အေမရိကန္ျပည္ေထာင္စု ရွီကာဂိုၿမိဳ႕၌ သားအမိႏွစ္ဦးသည္ ကိုယ္ဝန္ေဆာင္အမ်ိဳးသမီးတစ္ဦးကို လည္ပင္းညစ္သတ္ကာ ကိုယ္ဝန္ေဆာင္၏ ဗိုက္ကို သားလွီးဓားျဖင့္ခြဲ၍ သေႏၶသားထုတ္ယူခဲ့ေၾကာင္း ဥပေဒအရာရွိမ်ားက ေမ ၁၆ ရက္တြင္ေျပာသည္။

ကလာရစ္ဆာ ဖီဂူ႐ိုယာႏွင့္သမီးျဖစ္သူ ဒဲဆရီတို႔သည္ အသက္ ၁၉ ႏွစ္အ႐ြယ္ ကိုယ္ဝန္ေဆာင္ မာလန္ အိုခ်ိဳယာ-လိုပက္ဇ္ကို ေဖ့စ္ဘြတ္ခ္မွတစ္ဆင့္ ဆက္သြယ္ၿပီး ကေလးအဝတ္အစားေပးလိုေသာေၾကာင့္ ေနအိမ္သို႔လာေရာက္ရန္ ဖိတ္ေခၚခဲ့သည္။

ေနအိမ္သို႔ေရာက္ရွိခ်ိန္တြင္ သမီးျဖစ္သူက အိုခ်ိဳယာ-လိုပက္ဇ္ကို ဓာတ္ပုံအယ္လ္ဘမ္ျပၿပီး အာ႐ုံလႊဲထားခ်ိန္၌ မိခင္ျဖစ္သူ ကလာရစ္ဆာက ႀကိဳးျဖင့္ လည္ပင္းညႇစ္သတ္ခဲ့ေၾကာင္း ဥပေဒအရာရွိ ဂ်င္မာဖီက ဆိုသည္။အိုခ်ိဳယာ-လိုပက္ဇ္ အသက္မရွဴေတာ့သည့္ေနာက္

ကလာရစ္ဆာက သားလွီးဓားျဖင့္ ဗိုက္ခြဲကာ သေႏၶသားကို ထုတ္ယူ၍ ကေလးငယ္ကို ေရပုံးထဲထည့္ထားခဲ့သည္။ယင္းေနာက္ ကလာရစ္ဆာသည္ အေရးေပၚဌာနသို႔ဖုန္းဆက္ၿပီး ယခုေလးတင္ ကေလးေမြးဖြားၿပီးေသာေၾကာင့္ အေရးေပၚလူနာတင္ယာဥ္လႊတ္ေပးရန္ ေျပာဆိုခဲ့သည္။

ေဆး႐ုံသို႔ေရာက္ရွိၿပီးေနာက္ ဆရာဝန္မ်ားက စစ္ေဆးခဲ့ရာ ကလာရစ္ဆာသည္ ကေလးေမြးဖြားၿပီးခါစလကၡဏာမ်ားမရွိသည္ကို သတိထားမိခဲ့သည္။

ကလာရစ္ဆာ၏လက္ေမာင္းတြင္လည္း ေသြးမ်ားေပက်ံေနသည္ကို ဆရာဝန္မ်ားသတိထားမိခဲ့ကာ ေနာက္ပိုင္းတြင္ အာဏာပိုင္မ်ားစစ္ေဆးခ်က္အရ ယင္းေသြးမ်ားသည္ အိုခ်ိဳယာ-လိုပက္ဇ္၏ေသြးမ်ားျဖစ္ေၾကာင္း သိရွိခဲ့ရသည္ဟု ဥပေဒအရာရွိမ်ားက ေျပာသည္။

ေယာက်ာ္းေလးျဖစ္ေသာ ကေလးငယ္သည္ ေမ ၁၆ ရက္အထိ အေျခအေနစိုးရိမ္ေနရဆဲျဖစ္ေၾကာင္း ရဲတပ္ဖြဲ႕ကေျပာဆိုခဲ့သည္။

ဧၿပီ ၂၃ ရက္တြင္ အခင္းျဖစ္ပြားခဲ့ျခင္းျဖစ္ၿပီး ကလာရစ္ဆာႏွင့္ သမီးျဖစ္သူတို႔သည္ အိုခ်ိဳယာ-လိုပက္ဇ္၏႐ုပ္အေလာင္းကို ေစာင္ျဖင့္ပတ္၊ပလတ္စတစ္အိတ္ျဖင့္ ထုပ္ၿပီး လူျပတ္ေသာအမႈိက္ပုံတစ္ခုတြင္စြန္႔ပစ္ခဲ့ၾကသည္။အိုခ်ိဳယာ-လိုပက္ဇ္ေပ်ာက္ဆုံးၿပီး သုံးပတ္အၾကာတြင္ ဖမ္းဆီးမႈျပဳလုပ္ခဲ့ျခင္းျဖစ္သည္။

ရဲတပ္ဖြဲ႕ဝင္မ်ားသည္ ကနဦးတြင္ အိုခ်ိဳယာလိုပက္ဇ္ေပ်ာက္ဆုံးမႈႏွင့္ အေရးေပၚတယ္လီဖုန္းဆက္သြယ္မႈတို႔ၾကား ဆက္စပ္မႈကိုမသိရွိခဲ့ေခ်။

ေမ ၇ ရက္တြင္ အိုခ်ိဳယာ-လိုပက္ဇ္၏သူငယ္ခ်င္းမ်ားက လူမႈမီဒီယာတြင္ ကလာရစ္ဆာ ဖီဂူ႐ိုယာႏွင့္ ၎တို႔၏ကိုယ္ဝန္ေဆာင္သူငယ္ခ်င္းတို႔ အဆက္အသြယ္ရွိခဲ့ၾကေၾကာင္း စုံေထာက္မ်ားကိုေျပာဆိုခဲ့ၿပီးေနာက္ ရဲတပ္ဖြဲ႕ဝင္မ်ား ကလာရစ္ဆာတို႔၏ေနအိမ္ကိုသြားေရာက္ကာ ဖမ္းဆီးခဲ့ျခင္းျဖစ္သည္။

ဖိုးသူေတာ္(www.phothutaw.com)
Credit:The Myanmar Times

#Unicode Version#
အမေရိကန်ပြည်ထောင်စု ရှီကာဂိုမြို့၌ သားအမိနှစ်ဦးသည် ကိုယ်ဝန်ဆောင်အမျိုးသမီးတစ်ဦးကို လည်ပင်းညစ်သတ်ကာ ကိုယ်ဝန်ဆောင်၏ ဗိုက်ကို သားလှီးဓားဖြင့်ခွဲ၍ သန္ဓေသားထုတ်ယူခဲ့ကြောင်း ဥပဒေအရာရှိများက မေ ၁၆ ရက်တွင်ပြောသည်။

ကလာရစ်ဆာ ဖီဂူရိုယာနှင့်သမီးဖြစ်သူ ဒဲဆရီတို့သည် အသက် ၁၉ နှစ်အရွယ် ကိုယ်ဝန်ဆောင် မာလန် အိုချိုယာ-လိုပက်ဇ်ကို ဖေ့စ်ဘွတ်ခ်မှတစ်ဆင့် ဆက်သွယ်ပြီး ကလေးအဝတ်အစားပေးလိုသောကြောင့် နေအိမ်သို့လာရောက်ရန် ဖိတ်ခေါ်ခဲ့သည်။

နေအိမ်သို့ရောက်ရှိချိန်တွင် သမီးဖြစ်သူက အိုချိုယာ-လိုပက်ဇ်ကို ဓာတ်ပုံအယ်လ်ဘမ်ပြပြီး အာရုံလွှဲထားချိန်၌ မိခင်ဖြစ်သူ ကလာရစ်ဆာက ကြိုးဖြင့် လည်ပင်းညှစ်သတ်ခဲ့ကြောင်း ဥပဒေအရာရှိ ဂျင်မာဖီက ဆိုသည်။အိုချိုယာ-လိုပက်ဇ် အသက်မရှူတော့သည့်နောက်

ကလာရစ်ဆာက သားလှီးဓားဖြင့် ဗိုက်ခွဲကာ သန္ဓေသားကို ထုတ်ယူ၍ ကလေးငယ်ကို ရေပုံးထဲထည့်ထားခဲ့သည်။ယင်းနောက် ကလာရစ်ဆာသည် အရေးပေါ်ဌာနသို့ဖုန်းဆက်ပြီး ယခုလေးတင် ကလေးမွေးဖွားပြီးသောကြောင့် အရေးပေါ်လူနာတင်ယာဉ်လွှတ်ပေးရန် ပြောဆိုခဲ့သည်။

ဆေးရုံသို့ရောက်ရှိပြီးနောက် ဆရာဝန်များက စစ်ဆေးခဲ့ရာ ကလာရစ်ဆာသည် ကလေးမွေးဖွားပြီးခါစလက္ခဏာများမရှိသည်ကို သတိထားမိခဲ့သည်။

ကလာရစ်ဆာ၏လက်မောင်းတွင်လည်း သွေးများပေကျံနေသည်ကို ဆရာဝန်များသတိထားမိခဲ့ကာ နောက်ပိုင်းတွင် အာဏာပိုင်များစစ်ဆေးချက်အရ ယင်းသွေးများသည် အိုချိုယာ-လိုပက်ဇ်၏သွေးများဖြစ်ကြောင်း သိရှိခဲ့ရသည်ဟု ဥပဒေအရာရှိများက ပြောသည်။

ယောကျာ်းလေးဖြစ်သော ကလေးငယ်သည် မေ ၁၆ ရက်အထိ အခြေအနေစိုးရိမ်နေရဆဲဖြစ်ကြောင်း ရဲတပ်ဖွဲ့ကပြောဆိုခဲ့သည်။

ဧပြီ ၂၃ ရက်တွင် အခင်းဖြစ်ပွားခဲ့ခြင်းဖြစ်ပြီး ကလာရစ်ဆာနှင့် သမီးဖြစ်သူတို့သည် အိုချိုယာ-လိုပက်ဇ်၏ရုပ်အလောင်းကို စောင်ဖြင့်ပတ်၊ပလတ်စတစ်အိတ်ဖြင့် ထုပ်ပြီး လူပြတ်သောအမှိုက်ပုံတစ်ခုတွင်စွန့်ပစ်ခဲ့ကြသည်။အိုချိုယာ-လိုပက်ဇ်ပျောက်ဆုံးပြီး သုံးပတ်အကြာတွင် ဖမ်းဆီးမှုပြုလုပ်ခဲ့ခြင်းဖြစ်သည်။

ရဲတပ်ဖွဲ့ဝင်များသည် ကနဦးတွင် အိုချိုယာလိုပက်ဇ်ပျောက်ဆုံးမှုနှင့် အရေးပေါ်တယ်လီဖုန်းဆက်သွယ်မှုတို့ကြား ဆက်စပ်မှုကိုမသိရှိခဲ့ချေ။

မေ ၇ ရက်တွင် အိုချိုယာ-လိုပက်ဇ်၏သူငယ်ချင်းများက လူမှုမီဒီယာတွင် ကလာရစ်ဆာ ဖီဂူရိုယာနှင့် ၎င်းတို့၏ကိုယ်ဝန်ဆောင်သူငယ်ချင်းတို့ အဆက်အသွယ်ရှိခဲ့ကြကြောင်း စုံထောက်များကိုပြောဆိုခဲ့ပြီးနောက် ရဲတပ်ဖွဲ့ဝင်များ ကလာရစ်ဆာတို့၏နေအိမ်ကိုသွားရောက်ကာ ဖမ်းဆီးခဲ့ခြင်းဖြစ်သည်။



ဖိုးသူတော်(www.phothutaw.com)
Credit:The Myanmar Times
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top