(၁၀) ၾကိမ္ေျမာက္ ျမန္မာႏိုင္ငံ၏ အၾကီးဆံုးအိမ္ၿခံေျမ အေရာင္းျပပဲြၾကီး
×

ၾသစေၾတးလ်ႏုိင္ငံ အေ႐ွ႕ေတာင္ပုိင္းတစ္ေလွ်ာက္ ေနရာေဒသေတြမွာ ႀကီးမားတဲ့ သဲမုန္တုိင္းတုိက္ခဲ့ၿပီး ေကာင္းကင္ဟာ လိေမၼာ္ေရာင္ေျပာင္းသြားခဲ့ပါတယ္။ ဗုဒၶဟူးေန႕ (ႏုိဝင္ဘာ ၂၁ ရက္) က စတင္တိုက္ခတ္ေနခဲ့တဲ့ သဲမုန္တုိင္းေၾကာင့္ ေလထုမသန္႕႐ွင္းနဲ႕ပတ္သက္ၿပီး စုိးရိမ္မႈေတြလည္း ျမင့္တက္ေနပါတယ္။

သဲမုန္တုိင္းတုိက္မႈေၾကာင့္ မုိင္ ၃၁၀ က်ယ္ဝန္းတဲ့ ပမာဏ႐ွိ ဖုန္မႈန္ျပင္ႀကီးဟာ ဆစ္ဒနီၿမဳိ႕ကုိ စတင္ေရာက္႐ွိလာမယ္လုိ႕ အာဏာပိုင္ေတြက ယေန႕ (ႏုိဝင္ဘာ ၂၂ ရက္) သတိေပးခ်က္ ထုတ္ျပန္ထားပါတယ္။ New South Wales (NSW) ႐ွိ ေနရာေဒသအမ်ားအျပားမွာ သဲမုန္တုိင္းေၾကာင့္ ျမင္ကြင္းမ႐ွင္းမႈေတြ ျဖစ္ေပၚေနပါတယ္။

ေလျပင္းမ်ားတုိက္ခတ္မႈေၾကာင့္ ေျခာက္ေသြ႕တဲ့ ေျမျပင္မွ ဖုန္မႈန္ေတြပ်ံ႕လြင့္ကာ မုန္တုိင္းျဖစ္လာတယ္လုိ႕ အာဏာပိုင္ေတြက ေျပာပါတယ္။ New South Wales ျပည္နယ္မွာ ၿပီးခဲ့တဲ့ ၾသဂုတ္လကတည္းက မုိးေခါင္တဲ့ရာသီဥတု သက္ေရာက္မႈႀကဳံခဲ့မႈေၾကာင္လည္း သဲမုန္တုိင္းျပႆနာကုိ ပိုမုိဆုိးဝါးေစခ့ဲေၾကာင္း ၾသစေၾတးလ် မုိးေလဝသဌာနက သုံးသပ္ခဲ့ပါတယ္။

က်န္းမာေရးဆုိင္ရာ တာဝန္႐ွိသူေတြက အဓိကအားျဖင့္ အသက္႐ွဴလမ္းေၾကာင္းျပႆနေတြ႐ွိတဲ့ ကေလးငယ္မ်ားနဲ႕သက္ႀကီး႐ြယ္အုိမ်ား အပါအဝင္ ေဒသခံေတြကုိ ေနအိမ္အတြင္းမွာသာ ေနထုိင္ၾကရန္ တုိက္တြန္းထားပါတယ္။

ဆစ္ဒနီၿမဳိ႕နဲ႕ ၆၈၃ မုိင္ေက်ာ္ကြာေဝးတဲ့ Broken Hill ၿမဳိ႕မွ ေဒသခံတစ္ဦးက သဲမုန္တုိင္းဟာ ႏုိဝင္ဘာ ၂၁ ရက္ေန႕က နာရီနဲ႕ခ်ီၿပီး တိုက္ခတ္ေနခဲ့ေၾကာင္း ေျပာခဲ့ပါတယ္။ ယခု သဲမုန္တုိင္းဟာ ဆစ္ဒနီၿမဳိ႕ကုိ မည္မွ်အထိ ျပင္းထန္စြာ သက္ေရာက္တုိက္ခတ္မယ့္ အေျခအေနကုိေတာ့ အတိအက် မသိႏုိင္ေသးဘူးလုိ႕ မုိးေလဝသခန္႕မွန္းသူေတြက ဆုိပါတယ္။

ဖိုးသူေတာ္ (www.phothutaw.com)
Credit: Duwun


#Unicode Version#

သြစတြေးလျနိုင်ငံ အရှေ့တောင်ပိုင်းတစ်လျှောက် နေရာဒေသတွေမှာ ကြီးမားတဲ့ သဲမုန်တိုင်းတိုက်ခဲ့ပြီး ကောင်းကင်ဟာ လိမ္မော်ရောင်ပြောင်းသွားခဲ့ပါတယ်။ ဗုဒ္ဓဟူးနေ့ (နိုဝင်ဘာ ၂၁ ရက်) က စတင်တိုက်ခတ်နေခဲ့တဲ့ သဲမုန်တိုင်းကြောင့် လေထုမသန့်ရှင်းနဲ့ပတ်သက်ပြီး စိုးရိမ်မှုတွေလည်း မြင့်တက်နေပါတယ်။

သဲမုန်တိုင်းတိုက်မှုကြောင့် မိုင် ၃၁၀ ကျယ်ဝန်းတဲ့ ပမာဏရှိ ဖုန်မှုန်ပြင်ကြီးဟာ ဆစ်ဒနီမြို့ကို စတင်ရောက်ရှိလာမယ်လို့ အာဏာပိုင်တွေက ယနေ့ (နိုဝင်ဘာ ၂၂ ရက်) သတိပေးချက် ထုတ်ပြန်ထားပါတယ်။ New South Wales (NSW) ရှိ နေရာဒေသအများအပြားမှာ သဲမုန်တိုင်းကြောင့် မြင်ကွင်းမရှင်းမှုတွေ ဖြစ်ပေါ်နေပါတယ်။

လေပြင်းများတိုက်ခတ်မှုကြောင့် ခြောက်သွေ့တဲ့ မြေပြင်မှ ဖုန်မှုန်တွေပျံ့လွင့်ကာ မုန်တိုင်းဖြစ်လာတယ်လို့ အာဏာပိုင်တွေက ပြောပါတယ်။ New South Wales ပြည်နယ်မှာ ပြီးခဲ့တဲ့ သြဂုတ်လကတည်းက မိုးခေါင်တဲ့ရာသီဥတု သက်ရောက်မှုကြုံခဲ့မှုကြောင်လည်း သဲမုန်တိုင်းပြဿနာကို ပိုမိုဆိုးဝါးစေခဲ့ကြောင်း သြစတြေးလျ မိုးလေဝသဌာနက သုံးသပ်ခဲ့ပါတယ်။

ကျန်းမာရေးဆိုင်ရာ တာဝန်ရှိသူတွေက အဓိကအားဖြင့် အသက်ရှူလမ်းကြောင်းပြဿနတွေရှိတဲ့ ကလေးငယ်များနဲ့သက်ကြီးရွယ်အိုများ အပါအဝင် ဒေသခံတွေကို နေအိမ်အတွင်းမှာသာ နေထိုင်ကြရန် တိုက်တွန်းထားပါတယ်။

ဆစ်ဒနီမြို့နဲ့ ၆၈၃ မိုင်ကျော်ကွာဝေးတဲ့ Broken Hill မြို့မှ ဒေသခံတစ်ဦးက သဲမုန်တိုင်းဟာ နိုဝင်ဘာ ၂၁ ရက်နေ့က နာရီနဲ့ချီပြီး တိုက်ခတ်နေခဲ့ကြောင်း ပြောခဲ့ပါတယ်။ ယခု သဲမုန်တိုင်းဟာ ဆစ်ဒနီမြို့ကို မည်မျှအထိ ပြင်းထန်စွာ သက်ရောက်တိုက်ခတ်မယ့် အခြေအနေကိုတော့ အတိအကျ မသိနိုင်သေးဘူးလို့ မိုးလေဝသခန့်မှန်းသူတွေက ဆိုပါတယ်။
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top