ေတာင္အာဖရိကႏိုင္ငံက ႏိုကူဘြန္ဂါ ကမ့္ပီ ဆိုတဲ့အမ်ိဳးသမီးဟာ သူ႔သမီးကို မုဒိမ္းက်င့္တဲ့ လူ ၃ ေယာက္အနက္ ၁ ေယာက္ကိုသတ္ပစ္လိုက္သလို က်န္တဲ့ ၂ ေယာက္ကို ဒဏ္ရာ အနာတရျဖစ္ေအာင္ တိုက္ခိုက္ၿပီးေနာက္မွာ သူ႔ကို ျခေသၤ့မိခင္လို႔ လူေတြက ေခၚၾကပါတယ္။

သူ႔ကို လူသတ္မႈနဲ႔ တရားစြဲဆိုခဲ့ပါတယ္။ ဒါေပမယ့္ အမ်ားျပည္သူက က်ယ္က်ယ္ေလာင္ေလာင္ ဝိုင္းဝန္းကန္႔ကြက္ၾကတဲ့အတြက္ တရား႐ုံးဟာ အမႈစစ္ေဆးဆဲမွာပဲ ရပ္ေပးလိုက္ရပါတယ္။ သူဟာ အခ်ဳပ္ကလြတ္လာၿပီး သူ႔သမီးက်န္းမာလာေအာင္ ဂ႐ုစိုက္ျပဳစုေပးႏိုင္ခဲ့ပါတယ္။

ညတည ညဥ့္နက္သန္းေခါင္အခ်ိန္မွာ တယ္လီဖုန္းေခၚသံျမည္လာၿပီး ႏိုကူဘြန္ဂါ ကမ့္ပီ လန္႔ႏိုးသြားပါတယ္။

မိန္းကေလးတေယာက္က ကိုက္ ၅၀၀ ေက်ာ္ေဝးတဲ့ တေနရာကေန သူ႔ကို ဖုန္းေခၚေနတာပါ။ ႏိုကူဘြန္ဂါ ကမ့္ပီရဲ႕ သမီး ဆီဖိုခါဇီကို သူတို႔လူခ်င္းသိတဲ့ လူ ၃ ေယာက္က မုဒိမ္းက်င့္ေနတယ္လို႔ ဖုန္းဆက္ၿပီး ေျပာတာျဖစ္ပါတယ္။ ႏိုကူဘြန္ဂါ ကမ့္ပီ ဟာခ်က္ခ်င္းပဲ ရဲကိုဖုန္းဆက္ပါတယ္။ ဒါေပမယ့္ ဖုန္းကိုင္မယ့္သူမရွိပါဘူး။ ဖုန္းကိုင္မယ့္သူရွိလို႔ ရဲေတြလာမယ္ဆိုရင္ေတာင္ သူတို႔႐ြာကို ေရာက္ဖို႔ဟာ ေတာ္ေတာ္ၾကာဦးမယ္ဆိုတာလည္း သူသိေနပါတယ္။ ဒီေတာ့ သူ႔သမီးကို ကယ္ႏိုင္မယ့္သူဆိုလို႔ သူတေယာက္ပဲရွိပါေတာ့တယ္။

"ကြၽန္မေၾကာက္သြားတယ္။ ဒါေပမယ့္ အေျခအေနက ကြၽန္မကို မျဖစ္မေနသြားဖို႔ တြန္းအားေပးေနပါတယ္။ ဒုကၡေရာက္ေနတာက ကြၽန္မသမီးကိုး" လို႔သူကျပန္ေျပာျပပါတယ္။

"ကြၽန္မဟိုေရာက္ခ်ိန္မွာ ကြၽန္မသမီး ေသေနမလားလို႔ ေတြးမိပါတယ္။ ဘာလို႔လဲဆိုေတာ့ မုဒိမ္းက်င့္တဲ့ ေကာင္ေတြကို ကြၽန္မသမီးက လူခ်င္းသိေနတယ္။ အဲသလို ကြၽန္မသမီးက သူတို႔ကိုသိမွန္း သူတို႔ကလည္း သိတယ္။ ဒီေတာ့ ျပန္မတိုင္ႏိုင္ေအာင္ လက္စေဖ်ာက္ပစ္မွပဲလို႔ သူတို႔ကေတြးခ်င္ေတြးၾကမွာေပါ့"

သူ႔သမီးဆီဖိုခါဇီဟာ သူငယ္ခ်င္းဆီ အလည္သြားတာပါ။ တ႐ြာတည္းမွာပဲ ရွိတဲ့ ေလးအိမ္တန္း အုပ္စုေလးဆီသြားလည္တာပါ။ ည ၁ နာရီခြဲေလာက္မွာ က်န္တဲ့သူငယ္ခ်င္းေတြ အျပင္သြားေနခ်ိန္မွာ ဆီဖိုခါဇီဟာ အိမ္ထဲမွာ တေယာက္တည္း အိပ္ေပ်ာ္က်န္ရစ္ပါတယ္။ အဲဒီအခ်ိန္မွာပဲ တျခားအိမ္တလုံးထဲမွာ အရက္ေသာက္ေနတဲ့ ေယာက္်ား ၃ ေယာက္က သူ႔ကို မုဒိမ္းက်င့္ဖို႔ တိုက္ခိုက္လာၾကပါတယ္။
ၿခံထဲကို ျဖတ္ေလွ်ာက္လာတဲ့ ႏိုကူဘြန္ဂါ ကမ့္ပီ
ႏိုကူဘြန္ဂါ ကမ့္ပီရဲ႕ အိမ္မွာ အခန္း ၂ ခန္းပဲ ရွိပါတယ္။ တခန္းက အိပ္ခန္း၊ ေနာက္တခန္းက မီးဖိုခန္းပါ။ သူဟာ မီးဖိုခန္းထဲက ထမင္းဟင္းခ်က္ရာမွာသုံးတဲ့ ဓားတေခ်ာင္းကို ေကာက္ယူလာခဲ့ပါတယ္။

"ကြၽန္မအိမ္နဲ႔ အခင္းျဖစ္တဲ့ေနရာက လမ္းေလွ်ာက္ရတာနည္းနည္းလွမ္းပါတယ္။ အႏၲရာယ္မကင္းပါဘူး။ အဲဒါေၾကာင့္ ဓားကိုယူလာတာပါ။ ညကလည္း ေမွာင္လြန္းေတာ့ တယ္လီဖုန္းဓာတ္မီးကို သုံးၿပီးလာခဲ့ပါတယ္။"

သူ႔သမီးရွိတဲ့အိမ္နားေရာက္ေတာ့ ေအာ္သံၾကားရပါတယ္။ အိပ္ခန္းထဲသူဝင္သြားေတာ့ သူ႔သမီးကို မုဒိမ္းက်င့္ေနတဲ့ အင္မတန္စက္ဆုပ္ဖြယ္ရာ ျမင္ကြင္းကို ေတြ႕လိုက္ရပါတယ္။

"ကြၽန္မလည္း ေၾကာက္သြားတယ္။ တံခါးဝမွာရပ္ၿပီး မင္းတို႔ဘာလုပ္ၾကတာတုန္းလို႔လည္း ကြၽန္မက ေအာ္လိုက္ေရာ သူတို႔ဟာ ကြၽန္မမွန္းသိသြားၿပီး တိုက္ခိုက္ၾကေတာ့တာပါပဲ။ ကြၽန္မလည္း ကိုယ့္ကိုယ္ကိုယ္ ကာကြယ္မွ ျဖစ္ေတာ့မယ္လို႔ ေတြးမိၿပီး အလိုလို တုန္႔ျပန္လိုက္မိတာပါပဲ" လို႔ ႏိုကူဘြန္ဂါ ကမ့္ပီကေျပာပါတယ္။

ျဖစ္စဥ္တဆင့္ခ်င္း အေသးစိတ္ကိုေတာ့ ျပန္မေျပာခ်င္ဘူးလို႔ ႏိုကူဘြန္ဂါ ကမ့္ပီကဆိုပါတယ္။

ႏိုကူဘြန္ဂါ ကမ့္ပီရဲ႕ အမႈကို စစ္တဲ့ တရားသူႀကီးကျပန္ေျပာတာက သူ႔သမီးကို တေယာက္က အဓမၼျပဳက်င့္ေနၿပီး က်န္တဲ့ ၂ ေယာက္က သူတို႔အလွည့္ကို ေစာင့္ေနတာေတြ႕ရတဲ့အခါ ႏိုကူဘြန္ဂါ ကမ့္ပီဟာ သိပ္စိတ္ထိခိုက္သြားတယ္လို႔ ေျပာပါတယ္။ "သူေျပာျပတာကို ကြၽန္ေတာ္သေဘာေပါက္တာကေတာ့ သူ႔တကိုယ္လုံးေဒါသဖုံးၿပီး မႊန္ထူသြားပုံရပါတယ္" လို႔ တရားသူႀကီးက ျပန္ေျပာျပပါတယ္။ ဒါေပမယ့္ ႏိုကူဘြန္ဂါ ကမ့္ပီက ျဖစ္စဥ္ကိုေနာက္ေၾကာင္းျပန္ေျပာျပရာမွာေတာ့ အဲဒီတုန္းက သူေၾကာက္ေနခဲ့တယ္လို႔ ျပန္ေျပာပါတယ္။

သူ႔ကို တိုက္ခိုက္လာေတာ့ သူဟာ ဓားနဲ႔ျပန္ခုခံပါတယ္။ သူက ဓားနဲ႔ထိုးေတာ့ ထြက္ေျပးၾကပါတယ္။ တေယာက္ဆိုရင္ ျပတင္းေပါက္ကေန ခုန္ခ်သြားပါတယ္။ သုံးေယာက္မွာ ႏွစ္ေယာက္က ဒဏ္ရာ အျပင္းအထန္ရပါတယ္။ တေယာက္ေသဆုံးသြားပါတယ္။

သူတို႔ဘယ္လိုျဖစ္သြားသလဲဆိုတာ ႏိုကူဘြန္ဂါ ကမ့္ပီ ေစာင့္မၾကည့္ပါဘူး။ သူ႔သမီးကို ေခၚၿပီး အနားက သူငယ္ခ်င္းတေယာက္အိမ္ ထြက္ေျပးခဲ့ပါတယ္။

ရဲေတြ ေရာက္လာေတာ့ ႏိုကူဘြန္ဂါ ကမ့္ပီကို ဖမ္းၿပီး ရဲစခန္းမွာ ခ်ဳပ္ထားပါတယ္။

သမီးဆီဖိုခါဇီကို ေဆး႐ုံတင္လိုက္ရၿပီး သူကသူ႔အေမကို စိတ္ပူေနခဲ့ရပါတယ္။ သူ႔အေမေတာ့ ေထာင္ႏွစ္ရွည္က်ေတာ့မွာပဲဆိုၿပီး အပူႀကီးပူေဆြးခဲ့ပါတယ္။

"သူ႔ကိုယ္စားကြၽန္မကိုပဲ ေထာင္ႏွစ္ရွည္ခ်လိုက္ပါေတာ့"လို႔ ကြၽန္မစိတ္ထဲျဖစ္မိပါတယ္ လို႔ဆီဖိုခါဇီက ေျပာပါတယ္။
ဆီဖိုခါဇီနဲ႔ ႏိုကူဘြန္ဂါ။ တိုက္ခိုက္မႈ ျဖစ္ၿပီး ၁၆ လအၾကာ ၂၀၁၉ ခုႏွစ္ ဇန္နဝါရီလ။
ဆီဖိုခါဇီဟာ အေၾကာက္လြန္ေနေတာ့ တိုက္ခိုက္မႈနဲ႔ ပတ္သက္ၿပီး လုံးလုံး မမွတ္မိသေလာက္ နီးပါးပါပဲ။ ေဆး႐ုံမွာ ႏွစ္ရက္ေလာက္ၾကာၿပီးေနာက္ သူ႔အေမ အာမခံနဲ႔ လြတ္လာၿပီး ျပန္ေျပာျပေတာ့မွသာ သူ႔အေမေျပာသေလာက္ပဲ သူမွတ္မိပါေတာ့တယ္။

သူတို႔သားအမိႏွစ္ေယာက္ဟာ တေယာက္ကို တေယာက္အားေပးခဲ့ၾကပါတယ္။ "ကြၽန္မကို ႏွစ္သိမ့္ေဆြးေႏြးပညာေပးတဲ့သူ မရွိခဲ့ပါဘူး။ ကြၽန္မအေမရဲ႕ အားေပးမႈနဲ႔ပဲ ျပန္ၿပီး နာလန္ထူလာခဲ့တာပါ" လို႔ ဆီဖိုခါဇီကေျပာပါတယ္။

ႏိုကူဘြန္ဂါကေတာ့ သူတို႔ဘဝကို အရင္ကလို ျပန္ျဖစ္ေအာင္ႀကိဳစားပါတယ္။

"ကြၽန္မကလည္း အရင္လိုပဲ သူ႔အေမျဖစ္ၿပီး သူကလည္း အရင္လိုပဲ ကြၽန္မသမီးပဲေလ" လို႔ႏိုကူဘြန္ဂါကေျပာပါတယ္။ သူတို႔ႏွစ္ေယာက္ဟာ ရယ္ရယ္ေမာေမာေျပာဆိုၾကၿပီး ဆက္ဆံေရးက အရင္ကထက္ ရင္းႏွီးေႏြးေထြးလာပါတယ္။ ႏိုကူဘြန္ဂါကို ေစာင့္ေရွာက္မယ့္သူ မရွိမွာစိုးလို႔ ဆီဖိုခါဇီ ေယာက္်ားမယူေတာ့ဘူးဆိုၿပီး ေနာက္ေနၾကပါတယ္။

တိုက္ခိုက္မႈျဖစ္ပြားၿပီး ၁၈ လအၾကာကာလဟာ သူတို႔အတြက္ေတာ့ ခရီးရွည္ႀကီး တခုကို ျဖတ္သန္းရသလိုပါပဲ။

"တိုက္ခိုက္မႈ ျဖစ္အၿပီး တပတ္အၾကာမွာ သူတို႔ကို စေတြ႕ေတာ့ ႏွစ္ေယာက္စလုံးဟာ ျဖစ္သမွ်အေၾကာင္း အေကာင္းပဲဆိုၿပီး လက္ေလွ်ာ့ထားၾကတဲ့ ပုံစံမ်ိဳးရွင့္" လို႔ႏိုကူဘြန္ဂါရဲ႕ ေရွ႕ေန ဘူလဲတြန္နိစ္ ကေျပာပါတယ္။

"အေမျဖစ္တဲ့သူဟာ ေသာကပင္လယ္ေဝေနပါတယ္။ အေမက ေထာင္က်ေတာ့မယ္။ သမီးက ကူသူကယ္သူမဲ့ျဖစ္ေတာ့မယ္ဆိုၿပီးေတာ့ေလ။ တရားေရးစနစ္ဆိုတာကလည္း ပိုက္ဆံရွိတဲ့သူအတြက္ပဲလို႔ သူတို႔ကေတြးတာေလ" လို႔ေရွ႕ေနက ျပန္ေျပာပါတယ္။

ေရွ႕ေနက ႏိုကူဘြန္ဂါကို ေမးျမန္းေနခ်ိန္မွာ ဆီဖိုခါဇီဟာ ေဘးကၿငိမ္နားေထာင္ေနပါတယ္။ တိုက္ခိုက္မႈေၾကာင့္ စကားမေျပာတတ္ေတာ့ သလိုပါပဲ။ ေရွ႕ေနဘူလဲတြန္နိစ္ကေတာ့ ႏိုကူဘြန္ဂါဟာ သူ႔ကိုယ္သူ ခုခံကာကြယ္ဖို႔ အတြက္ တိုက္ခိုက္ခဲ့ရတာျဖစ္ေၾကာင္း ေကာင္းေကာင္း သက္ေသျပႏိုင္တယ္လို႔ ယုံၾကည္ပါတယ္။ တခုပဲသူစိုးရိမ္တာက သူ႔အမႈသည္က အဆိုးျမင္ေနတာကို ေက်ာ္လႊားႏိုင္ဖို႔ ႀကိဳးစားလို႔မွ ရပါ့မလားဆိုတာကိုပါ။ သူတို႔ႀကိဳမျမင္ႏိုင္ခဲ့တာ ကေတာ့ မီဒီယာေတြရဲ႕ အေထာက္အပံ့အကူအညီနဲ႔ ပတ္သက္တဲ့ အခ်က္ကိုပါ။ မီဒီယာေတြက ႏိုကူဘြန္ဂါကို ျခေသၤ့မိခင္လို႔ ေခၚေဝၚသုံးစြဲလိုက္တဲ့အခါ လူေတြရဲ႕စာနာမႈကို အမ်ားအျပားရလာခဲ့ပါတယ္။
 ေလဒီဖရဲ႐ြာမွာ အစဥ္အလာ ဓေလ့နဲ႔ အညီ ဇိုရွာမ်ိဳးႏြယ္ လူငယ္ရဲ႕ လူလားေျမာက္ေၾကာင္း အခမ္းအနားမက်င္းပမီ လူငယ္တေယာက္တဲထဲမွာ အနားယူေနစဥ္။ ၂၀၀၀ ခုႏွစ္။
သာမန္အားျဖင့္ ေတာင္အာဖရိကမွာ မုဒိမ္းမႈ အေၾကာင္းကို မီဒီယာေတြက အနည္းအက်ဥ္းေလာက္သာ ေဖာ္ျပၾကပါတယ္။ တႏိုင္ငံလုံးမွာ မုဒိမ္းမႈေတြက အေျမာက္အျမားျဖစ္ေနတာပါ။ ပ်မ္းမွ် တရက္ကို အမႈေပါင္း ၁၁၀ ေလာက္ျဖစ္ပါတယ္။ ႏိုင္ငံလုံးဆိုင္ရာ အခက္အခဲႀကီးျဖစ္ေနၿပီလို႔ေတာင္ သမၼတ စီရဲလ္ ရမ္မာဖိုးဆာက ထုတ္ေဖာ္ေျပာယူရတဲ့အထိပါ။

အလုပ္လက္မဲ့ရာခိုင္ႏႈန္း ၄၅ ရာႏႈန္းရွိၿပီး ဆင္းရဲလွတဲ့ ကိပ္ျပည္နယ္အေရွ႕ပိုင္းမွာ မုဒိမ္းမႈ အေရအတြက္က မ်ားလွပါတယ္။ ႏိုကူဘြန္ဂါတို႔ေနတဲ့ ေလဒီဖရဲ႐ြာမွာ ၂၀၁၇-၂၀၁၈ တႏွစ္တည္းမွာ မုဒိမ္းမႈ ၇၄ မႈ ျဖစ္ခဲ့ပါတယ္။ လူ ၅၀၀၀ ရွိတဲ့႐ြာမွာ မုဒိမ္းမႈ ၇၄ မႈဆိုတာ အံ့ၾသေလာက္ေအာင္ကို မ်ားလွပါတယ္။

မုဒိမ္းမႈမ်ားလြန္းလို႔ သတင္းထူးျဖစ္မလာတတ္တဲ့ ေတာင္အာဖရိကမွာ ႏိုကူဘြန္ဂါတို႔ အမႈကေတာ့ ထူးထူးျခားျခား ထိပ္တန္းသတင္းျဖစ္လာပါတယ္။ သမီးကိုကာကြယ္ဖို႔ အတြက္ စြန္႔စားခဲ့တဲ့ အေမတေယာက္ရဲ႕ သတင္းဟာ မေမွ်ာ္လင့္ဘဲ စိတ္ဝင္စားစရာ ထိပ္တန္းသတင္းျဖစ္လာပါတယ္။ မုဒိမ္းမႈမွာ တရားခံရဲ႕ အမည္ကို အကာအကြယ္ ေပးရမယ္ဆိုတဲ့ ဥပေဒေၾကာင့္ သတင္းစာေတြဟာ ႏိုကူဘြန္ဂါ အေၾကာင္းေရးတဲ့အခါ သူ႔ကို ျခေသၤ့မိခင္လို႔ပဲ သုံးၾကပါတယ္။ သတင္းဓာတ္ပုံအျဖစ္နဲ႔ ျခေသၤ့ငယ္ေလးနဲ႔ ျခေသၤ့မႀကီးပုံကို အသုံးျပဳၾကပါတယ္။ ျခေသၤ့မိခင္ဆိုတဲ့ နာမည္ဟာ ေက်ာ္ၾကားသြားပါတယ္။

"အစကေတာ့ သူတို႔က အဲသလိုနာမည္ေပးတာကို မႀကိဳက္ပါဘူး။ ဘာလို႔လဲဆိုေတာ့ သူတို႔က ဘာလို႔ အဲသလိုေခၚသလဲဆိုတာ ကြၽန္မနားမလည္လို႔ပါ"လို႔ ႏိုကူဘြန္ဂါက ဆိုပါတယ္။ "ဒါေပမယ့္ ေနာက္ေတာ့ ျခေသၤ့ငယ္ကို ကာကြယ္တဲ့ ျခေသၤ့မႀကီး အျဖစ္နဲ႔ သူတို႔က ကြၽန္မကို ဟီး႐ိုးလိုသေဘာထားၿပီး ေခၚတာပဲဆိုတာ သိလာပါတယ္" လို႔ ႏိုကူဘြန္ဂါကေျပာပါတယ္။

ႏိုကူဘြန္ဂါကို လူသတ္မႈနဲ႔ တရားစြဲဆိုဖို႔ တရား႐ုံးက လက္ခံဆုံးျဖတ္ခဲ့တာကို လူေတြက ေဝဖန္ကန္႔ကြက္ၾကပါတယ္။ ႏိုကူဘြန္ဂါ အတြက္ တရားစရိတ္ကိုလည္း အလႉေငြေကာက္ၿပီး ေထာက္ပံ့ၾကပါတယ္။

ဒါေပမယ့္ သူ႔အေပၚ လူထုေထာက္ခံမႈဟာ သူ႔ကို ႐ုံးထုတ္တဲ့ရက္မေရာက္ခင္က သိပ္မထင္ရွားလွေသးပါဘူး။

သူ႔ကို ႐ုံးထုတ္တဲ့ေနမွာေတာ့ "တရား႐ုံးကိုသြားရမွာ ကြၽန္မသိပ္ေၾကာက္တာပဲ။ မနက္အိပ္ရာကႏိုးကတည္းက ဘုရားရွိခိုးဆုေတာင္းေနခဲ့မိပါတယ္"လို႔ ႏိုကူဘြန္ဂါက ေျပာပါတယ္။

တရား႐ုံးေရာက္ေတာ့ တ႐ုံးလုံးမွာ သူ႔အတြက္ ဆုေတာင္းေပးမယ့္သူေတြနဲ႔ ျပည့္ေနတာ ေတြ႕လိုက္ရပါတယ္။

"ေတာင္အာဖရိက အႏွံ႔အျပားကလူေတြ အဲဒီမွာ ျပည့္ႏွက္ေနတာေတြ႕လိုက္ရပါတယ္။ သူတို႔ကို ေက်းဇူးပါလို႔ပဲ ေျပာႏိုင္ပါတယ္။ သူတို႔ဟာ ကြၽန္မကို ေထာက္ခံခဲ့ၾကပါတယ္။ ကြၽန္မကို ေမွ်ာ္လင့္ခ်က္ေပးခဲ့ပါတယ္"

တရားသူႀကီးက သူ႔ကို အျမန္ေခၚၿပီး အမႈပလပ္လိုက္ၿပီလို႔ ေၾကညာလိုက္ပါတယ္။

"ကြၽန္မဝမ္းသာလိုက္တာ။ တရားဥပေဒဆိုတာ အမွားနဲ႔ အမွန္ကို ခြဲျခားတတ္ပါလားလို႔ ကြၽန္မသေဘာေပါက္သြားပါတယ္။ ကြၽန္မဟာ လူတေယာက္ကို ေသေစခ်င္တဲ့ ဆႏၵနဲ႔ လုပ္ခဲ့တာ မဟုတ္ဘူး"လို႔ သူတို႔က ေျပာပါတယ္။

"လူသတ္မႈကို ပလပ္ၿပီးေတာ့ ႏိုကူဘြန္ဂါက သူ႔သမီးကို လွမ္းေခၚတယ္။ သူ႔သမီး ဆီဖိုခါဇီရယ္တာကို အဲဒီေတာ့မွ ကြၽန္မပထမဆုံးျမင္ဖူးပါေတာ့တယ္။ အဲဒီေနာက္ ဆီဖိုခါဇီက သူ႔ကို အဓမၼျပဳတဲ့သူေတြကိုလည္း ေထာင္က်ေစခ်င္တယ္"လို႔ ေျပာေၾကာင္း ေရွ႕ေန ဘူလဲတြန္နိစ္ကေျပာပါတယ္။

အဲသလို ျဖစ္လာဖို႔ေတာ့ ေနာက္ထပ္ တႏွစ္ေလာက္ေစာင့္လိုက္ရပါတယ္။ မေသဘဲ က်န္ရစ္ခဲ့တဲ့ အသက္ ၃၀ နဲ႔ အသက္ ၂၅ ႏွစ္ရွိတဲ့ မုဒိမ္းသမား ႏွစ္ေယာက္ဟာ ၂၀၁၈ ခုႏွစ္ ဒီဇင္ဘာလထဲမွာ ေထာင္ဒဏ္ႏွစ္ ၃၀ စီ အျပစ္ေပးခံလိုက္ၾကရပါတယ္။

သူတို႔ေထာင္က်သြားတာ ေက်နပ္ပါတယ္လို႔ အခုအခါ အသက္ ၂၇ ႏွစ္ရွိၿပီျဖစ္တဲ့ ဆီဖိုခါဇီက ေျပာပါတယ္။ "သူတို႔ေထာင္က်သြားေတာ့ ကြၽန္မအတြက္ အႏၲရာယ္ ကင္းသြားတယ္လို႔ စိတ္ထဲျဖစ္မိပါတယ္။ ဒါေပမယ့္ ဒီလူေတြဟာ တကယ္တန္းက ေထာင္ဒဏ္တသက္က်သင့္တာလို႔ ကြၽန္မေတြးမိပါတယ္" လို႔ ဆိုပါတယ္။

အမႈပိတ္ၿပီးေနာက္မွာေတာ့ ဆီဖိုခါဇီဟာ ဒီအမႈမွာ မုဒိမ္းအက်င့္ခံရတာဟာ သူပဲဆိုတာ ထုတ္ေဖာ္ေၾကညာဖို႔ ဆုံးျဖတ္လိုက္တယ္။

"ဒီလိုအတိုက္အခိုက္ခံရလို႔ ဘဝပ်က္မသြားဘူး။ အတိုက္အခိုက္ခံရၿပီးေနာက္မွာ ဘဝကို ဆက္လက္ရွင္သန္လို႔ရေသးတယ္၊ လူေတာသူေတာထဲျပန္တိုးႏိုင္တယ္" ဆိုတာကိုျပခ်င္လို႔ပါလို႔သူကဆိုပါတယ္။

ေထာင္ဒဏ္ ႏွစ္ ၃၀ ခံလိုက္ရတဲ့သူေတြဟာလည္း ေထာင္ကလြတ္လာရင္ ေနာင္တရၿပီး လူသစ္စိတ္သစ္ေျပာင္းလဲလာႏိုင္လိမ့္မယ္လို႔ ႏိုကူဘြန္ဂါက ေမွ်ာ္လင့္ပါတယ္။

သူတို႔ဟာ ဒီအျဖစ္အပ်က္ကေန သင္ခန္းယူႏိုင္ၾကလိမ့္မယ္ထင္ပါတယ္လို႔ ဆိုပါတယ္။

ဖိုးသူေတာ္(www.phothutaw.com)
Credit:BBC Burmese
https://www.bbc.com/burmese
#Unicode Version#

တောင်အာဖရိကနိုင်ငံက နိုကူဘွန်ဂါ ကမ့်ပီ ဆိုတဲ့အမျိုးသမီးဟာ သူ့သမီးကို မုဒိမ်းကျင့်တဲ့ လူ ၃ ယောက်အနက် ၁ ယောက်ကိုသတ်ပစ်လိုက်သလို ကျန်တဲ့ ၂ ယောက်ကို ဒဏ်ရာ အနာတရဖြစ်အောင် တိုက်ခိုက်ပြီးနောက်မှာ သူ့ကို ခြင်္သေ့မိခင်လို့ လူတွေက ခေါ်ကြပါတယ်။

သူ့ကို လူသတ်မှုနဲ့ တရားစွဲဆိုခဲ့ပါတယ်။ ဒါပေမယ့် အများပြည်သူက ကျယ်ကျယ်လောင်လောင် ဝိုင်းဝန်းကန့်ကွက်ကြတဲ့အတွက် တရားရုံးဟာ အမှုစစ်ဆေးဆဲမှာပဲ ရပ်ပေးလိုက်ရပါတယ်။ သူဟာ အချုပ်ကလွတ်လာပြီး သူ့သမီးကျန်းမာလာအောင် ဂရုစိုက်ပြုစုပေးနိုင်ခဲ့ပါတယ်။

ညတည ညဉ့်နက်သန်းခေါင်အချိန်မှာ တယ်လီဖုန်းခေါ်သံမြည်လာပြီး နိုကူဘွန်ဂါ ကမ့်ပီ လန့်နိုးသွားပါတယ်။

မိန်းကလေးတယောက်က ကိုက် ၅၀၀ ကျော်ဝေးတဲ့ တနေရာကနေ သူ့ကို ဖုန်းခေါ်နေတာပါ။ နိုကူဘွန်ဂါ ကမ့်ပီရဲ့ သမီး ဆီဖိုခါဇီကို သူတို့လူချင်းသိတဲ့ လူ ၃ ယောက်က မုဒိမ်းကျင့်နေတယ်လို့ ဖုန်းဆက်ပြီး ပြောတာဖြစ်ပါတယ်။ နိုကူဘွန်ဂါ ကမ့်ပီ ဟာချက်ချင်းပဲ ရဲကိုဖုန်းဆက်ပါတယ်။ ဒါပေမယ့် ဖုန်းကိုင်မယ့်သူမရှိပါဘူး။ ဖုန်းကိုင်မယ့်သူရှိလို့ ရဲတွေလာမယ်ဆိုရင်တောင် သူတို့ရွာကို ရောက်ဖို့ဟာ တော်တော်ကြာဦးမယ်ဆိုတာလည်း သူသိနေပါတယ်။ ဒီတော့ သူ့သမီးကို ကယ်နိုင်မယ့်သူဆိုလို့ သူတယောက်ပဲရှိပါတော့တယ်။

"ကျွန်မကြောက်သွားတယ်။ ဒါပေမယ့် အခြေအနေက ကျွန်မကို မဖြစ်မနေသွားဖို့ တွန်းအားပေးနေပါတယ်။ ဒုက္ခရောက်နေတာက ကျွန်မသမီးကိုး" လို့သူကပြန်ပြောပြပါတယ်။

"ကျွန်မဟိုရောက်ချိန်မှာ ကျွန်မသမီး သေနေမလားလို့ တွေးမိပါတယ်။ ဘာလို့လဲဆိုတော့ မုဒိမ်းကျင့်တဲ့ ကောင်တွေကို ကျွန်မသမီးက လူချင်းသိနေတယ်။ အဲသလို ကျွန်မသမီးက သူတို့ကိုသိမှန်း သူတို့ကလည်း သိတယ်။ ဒီတော့ ပြန်မတိုင်နိုင်အောင် လက်စဖျောက်ပစ်မှပဲလို့ သူတို့ကတွေးချင်တွေးကြမှာပေါ့"

သူ့သမီးဆီဖိုခါဇီဟာ သူငယ်ချင်းဆီ အလည်သွားတာပါ။ တရွာတည်းမှာပဲ ရှိတဲ့ လေးအိမ်တန်း အုပ်စုလေးဆီသွားလည်တာပါ။ ည ၁ နာရီခွဲလောက်မှာ ကျန်တဲ့သူငယ်ချင်းတွေ အပြင်သွားနေချိန်မှာ ဆီဖိုခါဇီဟာ အိမ်ထဲမှာ တယောက်တည်း အိပ်ပျော်ကျန်ရစ်ပါတယ်။ အဲဒီအချိန်မှာပဲ တခြားအိမ်တလုံးထဲမှာ အရက်သောက်နေတဲ့ ယောက်ျား ၃ ယောက်က သူ့ကို မုဒိမ်းကျင့်ဖို့ တိုက်ခိုက်လာကြပါတယ်။
ခြံထဲကို ဖြတ်လျှောက်လာတဲ့ နိုကူဘွန်ဂါ ကမ့်ပီ
နိုကူဘွန်ဂါ ကမ့်ပီရဲ့ အိမ်မှာ အခန်း ၂ ခန်းပဲ ရှိပါတယ်။ တခန်းက အိပ်ခန်း၊ နောက်တခန်းက မီးဖိုခန်းပါ။ သူဟာ မီးဖိုခန်းထဲက ထမင်းဟင်းချက်ရာမှာသုံးတဲ့ ဓားတချောင်းကို ကောက်ယူလာခဲ့ပါတယ်။

"ကျွန်မအိမ်နဲ့ အခင်းဖြစ်တဲ့နေရာက လမ်းလျှောက်ရတာနည်းနည်းလှမ်းပါတယ်။ အန္တရာယ်မကင်းပါဘူး။ အဲဒါကြောင့် ဓားကိုယူလာတာပါ။ ညကလည်း မှောင်လွန်းတော့ တယ်လီဖုန်းဓာတ်မီးကို သုံးပြီးလာခဲ့ပါတယ်။"

သူ့သမီးရှိတဲ့အိမ်နားရောက်တော့ အော်သံကြားရပါတယ်။ အိပ်ခန်းထဲသူဝင်သွားတော့ သူ့သမီးကို မုဒိမ်းကျင့်နေတဲ့ အင်မတန်စက်ဆုပ်ဖွယ်ရာ မြင်ကွင်းကို တွေ့လိုက်ရပါတယ်။

"ကျွန်မလည်း ကြောက်သွားတယ်။ တံခါးဝမှာရပ်ပြီး မင်းတို့ဘာလုပ်ကြတာတုန်းလို့လည်း ကျွန်မက အော်လိုက်ရော သူတို့ဟာ ကျွန်မမှန်းသိသွားပြီး တိုက်ခိုက်ကြတော့တာပါပဲ။ ကျွန်မလည်း ကိုယ့်ကိုယ်ကိုယ် ကာကွယ်မှ ဖြစ်တော့မယ်လို့ တွေးမိပြီး အလိုလို တုန့်ပြန်လိုက်မိတာပါပဲ" လို့ နိုကူဘွန်ဂါ ကမ့်ပီကပြောပါတယ်။

ဖြစ်စဉ်တဆင့်ချင်း အသေးစိတ်ကိုတော့ ပြန်မပြောချင်ဘူးလို့ နိုကူဘွန်ဂါ ကမ့်ပီကဆိုပါတယ်။

နိုကူဘွန်ဂါ ကမ့်ပီရဲ့ အမှုကို စစ်တဲ့ တရားသူကြီးကပြန်ပြောတာက သူ့သမီးကို တယောက်က အဓမ္မပြုကျင့်နေပြီး ကျန်တဲ့ ၂ ယောက်က သူတို့အလှည့်ကို စောင့်နေတာတွေ့ရတဲ့အခါ နိုကူဘွန်ဂါ ကမ့်ပီဟာ သိပ်စိတ်ထိခိုက်သွားတယ်လို့ ပြောပါတယ်။ "သူပြောပြတာကို ကျွန်တော်သဘောပေါက်တာကတော့ သူ့တကိုယ်လုံးဒေါသဖုံးပြီး မွှန်ထူသွားပုံရပါတယ်" လို့ တရားသူကြီးက ပြန်ပြောပြပါတယ်။ ဒါပေမယ့် နိုကူဘွန်ဂါ ကမ့်ပီက ဖြစ်စဉ်ကိုနောက်ကြောင်းပြန်ပြောပြရာမှာတော့ အဲဒီတုန်းက သူကြောက်နေခဲ့တယ်လို့ ပြန်ပြောပါတယ်။

သူ့ကို တိုက်ခိုက်လာတော့ သူဟာ ဓားနဲ့ပြန်ခုခံပါတယ်။ သူက ဓားနဲ့ထိုးတော့ ထွက်ပြေးကြပါတယ်။ တယောက်ဆိုရင် ပြတင်းပေါက်ကနေ ခုန်ချသွားပါတယ်။ သုံးယောက်မှာ နှစ်ယောက်က ဒဏ်ရာ အပြင်းအထန်ရပါတယ်။ တယောက်သေဆုံးသွားပါတယ်။

သူတို့ဘယ်လိုဖြစ်သွားသလဲဆိုတာ နိုကူဘွန်ဂါ ကမ့်ပီ စောင့်မကြည့်ပါဘူး။ သူ့သမီးကို ခေါ်ပြီး အနားက သူငယ်ချင်းတယောက်အိမ် ထွက်ပြေးခဲ့ပါတယ်။

ရဲတွေ ရောက်လာတော့ နိုကူဘွန်ဂါ ကမ့်ပီကို ဖမ်းပြီး ရဲစခန်းမှာ ချုပ်ထားပါတယ်။

သမီးဆီဖိုခါဇီကို ဆေးရုံတင်လိုက်ရပြီး သူကသူ့အမေကို စိတ်ပူနေခဲ့ရပါတယ်။ သူ့အမေတော့ ထောင်နှစ်ရှည်ကျတော့မှာပဲဆိုပြီး အပူကြီးပူဆွေးခဲ့ပါတယ်။

"သူ့ကိုယ်စားကျွန်မကိုပဲ ထောင်နှစ်ရှည်ချလိုက်ပါတော့"လို့ ကျွန်မစိတ်ထဲဖြစ်မိပါတယ် လို့ဆီဖိုခါဇီက ပြောပါတယ်။
ဆီဖိုခါဇီနဲ့ နိုကူဘွန်ဂါ။ တိုက်ခိုက်မှု ဖြစ်ပြီး ၁၆ လအကြာ ၂၀၁၉ ခုနှစ် ဇန်နဝါရီလ။
ဆီဖိုခါဇီဟာ အကြောက်လွန်နေတော့ တိုက်ခိုက်မှုနဲ့ ပတ်သက်ပြီး လုံးလုံး မမှတ်မိသလောက် နီးပါးပါပဲ။ ဆေးရုံမှာ နှစ်ရက်လောက်ကြာပြီးနောက် သူ့အမေ အာမခံနဲ့ လွတ်လာပြီး ပြန်ပြောပြတော့မှသာ သူ့အမေပြောသလောက်ပဲ သူမှတ်မိပါတော့တယ်။

သူတို့သားအမိနှစ်ယောက်ဟာ တယောက်ကို တယောက်အားပေးခဲ့ကြပါတယ်။ "ကျွန်မကို နှစ်သိမ့်ဆွေးနွေးပညာပေးတဲ့သူ မရှိခဲ့ပါဘူး။ ကျွန်မအမေရဲ့ အားပေးမှုနဲ့ပဲ ပြန်ပြီး နာလန်ထူလာခဲ့တာပါ" လို့ ဆီဖိုခါဇီကပြောပါတယ်။

နိုကူဘွန်ဂါကတော့ သူတို့ဘဝကို အရင်ကလို ပြန်ဖြစ်အောင်ကြိုစားပါတယ်။

"ကျွန်မကလည်း အရင်လိုပဲ သူ့အမေဖြစ်ပြီး သူကလည်း အရင်လိုပဲ ကျွန်မသမီးပဲလေ" လို့နိုကူဘွန်ဂါကပြောပါတယ်။ သူတို့နှစ်ယောက်ဟာ ရယ်ရယ်မောမောပြောဆိုကြပြီး ဆက်ဆံရေးက အရင်ကထက် ရင်းနှီးနွေးထွေးလာပါတယ်။ နိုကူဘွန်ဂါကို စောင့်ရှောက်မယ့်သူ မရှိမှာစိုးလို့ ဆီဖိုခါဇီ ယောက်ျားမယူတော့ဘူးဆိုပြီး နောက်နေကြပါတယ်။

တိုက်ခိုက်မှုဖြစ်ပွားပြီး ၁၈ လအကြာကာလဟာ သူတို့အတွက်တော့ ခရီးရှည်ကြီး တခုကို ဖြတ်သန်းရသလိုပါပဲ။

"တိုက်ခိုက်မှု ဖြစ်အပြီး တပတ်အကြာမှာ သူတို့ကို စတွေ့တော့ နှစ်ယောက်စလုံးဟာ ဖြစ်သမျှအကြောင်း အကောင်းပဲဆိုပြီး လက်လျှော့ထားကြတဲ့ ပုံစံမျိုးရှင့်" လို့နိုကူဘွန်ဂါရဲ့ ရှေ့နေ ဘူလဲတွန်နိစ် ကပြောပါတယ်။

"အမေဖြစ်တဲ့သူဟာ သောကပင်လယ်ဝေနေပါတယ်။ အမေက ထောင်ကျတော့မယ်။ သမီးက ကူသူကယ်သူမဲ့ဖြစ်တော့မယ်ဆိုပြီးတော့လေ။ တရားရေးစနစ်ဆိုတာကလည်း ပိုက်ဆံရှိတဲ့သူအတွက်ပဲလို့ သူတို့ကတွေးတာလေ" လို့ရှေ့နေက ပြန်ပြောပါတယ်။

ရှေ့နေက နိုကူဘွန်ဂါကို မေးမြန်းနေချိန်မှာ ဆီဖိုခါဇီဟာ ဘေးကငြိမ်နားထောင်နေပါတယ်။ တိုက်ခိုက်မှုကြောင့် စကားမပြောတတ်တော့ သလိုပါပဲ။ ရှေ့နေဘူလဲတွန်နိစ်ကတော့ နိုကူဘွန်ဂါဟာ သူ့ကိုယ်သူ ခုခံကာကွယ်ဖို့ အတွက် တိုက်ခိုက်ခဲ့ရတာဖြစ်ကြောင်း ကောင်းကောင်း သက်သေပြနိုင်တယ်လို့ ယုံကြည်ပါတယ်။ တခုပဲသူစိုးရိမ်တာက သူ့အမှုသည်က အဆိုးမြင်နေတာကို ကျော်လွှားနိုင်ဖို့ ကြိုးစားလို့မှ ရပါ့မလားဆိုတာကိုပါ။ သူတို့ကြိုမမြင်နိုင်ခဲ့တာ ကတော့ မီဒီယာတွေရဲ့ အထောက်အပံ့အကူအညီနဲ့ ပတ်သက်တဲ့ အချက်ကိုပါ။ မီဒီယာတွေက နိုကူဘွန်ဂါကို ခြင်္သေ့မိခင်လို့ ခေါ်ဝေါ်သုံးစွဲလိုက်တဲ့အခါ လူတွေရဲ့စာနာမှုကို အများအပြားရလာခဲ့ပါတယ်။
 လေဒီဖရဲရွာမှာ အစဉ်အလာ ဓလေ့နဲ့ အညီ ဇိုရှာမျိုးနွယ် လူငယ်ရဲ့ လူလားမြောက်ကြောင်း အခမ်းအနားမကျင်းပမီ လူငယ်တယောက်တဲထဲမှာ အနားယူနေစဉ်။ ၂၀၀၀ ခုနှစ်။
သာမန်အားဖြင့် တောင်အာဖရိကမှာ မုဒိမ်းမှု အကြောင်းကို မီဒီယာတွေက အနည်းအကျဉ်းလောက်သာ ဖော်ပြကြပါတယ်။ တနိုင်ငံလုံးမှာ မုဒိမ်းမှုတွေက အမြောက်အမြားဖြစ်နေတာပါ။ ပျမ်းမျှ တရက်ကို အမှုပေါင်း ၁၁၀ လောက်ဖြစ်ပါတယ်။ နိုင်ငံလုံးဆိုင်ရာ အခက်အခဲကြီးဖြစ်နေပြီလို့တောင် သမ္မတ စီရဲလ် ရမ်မာဖိုးဆာက ထုတ်ဖော်ပြောယူရတဲ့အထိပါ။

အလုပ်လက်မဲ့ရာခိုင်နှုန်း ၄၅ ရာနှုန်းရှိပြီး ဆင်းရဲလှတဲ့ ကိပ်ပြည်နယ်အရှေ့ပိုင်းမှာ မုဒိမ်းမှု အရေအတွက်က များလှပါတယ်။ နိုကူဘွန်ဂါတို့နေတဲ့ လေဒီဖရဲရွာမှာ ၂၀၁၇-၂၀၁၈ တနှစ်တည်းမှာ မုဒိမ်းမှု ၇၄ မှု ဖြစ်ခဲ့ပါတယ်။ လူ ၅၀၀၀ ရှိတဲ့ရွာမှာ မုဒိမ်းမှု ၇၄ မှုဆိုတာ အံ့သြလောက်အောင်ကို များလှပါတယ်။

မုဒိမ်းမှုများလွန်းလို့ သတင်းထူးဖြစ်မလာတတ်တဲ့ တောင်အာဖရိကမှာ နိုကူဘွန်ဂါတို့ အမှုကတော့ ထူးထူးခြားခြား ထိပ်တန်းသတင်းဖြစ်လာပါတယ်။ သမီးကိုကာကွယ်ဖို့ အတွက် စွန့်စားခဲ့တဲ့ အမေတယောက်ရဲ့ သတင်းဟာ မမျှော်လင့်ဘဲ စိတ်ဝင်စားစရာ ထိပ်တန်းသတင်းဖြစ်လာပါတယ်။ မုဒိမ်းမှုမှာ တရားခံရဲ့ အမည်ကို အကာအကွယ် ပေးရမယ်ဆိုတဲ့ ဥပဒေကြောင့် သတင်းစာတွေဟာ နိုကူဘွန်ဂါ အကြောင်းရေးတဲ့အခါ သူ့ကို ခြင်္သေ့မိခင်လို့ပဲ သုံးကြပါတယ်။ သတင်းဓာတ်ပုံအဖြစ်နဲ့ ခြင်္သေ့ငယ်လေးနဲ့ ခြင်္သေ့မကြီးပုံကို အသုံးပြုကြပါတယ်။ ခြင်္သေ့မိခင်ဆိုတဲ့ နာမည်ဟာ ကျော်ကြားသွားပါတယ်။

"အစကတော့ သူတို့က အဲသလိုနာမည်ပေးတာကို မကြိုက်ပါဘူး။ ဘာလို့လဲဆိုတော့ သူတို့က ဘာလို့ အဲသလိုခေါ်သလဲဆိုတာ ကျွန်မနားမလည်လို့ပါ"လို့ နိုကူဘွန်ဂါက ဆိုပါတယ်။ "ဒါပေမယ့် နောက်တော့ ခြင်္သေ့ငယ်ကို ကာကွယ်တဲ့ ခြင်္သေ့မကြီး အဖြစ်နဲ့ သူတို့က ကျွန်မကို ဟီးရိုးလိုသဘောထားပြီး ခေါ်တာပဲဆိုတာ သိလာပါတယ်" လို့ နိုကူဘွန်ဂါကပြောပါတယ်။

နိုကူဘွန်ဂါကို လူသတ်မှုနဲ့ တရားစွဲဆိုဖို့ တရားရုံးက လက်ခံဆုံးဖြတ်ခဲ့တာကို လူတွေက ဝေဖန်ကန့်ကွက်ကြပါတယ်။ နိုကူဘွန်ဂါ အတွက် တရားစရိတ်ကိုလည်း အလှူငွေကောက်ပြီး ထောက်ပံ့ကြပါတယ်။

ဒါပေမယ့် သူ့အပေါ် လူထုထောက်ခံမှုဟာ သူ့ကို ရုံးထုတ်တဲ့ရက်မရောက်ခင်က သိပ်မထင်ရှားလှသေးပါဘူး။

သူ့ကို ရုံးထုတ်တဲ့နေမှာတော့ "တရားရုံးကိုသွားရမှာ ကျွန်မသိပ်ကြောက်တာပဲ။ မနက်အိပ်ရာကနိုးကတည်းက ဘုရားရှိခိုးဆုတောင်းနေခဲ့မိပါတယ်"လို့ နိုကူဘွန်ဂါက ပြောပါတယ်။

တရားရုံးရောက်တော့ တရုံးလုံးမှာ သူ့အတွက် ဆုတောင်းပေးမယ့်သူတွေနဲ့ ပြည့်နေတာ တွေ့လိုက်ရပါတယ်။

"တောင်အာဖရိက အနှံ့အပြားကလူတွေ အဲဒီမှာ ပြည့်နှက်နေတာတွေ့လိုက်ရပါတယ်။ သူတို့ကို ကျေးဇူးပါလို့ပဲ ပြောနိုင်ပါတယ်။ သူတို့ဟာ ကျွန်မကို ထောက်ခံခဲ့ကြပါတယ်။ ကျွန်မကို မျှော်လင့်ချက်ပေးခဲ့ပါတယ်"

တရားသူကြီးက သူ့ကို အမြန်ခေါ်ပြီး အမှုပလပ်လိုက်ပြီလို့ ကြေညာလိုက်ပါတယ်။

"ကျွန်မဝမ်းသာလိုက်တာ။ တရားဥပဒေဆိုတာ အမှားနဲ့ အမှန်ကို ခွဲခြားတတ်ပါလားလို့ ကျွန်မသဘောပေါက်သွားပါတယ်။ ကျွန်မဟာ လူတယောက်ကို သေစေချင်တဲ့ ဆန္ဒနဲ့ လုပ်ခဲ့တာ မဟုတ်ဘူး"လို့ သူတို့က ပြောပါတယ်။

"လူသတ်မှုကို ပလပ်ပြီးတော့ နိုကူဘွန်ဂါက သူ့သမီးကို လှမ်းခေါ်တယ်။ သူ့သမီး ဆီဖိုခါဇီရယ်တာကို အဲဒီတော့မှ ကျွန်မပထမဆုံးမြင်ဖူးပါတော့တယ်။ အဲဒီနောက် ဆီဖိုခါဇီက သူ့ကို အဓမ္မပြုတဲ့သူတွေကိုလည်း ထောင်ကျစေချင်တယ်"လို့ ပြောကြောင်း ရှေ့နေ ဘူလဲတွန်နိစ်ကပြောပါတယ်။

အဲသလို ဖြစ်လာဖို့တော့ နောက်ထပ် တနှစ်လောက်စောင့်လိုက်ရပါတယ်။ မသေဘဲ ကျန်ရစ်ခဲ့တဲ့ အသက် ၃၀ နဲ့ အသက် ၂၅ နှစ်ရှိတဲ့ မုဒိမ်းသမား နှစ်ယောက်ဟာ ၂၀၁၈ ခုနှစ် ဒီဇင်ဘာလထဲမှာ ထောင်ဒဏ်နှစ် ၃၀ စီ အပြစ်ပေးခံလိုက်ကြရပါတယ်။

သူတို့ထောင်ကျသွားတာ ကျေနပ်ပါတယ်လို့ အခုအခါ အသက် ၂၇ နှစ်ရှိပြီဖြစ်တဲ့ ဆီဖိုခါဇီက ပြောပါတယ်။ "သူတို့ထောင်ကျသွားတော့ ကျွန်မအတွက် အန္တရာယ် ကင်းသွားတယ်လို့ စိတ်ထဲဖြစ်မိပါတယ်။ ဒါပေမယ့် ဒီလူတွေဟာ တကယ်တန်းက ထောင်ဒဏ်တသက်ကျသင့်တာလို့ ကျွန်မတွေးမိပါတယ်" လို့ ဆိုပါတယ်။

အမှုပိတ်ပြီးနောက်မှာတော့ ဆီဖိုခါဇီဟာ ဒီအမှုမှာ မုဒိမ်းအကျင့်ခံရတာဟာ သူပဲဆိုတာ ထုတ်ဖော်ကြေညာဖို့ ဆုံးဖြတ်လိုက်တယ်။

"ဒီလိုအတိုက်အခိုက်ခံရလို့ ဘဝပျက်မသွားဘူး။ အတိုက်အခိုက်ခံရပြီးနောက်မှာ ဘဝကို ဆက်လက်ရှင်သန်လို့ရသေးတယ်၊ လူတောသူတောထဲပြန်တိုးနိုင်တယ်" ဆိုတာကိုပြချင်လို့ပါလို့သူကဆိုပါတယ်။

ထောင်ဒဏ် နှစ် ၃၀ ခံလိုက်ရတဲ့သူတွေဟာလည်း ထောင်ကလွတ်လာရင် နောင်တရပြီး လူသစ်စိတ်သစ်ပြောင်းလဲလာနိုင်လိမ့်မယ်လို့ နိုကူဘွန်ဂါက မျှော်လင့်ပါတယ်။

သူတို့ဟာ ဒီအဖြစ်အပျက်ကနေ သင်ခန်းယူနိုင်ကြလိမ့်မယ်ထင်ပါတယ်လို့ ဆိုပါတယ်။

ဖိုးသူတော်(www.phothutaw.com)
Credit:BBC Burmese
https://www.bbc.com/burmese
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top