ထိုင္း-ျမန္မာနယ္စပ္ ရွမ္းျပည္နယ္ (အေရွ႕ပိုင္း) တာခ်ီလိတ္ၿမိဳ႕ ပါဆတ္ရပ္ကြက္တြင္ ေမလ ၂၆ ရက္ ညေန ၆ နာရီ ၁၅ မိနစ္ခန္႔က လမ္းေလွ်ာက္လာသည့္ အမ်ဳိးသားတစ္ဦးထံမွ မူးယစ္ေဆးဝါးမ်ား ဖမ္းဆီးရမိေၾကာင္း တာခ်ီလိတ္ၿမိဳ႕ မူးယစ္တပ္ဖြဲ႔စု (၃၀) ထံမွ သိရသည္။

“သတင္းအရ လမ္းၾကားထဲမွာေစာင့္ေနခ်ိန္ သူ႔ေက်ာပိုးအိတ္ထဲကေန ဘိန္းစိမ္းကို က်ိဳခ်က္ထားတဲ့ အဆင့္နိမ့္ဘိန္းနဲ႔ ဘိန္းက်ိဳတဲ့ ဒန္အိုးကို ဖမ္းမိခဲ့တယ္”ဟု က်ဳိင္းတံုၿမိဳ႕ ျပည္နယ္ဒုတိယ ရဲတပ္ဖြဲ႔မွဴး႐ံုးမွ ရဲအရာရိွတစ္ဦးက ေျပာၾကားသည္။

အဆိုပါျဖစ္စဥ္တြင္ ထြန္းထြန္းေအာင္ (ခ) ေလာ္မန္ (၂၉ ႏွစ္) ထံမွ က်ပ္ ၇၅၀၀၀၀ တန္ဖိုးရိွ က်ိဳခ်က္ၿပီး ဘိန္းစိမ္း ၇၅၀ ဂရမ္ခန္႔ႏွင့္ ဘိန္းက်ိဳခ်က္သည့္ ဒန္အိုးတစ္လံုးတို႔ ဖမ္းဆီးရမိခဲ့၍ ၎ကို မယ (ပ)၇/၂၀၁၉၊ မူး/စိတ္ ပုဒ္မ-၁၉ (က) ျဖင့္ အေရးယူထားေၾကာင္း တာခ်ီလိတ္ၿမိဳ႕မရဲစခန္းထံမွ သိရသည္။

ဖိုးသူေတာ္(www.phothutaw.com)
Credit:Thevoicemyanmar

#Unicode Version#
ထိုင်း-မြန်မာနယ်စပ် ရှမ်းပြည်နယ် (အရှေ့ပိုင်း) တာချီလိတ်မြို့ ပါဆတ်ရပ်ကွက်တွင် မေလ ၂၆ ရက် ညနေ ၆ နာရီ ၁၅ မိနစ်ခန့်က လမ်းလျှောက်လာသည့် အမျိုးသားတစ်ဦးထံမှ မူးယစ်ဆေးဝါးများ ဖမ်းဆီးရမိကြောင်း တာချီလိတ်မြို့ မူးယစ်တပ်ဖွဲ့စု (၃၀) ထံမှ သိရသည်။

“သတင်းအရ လမ်းကြားထဲမှာစောင့်နေချိန် သူ့ကျောပိုးအိတ်ထဲကနေ ဘိန်းစိမ်းကို ကျိုချက်ထားတဲ့ အဆင့်နိမ့်ဘိန်းနဲ့ ဘိန်းကျိုတဲ့ ဒန်အိုးကို ဖမ်းမိခဲ့တယ်”ဟု ကျိုင်းတုံမြို့ ပြည်နယ်ဒုတိယ ရဲတပ်ဖွဲ့မှူးရုံးမှ ရဲအရာရှိတစ်ဦးက ပြောကြားသည်။

အဆိုပါဖြစ်စဉ်တွင် ထွန်းထွန်းအောင် (ခ) လော်မန် (၂၉ နှစ်) ထံမှ ကျပ် ၇၅၀၀၀၀ တန်ဖိုးရှိ ကျိုချက်ပြီး ဘိန်းစိမ်း ၇၅၀ ဂရမ်ခန့်နှင့် ဘိန်းကျိုချက်သည့် ဒန်အိုးတစ်လုံးတို့ ဖမ်းဆီးရမိခဲ့၍ ၎င်းကို မယ (ပ)၇/၂၀၁၉၊ မူး/စိတ် ပုဒ်မ-၁၉ (က) ဖြင့် အရေးယူထားကြောင်း တာချီလိတ်မြို့မရဲစခန်းထံမှ သိရသည်။

ဖိုးသူတော်(www.phothutaw.com)
Credit:Thevoicemyanmar
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top