ေရတာရွည္ ေမ ၂၇ – ပဲခူးတိုင္းေဒသႀကီး၊ ေရတာရွည္ၿမိဳ႕နယ္၊ ရန္ကုန္-မႏၱေလးကားလမ္း ဆြာတိုးဂိတ္ႏွင့္လမ္းတေလ်ာက္အခ်ိဳ႕ေနရာမ်ားတြင္ ညအိပ္ရပ္နားသည့္ ကုန္တင္ယာဥ္မ်ားအား လုယက္မႈမ်ားျဖစ္ေပၚေန ေၾကာင္းသတင္းမ်ားထြက္ေပၚလ်က္ရွိရာ ေရတာရွည္၊ ဆြာ၊ သာဂရ၊ ၿမိဳ႕လွ၊ ေရနီၿမိဳ႕မ်ားရွိ ရဲစခန္းအသီးသီးမွ ညပိုင္းလွည့္ကင္းမ်ားျဖင့္ေဆာင္ရြက္ခဲ့ရာ ေမ ၂၆ ရက္ေန႔ နံနက္ ၄ နာရီအခ်ိန္ခန္႔ ေရတာရွည္ၿမိဳ႕၊ ေတာင္ဘက္ ၁ မိုင္ ၂ ဖာလံုခန္႔အကြာ ေရႊျပည္ကုန္းေက်းရြာအလြန္ မိုင္တိုင္ ၁၇၄/၃ ႏွင့္ ၄ အၾကား ကုန္တင္ယာဥ္ေမာင္းတစ္ဦီးအား ရိုက္ႏွက္ကာ ေငြႏွင့္ဖုန္းတစ္လံုးလုယက္ခံရေၾကာင္းသတင္းအရ ရဲတပ္ ဖြဲ႕မွ ျပစ္မႈက်ဴးလြန္သူမ်ားကိုအခ်ိန္တိုအတြင္းေဖၚထုတ္ဖမ္းဆီးႏိုင္ခဲ့ေၾကာင္းသိရသည္။

ကိုေသာင္းထုိက္စိုးသည္ ရန္ကုန္ၿမိဳ႕မွေန၍ သၾကားအိတ္ မ်ားတင္ေဆာင္ၿပီး ေတာင္ႀကီးၿမိဳ႕သို႔ ရန္ကုန္-မႏ္ၲေလးကားလမ္းအတိုင္းေမာင္းႏွင္လာစဥ္ ေရတာရွည္ၿမိဳ႕ ေတာင္ဘက္ အခင္းျဖစ္ေနရာအေရာက္ ကားအားရပ္၍ အေပါ့ဆင္းသြားခဲ့သည္။ ထုိစဥ္ အသက္ ၂၀ အရြယ္ခန္႔ မိန္းကေလးတစ္ဦးေရာက္ရွိလာကာ အလုပ္လုပ္အံုးမလားဟု ေမးျမန္းသည္ကုိ ျငင္းဆန္ခဲ့ရာ၊ လူ ၃ ဦးအေမွာင္ထဲမွထြက္လာၿပီး ၀ါးစိမ္းတုတ္မ်ားျဖင့္ရိုက္ႏွက္ခဲ့သည့္အတြက္ ဦးေခါင္းတြင္ ဖူးေယာင္ဒဏ္ရာတစ္ခ်က္၊ ၀ဲလက္ဖ်ံ၌ ပြန္းပဲ့ဒါဏ္ရာတစ္ခ်က္၊ ယာဘက္ေျခသလုံုးပြန္းပ့ဲဒါဏ္ရာတုိ႔ ရရွိခဲ့သည္။ ထုိ႔ေနာက္ ကိုင္ေဆာင္ထားသည့္ Huawei အမ်ိဳးအစားလက္ကိုင္ဖုန္း ၁ လံုး ႏွင့္ ေငြ ၈ ေသာင္းက်ပ္တို႔ကို လုယူကာ ထြက္ေျပးသြားခဲ့ၾကသည္။

ကားအား ဆက္လက္ေမာင္းႏွင္လာစဥ္ ေရတာရွည္ၿမိဳ႕အ၀င္တြင္ လွည့္ကင္းေဆာင္ရြက္လာသည့္ ရဲတပ္ဖြဲ႕၀င္ မ်ားအားေတြ႔၍ ျဖစ္စဥ္ကိုေျပာျပတုိင္တန္းခဲ့သည္။ ထုိ႔ေၾကာင့္ ရဲတပ္ဖြဲ႔မွ လိုက္လံပိတ္ဆို႔စံုစမ္းခဲ့ရာ နံနက္ ၅ နာရီခြဲအခ်ိန္တြင္ ျပစ္မႈက်ဴးလြန္ရာတြင္ပါ၀င္သူ သန္းျမတ္စိုး ၂၁ ႏွစ္၊ တံုးေခါင္း ေက်းရြာ၊ သာဂရၿမိဳ႕ေနသူအာ းေရတာရွည္ၿမိဳ႕ ေျမာက္ဘက္ေညာင္ပင္ကိုင္ေက်းရြာႏွင့္၀ါးေတာႀကီး ေက်း ရြာလမ္းဆံုအၾကား ကားလမ္းတြင္ဖမ္းဆီးရမိခဲ့သည္။

၄င္း၏အစစ္ခံထြက္ဆိုခ်က္မ်ားအရ ျပစ္မႈက်ဴးလြန္ ရာ၌ အုန္းသီး(ခ)ကိုမ်ိဳး ၃၅ ႏွစ္၊ အမတ္ႀကီးခံုေက်းရြာ၊ ဆြာၿမိဳ႕ ႏွင့္ ၄င္း၏ဇနီးျဖစ္သူ မစိုးစိုး ၁၉ ႏွစ္၊ ဦးႀကီး (ခ)သက္ေဇာ္ေအာင္ ၃၄ ႏွစ္တို႔ပါ၀င္ေၾကာင္းသိရ၍ ရဲတပ္ဖြဲ႕မွဆက္လက္ေဖၚထုတ္ဖမ္းဆီးခဲ့ရာ အုန္းသီး(ခ)ကိုမ်ိဳး၊ ၄င္း၏ဇနီးျဖစ္သူ မစိုးစိုး တို႔အား အမတ္ႀကီးခံုေက်းရြာမွလည္းေကာင္း၊ ဦးႀကီး(ခ) သက္ေဇာ္ေအာင္ အား သာဂရနယ္ေျမရဲစခန္းမွ စခန္းမွဴး ရဲအုပ္ ေအာင္ႏိုင္ဦး ႏွင့္အဖြဲ႕က တပ္ဖြဲ႕၀င္ မ်ားက တံုးေဂါင္းေက်းရြာမွလည္းေကာင္း အသီးသီးဖမ္းဆီးႏိုင္ခဲ့၍ ေရတာရွည္ၿမိဳ႕မရဲစခန္းမွ (ပ)၂၇၅/၂၀၁၉ ရာဇသတ္ႀကီးပုဒ္မ ၃၉၄ ျဖင့္အမႈဖြင့္စစ္ေဆးလ်က္ရွိေၾကာင္း သိရသည္။

ဖိုးသူေတာ္ (www.phothutaw.com)
Credit:ကိုလြင္(ဆြာ)


#Unicode Version# ျဖင့္ဖတ္ပါ ။

ရေတာရှည် မေ ၂၇ – ပဲခူးတိုင်းဒေသကြီး၊ ရေတာရှည်မြို့နယ်၊ ရန်ကုန်-မန္တလေးကားလမ်း ဆွာတိုးဂိတ်နှင့်လမ်းတလျောက်အချို့နေရာများတွင် ညအိပ်ရပ်နားသည့် ကုန်တင်ယာဉ်များအား လုယက်မှုများဖြစ်ပေါ်နေ ကြောင်းသတင်းများထွက်ပေါ်လျက်ရှိရာ ရေတာရှည်၊ ဆွာ၊ သာဂရ၊ မြို့လှ၊ ရေနီမြို့များရှိ ရဲစခန်းအသီးသီးမှ ညပိုင်းလှည့်ကင်းများဖြင့်ဆောင်ရွက်ခဲ့ရာ မေ ၂၆ ရက်နေ့ နံနက် ၄ နာရီအချိန်ခန့် ရေတာရှည်မြို့၊ တောင်ဘက် ၁ မိုင် ၂ ဖာလုံခန့်အကွာ ရွှေပြည်ကုန်းကျေးရွာအလွန် မိုင်တိုင် ၁၇၄/၃ နှင့် ၄ အကြား ကုန်တင်ယာဉ်မောင်းတစ်ဦးအား ရိုက်နှက်ကာ ငွေနှင့်ဖုန်းတစ်လုံးလုယက်ခံရကြောင်းသတင်းအရ ရဲတပ် ဖွဲ့မှ ပြစ်မှုကျူးလွန်သူများကိုအချိန်တိုအတွင်းဖေါ်ထုတ်ဖမ်းဆီးနိုင်ခဲ့ကြောင်းသိရသည်။

ကိုသောင်းထိုက်စိုးသည် ရန်ကုန်မြို့မှနေ၍ သကြားအိတ် များတင်ဆောင်ပြီး တောင်ကြီးမြို့သို့ ရန်ကုန်-မန်္တလေးကားလမ်းအတိုင်းမောင်းနှင်လာစဉ် ရေတာရှည်မြို့ တောင်ဘက် အခင်းဖြစ်နေရာအရောက် ကားအားရပ်၍ အပေါ့ဆင်းသွားခဲ့သည်။ ထိုစဉ် အသက် ၂၀ အရွယ်ခန့် မိန်းကလေးတစ်ဦးရောက်ရှိလာကာ အလုပ်လုပ်အုံးမလားဟု မေးမြန်းသည်ကို ငြင်းဆန်ခဲ့ရာ၊ လူ ၃ ဦးအမှောင်ထဲမှထွက်လာပြီး ဝါးစိမ်းတုတ်များဖြင့်ရိုက်နှက်ခဲ့သည့်အတွက် ဦးခေါင်းတွင် ဖူးယောင်ဒဏ်ရာတစ်ချက်၊ ဝဲလက်ဖျံ၌ ပွန်းပဲ့ဒါဏ်ရာတစ်ချက်၊ ယာဘက်ခြေသလုံးပွန်းပဲ့ဒါဏ်ရာတို့ ရရှိခဲ့သည်။ ထို့နောက် ကိုင်ဆောင်ထားသည့် Huawei အမျိုးအစားလက်ကိုင်ဖုန်း ၁ လုံး နှင့် ငွေ ၈ သောင်းကျပ်တို့ကို လုယူကာ ထွက်ပြေးသွားခဲ့ကြသည်။

ကားအား ဆက်လက်မောင်းနှင်လာစဉ် ရေတာရှည်မြို့အဝင်တွင် လှည့်ကင်းဆောင်ရွက်လာသည့် ရဲတပ်ဖွဲ့ဝင် များအားတွေ့၍ ဖြစ်စဉ်ကိုပြောပြတိုင်တန်းခဲ့သည်။ ထို့ကြောင့် ရဲတပ်ဖွဲ့မှ လိုက်လံပိတ်ဆို့စုံစမ်းခဲ့ရာ နံနက် ၅ နာရီခွဲအချိန်တွင် ပြစ်မှုကျူးလွန်ရာတွင်ပါဝင်သူ သန်းမြတ်စိုး ၂၁ နှစ်၊ တုံးခေါင်း ကျေးရွာ၊ သာဂရမြို့နေသူအာ းရေတာရှည်မြို့ မြောက်ဘက်ညောင်ပင်ကိုင်ကျေးရွာနှင့်ဝါးတောကြီး ကျေး ရွာလမ်းဆုံအကြား ကားလမ်းတွင်ဖမ်းဆီးရမိခဲ့သည်။

၎င်း၏အစစ်ခံထွက်ဆိုချက်များအရ ပြစ်မှုကျူးလွန် ရာ၌ အုန်းသီး(ခ)ကိုမျိုး ၃၅ နှစ်၊ အမတ်ကြီးခုံကျေးရွာ၊ ဆွာမြို့ နှင့် ၎င်း၏ဇနီးဖြစ်သူ မစိုးစိုး ၁၉ နှစ်၊ ဦးကြီး (ခ)သက်ဇော်အောင် ၃၄ နှစ်တို့ပါဝင်ကြောင်းသိရ၍ ရဲတပ်ဖွဲ့မှဆက်လက်ဖေါ်ထုတ်ဖမ်းဆီးခဲ့ရာ အုန်းသီး(ခ)ကိုမျိုး၊ ၎င်း၏ဇနီးဖြစ်သူ မစိုးစိုး တို့အား အမတ်ကြီးခုံကျေးရွာမှလည်းကောင်း၊ ဦးကြီး(ခ) သက်ဇော်အောင် အား သာဂရနယ်မြေရဲစခန်းမှ စခန်းမှူး ရဲအုပ် အောင်နိုင်ဦး နှင့်အဖွဲ့က တပ်ဖွဲ့ဝင် များက တုံးဂေါင်းကျေးရွာမှလည်းကောင်း အသီးသီးဖမ်းဆီးနိုင်ခဲ့၍ ရေတာရှည်မြို့မရဲစခန်းမှ (ပ)၂၇၅/၂၀၁၉ ရာဇသတ်ကြီးပုဒ်မ ၃၉၄ ဖြင့်အမှုဖွင့်စစ်ဆေးလျက်ရှိကြောင်း သိရသည်။

ဖိုးသူတော် (www.phothutaw.com)
Credit:ကိုလွင်(ဆွာ)
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top