်တယ်။ Second Man ပဲ ရှိသေးတယ်။ ကိုယ်က ပိုက်ဆံရှိလို့ ဘဏ်ထောင်ထားတယ်။ ပြီးတော့ ကိုယ့်သားကို MD ခန့်လိုက်တယ်ဆိုရင် ဒီဘဏ်ကြီးကို ဘယ်လို လုပ်မလဲ”ဟု ဗဟို ဘဏ် ဒု ဥက္ကဋ္ဌ ဦးစိုးသိန်းက မေးခွန်းထုတ်သည်။

ဗဟိုဘဏ်၏ ညွှန်ကြားချက်သည် အစိုးရ ဘဏ်နှင့် ပုဂ္ဂလိက ဘဏ်များ အားလုံးကို ရည်ရွယ်ခြင်း ဖြစ်သဖြင့် မြန်မာ နိုင်ငံတွင် ဘဏ်လုပ်ငန်း အတွေ့အကြုံ ၁၀ နှစ်ရှိသည့် CEO ဘယ်နှဦး ရှိသလဲဆိုသည့် မေးခွန်းရှိကြောင်း၊ ထို့ပြင် အချိန် ၁ နှစ်သာပေး၍ လက်ရှိ ပြည်တွင်း ဘဏ်အများစု၏ CEO များမှာ လုပ်ငန်း အတွေ့အကြုံ ၁၀ နှစ် မရှိကြ ကြောင်း နေပြည်တော် စည်ပင်ဘဏ် လီမိတက် ဒါရိုက်တာ အဖွဲ့ ဥက္ကဋ္ဌ ဦးရဲမင်းဦးက ပြောသည်။

“အဲဒီ အမိန့်မှာ ၁ နှစ်ပြည့်သွားရင် ညွှန်ကြားချက်မှာ ပါတာက ၁၅ ရက်အတွင်း အလုပ်ဖြုတ်ရမယ်လို့ ပါတယ်။ စည်းကမ်းနှင့် မကိုက်ညီပါက ၁၅ ရက်အတွင်း တာဝန်မှ ရပ်စဲရမည်လို့ ပါတယ်။ ဘဏ်ဆိုတာက ဗဟိုဘဏ် ညွှန်ကြား ရင် အတိအကျ လိုက်နာရတာလေ။ ဘဏ်တွေက သူတို့ရဲ့ CEO တွေကို အလုပ် ထုတ်ရတော့မှာလားပေါ့”ဟု ဦးရဲမင်းဦး က ပြောဆိုသည်။

၎င်းက ဆက်၍ “ကျနော်တု့ိဘဏ်ဆိုရင် ကျနော်ရယ် ကျနော့် CEO ရယ်က ကိုက်တယ်။ ဒါပေမယ့် တခြားဘဏ်တွေ ဆိုရင် မကိုက်ဘူး။ မကိုက်ရင် မကိုက်တဲ့ ဘဏ်တော်တော်များများက ဘာလုပ်ရမလဲပေါ့။ ဘဏ်မှာ အတွေ့အကြုံ ရှိတဲ့ ပုဂ္ဂိုလ်၊ ၁၀ နှစ်၊ ၁၅ နှစ် အတွေ့အကြုံ ရှိတဲ့ ပုဂ္ဂိုလ် ဘယ်နှယောက် ခန့်ရမယ်ဆိုတာမျိုး ဆိုရင် ပိုပြီးတော့ လက်တွေ့ကျ တယ်။ အဲဒီလို မဟုတ်ဘဲနဲ့ ရာထူးကြီးနဲ့ အသေ သတ်မှတ်လိုက်တာက နည်းနည်း လှုပ်ရ၊ ရှားရ ခက်လိမ့်မယ်”ဟုလည်း ပြောသည်။

ပြည်တွင်းဘဏ် တချိုတွင် ပိုင်ရှင်များ၏ သားသမီးများသည် ဘဏ်တွင် အဓိကကျသည့် ရာထူးကြီးများကို ရယူ ထား ရာ ဘဏ်ဆိုသည်မှာ အများ ပြည်သူ၏ အပ်ငွေနှင့် ရပ်တည်သည့် စီးပွားရေး လုပ်ငန်းတခု ဖြစ်ပြီး ယင်းလုပ်ငန်းတွင် ငါ့သမီး၊ ငါ့သား၊ ငါယုံကြည် ရသူကို CEO ခန့်မည်ဆိုပါက မူဝါဒပိုင်းဆိုင်ရာအရ လုံးဝ မှားယွင်းနေကြောင်း ပြည်သူ့ လွှတ်တော် ဘဏ်များနှင့် ငွေကြေးဆိုင်ရာ ကော်မတီ အတွင်းရေးမှူး ဦးတင်ထွန်းနိုင်က ပြောဆိုသည်။

“လိုအပ်လို့ ဗဟိုဘဏ်က ထုတ်ပြန်တာ ဆိုပေမယ့် လက်တွေ့ဆန်ဖို့ လိုတယ်။ ဖြစ်ပေါ်လာမယ့် အကျိုးဆက်က အကျိုး ထက် အပြစ်များနေရင်တော့ နည်းနည်း ချင့်ချိန်ဖို့တော့ လိုမယ်။ ဒီ ၂ ချက်ကြားထဲမှာ ဗဟိုဘဏ်က ဟန်ချက် ညီဖို့ လိုတယ်။ သူတို့ ထိန်းကျောင်းတဲ့ အတိုင်း မလိုက်နာရင် ဘဏ်တွေကို အရေးယူရမှာ။ အရေးယူလိုက်ရင် မြန်မာ ပြည်က ကောလာဟလကလည်း ဘဏ်တခု ဘာဖြစ်တယ်၊ ညာဖြစ်တယ်ဆိုရင် တကယ် စိတ်ပူစရာ အဲဒါက။ လုပ်သင့်တာ မှန်ပေ မယ့် အချိန်မှန်ရဲ့လားဆိုတာ အရေးကြီးတယ်”ဟုလည်း ၎င်းက ဆိုသည်။

မြန်မာနိုင်ငံတွင် ပုဂ္ဂလိက ဘဏ်များ ဖွံ့ဖြိုးလာသည်မှာ ၁၀ စုနှစ် တခု ဝန်းကျင်သာ ရှိသေးပြီး ယခင် တပ်မတော် အစိုးရ သည် ၎င်းနှင့်နီးစပ်သူ ခရိုနီများကို ဘဏ်လုပ်ငန်းများ လုပ်ပိုင်ခွင့် ပြုခဲ့ရာ ကမ္ဘောဇဘဏ်သည် လုပ်ပိုင်ခွင့် အစောဆုံး ရရှိခဲ့သည့် ဘဏ်တခု ဖြစ်ကြောင်း သိရသည်။

ကမ္ဘောဇဘဏ်၏ အကြံပေး ဦးသန်းလွင်က ဗဟိုဘဏ်၏ ထုတ်ပြန်ချက်ကို သဘောတူကြောင်း၊ ယခင်က Board of Director ကို အနည်းဆုံး ၇ နှစ် ရှိရမည်ဟု သတ်မှတ်ခဲ့ဖူးပြီး ယခု CEO မှာ တဘဏ်လုံး၏ ဘတ်ဂျက်ကို ကိုင်တွယ် ဆောင်ရွက်ရသူ၊ ဘဏ်တခုလုံး၏ ကောင်းမွေ၊ ဆိုးမွေ အကုန် ၎င်း၏ လက်ထဲတွင် ရှိနေ၍ အတွေ့အကြုံ မရှိဘဲ ခန့်အပ်၍ မရကြောင်း ပြောသည်။

ဦးသန်းလွင်က“အမှန်က ၁၀ နှစ် ဆိုတာတောင် နည်းသေးတယ်။ အတွေ့အကြုံ ဒီထက်ပိုများရင်တောင် ကောင်းသေး တယ်။ အခုဘဏ်တချို့ ဆိုရင် ကိုယ့်သားသမီးတွေကိုပဲ ခန့်ထားတာမျိုေးတွ ရှိတယ်။ အသက်ငယ်ငယ်လေးတွေ ရှိ သေးတယ်။ အတွေ့အကြုံလည်း သိပ်ရှိတာ မဟုတ်ဘူး။ ရာထူးကြီးကြီးတွေ ပေးထားတာလေ။ အခု အမိန့်အရ ဆိုရင် အဲဒီခေတ်ကတော့ ကုန်ပြီပေါ့ဗျာ”ဟု ပြောဆိုသည်။

၎င်းက ဆက်၍ “အဲဒါမျိုးလေးတွေတော့ ဆင်ခြင်ဖို့ လိုတယ်။ CEO ကို နိုင်ငံခြားသားတွေ ခန့်တာကို သူတို့ လက်ခံ တယ်။ အန်ကယ်တို့ ကမ္ဘောဇဘဏ်မှာဆိုရင် CEO ကို နိုင်ငံခြားသားကို ခန့်ထားတာ။ ဒီပုဂ္ဂိုလ်ကလည်း ၁၀ နှစ် တောင် မကဘူး။ ဒါပေမယ့် လခတော့ ကောင်းကောင်း ပေးထားရတယ်”ဟုလည်း ရှင်းပြသည်။

ဘဏ်တခုကို မည်သူ ပိုင်ပိုင် ကိစ္စ မရှိသော်လည်း ၎င်းသည် Ownership (ပိုင်ရှင်) ဖြစ်ကြောင်း၊ သို့သော် Management (စီမံခန့်ခွဲမှု) ကိုမူ ပရော်ဖက်ရှင်နယ် ဖြစ်အောင် သပ်သပ် လုပ်ရမည် ဖြစ်ကြောင်း၊ ယခု အမိန့်မှာ နောက်တနှစ်တွင် စတင် အသက်ဝင်မည် ဖြစ်ရာ ယင်းအချိန် ရောက်ပါက ယခု စည်းကမ်းနှင့် မကိုက်ညီသူကို CEO၊ MD တို့ ခန့်ခွင့် မရှိတော့ကြောင်း ဗဟိုဘဏ် ဒု ဥက္ကဌ ဦးစိုးသိန်းက ပြောသည်။

“၁၀ နှစ် အတွေ့အကြုံရှိတဲ့သူကို မရရင် ဘယ်လိုလုပ်မလဲ။ ရအောင် ရှာပါ။ တင်ပြလာရင်လည်း ကျနော်တို့က ကြည့် မယ်။ ကိုက် ကြိုက်တဲ့သူတော့ ကိုယ်တင်လို့ မရတော့ဘူး။ မရခဲ့ရင်လည်း ရတဲ့အထဲက အကောင်းဆုံး ဖြစ်တဲ့ဟာကို ကျနော်တို့ စဉ်းစားရမယ်”ဟုလည်း ၎င်းက ဆိုသည်။

နေပြည်တော် စည်ပင်ဘဏ် တာဝန်ရှိသူ ဦးရဲမင်းဦးကမူ ကိုယ့်နိုင်ငံ၏ အခြေအနေကိုလည်း ကြည့်သင့်ကြောင်း၊ ဘဏ် များတွင် CEO၊ MD များကို ၁၀ နှစ် အတွေ့အကြုံ ရှိရမည်ဟု သတ်မှတ်ပါက ဗဟိုဘဏ် ဒု ဥက္ကဌများကိုလည်း နှစ် ၂၀ အတွေ့အကြုံ ရှိရမည်ဟု သတ်မှတ်ရန် စဉ်းစားသင့်ကြောင်း အကြံပြုသည်။

“ကျနော်တို့က မလိုက်နာဘူးလို့ ပြောခွင့်မရှိဘူး။ လိုက်နာရတော့မယ်။ ဒါကြီးက လက်တွေ့ ဖြစ်ပါ့မလားပေါ့။ ကျနော် နဲ့တော့ မဆိုင်ဘူး။ ဒါပေမယ့် တချို့ဘဏ်တွေ ဒုက္ခရောက်တော့မှာ မြင်နေတယ်။ ချက်ချင်း လုပ်လိုက်တာကို ပြောချင် တာ။ ဘဏ်တွေဘက်က တောင်းဆိုတာက နောက်ထပ် ၃ နှစ်ပေးပါ။ ၃ နှစ်ပြည့်ရင် ဒီအမိန့်ကို အသက်ဝင်ပါလို့ တောင်းဆို ဖူးတယ်။ အမိန့်ထွက်လာတဲ့ အချိန်မှာ ၃ နှစ် မဟုတ်ဘဲ တနှစ်ဖြစ်နေတာပေါ့”ဟု ၎င်းက ပြောဆိုသည်။

မြန်မာနိုင်ငံတွင် ပြည်တွင်း ပုဂ္ဂလိကဘဏ် ၂၄ ခု၊ နိုင်ငံပိုင်ဘဏ် ၄ ခုနှင့် နိုင်ငံခြားဘဏ် ၁၃ ခုရှိသည်။

၂၀၁၈ ခုနှစ်တွင် မြန်မာဘဏ် ၅ ခု တိုးလာခဲ့ပြီး လက်ရှိတွင် ဘဏ်လုပ်ငန်း၌ ဦးဆောင်နေသည့် ဘဏ်များမှာ ကမ္ဘောဇဘဏ်၊ ဧရာဝတီ ဘဏ်နှင့် CB ဘဏ်တို့ ဖြစ်ကြသည်။

ယင်းဘဏ်များ၏ ပိုင်ရှင်များမှာ အစိုးရ အဆက်ဆက်နှင့် နီးစပ်ခဲ့သူများ ဖြစ်ပြီး နိုင်ငံတွင် အချမ်းသာဆုံး လူများလည်း ဖြစ်သလို ၎င်းတို့၏ ဘဏ်များသည် ဘဏ်အားလုံး ပိုင်ဆိုင်မှု၏ ၅၈ ရာခိုင်နှုန်းကို ပိုင်ဆိုင်ပြီး ချေးငွေ အားလုံး၏ ၆၄ ရာခိုင်နှုန်း၊ အပ်ငွေ အားလုံး၏ ၆၆ ရာခိုင်နှုန်းကို ပိုင်ဆိုင်ကြသည်ဟု မြန်မာ ဘဏ္ဍာရေး ဝန်ဆောင်မှု အစီရင်ခံစာ Myanmar Financial Services Report အရ သိရသည်။

သို့သော် မြန်မာနိုင်ငံတွင် လူဦးရေ၏ ၂၀ ရာခိုင်နှုန်းအောက်တွင်သာ ဘဏ်စာရင်း ရှိသည်ဟု ဆိုသည်။


ဖိုးသူတော်(www.phothutaw.com)
Credit:The Irrawaddy
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top