ရန္ကင္း ဆီဒိုးနားဟိုတယ္အနီး Star Villa (Sunian Park) ကြန္ဒိုအေရာင္းျပပြဲ
×

၁၉၈၅ ကတည္းက ရုိက္ကူးခဲ့တဲ့ သၾကၤန္မိုးဇတ္ကားဆုိတာ ျမန္မာ့ရုပ္ရွင္ ေလာကမွာ ဂႏၲ၀င္ကားဆုိတဲ့ဘြဲ႕နဲ႕ အေကာင္းဆုံးရပ္ တည္ခဲ့တာ ယေန႕တုိင္ ပါ။

ကိုၿငိမ္းေမာင္အိမ္ ပ်ဥ္ဝင္းတံခါးေလး … သံဇကာကြက္ျဖင့္ ျပန္အုပ္ထားသည္

ဒီဇတ္ကားထဲမွာပါတဲ့ ကုိျငိမ္းေမာင္အိမ္ ေလးကုိ ကြ်န္ေတာ္ဒီေန႕ အလည္ တစ္ေခါက္ေရာက္ခဲ့ရင္း သႀကၤန္မိုး ရုပ္ရွင္အေၾကာင္း ေရွးေဟာင္ ေႏွာင္းျဖစ္ ဦးကိုႀကီးနဲ႔ စကားလက္ဆုံ က်ခဲ့ပါတယ္။ အိမ္ရဲ့တည္ေနရာဟာ (၁၁) လမ္း (၇၉) လမ္းေထာင့္ ၊ သူရဲေစ်းဘူတာ ရဲ့အေရွ႕ဖက္ လမ္းဆုံေနရာ ေလးမွာ ရွိေနပါတယ္။

ကိုၿငိမ္းေမာင္ စားပြဲႏွင့္ ခုံတန္းရွည္ ထားခဲ့ေသာ ျပတင္းေပါက္ႏွင့္ ထရံကာ အိမ္ခန္း

အိမ္ေလးဟာ နဂုိက ပ်ဥ္၊ ထရံေတြနဲ႕ေဆာက္ထားၿပီး ယခင္က တစ္ထပ္တည္းျဖစ္ေပမဲ့ ၁၉၉၀ ေက်ာ္ေလာက္မွာ (၂) ထပ္ျမင့္ၿပီး ေဆာက္ ထားတာ ေတြ႕ရတယ္။အိမ္ေရွ႕က ပိေတာက္ ပင္ဟာ ႏွစ္ေပါင္း ၃၅ ႏွစ္ေလာက္ ျဖတ္သန္းခဲ့ရၿပီဆုိေတာ့ အခုဆုိရင္သစ္ပင္ၾကီးတစ္ပင္ ေကာင္းေကာင္း ျဖစ္ေန ပါၿပီ။

မူလေအာက္ထပ္ကို အေပၚထပ္တက္ထားေသာ အိမ္ႏွင့္မ်က္ႏွာစာ

အိမ္၀င္းတံခါးေလးကေတာ့ ကုိျငိမ္းေမာင္ အရက္ထြက္၀ယ္တုန္းက တံခါး ေလးအျဖစ္ အခုထိရွိေနေသးတယ္။ အဲဒီရုပ္ရွင္ကားက ဘာလုိ႕လူၾကိဳက္မ်ားရသလဲဆုိေတာ့ မႏၲေလးပုံရိပ္၊ မႏၲေလးသူ မႏၲေလးသားတုိ႕ရဲ့ ယဥ္ေက်းမွဳေတြကုိ ညြွန္းၿပီး ၊ အခ်စ္ဇတ္လမ္းကုိ ဒုတိယေနရာထားရုိက္ကူးလုိ႔ပဲျဖစ္ ပါတယ္။

မႏၲေလးေတာင္ေျခ ျခေသၤ့ႀကီး ၂ ေကာင္

ထီးမူနန္းမူ ျမန္မာ့ယဥ္ေက်းမွဳနဲ႕ ေခတ္အဆက္ဆက္ ေနထိုိင္လာၾကတဲ့ မႏၲေလးသားတုိ႕အတြက္ ျမန္မာႏုိင္ငံ ရဲ့သၾကၤန္ ဆုိရင္ မႏၲေလးကသာ ထိပ္ဆုံးေနရာက ရပ္တည္ေနတာကုိ မႏၲေလးသားဒါရုိက္တာဦးတင္ဦး ၊ ထုတ္လုပ္သူ ဦးေဇာ္ျမင့္တုိ႕က ခ် ျပလုိက္ တဲ့အတြက္ ပီျပင္ၿပီး ေအာင္ျမင္တဲ့ဇတ္ကား တစ္ကားျဖစ္ခဲ့ ပါတယ္။

ဇတ္ဝင္ခန္းထဲက ကုသိုလ္ေတာ္

ဥပမာ အဲဒီေခတ္က အႏုပညာသမားကုိျငိမ္းေမာင္ရဲ့ အိမ္၊ ေရႊေျခခ်င္းေတြ ၀တ္တတ္ တဲ့ မႏၲေလးသူတုိ႕ရဲ႕ ယဥ္ေက်းမွု၊ စကားေျပာရင္ ကြ်န္ေတာ္၊ကြ်န္ေတာ္လုိ႕သာ ေျပာတတ္တဲ့ မႏၲေလးသူတို႕ရဲ႕ အသုံး၊ ( အဲ့ဒီ အသုံးႏႈန္း အတြက္ ဆင္ဆာက ခြင့္မျပဳဘဲ ျပန္ျပင္ေပးဖို႔ ေတာင္းဆိုခဲ့တာ ဦးေဇာ္ျမင့္ က မႏၲေလးသူေတြရဲ႕ မူလအသုံးျဖစ္လို႔ ျပင္ရင္ရသပ်က္မယ္၊ မျပင္ႏိူင္ျငင္းလို႔ ဆင္ဆာမေအာင္၊ လူႀကီးေျပာင္းေတာ့မွ ဆင္ဆာေအာင္သြားတဲ့ ဇတ္ကားရဲ႕ အမွတ္တရ) စက္ဘီးစီးၾကတဲ့ၿမိဳ႕၊ ကုသုိလ္ေတာ္ အတုမရွိေက်ာင္း ၊ ေစ်းခ်ိဳ၊ မႏၲေလးက်ုံး ၊ မႏၲေလးသၾကၤန္နဲ႕ၿမိဳ႕မ ေတြကုိ ေသခ်ာခ်ျပသြားတဲ့အျပင္ အဲဒီဇတ္ကားထဲက ပါတဲ႕ဇတ္၀င္ ေတးေတြဟာ သၾကၤန္ေရာက္ၿပီဆုိတာနဲ႕ အဆုိေတာ္ ေတြသာ ေျပာင္းသြားမယ္ သီခ်င္းေတြကေတာ့ ေျပာင္းမသြားတာ ဒီေန႕ထိပါ ပဲ။

စႏၵာမုနိဘုရား



ျမင္းလွည္းဆရာမ်ား မမထားကို ပို႔ထားခဲ့သည့္ အတုမရွိေက်ာင္းေတာ္
သက္ေထြးတို႔၏ ၿမိဳ႕မတီးဝိုင္း
ၿမိဳ႕မရုံးခန္းေရွ႔

ဖိုးသူေတာ္(www.phothutaw.com)
Credit:သုခုမအလင္းတန္းမ်ား
#Unicode Version#
၁၉၈၅ ကတည်းက ရိုက်ကူးခဲ့တဲ့ သြင်္ကန်မိုးဇတ်ကားဆိုတာ မြန်မာ့ရုပ်ရှင် လောကမှာ ဂန္တဝင်ကားဆိုတဲ့ဘွဲ့နဲ့ အကောင်းဆုံးရပ် တည်ခဲ့တာ ယနေ့တိုင် ပါ။
ကိုငြိမ်းမောင်အိမ် ပျဉ်ဝင်းတံခါးလေး … သံဇကာကွက်ဖြင့် ပြန်အုပ်ထားသည်

ဒီဇတ်ကားထဲမှာပါတဲ့ ကိုငြိမ်းမောင်အိမ် လေးကို ကျွန်တော်ဒီနေ့ အလည် တစ်ခေါက်ရောက်ခဲ့ရင်း သြင်္ကန်မိုး ရုပ်ရှင်အကြောင်း ရှေးဟောင် နှောင်းဖြစ် ဦးကိုကြီးနဲ့ စကားလက်ဆုံ ကျခဲ့ပါတယ်။ အိမ်ရဲ့တည်နေရာဟာ (၁၁) လမ်း (၇၉) လမ်းထောင့် ၊ သူရဲဈေးဘူတာ ရဲ့အရှေ့ဖက် လမ်းဆုံနေရာ လေးမှာ ရှိနေပါတယ်။
ကိုငြိမ်းမောင် စားပွဲနှင့် ခုံတန်းရှည် ထားခဲ့သော ပြတင်းပေါက်နှင့် ထရံကာ အိမ်ခန်း

အိမ်လေးဟာ နဂိုက ပျဉ်၊ ထရံတွေနဲ့ဆောက်ထားပြီး ယခင်က တစ်ထပ်တည်းဖြစ်ပေမဲ့ ၁၉၉၀ ကျော်လောက်မှာ (၂) ထပ်မြင့်ပြီး ဆောက် ထားတာ တွေ့ရတယ်။အိမ်ရှေ့က ပိတောက် ပင်ဟာ နှစ်ပေါင်း ၃၅ နှစ်လောက် ဖြတ်သန်းခဲ့ရပြီဆိုတော့ အခုဆိုရင်သစ်ပင်ကြီးတစ်ပင် ကောင်းကောင်း ဖြစ်နေ ပါပြီ။
မူလအောက်ထပ်ကို အပေါ်ထပ်တက်ထားသော အိမ်နှင့်မျက်နှာစာ

အိမ်ဝင်းတံခါးလေးကတော့ ကိုငြိမ်းမောင် အရက်ထွက်ဝယ်တုန်းက တံခါး လေးအဖြစ် အခုထိရှိနေသေးတယ်။ အဲဒီရုပ်ရှင်ကားက ဘာလို့လူကြိုက်များရသလဲဆိုတော့ မန္တလေးပုံရိပ်၊ မန္တလေးသူ မန္တလေးသားတို့ရဲ့ ယဉ်ကျေးမှုတွေကို ညွှန်းပြီး ၊ အချစ်ဇတ်လမ်းကို ဒုတိယနေရာထားရိုက်ကူးလို့ပဲဖြစ် ပါတယ်။
မန္တလေးတောင်ခြေ ခြင်္သေ့ကြီး ၂ ကောင်

ထီးမူနန်းမူ မြန်မာ့ယဉ်ကျေးမှုနဲ့ ခေတ်အဆက်ဆက် နေထိုင်လာကြတဲ့ မန္တလေးသားတို့အတွက် မြန်မာနိုင်ငံ ရဲ့သြင်္ကန် ဆိုရင် မန္တလေးကသာ ထိပ်ဆုံးနေရာက ရပ်တည်နေတာကို မန္တလေးသားဒါရိုက်တာဦးတင်ဦး ၊ ထုတ်လုပ်သူ ဦးဇော်မြင့်တို့က ချ ပြလိုက် တဲ့အတွက် ပီပြင်ပြီး အောင်မြင်တဲ့ဇတ်ကား တစ်ကားဖြစ်ခဲ့ ပါတယ်။
ဇတ်ဝင်ခန်းထဲက ကုသိုလ်တော်

ဥပမာ အဲဒီခေတ်က အနုပညာသမားကိုငြိမ်းမောင်ရဲ့ အိမ်၊ ရွှေခြေချင်းတွေ ဝတ်တတ် တဲ့ မန္တလေးသူတို့ရဲ့ ယဉ်ကျေးမှု၊ စကားပြောရင် ကျွန်တော်၊ကျွန်တော်လို့သာ ပြောတတ်တဲ့ မန္တလေးသူတို့ရဲ့ အသုံး၊ ( အဲ့ဒီ အသုံးနှုန်း အတွက် ဆင်ဆာက ခွင့်မပြုဘဲ ပြန်ပြင်ပေးဖို့ တောင်းဆိုခဲ့တာ ဦးဇော်မြင့် က မန္တလေးသူတွေရဲ့ မူလအသုံးဖြစ်လို့ ပြင်ရင်ရသပျက်မယ်၊ မပြင်နိူင်ငြင်းလို့ ဆင်ဆာမအောင်၊ လူကြီးပြောင်းတော့မှ ဆင်ဆာအောင်သွားတဲ့ ဇတ်ကားရဲ့ အမှတ်တရ) စက်ဘီးစီးကြတဲ့မြို့၊ ကုသိုလ်တော် အတုမရှိကျောင်း ၊ ဈေးချို၊ မန္တလေးကျုံး ၊ မန္တလေးသြင်္ကန်နဲ့မြို့မ တွေကို သေချာချပြသွားတဲ့အပြင် အဲဒီဇတ်ကားထဲက ပါတဲ့ဇတ်ဝင် တေးတွေဟာ သြင်္ကန်ရောက်ပြီဆိုတာနဲ့ အဆိုတော် တွေသာ ပြောင်းသွားမယ် သီချင်းတွေကတော့ ပြောင်းမသွားတာ ဒီနေ့ထိပါ ပဲ။
စန္ဒာမုနိဘုရား
မြင်းလှည်းဆရာများ မမထားကို ပို့ထားခဲ့သည့် အတုမရှိကျောင်းတော်
သက်ထွေးတို့၏ မြို့မတီးဝိုင်း
မြို့မရုံးခန်းရှေ့

ဖိုးသူတော်(www.phothutaw.com)
Credit:သုခုမအလင်းတန်းများ
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top