လက္ရွိ႐ုံတင္ျပသေနေသာ အာလာဒင္ ႐ုပ္ရွင္ဇာတ္ကားတြင္ ပါရွိသည့္ ဘုရင္ဆူလ္တန္၏ နန္းေတာ္အျဖစ္ ႐ိုက္ကူးျပသေသာ ႐ိုက္ကြင္းေနရာမွာ ျမန္မာဘုန္းေတာ္ႀကီးေက်ာင္း တစ္ခုျဖစ္သည္ဟု ew.com ဝက္ဘ္ဆိုက္က ေဖာ္ျပထားသည္။

အာလာဒင္ဇာတ္ကားတြင္ ပါဝင္သည့္ ဘုရင္ဆူလ္တန္၏ နန္းေတာ္ေနရာကို စနစ္တက် ၾကည့္ရႈမည္ဆိုပါက ျမန္မာမႈ ကႏုတ္လက္ရာမ်ားကို ဂုဏ္ယူဖြယ္ရာ ျမင္ေတြ႔ၾကရလိမ့္မည္ျဖစ္ၿပီး အာလာဒင္မွာ အေရွ႕အလယ္ပိုင္းေဒသ ႐ိုးရာပုံျပင္တစ္ပုဒ္ျဖစ္ေနျခင္း၊ ဒစၥေနး ႐ုပ္ရွင္ထုတ္လုပ္ေရး၏တင္ဆက္ပုံ ေသသပ္ေနျခင္းတို႔ေၾကာင့္ ဆူလ္တန္ဘုရင္၏ နန္းေတာ္ေနရာအျဖစ္ ျမန္မာဘုန္းေတာ္ႀကီးေက်ာင္းကို အသုံးျပဳထားသည္ဆိုျခင္းမွာ အခ်က္အလက္ ခိုင္မာစြာ မသိရွိပါက ဇေဝဇဝါျဖစ္ဖြယ္ရာပင္ ေကာင္းလြန္းလ်က္ရွိသည္။

ew.com ဝက္ဘ္ဆိုက္တြင္ ဝင္ေရာက္ၾကည့္ရႈေလ့လာမည္ဆိုပါ အလာဒင္႐ုပ္ရွင္အတြက္ ဆက္တင္ႏွင့္ ႐ိုက္ကြင္းဆိုင္ရာ အခန္းက႑တြင္ “ေမာ္႐ိုကိုႏိုင္ငံရွိ မယ္ရာကတ္ရွ္ၿမိဳ႕ေဈးမ်ားမွေန၍ ျမန္မာျပည္ရွိ ဘုန္းေတာ္ႀကီးေက်ာင္းမ်ားအထိ”ဟူေသာ ရည္ၫႊန္းခ်က္ကို ျမင္ေတြ႔ၾကရလိမ့္မည္ျဖစ္ၿပီး ဆူလ္တန္၏ နန္းေတာ္ေနရာအျဖစ္ ဖန္တီးရန္ ျမန္မာဘုန္းေတာ္ႀကီးကို ရွာေဖြေတြ႔ရွိခဲ့သူမွာ အာလာဒင္႐ုပ္ရွင္ကား၏ ထုတ္လုပ္ေရးဒီဇိုင္နာ ဂမ္မာဂ်က္ဆန္ျဖစ္သည္။

ew.com ဝက္ဘ္ဆိုက္ႏွင့္ ေတြ႔ဆုံေမးျမန္းခန္းတြင္လည္း ဂမ္မာဂ်က္ဆန္က “ကြၽန္မ နန္းေတာ္ဒီဇိုင္းအတြက္ ေရွးေဟာင္း အေဆာက္အအုံတစ္ခုကို ရွာေဖြခဲ့ပါတယ္။ ဆူလ္တန္ရဲ႕ နန္းေတာ္ေနရာဟာ သက္တမ္းရွည္ၾကာၿပီး ေ႐ႊပိန္းခ်ထားတဲ့ သစ္သားေတြနဲ႔ တည္ေဆာက္ထားတဲ့ ျမန္မာဘုန္းေတာ္ႀကီးေက်ာင္းပါ”ဟု ဖြင့္ဟအသိေပးသြားခဲ့သည္။

ဖိုးသူေတာ္(www.phothutaw.com)
Credit:Thevoicemyanmar

#Unicode Version#
လက်ရှိရုံတင်ပြသနေသော အာလာဒင် ရုပ်ရှင်ဇာတ်ကားတွင် ပါရှိသည့် ဘုရင်ဆူလ်တန်၏ နန်းတော်အဖြစ် ရိုက်ကူးပြသသော ရိုက်ကွင်းနေရာမှာ မြန်မာဘုန်းတော်ကြီးကျောင်း တစ်ခုဖြစ်သည်ဟု ew.com ဝက်ဘ်ဆိုက်က ဖော်ပြထားသည်။

အာလာဒင်ဇာတ်ကားတွင် ပါဝင်သည့် ဘုရင်ဆူလ်တန်၏ နန်းတော်နေရာကို စနစ်တကျ ကြည့်ရှုမည်ဆိုပါက မြန်မာမှု ကနုတ်လက်ရာများကို ဂုဏ်ယူဖွယ်ရာ မြင်တွေ့ကြရလိမ့်မည်ဖြစ်ပြီး အာလာဒင်မှာ အရှေ့အလယ်ပိုင်းဒေသ ရိုးရာပုံပြင်တစ်ပုဒ်ဖြစ်နေခြင်း၊ ဒစ္စနေး ရုပ်ရှင်ထုတ်လုပ်ရေး၏တင်ဆက်ပုံ သေသပ်နေခြင်းတို့ကြောင့် ဆူလ်တန်ဘုရင်၏ နန်းတော်နေရာအဖြစ် မြန်မာဘုန်းတော်ကြီးကျောင်းကို အသုံးပြုထားသည်ဆိုခြင်းမှာ အချက်အလက် ခိုင်မာစွာ မသိရှိပါက ဇဝေဇဝါဖြစ်ဖွယ်ရာပင် ကောင်းလွန်းလျက်ရှိသည်။

ew.com ဝက်ဘ်ဆိုက်တွင် ဝင်ရောက်ကြည့်ရှုလေ့လာမည်ဆိုပါ အလာဒင်ရုပ်ရှင်အတွက် ဆက်တင်နှင့် ရိုက်ကွင်းဆိုင်ရာ အခန်းကဏ္ဍတွင် “မော်ရိုကိုနိုင်ငံရှိ မယ်ရာကတ်ရှ်မြို့ဈေးများမှနေ၍ မြန်မာပြည်ရှိ ဘုန်းတော်ကြီးကျောင်းများအထိ”ဟူသော ရည်ညွှန်းချက်ကို မြင်တွေ့ကြရလိမ့်မည်ဖြစ်ပြီး ဆူလ်တန်၏ နန်းတော်နေရာအဖြစ် ဖန်တီးရန် မြန်မာဘုန်းတော်ကြီးကို ရှာဖွေတွေ့ရှိခဲ့သူမှာ အာလာဒင်ရုပ်ရှင်ကား၏ ထုတ်လုပ်ရေးဒီဇိုင်နာ ဂမ်မာဂျက်ဆန်ဖြစ်သည်။

ew.com ဝက်ဘ်ဆိုက်နှင့် တွေ့ဆုံမေးမြန်းခန်းတွင်လည်း ဂမ်မာဂျက်ဆန်က “ကျွန်မ နန်းတော်ဒီဇိုင်းအတွက် ရှေးဟောင်း အဆောက်အအုံတစ်ခုကို ရှာဖွေခဲ့ပါတယ်။ ဆူလ်တန်ရဲ့ နန်းတော်နေရာဟာ သက်တမ်းရှည်ကြာပြီး ရွှေပိန်းချထားတဲ့ သစ်သားတွေနဲ့ တည်ဆောက်ထားတဲ့ မြန်မာဘုန်းတော်ကြီးကျောင်းပါ”ဟု ဖွင့်ဟအသိပေးသွားခဲ့သည်။

ဖိုးသူတော်(www.phothutaw.com)
Credit:Thevoicemyanmar
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top