န၀ေဒးရုပ္ရွင္ရံု ႏွင့္ ဗဟိုမီးသတ္အနီး Facility ျပည့္စံုသည့္ အသင့္ေန Real Home ကြန္ဒိုအေရာင္းျပပြဲ
×

ထိုင္းႏိုင္ငံေျမာက္ပိုင္းက လိုဏ္ဂူတခုထဲမွာ ပိတ္မိေနခဲ့တဲ့ ေဘာလံုးနည္းျပနဲ႔ လူငယ္ေဘာလံုးအသင္းသား ၁၃ ဦးထဲမွာ ျမန္မာျပည္ဖြား တိုင္းရင္းသားကေလးငယ္တဦး ပါဝင္ၿပီး သူ႔ရဲ႕ ထူးခၽြန္ထက္ျမက္မႈေတြေၾကာင့္ မီဒီယာေတြမွာ နာမည္ႀကီးေနပါတယ္။

အသက္ ၁၄ ႏွစ္အရြယ္ အေဒါလ္ဆန္းမြန္ အမည္ရတဲ့ အဲဒီကေလးငယ္ဟာ ျမန္မာႏိုင္ငံ၊ ဝ ကိုယ္ပိုင္အုပ္ခ်ဳပ္ခြင့္ရ ေဒသတြင္းမွာ ေမြးဖြားခဲ့တာျဖစ္ၿပီး ထိုင္းႏိုင္ငံထဲမွာ ေရႊ႕ေျပာင္း ဒုကၡသည္အျဖစ္ ေနထိုင္ ပညာသင္ၾကားေနတာ ျဖစ္ပါတယ္။သူအပါအဝင္ နည္းျပနဲ႔ ေတာဝက္ေဘာလံုးအသင္းသားေတြဟာ ထိုင္းႏုိင္ငံေျမာက္ပိုင္း ခ်င္း႐ိုင္ခ႐ုိင္၊ မယ္ဆုိင္ၿမိဳ႕နယ္ထဲက ခြန္နမ့္နန္းႏြန္း လုိဏ္ဂူထဲကို ဇြန္လ ၂၃ ရက္ေန႔က ဝင္ေရာက္သြားခဲ့ၾကၿပီး ေပ်ာက္ဆံုးေနခဲ့တာ ျဖစ္ပါတယ္။ေနာက္ဆံုးသူတို႔ကို ပထမဆံုး အသက္ရွင္လ်က္ ျပန္ေတြ႔ခ်ိန္မွာေတာ့ အေဒါလ္ကို ကယ္ဆယ္ေရးအဖြဲ႔နဲ႔ အဂၤလိပ္လို ေျပာဆိုဆက္သြယ္ႏုိင္တဲ့ တဦးတည္းေသာ ကေလးအျဖစ္ ကမၻာ့သတင္းမီဒီယာေတြမွာပါ ေဖာ္ျပခဲ့ၾကတာပါ။

ဂူထဲကေန “က်ေနာ္ အေဒါလ္ပါ။ က်ေနာ္ အေျခအေနေကာင္းပါတယ္” လို႔ ေအာ္ေျပာလိုက္ၿပီး ထိုင္းဘာသာနဲ႔ “ေဝ” လို႔ အသံထြက္ ဦးညႊတ္ႏႈတ္ဆက္တာဟာ ယဥ္ေက်းဖြယ္ရာ ေလးေလးစားစား ႏႈတ္ဆက္တာမ်ိဳးျဖစ္တယ္လို႔ သူ႔ရဲ႕ဆရာေတြက ဆိုပါတယ္။မ်က္ဝန္းက်ယ္က်ယ္၊ ခပ္ပိန္ပိန္ပံုစံရွိတဲ့ အေဒါလ္က ကယ္ဆယ္ေရးအဖြဲ႔ကို အဂၤလိပ္လို “ဒီေန႔ ဘာေန႔လဲဗ်” လို႔ ေမးခဲ့ၿပီး ဂူထဲက သူတို႔ေတြ ဆာေလာင္ေနၾကတဲ့အေၾကာင္း ေျပာဆိုႏိုင္ခဲ့တာပါ။

သူဟာ ၇ ႏွစ္သား အရြယ္ကတည္းက မိသားစုနဲ႔ခြဲကာ ထိုင္းႏိုင္ငံမွာ ပညာသင္ၾကားေနခဲ့တာျဖစ္ၿပီး ခရစ္ယာန္ဘုရားေက်ာင္းတခုမွာ ေနထိုင္ခဲ့တာ ျဖစ္ပါတယ္။

အေဒါလ္ဟာ ထိုင္း၊ ျမန္မာနဲ႔ တ႐ုတ္ဘာသာစကားေတြကိုလည္း ေျပာဆိုႏိုင္ၿပီး မိသားစုက သူရွိတဲ့ ဘုရားေက်ာင္းကို လာေရာက္လည္ပတ္ေလ့ရွိတယ္လို႔ ဆိုပါတယ္။ဝေဒသဟာ ကိုယ္ပိုင္အုပ္ခ်ဳပ္ခြင့္ရေဒသ ျဖစ္တယ္လို႔ ေျပာေပမယ့္ ျမန္မာမွာေရာ ႏိုင္ငံတကာကပါ အသိအမွတ္မျပဳထားဘဲ ျမန္မာအစိုးရနဲ႔ ဝေဒသ ႏွစ္ဖက္စစ္တပ္ေတြၾကား တိုက္ပြဲေတြေၾကာင့္ ေဒသခံေတြအေနနဲ႔ ထိုင္းႏိုင္ငံဘက္ကို ေရႊ႕ေျပာင္းေနထိုင္ရတာမ်ိဳးေတြ ရွိတဲ့ ေဒသတခု ျဖစ္ပါတယ္။အေဒါလ္ဟာ ထိုင္းႏိုင္ငံေရာက္ ေရႊ႕ေျပာင္းဒုကၡသည္ ၄ သိန္းေက်ာ္ထဲမွာ တဦး အပါအဝင္ျဖစ္ၿပီး သူ႔မွာ ေမြးစာရင္း၊ ႏိုင္ငံသားျဖစ္မႈ အေထာက္အထား၊ ႏိုင္ငံကူးလက္မွတ္ေတြ ရွိမေနတဲ့အတြက္ တရားဝင္လက္ထပ္ခြင့္၊ အလုပ္လုပ္ႏိုင္ခြင့္၊ ဘဏ္ေငြစာရင္းဖြင့္ခြင့္၊ ခရီးသြားလာခြင့္၊ မဲေပးခြင့္ စတာေတြကို ရရွိႏိုင္မွာ မဟုတ္ဘူးလို႔ ဆိုပါတယ္။ဒါေပမယ့္ သူတက္ေရာက္ေနတဲ့ ေက်ာင္းက ဒါ႐ုိက္တာ ဖူနဝစ္ သက္ပ္ဆူရင္ကေတာ့ အေဒါလ္ကို “သူက ရတနာတပါးပဲ” လို႔ ခ်ီးက်ဴးလိုက္ပါတယ္။

“သူက ေက်ာင္းစာေရာ၊ အားကစားပါ ၂ မ်ိဳးလံုး ထူးခၽြန္သူပါ။ သူက ေက်ာင္းအတြက္ သူ႔ရဲ႕ေအာင္ျမင္မႈကေန ေရႊတံဆိပ္ဆုေတြ၊ ဂုဏ္ထူးေဆာင္လက္မွတ္ေတြ အမ်ားႀကီး ယူေပးနိုင္ခဲ့သူပါ။”ထူးခၽြန္လိုစိတ္ျပင္းျပတဲ့ ေဘာလံုးသမားေလး အေဒါလ္ဟာ စႏၵယားနဲ႔ ဂစ္တာတီးရတာေတြကိုလည္း ႏွစ္သက္ၿပီး လက္ရွိမွာေတာ့ သူ႔အေၾကာင္းဟာ သတင္းမီဒီယာေတြမွာေရာ လူမႈကြန္ရက္ စာမ်က္ႏွာေတြေပၚမွာပါ လူေျပာမ်ား ေရပန္းစားေနတာ ျဖစ္ပါတယ္။
ဖိုးသူေတာ္ (www.phothutaw.com)
Credit:  DVB

#Unicode Version#
 ထိုင်းနိုင်ငံမြောက်ပိုင်းက လိုဏ်ဂူတခုထဲမှာ ပိတ်မိနေခဲ့တဲ့ ဘောလုံးနည်းပြနဲ့ လူငယ်ဘောလုံးအသင်းသား ၁၃ ဦးထဲမှာ မြန်မာပြည်ဖွား တိုင်းရင်းသားကလေးငယ်တဦး ပါဝင်ပြီး သူ့ရဲ့ ထူးချွန်ထက်မြက်မှုတွေကြောင့် မီဒီယာတွေမှာ နာမည်ကြီးနေပါတယ်။

အသက် ၁၄ နှစ်အရွယ် အဒေါလ်ဆန်းမွန် အမည်ရတဲ့ အဲဒီကလေးငယ်ဟာ မြန်မာနိုင်ငံ၊ ဝ ကိုယ်ပိုင်အုပ်ချုပ်ခွင့်ရ ဒေသတွင်းမှာ မွေးဖွားခဲ့တာဖြစ်ပြီး ထိုင်းနိုင်ငံထဲမှာ ရွှေ့ပြောင်း ဒုက္ခသည်အဖြစ် နေထိုင် ပညာသင်ကြားနေတာ ဖြစ်ပါတယ်။သူအပါအဝင် နည်းပြနဲ့ တောဝက်ဘောလုံးအသင်းသားတွေဟာ ထိုင်းနိုင်ငံမြောက်ပိုင်း ချင်းရိုင်ခရိုင်၊ မယ်ဆိုင်မြို့နယ်ထဲက ခွန်နမ့်နန်းနွန်း လိုဏ်ဂူထဲကို ဇွန်လ ၂၃ ရက်နေ့က ဝင်ရောက်သွားခဲ့ကြပြီး ပျောက်ဆုံးနေခဲ့တာ ဖြစ်ပါတယ်။နောက်ဆုံးသူတို့ကို ပထမဆုံး အသက်ရှင်လျက် ပြန်တွေ့ချိန်မှာတော့ အဒေါလ်ကို ကယ်ဆယ်ရေးအဖွဲ့နဲ့ အင်္ဂလိပ်လို ပြောဆိုဆက်သွယ်နိုင်တဲ့ တဦးတည်းသော ကလေးအဖြစ် ကမ္ဘာ့သတင်းမီဒီယာတွေမှာပါ ဖော်ပြခဲ့ကြတာပါ။

ဂူထဲကနေ “ကျနော် အဒေါလ်ပါ။ ကျနော် အခြေအနေကောင်းပါတယ်” လို့ အော်ပြောလိုက်ပြီး ထိုင်းဘာသာနဲ့ “ဝေ” လို့ အသံထွက် ဦးညွှတ်နှုတ်ဆက်တာဟာ ယဉ်ကျေးဖွယ်ရာ လေးလေးစားစား နှုတ်ဆက်တာမျိုးဖြစ်တယ်လို့ သူ့ရဲ့ဆရာတွေက ဆိုပါတယ်။မျက်ဝန်းကျယ်ကျယ်၊ ခပ်ပိန်ပိန်ပုံစံရှိတဲ့ အဒေါလ်က ကယ်ဆယ်ရေးအဖွဲ့ကို အင်္ဂလိပ်လို “ဒီနေ့ ဘာနေ့လဲဗျ” လို့ မေးခဲ့ပြီး ဂူထဲက သူတို့တွေ ဆာလောင်နေကြတဲ့အကြောင်း ပြောဆိုနိုင်ခဲ့တာပါ။

သူဟာ ၇ နှစ်သား အရွယ်ကတည်းက မိသားစုနဲ့ခွဲကာ ထိုင်းနိုင်ငံမှာ ပညာသင်ကြားနေခဲ့တာဖြစ်ပြီး ခရစ်ယာန်ဘုရားကျောင်းတခုမှာ နေထိုင်ခဲ့တာ ဖြစ်ပါတယ်။

အဒေါလ်ဟာ ထိုင်း၊ မြန်မာနဲ့ တရုတ်ဘာသာစကားတွေကိုလည်း ပြောဆိုနိုင်ပြီး မိသားစုက သူရှိတဲ့ ဘုရားကျောင်းကို လာရောက်လည်ပတ်လေ့ရှိတယ်လို့ ဆိုပါတယ်။ဝဒေသဟာ ကိုယ်ပိုင်အုပ်ချုပ်ခွင့်ရဒေသ ဖြစ်တယ်လို့ ပြောပေမယ့် မြန်မာမှာရော နိုင်ငံတကာကပါ အသိအမှတ်မပြုထားဘဲ မြန်မာအစိုးရနဲ့ ဝဒေသ နှစ်ဖက်စစ်တပ်တွေကြား တိုက်ပွဲတွေကြောင့် ဒေသခံတွေအနေနဲ့ ထိုင်းနိုင်ငံဘက်ကို ရွှေ့ပြောင်းနေထိုင်ရတာမျိုးတွေ ရှိတဲ့ ဒေသတခု ဖြစ်ပါတယ်။အဒေါလ်ဟာ ထိုင်းနိုင်ငံရောက် ရွှေ့ပြောင်းဒုက္ခသည် ၄ သိန်းကျော်ထဲမှာ တဦး အပါအဝင်ဖြစ်ပြီး သူ့မှာ မွေးစာရင်း၊ နိုင်ငံသားဖြစ်မှု အထောက်အထား၊ နိုင်ငံကူးလက်မှတ်တွေ ရှိမနေတဲ့အတွက် တရားဝင်လက်ထပ်ခွင့်၊ အလုပ်လုပ်နိုင်ခွင့်၊ ဘဏ်ငွေစာရင်းဖွင့်ခွင့်၊ ခရီးသွားလာခွင့်၊ မဲပေးခွင့် စတာတွေကို ရရှိနိုင်မှာ မဟုတ်ဘူးလို့ ဆိုပါတယ်။ဒါပေမယ့် သူတက်ရောက်နေတဲ့ ကျောင်းက ဒါရိုက်တာ ဖူနဝစ် သက်ပ်ဆူရင်ကတော့ အဒေါလ်ကို “သူက ရတနာတပါးပဲ” လို့ ချီးကျူးလိုက်ပါတယ်။

“သူက ကျောင်းစာရော၊ အားကစားပါ ၂ မျိုးလုံး ထူးချွန်သူပါ။ သူက ကျောင်းအတွက် သူ့ရဲ့အောင်မြင်မှုကနေ ရွှေတံဆိပ်ဆုတွေ၊ ဂုဏ်ထူးဆောင်လက်မှတ်တွေ အများကြီး ယူပေးနိုင်ခဲ့သူပါ။”ထူးချွန်လိုစိတ်ပြင်းပြတဲ့ ဘောလုံးသမားလေး အဒေါလ်ဟာ စန္ဒယားနဲ့ ဂစ်တာတီးရတာတွေကိုလည်း နှစ်သက်ပြီး လက်ရှိမှာတော့ သူ့အကြောင်းဟာ သတင်းမီဒီယာတွေမှာရော လူမှုကွန်ရက် စာမျက်နှာတွေပေါ်မှာပါ လူပြောများ ရေပန်းစားနေတာ ဖြစ်ပါတယ်။
ဖိုးသူတော် (www.phothutaw.com)
Credit:  DVB

 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top