ရန္ကင္းျမိဳ ႔နယ္ Sedona Hotel အနီး အသင့္ေဆာက္ျပီး စိမ္းလဲ့ေအာင္ကြန္ဒိုအေရာင္းျပပြဲ
×

YBS ယာဥ္လိုင္းေျပးဆြဲမႈတြင္ ယာဥ္ေမာင္းက ယာဥ္စီးခေကာက္ခံျခင္းႏွင့္ ခရီးသည္က ယာဥ္စီးခ ထည့္ဝင္မစီးျခင္း စသည့္မသမာမႈမ်ားကို ထိန္းခ်ဳပ္ရန္ လက္မွတ္စစ္မ်ားျဖင့္ စစ္ေဆးမည္ျဖစ္ေၾကာင္း Power Eleven ကုမၸဏီအုပ္ ခ်ဳပ္မႈဒါ႐ိုက္တာ ဦးသက္တင္ဝင္းက ေျပာၾကားသည္။

“ဒီစနစ္က အျမန္ဆံုးအေကာင္ အထည္ေဖာ္သင့္တဲ့အရာပါ။ အခုဆိုရင္ ယာဥ္ေမာင္းေတြက ယာဥ္စီးခကို ေတာင္းေနတာေတြ အမ်ားႀကီး။ ေနာက္ခရီးသည္ကလည္း ယာဥ္စီးခကို မထည့္ဘဲ စီးတာေတြရွိေနတယ္။ ဒါကို ထိန္းခ်ဳပ္တဲ့သေဘာပါ”ဟု ၎က ဆိုသည္။

YBS ၂၁ ယာဥ္လိုင္းတြင္ ခရီးသည္မ်ားကို လက္မွတ္မ်ားျဖင့္ စီးနင္းျခင္းကို စမ္းသပ္ကာလအျဖစ္ ေဆာင္႐ြက္ေနၿပီျဖစ္ၿပီး အဆိုပါလက္မွတ္တြင္ ယာဥ္ေပၚတြင္ တစ္ခါတည္း ထုတ္ယူရမည္ျဖစ္ကာ လက္ရွိတြင္ ခရီးသည္မ်ားမွာ လက္မွတ္မ်ားကို ယူေဆာင္ျခင္းမရွိဘဲ စီးနင္းမႈမ်ားရွိေနေၾကာင္း ၎က ေျပာၾကားသည္။

“လက္မွတ္ထုတ္ေပးတဲ့စက္က တစ္ရက္ကို ခရီးသည္ဘယ္ႏွဦးမွာ ယာဥ္စီးခ ဘယ္ေလာက္ရွိတယ္ဆိုတာကို အတိအက်ေဖာ္ျပတယ္။ အဲဒီေတာ့ ယာဥ္ေမာင္းက ေငြယူလို႔မရဘူး။ လက္ရွိျပႆနာက ခရီးသည္ေတြက လက္မွတ္ေပးတာကို မထုတ္ယူဘဲစီးေတာ့ ျဖတ္ပိုင္းမွာ ၃၀ ရာခိုင္ႏႈန္းေလာက္က စာရင္းမရွိဘူး”ဟု ၎က ဆိုသည္။

ထိုကဲ့သို႔အေျခအေနကို ထိန္းခ်ဳပ္ရန္ ခရီးသည္မ်ားကို လက္မွတ္စစ္မ်ားျဖင့္ ေရွာင္တစ္ခင္စစ္ေဆးမည္ျဖစ္ၿပီး စစ္ေဆးေရးအဖြဲ႔တစ္ဖြဲ႔လွ်င္ ငါးဦးပါဝင္ကာ ကားမ်ားျဖင့္ လိုက္လံစစ္ေဆးမည္ျဖစ္ေၾကာင္း ၎က ဆက္လကေျပာၾကားသည္။

ယင္းလက္မွတ္စနစ္ ေဖာ္ေဆာင္ျခင္းမွာ တိုင္းအစိုးရ၏ကတ္စနစ္ ေဖာ္ေဆာင္ခ်ိန္တြင္ ခရီးသြားျပည္သူမ်ား ကတ္စနစ္ႏွင့္ အသားက်ရန္ ႀကိဳတင္ေဆာင္႐ြက္ျခင္းျဖစ္ၿပီး ကတ္စနစ္အေကာင္ အထည္ေဖာ္ရန္မွာ အခ်ိန္ယူေဆာင္႐ြက္ရမည္ျဖစ္ေၾကာင္း ဦးသက္တင္ဝင္းက ေျပာၾကားသည္။

Power Eleven ကုမၸဏီသည္ YBS ၂၁ ယာဥ္လိုင္းတြင္ ယာဥ္စီးေရ ၈၃ စီးျဖင့္ ေန႔စဥ္ေျပးဆြဲလ်က္ရွိၿပီး လက္မွတ္မ်ားျဖင့္ စီးနင္းျခင္းကို ယာဥ္တစ္လိုင္းလံုးတြင္ ေဆာင္႐ြက္မည္ျဖစ္ေၾကာင္း အဆိုပါကုမၸဏီထံမွ သိရသည္။

ရန္ကုန္တိုင္းအတြင္း ေျပးဆြဲေနေသာ YBS ယာဥ္လိုင္းမ်ားတြင္ Yangon Payment Services(YPS) ေငြေပးေခ်ကတ္စနစ္ကို တင္ဒါေအာင္ျမင္ခဲ့ေသာ Asia Starmar Transport Intelligent ကုမၸဏီက သံုးလအတြင္း လုပ္ငန္းအေကာင္အထည္ေဖာ္မည္ျဖစ္ေၾကာင္း ရန္ကုန္တိုင္းေဒသႀကီးအစိုးရအဖြဲ႔ထံမွ သိရသည္။

ဖိုးသူေတာ္ (www.phothutaw.com)
Credit: TheVoice

#Unicode Version#
YBS ယာဉ်လိုင်းပြေးဆွဲမှုတွင် ယာဉ်မောင်းက ယာဉ်စီးခကောက်ခံခြင်းနှင့် ခရီးသည်က ယာဉ်စီးခ ထည့်ဝင်မစီးခြင်း စသည့်မသမာမှုများကို ထိန်းချုပ်ရန် လက်မှတ်စစ်များဖြင့် စစ်ဆေးမည်ဖြစ်ကြောင်း Power Eleven ကုမ္ပဏီအုပ် ချုပ်မှုဒါရိုက်တာ ဦးသက်တင်ဝင်းက ပြောကြားသည်။

“ဒီစနစ်က အမြန်ဆုံးအကောင် အထည်ဖော်သင့်တဲ့အရာပါ။ အခုဆိုရင် ယာဉ်မောင်းတွေက ယာဉ်စီးခကို တောင်းနေတာတွေ အများကြီး။ နောက်ခရီးသည်ကလည်း ယာဉ်စီးခကို မထည့်ဘဲ စီးတာတွေရှိနေတယ်။ ဒါကို ထိန်းချုပ်တဲ့သဘောပါ”ဟု ၎င်းက ဆိုသည်။

YBS ၂၁ ယာဉ်လိုင်းတွင် ခရီးသည်များကို လက်မှတ်များဖြင့် စီးနင်းခြင်းကို စမ်းသပ်ကာလအဖြစ် ဆောင်ရွက်နေပြီဖြစ်ပြီး အဆိုပါလက်မှတ်တွင် ယာဉ်ပေါ်တွင် တစ်ခါတည်း ထုတ်ယူရမည်ဖြစ်ကာ လက်ရှိတွင် ခရီးသည်များမှာ လက်မှတ်များကို ယူဆောင်ခြင်းမရှိဘဲ စီးနင်းမှုများရှိနေကြောင်း ၎င်းက ပြောကြားသည်။

“လက်မှတ်ထုတ်ပေးတဲ့စက်က တစ်ရက်ကို ခရီးသည်ဘယ်နှဦးမှာ ယာဉ်စီးခ ဘယ်လောက်ရှိတယ်ဆိုတာကို အတိအကျဖော်ပြတယ်။ အဲဒီတော့ ယာဉ်မောင်းက ငွေယူလို့မရဘူး။ လက်ရှိပြဿနာက ခရီးသည်တွေက လက်မှတ်ပေးတာကို မထုတ်ယူဘဲစီးတော့ ဖြတ်ပိုင်းမှာ ၃၀ ရာခိုင်နှုန်းလောက်က စာရင်းမရှိဘူး”ဟု ၎င်းက ဆိုသည်။

ထိုကဲ့သို့အခြေအနေကို ထိန်းချုပ်ရန် ခရီးသည်များကို လက်မှတ်စစ်များဖြင့် ရှောင်တစ်ခင်စစ်ဆေးမည်ဖြစ်ပြီး စစ်ဆေးရေးအဖွဲ့တစ်ဖွဲ့လျှင် ငါးဦးပါဝင်ကာ ကားများဖြင့် လိုက်လံစစ်ဆေးမည်ဖြစ်ကြောင်း ၎င်းက ဆက်လကပြောကြားသည်။

ယင်းလက်မှတ်စနစ် ဖော်ဆောင်ခြင်းမှာ တိုင်းအစိုးရ၏ကတ်စနစ် ဖော်ဆောင်ချိန်တွင် ခရီးသွားပြည်သူများ ကတ်စနစ်နှင့် အသားကျရန် ကြိုတင်ဆောင်ရွက်ခြင်းဖြစ်ပြီး ကတ်စနစ်အကောင် အထည်ဖော်ရန်မှာ အချိန်ယူဆောင်ရွက်ရမည်ဖြစ်ကြောင်း ဦးသက်တင်ဝင်းက ပြောကြားသည်။

Power Eleven ကုမ္ပဏီသည် YBS ၂၁ ယာဉ်လိုင်းတွင် ယာဉ်စီးရေ ၈၃ စီးဖြင့် နေ့စဉ်ပြေးဆွဲလျက်ရှိပြီး လက်မှတ်များဖြင့် စီးနင်းခြင်းကို ယာဉ်တစ်လိုင်းလုံးတွင် ဆောင်ရွက်မည်ဖြစ်ကြောင်း အဆိုပါကုမ္ပဏီထံမှ သိရသည်။

ရန်ကုန်တိုင်းအတွင်း ပြေးဆွဲနေသော YBS ယာဉ်လိုင်းများတွင် Yangon Payment Services(YPS) ငွေပေးချေကတ်စနစ်ကို တင်ဒါအောင်မြင်ခဲ့သော Asia Starmar Transport Intelligent ကုမ္ပဏီက သုံးလအတွင်း လုပ်ငန်းအကောင်အထည်ဖော်မည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့ထံမှ သိရသည်။


ဖိုးသူတော် (www.phothutaw.com)
Credit: TheVoice
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top