ဧၿပီ ၂၁ ရက္ေန႔ကေန ဒီလကုန္( ဧၿပီ) အထိကို ကခ်င္ျပည္နယ္၊ စစ္ကိုင္းေဒသႀကီးအထက္ပိုင္းနဲ႔ တနသၤာရီ တိုင္းေဒသႀကီးကလြဲလို႔ က်န္ျပည္နယ္နဲ႔တိုင္းအားလုံးမွာ လက္ရွိ အပူခ်ိန္ထက္ ထပ္မံျမင့္တက္ဖို႔ရွိတယ္လို႔ မိုးေလဝသ နဲ႔ ဇလေဗဒၫႊန္ၾကားမႈဦးစီးဌာန ၫႊန္ၾကားေရးမႉးခ်ဳပ္ ေဒါက္တာေက်ာ္မိုးဦးက ဘီဘီစီကို ေျပာ ပါတယ္။

လက္ရွိမွာလည္း တိုင္းနဲ႔ျပည္နယ္ အမ်ားစုမွာ ေန႔အပူခ်ိန္ေတြဟာ ပုံမွန္ထက္ ပိုမိုျမင့္တက္ေနၿပီး မေကြး တိုင္းေဒသႀကီး ေခ်ာက္ၿမိဳ႕နယ္မွာေတာ့ ၄၆ ဒီဂရီ စင္တီဂရိတ္နဲ႔ တိုင္းနဲ႔ျပည္နယ္အားလုံးမွာ အပူဆုံး ျဖစ္ေနတာပါ။

' ' ပူတာကေတာ္ေတာ္ပူတာ။ ယပ္ေတာင္လည္း မခ်ရဘူး။ ေခါင္းေပၚမွာလည္း ကြမ္း႐ြက္ေလးေတြ ကပ္ထားရတယ္။ ေဈးထဲကေန အေပါ့အပါးသြားတာေတာင္ အျပင္ဘက္မထြက္ရဲဘူး တအားကိုပူတာ။ အရင္ကထက္ပို ပူတယ္ '' လို႔ ေခ်ာက္ၿမိဳ႕မ ေဈးက ေဈးသည္တစ္ဦးျဖစ္တဲ့ ေဒၚၫြန႔္ၫြန႔္ဝင္းက အပူခ်ိန္အျမင့္ဆုံးျဖစ္ေနတဲ့ ေခ်ာက္ၿမိဳ႕မွာ အပူဒဏ္ ခံစားေနရတဲ့အေျခအေနကို ေျပာျပပါတယ္။
အပူခ်ိန္အျမင့္ဆုံးျဖစ္ေနတဲ့ ေခ်ာက္ၿမိဳ႕မွာ ေန႔လယ္ဘက္ေရမခ်ိဳးၾကဖို႔ သတိေပးထား
ေခ်ာက္ၿမိဳ႕နယ္ဟာ အပူပိုင္းေဒသ တစ္ခုျဖစ္တဲ့အတြက္ အပူခ်ိန္ျမင့္တက္တဲ့ဒဏ္ကိုအရင္ကတည္းက ခံစားေနၾကရတာျဖစ္ေပမယ့္လည္း အခုရက္ပိုင္းအတြင္းမွာေတာ့ ပုံမွန္ထက္အပူရွိန္ကို ပိုမိုခံစားလာရတယ္ လို႔ ေဒသခံေတြကေျပာပါတယ္။

ဒါေၾကာင့္လည္း အုပ္ခ်ဳပ္ေရးပိုင္းက အပူဒဏ္ကာကြယ္ေရးႏႈိးေဆာ္ခ်က္ေတြ သတိေပးခ်က္ေတြကို ရပ္ကြက္ေတြထဲမွာ လိုက္လံ ေၾကညာေပးတာေတြလည္းရွိေနတယ္လို႔ ေဒၚၫြန႔္ၫြန႔္ဝင္းက ေျပာပါတယ္။

ျမန္မာႏိုင္ငံအႏွံ႔အျပားမွာ အပူခ်ိန္ျမင့္တက္လာတဲ့အျပင္ ခရမ္းလြန္ေရာင္ျခည္ အၫႊန္းကိန္းကလည္း သိသိသာသာျမင့္တက္လာတဲ့အတြက္ သတိျပဳေနထိုင္ၾကဖို႔ လိုအပ္တယ္လို႔လည္း မိုးေလဝသနဲ႔ ဇလေဗဒ ၫႊန္ၾကားမႈဦးစီးဌာန ၫႊန္ၾကားေရးမႉးခ်ဳပ္ေဒါက္တာေက်ာ္မိုးဦးကေျပာပါတယ္။
တိုင္းေဒသႀကီးနဲ႔ ျပည္နယ္အမ်ားစုမွာ ေန႔အပူခ်ိန္ေတြထပ္မံျမင့္တက္ဖို႔ရွိေန
' ' ခရမ္းလြန္ေရာင္ျခည္ အၫႊန္းကိန္းက တစ္ႏိုင္ငံလုံးလိုလို ျမင့္ေနတဲ့အေနအထားကေတာ့ရွိတယ္။ အထူးသျဖင့္ေတာ့ ျမန္မာႏိုင္ငံေအာက္ပိုင္းေဒသေတြမွာေတာ့ ပိုမ်ားတဲ့အေျခအေနရွိတယ္။ ခရမ္းလြန္ ေရာင္ျခည္က က်န္းမာေရးအတြက္ေကာင္းက်ိဳးေတြ ရွိတယ္ ဆိုေပမယ့္လည္း ထိေတြ႕ပါမ်ားရင္ လူရဲ႕ အေရျပား၊ မ်က္လုံး ဒါေတြကို ထိခိုက္ႏိုင္တာလည္းရွိတယ္။'' လို႔ ေဒါက္တာေက်ာ္မိုးဦးကေျပာပါတယ္။

အခုလိုအပူခ်ိန္နဲ႔ ခရမ္းလြန္ေရာင္ျခည္ အၫႊန္းကိန္းေတြ ပုံမွန္ထက္ပိုမိုျမင့္တက္လာတဲ့အတြက္ အမ်ား ျပည္သူကို အသိပညာေပးတာေတြ အပူဒဏ္ကာကြယ္ေရးႏႈိးေဆာ္ခ်က္ေတြကို လူထုၾကားထဲ ပိုၿပီးျပန႔္ႏွံ႔ ေအာင္လုပ္ေဆာင္သြားဖို႔ရွိတယ္လို႔ က်န္းမာေရးနဲ႔အားကစားဝန္ႀကီးဌာန၊ သဘာဝေဘးဌာန လက္ေထာက္ ၫႊန္ၾကားေရးမႉး ေဒါက္တာေက်ာ္ခိုင္ဇံက ဘီဘီစီကိုေျပာပါတယ္။

'' အပူခ်ိန္က တအားျမင့္ တက္လာတဲ့အတြက္ (heat stroke) အပူဒဏ္ေၾကာင့္ သတိလစ္တာဘာတို႔ျဖစ္လာရင္ ကုသ ေပးႏိုင္ဖို႔ အသင့္ျပင္ဆင္ထားပါတယ္။ ဘယ္ေဒသရယ္လို႔မဟုတ္ဘဲ မိုး/ဇလကထုတ္တဲ့ အပူခ်ိန္ေၾကညာ ခ်က္ေတြကို ေစာင့္ၾကည့္ၿပီး ေဆး႐ုံ၊ ေဆးေပးခန္းေတြ ေဒသႏၲရ က်န္းမာေရးဌာနေတြမွာ အသင့္ကုသႏိုင္ဖို႔ တစ္ႏိုင္ငံလုံးအတိုင္းအတာနဲ႔ ျပင္ဆင္ထားပါတယ္။'' လို႔ အေရးေပၚကုသေရးပိုင္းနဲ႔ပတ္သက္ၿပီးျပင္ဆင္ ထားတဲ့အေျခအေနကို ေဒါက္တာေက်ာ္ခိုင္ဇံက ေျပာျပပါတယ္။

အပူဒဏ္ကာကြယ္ေရးႏႈိးေဆာ္ခ်က္ေတြကို ႏိုင္ငံပိုင္သတင္းစာ မီဒီယာေတြကတဆင့္ ထုတ္ျပန္ေနသလို အေရးေပၚ အေျခအေနေတြကို အခ်ိန္မီကုသႏိုင္ဖို႔လည္း ေအာက္ေျခအဆင့္ က်န္းမာေရးဝန္ထမ္းေတြ အထိ သင္တန္းေတြ ပို႔ခ် ျပင္ဆင္ထားတယ္လို႔လည္း ေဒါက္တာေက်ာ္ခိုင္ဇံက ေျပာပါတယ္။

' ' ေဆး႐ုံေတြမွာလည္း အဲကြန္းတပ္ရမယ့္ေနရာေတြတပ္တယ္။ အေအးခန္းေတြလုပ္တယ္။ ေဆး႐ုံလည္း ေဆး႐ုံအပိုင္းေပါ့ ။ ကြၽန္မတို႔ ေဒသႏၲရက်န္းမာေရးဌာနေတြမွာလည္း heat stroke ျဖစ္လို႔ေရာက္လာၿပီဆို ကနဦးကုသမႈေတြလုပ္ေပးႏိုင္ေအာင္ေတာ့ ေသခ်ာလုပ္ထားတယ္။ '' လို႔ ရန္ကုန္ၿမိဳ႕မွာလူဦးေရ အမ်ားဆုံး ၿမိဳ႕ နယ္တစ္ခုျဖစ္တဲ့လႈိင္သာယာၿမိဳ႕နယ္မွာ ျပင္ဆင္ထားတဲ့အေျခအေနကို ၿမိဳ႕နယ္က်န္းမာေရးဦးစီးမႉး ေဒၚခင္႐ူပါစိုးက ဘီဘီစီကိုေျပာျပပါတယ္။

ေန႔အပူခ်ိန္ေတြဟာ ပုံမွန္ထက္ျမင့္တက္ေနတဲ့အတြက္ မနက္ ၁၀ နာရီကေန ညေန ၄နာရီ ဝန္းက်င္ အတြင္း အျပင္ထြက္တာကို သတိထားဖို႔နဲ႔ မျဖစ္မေနအျပင္ထြက္ရင္လည္း ေနေရာင္ျခည္ တိုက္႐ိုက္ မထိေအာင္ ထီး၊ ဖိနပ္ အရိပ္ရေစမယ့္အရာေတြကို ယူေဆာင္သြားဖို႔၊ အဝတ္ အစား ကို လက္ လည္ပင္း နဲ႔ပခုံးကိုပါ ကာကြယ္ေပးႏိုင္တဲ့ အဝတ္ေတြကို ဝတ္ဆင္ဖို႔လိုအပ္တယ္လို႔လည္း က်န္းမာေရး ဝန္ႀကီး ဌာနက အသိေပး ထုတ္ျပန္ထားပါတယ္။

ျပင္းထန္တဲ့အပူခ်ိန္ေၾကာင့္ သတိလစ္တာမ်ိဳး ( heat stroke ) ျဖစ္ပါက အခ်ိန္မွီမကုသႏိုင္ရင္ အသက္အႏၲရာယ္ စိုးရိမ္ရတဲ့အတြက္ အမ်ားျပည္သူအေနနဲ႔ ဒီလိုျဖစ္ရပ္မ်ိဳးကိုႀကဳံေတြ႕ပါက လူနာကို အရိပ္ရတဲ့ေနရာကိုေ႐ႊ႕ေျပာင္းေပးတာမ်ိဳး၊ေဆး႐ုံေဆးေပးခန္းကို အခ်ိန္မီ ပို႔ေဆာင္ေပးတာမ်ိဳးေတြကိုလုပ္ေဆာင္ေပးဖို႔ လိုအပ္တယ္လို႔လည္း က်န္းမာေရးဝန္ႀကီး ဌာနက အသိေပးႏႈိးေဆာ္ထားပါတယ္။

ဖိုးသူေတာ္(www.phothutaw.com)
Credit:BBC Burmese
https://www.bbc.com/burmese

#Unicode Version#
ဧပြီ ၂၁ ရက်နေ့ကနေ ဒီလကုန်( ဧပြီ) အထိကို ကချင်ပြည်နယ်၊ စစ်ကိုင်းဒေသကြီးအထက်ပိုင်းနဲ့ တနင်္သာရီ တိုင်းဒေသကြီးကလွဲလို့ ကျန်ပြည်နယ်နဲ့တိုင်းအားလုံးမှာ လက်ရှိ အပူချိန်ထက် ထပ်မံမြင့်တက်ဖို့ရှိတယ်လို့ မိုးလေဝသ နဲ့ ဇလဗေဒညွှန်ကြားမှုဦးစီးဌာန ညွှန်ကြားရေးမှူးချုပ် ဒေါက်တာကျော်မိုးဦးက ဘီဘီစီကို ပြော ပါတယ်။

လက်ရှိမှာလည်း တိုင်းနဲ့ပြည်နယ် အများစုမှာ နေ့အပူချိန်တွေဟာ ပုံမှန်ထက် ပိုမိုမြင့်တက်နေပြီး မကွေး တိုင်းဒေသကြီး ချောက်မြို့နယ်မှာတော့ ၄၆ ဒီဂရီ စင်တီဂရိတ်နဲ့ တိုင်းနဲ့ပြည်နယ်အားလုံးမှာ အပူဆုံး ဖြစ်နေတာပါ။

' ' ပူတာကတော်တော်ပူတာ။ ယပ်တောင်လည်း မချရဘူး။ ခေါင်းပေါ်မှာလည်း ကွမ်းရွက်လေးတွေ ကပ်ထားရတယ်။ ဈေးထဲကနေ အပေါ့အပါးသွားတာတောင် အပြင်ဘက်မထွက်ရဲဘူး တအားကိုပူတာ။ အရင်ကထက်ပို ပူတယ် '' လို့ ချောက်မြို့မ ဈေးက ဈေးသည်တစ်ဦးဖြစ်တဲ့ ဒေါ်ညွန့်ညွန့်ဝင်းက အပူချိန်အမြင့်ဆုံးဖြစ်နေတဲ့ ချောက်မြို့မှာ အပူဒဏ် ခံစားနေရတဲ့အခြေအနေကို ပြောပြပါတယ်။
အပူချိန်အမြင့်ဆုံးဖြစ်နေတဲ့ ချောက်မြို့မှာ နေ့လယ်ဘက်ရေမချိုးကြဖို့ သတိပေးထား
ချောက်မြို့နယ်ဟာ အပူပိုင်းဒေသ တစ်ခုဖြစ်တဲ့အတွက် အပူချိန်မြင့်တက်တဲ့ဒဏ်ကိုအရင်ကတည်းက ခံစားနေကြရတာဖြစ်ပေမယ့်လည်း အခုရက်ပိုင်းအတွင်းမှာတော့ ပုံမှန်ထက်အပူရှိန်ကို ပိုမိုခံစားလာရတယ် လို့ ဒေသခံတွေကပြောပါတယ်။

ဒါကြောင့်လည်း အုပ်ချုပ်ရေးပိုင်းက အပူဒဏ်ကာကွယ်ရေးနှိုးဆော်ချက်တွေ သတိပေးချက်တွေကို ရပ်ကွက်တွေထဲမှာ လိုက်လံ ကြေညာပေးတာတွေလည်းရှိနေတယ်လို့ ဒေါ်ညွန့်ညွန့်ဝင်းက ပြောပါတယ်။

မြန်မာနိုင်ငံအနှံ့အပြားမှာ အပူချိန်မြင့်တက်လာတဲ့အပြင် ခရမ်းလွန်ရောင်ခြည် အညွှန်းကိန်းကလည်း သိသိသာသာမြင့်တက်လာတဲ့အတွက် သတိပြုနေထိုင်ကြဖို့ လိုအပ်တယ်လို့လည်း မိုးလေဝသနဲ့ ဇလဗေဒ ညွှန်ကြားမှုဦးစီးဌာန ညွှန်ကြားရေးမှူးချုပ်ဒေါက်တာကျော်မိုးဦးကပြောပါတယ်။
တိုင်းဒေသကြီးနဲ့ ပြည်နယ်အများစုမှာ နေ့အပူချိန်တွေထပ်မံမြင့်တက်ဖို့ရှိနေ
' ' ခရမ်းလွန်ရောင်ခြည် အညွှန်းကိန်းက တစ်နိုင်ငံလုံးလိုလို မြင့်နေတဲ့အနေအထားကတော့ရှိတယ်။ အထူးသဖြင့်တော့ မြန်မာနိုင်ငံအောက်ပိုင်းဒေသတွေမှာတော့ ပိုများတဲ့အခြေအနေရှိတယ်။ ခရမ်းလွန် ရောင်ခြည်က ကျန်းမာရေးအတွက်ကောင်းကျိုးတွေ ရှိတယ် ဆိုပေမယ့်လည်း ထိတွေ့ပါများရင် လူရဲ့ အရေပြား၊ မျက်လုံး ဒါတွေကို ထိခိုက်နိုင်တာလည်းရှိတယ်။'' လို့ ဒေါက်တာကျော်မိုးဦးကပြောပါတယ်။

အခုလိုအပူချိန်နဲ့ ခရမ်းလွန်ရောင်ခြည် အညွှန်းကိန်းတွေ ပုံမှန်ထက်ပိုမိုမြင့်တက်လာတဲ့အတွက် အများ ပြည်သူကို အသိပညာပေးတာတွေ အပူဒဏ်ကာကွယ်ရေးနှိုးဆော်ချက်တွေကို လူထုကြားထဲ ပိုပြီးပြန့်နှံ့ အောင်လုပ်ဆောင်သွားဖို့ရှိတယ်လို့ ကျန်းမာရေးနဲ့အားကစားဝန်ကြီးဌာန၊ သဘာဝဘေးဌာန လက်ထောက် ညွှန်ကြားရေးမှူး ဒေါက်တာကျော်ခိုင်ဇံက ဘီဘီစီကိုပြောပါတယ်။

'' အပူချိန်က တအားမြင့် တက်လာတဲ့အတွက် (heat stroke) အပူဒဏ်ကြောင့် သတိလစ်တာဘာတို့ဖြစ်လာရင် ကုသ ပေးနိုင်ဖို့ အသင့်ပြင်ဆင်ထားပါတယ်။ ဘယ်ဒေသရယ်လို့မဟုတ်ဘဲ မိုး/ဇလကထုတ်တဲ့ အပူချိန်ကြေညာ ချက်တွေကို စောင့်ကြည့်ပြီး ဆေးရုံ၊ ဆေးပေးခန်းတွေ ဒေသန္တရ ကျန်းမာရေးဌာနတွေမှာ အသင့်ကုသနိုင်ဖို့ တစ်နိုင်ငံလုံးအတိုင်းအတာနဲ့ ပြင်ဆင်ထားပါတယ်။'' လို့ အရေးပေါ်ကုသရေးပိုင်းနဲ့ပတ်သက်ပြီးပြင်ဆင် ထားတဲ့အခြေအနေကို ဒေါက်တာကျော်ခိုင်ဇံက ပြောပြပါတယ်။

အပူဒဏ်ကာကွယ်ရေးနှိုးဆော်ချက်တွေကို နိုင်ငံပိုင်သတင်းစာ မီဒီယာတွေကတဆင့် ထုတ်ပြန်နေသလို အရေးပေါ် အခြေအနေတွေကို အချိန်မီကုသနိုင်ဖို့လည်း အောက်ခြေအဆင့် ကျန်းမာရေးဝန်ထမ်းတွေ အထိ သင်တန်းတွေ ပို့ချ ပြင်ဆင်ထားတယ်လို့လည်း ဒေါက်တာကျော်ခိုင်ဇံက ပြောပါတယ်။

' ' ဆေးရုံတွေမှာလည်း အဲကွန်းတပ်ရမယ့်နေရာတွေတပ်တယ်။ အအေးခန်းတွေလုပ်တယ်။ ဆေးရုံလည်း ဆေးရုံအပိုင်းပေါ့ ။ ကျွန်မတို့ ဒေသန္တရကျန်းမာရေးဌာနတွေမှာလည်း heat stroke ဖြစ်လို့ရောက်လာပြီဆို ကနဦးကုသမှုတွေလုပ်ပေးနိုင်အောင်တော့ သေချာလုပ်ထားတယ်။ '' လို့ ရန်ကုန်မြို့မှာလူဦးရေ အများဆုံး မြို့ နယ်တစ်ခုဖြစ်တဲ့လှိုင်သာယာမြို့နယ်မှာ ပြင်ဆင်ထားတဲ့အခြေအနေကို မြို့နယ်ကျန်းမာရေးဦးစီးမှူး ဒေါ်ခင်ရူပါစိုးက ဘီဘီစီကိုပြောပြပါတယ်။

နေ့အပူချိန်တွေဟာ ပုံမှန်ထက်မြင့်တက်နေတဲ့အတွက် မနက် ၁၀ နာရီကနေ ညနေ ၄နာရီ ဝန်းကျင် အတွင်း အပြင်ထွက်တာကို သတိထားဖို့နဲ့ မဖြစ်မနေအပြင်ထွက်ရင်လည်း နေရောင်ခြည် တိုက်ရိုက် မထိအောင် ထီး၊ ဖိနပ် အရိပ်ရစေမယ့်အရာတွေကို ယူဆောင်သွားဖို့၊ အဝတ် အစား ကို လက် လည်ပင်း နဲ့ပခုံးကိုပါ ကာကွယ်ပေးနိုင်တဲ့ အဝတ်တွေကို ဝတ်ဆင်ဖို့လိုအပ်တယ်လို့လည်း ကျန်းမာရေး ဝန်ကြီး ဌာနက အသိပေး ထုတ်ပြန်ထားပါတယ်။

ပြင်းထန်တဲ့အပူချိန်ကြောင့် သတိလစ်တာမျိုး ( heat stroke ) ဖြစ်ပါက အချိန်မှီမကုသနိုင်ရင် အသက်အန္တရာယ် စိုးရိမ်ရတဲ့အတွက် အများပြည်သူအနေနဲ့ ဒီလိုဖြစ်ရပ်မျိုးကိုကြုံတွေ့ပါက လူနာကို အရိပ်ရတဲ့နေရာကိုရွှေ့ပြောင်းပေးတာမျိုး၊ဆေးရုံဆေးပေးခန်းကို အချိန်မီ ပို့ဆောင်ပေးတာမျိုးတွေကိုလုပ်ဆောင်ပေးဖို့ လိုအပ်တယ်လို့လည်း ကျန်းမာရေးဝန်ကြီး ဌာနက အသိပေးနှိုးဆော်ထားပါတယ်။

ဖိုးသူတော်(www.phothutaw.com)
Credit:BBC Burmese
https://www.bbc.com/burmese


 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top