န၀ေဒးရုပ္ရွင္ရံု ႏွင့္ ဗဟိုမီးသတ္အနီး Facility ျပည့္စံုသည့္ အသင့္ေန Real Home ကြန္ဒိုအေရာင္းျပပြဲ
×

အမ်ိဳးသမီးေတြဟာ မ်ိဳးပြားအဂၤါ ကင္ဆာျဖစ္ၿပီဆိုတာနဲ႔ မိန္းမအဂၤါလကၡဏာမ်ား ဆံုး႐ႈံးမွာ၊ ကေလး မေမြးနိုင္ေတာ့မွာကို ေတြးပူေၾကာက္ရြံ႕တတ္ၾကပါတယ္။

ဒါေပမဲ့ အမ်ိဳးသမီး မ်ိဳးပြားအဂၤါကင္ဆာ အထူးကုဆရာဝန္ႀကီးရဲ႕ အဆိုအရေတာ့ ဒီကင္ဆာေတြ ျဖစ္ႏႈန္းဟာ အသည္းကင္ဆာ၊ အူမႀကီးကင္ဆာေတြေလာက္ အျဖစ္မမ်ားဘဲ ျဖစ္လာရင္လည္း ကုသရ လြယ္ကူတယ္လို႔ ဆိုၾကပါတယ္။

အေရးအႀကီးဆံုး အမ်ိဳးသမီး မ်ိဳးပြားအဂၤါကင္ဆာ 4 မ်ိဳး ရွိပါတယ္။

1. သားအိမ္ကင္ဆာ

သားအိမ္ အတြင္းသားနံရံေတြမွာျဖစ္တဲ့ ကင္ဆာျဖစ္ၿပီး   အမ်ိဳးသမီး မ်ိဳးပြားအဂၤါကင္ဆာေတြထဲမွာ အျဖစ္အမ်ားဆံုး ျဖစ္ပါတယ္။ ဒါေပမဲ့ ေစာေစာ သိႏိုင္တာေၾကာင့္ 80 - 90 ရာခိုင္ႏႈန္းေလာက္ဟာ ျပန္လည္ေကာင္းမြန္လာတတ္ပါတယ္။

 ျဖစ္ေစတဲ့ အေၾကာင္းအရင္းကေတာ့ မသိရေသးေပမယ့္ အမ်ားစုမွာ estrogen နဲ႔ progesterone လို႔ေခၚတဲ့ ေဟာ္မုန္းမမွ်တလို႔ ျဖစ္တတ္ပါတယ္။

သားအိမ္ကင္ဆာျဖစ္သူ အမ်ိဳးသမီး 90% မွာ ေသြးဆံုးၿပီးေနာက္ ပံုမမွန္ ေသြးဆင္းတာမ်ိဳးနဲ႔ လာတတ္တာေၾကာင့္ ကင္ဆာျဖစ္ေနေၾကာင္း ေစာေစာသိႏိုင္ပါတယ္။

စမ္းသပ္စစ္ေဆးမႈ အမ်ိဳးမ်ိဳးျပဳလုပ္ၿပီး ေရာဂါကို ေဖာ္ထုတ္နိုင္ပါတယ္။

သားအိမ္ ခြဲစိတ္ျဖတ္ေတာက္ျခငး္က သားအိမ္ကင္ဆာအတြက္ အဓိကကုထံုးျဖစ္ၿပီး ဓာတ္ကင္ကုသျခင္း၊ ေဟာ္မုန္းကုသျခင္း၊ ေဆးသြင္းကုသျခင္းမ်ားနဲ႔လည္း ကုသနိုင္ပါေသးတယ္။ သားအိမ္ကင္ဆာ မျဖစ္ရေလေအာင္ တားေဆးေသာက္ျခင္း၊ ကိုယ္အေလးခ်ိန္ ခ်ျခင္း၊ ဆီးခ်ိဳထိန္းျခင္း စတာေတြနဲ႔ ကာကြယ္ႏိုင္ပါတယ္။

2. သားဥအိမ္ကင္ဆာ

ေသႏိုင္ေလာက္ေအာင္ ဆိုးတတ္ေပမယ့္ ရွားပါတယ္။ အေမရိကမွာ တစ္ႏွစ္ကို အမ်ိဳးသမီး 20000 ေလာက္ ျဖစ္တတ္ေၾကာင္း သိရပါတယ္။ ေစာေစာသိၿပီး ကုသနိုင္ရင္ေတာ့ 95 ရာႏႈန္းေလာက္ဟာ ကုသေပ်ာက္ကင္းႏိုင္ေပမယ့္ 70 ရာႏႈန္းေသာ ကင္ဆာေတြဟာ အခ်ိန္လြန္မွ ေရာက္လာတတ္ၾကပါတယ္။

သားဥအိမ္ကင္ဆာဟာ အသက္ 50 ေက်ာ္မွာ ျဖစ္တတ္ေပမယ့္ အသက္ 35 ႏွစ္ေအာက္ အမ်ိဳးသမီးေတြမွာလည္း ေတြ႕ရတတ္ပါတယ္။

ဘာေၾကာင့္ျဖစ္ရတယ္ဆိုတာ ေသခ်ာမသိေသးေပမယ့္ ေရာဂါမ်ိဳး႐ိုးရွိသူေတြမွာ သားဥအိမ္ကို ႀကိဳတင္ျဖတ္ေတာက္ထားဖို႔ စဥ္းစားသင့္ပါတယ္။

သေႏၶတားေဆး ေသာက္သူေတြဟာ သားေၾကာျဖတ္သူေတြထက္စာရင္ အျဖစ္မ်ားၿပီး အဆီအစိမ့္ ေလွ်ာ့စားျခင္းက ေရာဂါျဖစ္ႏႈန္းကို ေလ်ာ့နည္းေစတာကိုလည္း ေတြ႕ရပါတယ္။

သားဥအိမ္ကင္ဆာရဲ႕ေရာဂါလကၡဏာမ်ားဟာ အျခားအေသးအမႊားေရာဂါေတြနဲ႔ သြားတူေနတဲ့အတြက္ ေတာ္႐ံုသတိမျပဳတတ္ၾကပါဘူး။ သားဥအိမ္ကင္ဆာ ပံုမွန္စစ္ေဆးမႈ မျပဳလုပ္ထားမိရင္ သူ႔ေရာဂါလကၡဏာေတြကို အူ ပံုမမွန္တံု႔ျပန္ေရာဂါ၊ အူေရာင္ေရာဂါ၊ သည္းေျခအိတ္ ပံုမမွန္ေရာဂါေတြနဲ႔ မွားယြင္းကုသေနတတ္ပါတယ္။

မိန္းမကိုယ္ေအာက္ပိုင္းကို စမ္းသပ္ရာမွာ သားဥအိမ္ ႀကီးေနတာကို ေတြ႕ရရင္ေတာ့ အျခားလိုအပ္တဲ့ ေသြးစစ္ျခင္း၊ အာထရာောင္းဓာတ္မွန္႐ိုက္ျခင္း စတဲ့ စစ္ေဆးမႈေတြ ျပဳလုပ္ဖို႔ လိုအပ္ပါတယ္။

အဓိကကုထံုးေတြကေတာ့ သားဥအိမ္နဲ႔ ကင္ဆာတစ္သွ်ဴးေတြကို ျဖတ္ေတာက္ၿပီး အျခားဓာတ္ကင္တာ၊ ေဆးသြင္းတာ စတဲ့ ကင္ဆာကုသနည္းေတြနဲ႔ ဆက္လက္ကုသရပါမယ္။

သတိျပဳရမွာက ပံုမမွန္ ေသြးဆင္းတာ၊ ဗိုက္နာတာနဲ႔ အျခား ပံုမမွန္လကၡဏာေတြ ေတြ႕ရပါက ဆရာဝန္နဲ႔ တိုင္ပင္ၿပီး လိုအပ္တဲ့ စမ္းသပ္စစ္ေဆးမႈေတြ ျပဳလုပ္ရပါမယ္။

3.သားအိမ္ေခါင္းကင္ဆာ

သားအိမ္ေခါင္းကင္ဆာဟာ အရင္တုန္းက အေမရိကမွာ အျဖစ္အမ်ားဆံုး ေရာဂါတစ္ခု ျဖစ္ခဲ့ေပမယ့္ ေနာက္ပိုင္းမွာ ေသခ်ာစစ္ေဆးမႈေတြ၊ ကာကြယ္ေဆးေတြနဲ႔ ရွာေဖြကုသကာကြယ္နိုင္ၿပီ ျဖစ္တဲ့အတြက္ တျဖည္းျဖည္းနဲ႔ ေလ်ာ့နည္းၿပီ ျဖစ္ပါတယ္။ အသက္ 9 ႏွစ္မွ 26 ႏွစ္အတြင္း အမ်ိဳးသမီးမ်ားကို သားအိမ္ေခါင္းခြၽဲ စစ္ေဆးၿပီး ကာကြယ္ေဆးထိုးေပးျခင္းျဖင့္ တစ္ႏွစ္ကို သားအိမ္ေခါင္းကင္ဆာ 10000 ေအာက္သာ ေတြ႕ရေတာ့တယ္လို႔ ဆိုပါတယ္။

ပံုမွန္စစ္ေဆးစမ္းသပ္မႈ ခံယူမယ္ဆိုရင္ ကင္ဆာ မေျပာင္းမီကတည္းက ေစာေစာသိ၊ ေစာေစာကုႏိုင္တဲ့အတြက္ ကင္ဆာျဖစ္ႏႈန္း ေလ်ာ့နည္းလာမွာပါ။

အသက္ 21 ႏွစ္အရြယ္မွာ ပထမဆံုး သားအိမ္ေခါင္းခြၽဲ စစ္ေဆးၾကည့္ၿပီး ပံုမွန္အေျဖရပါက 3 ႏွစ္တစ္ခါပံုမွန္ ဆက္လက္စစ္ေဆးသင့္ပါတယ္။ အသက္ 30 ေနာက္ပိုင္း ေရာက္တဲ့အခါ 5 ႏွစ္တစ္ခါမွ် ေျပာင္းလဲစစ္ေဆးေပးႏိုင္ပါတယ္။ အသက္ 65 ႏွစ္ေက်ာ္ၿပီးေနာက္ သားအိမ္ေခါင္းခြၽဲ စစ္ေဆးမႈ 3 ႀကိမ္ဆက္တိုက္ ပံုမွန္ျဖစ္ၿပီး လြန္ခဲ့တဲ့ႏွစ္ေပါင္း 20 အတြင္း ပံုမမွန္တာမ်ိဳး မေတြ႕ခဲ့ရဘူး ဆိုရင္ေတာ့ ဆက္လက္စစ္ေဆးစရာ မလိုအပ္ေတာ့ပါဘူး။

အတြင္းထဲထိ တိုးဝင္ေနၿပီျဖစ္တဲ့ သားအိမ္ေခါင္းကင္ဆာကို ေစာေစာ သိရွိခဲ့မယ္ဆိုရင္ ရွင္သန္ႏႈန္း 5 ႏွစ္ခန္႔ ရွိပါတယ္။

သားအိမ္ေခါင္းကင္ဆာကို ျဖစ္ေစႏိုင္တဲ့အခ်က္ေတြကေတာ့ HPV ပိုးဝင္ျခင္း၊ ေဆးလိပ္ေသာက္ျခင္းနဲ႔ HIV ပိုးဝင္ျခင္းတို႔ပဲ ျဖစ္ပါတယ္။

အေစာပိုင္း သားအိမ္ေခါင္းကင္ဆာေတြဟာ နာက်င္ျခင္းလည္း မရွိသလို ေရာဂါလကၡဏာလည္း မျပသတတ္ပါဘူး။ တျဖည္းျဖည္း ေရာဂါဆိုးလာေတာ့မွသာ ပံုမမွန္ ေသြးဆင္းတာမ်ိဳး ျဖစ္လာတတ္ပါတယ္။

သားအိမ္ေခါင္းကင္ဆာ အမ်ားစုဟာ မိန္းမကိုယ္ေအာက္ပိုင္း စမ္းသပ္မႈနဲ႔ သားအိမ္ေခါင္းခြၽဲ စစ္ေဆးမႈေတြကေန သိရတာျဖစ္ၿပီး ကင္ဆာေရာဂါနဲ႔ တူေနပါက ေသခ်ာေအာင္ စစ္ေဆးမႈေတြ လုပ္ရပါမယ္။

ကုသမႈကေတာ့ ေရာဂါအဆင့္၊ လူနာအသက္၊ က်န္းမာေရးအေျခအေန၊ ကေလးထပ္ယူ/မယူ စတာေတြအေပၚ မူတည္ၿပီး ဓာတ္ကင္ျခင္း၊ ကင္ဆာေဆးသြင္းျခင္း၊ ခြဲစိတ္ျခင္း စတာေတြနဲ႔ အဓိက ကုသႏိုင္ပါတယ္။

4.မိန္းမကိုယ္ကင္ဆာ

မိန္းမကိုယ္ႏႈတ္ခမ္းသားမွာလည္း ကင္ဆာ ျဖစ္ႏိုင္ပါေသးတယ္။ မိန္းမကိုယ္ကင္ဆာဟာ အျဖစ္နည္းၿပီး ေတာ္႐ံု သတိမမူမိတတ္ၾကပါဘူး။ ဒါေပမဲ့ ေစာေစာသိခဲ့မယ္ဆိုရင္ အလြယ္တကူ ကုသေပ်ာက္ကင္းႏိုင္ပါတယ္။ အသက္ႀကီးတဲ့ အမ်ိဳးသမီးေတြဟာ ပံုမွန္စမ္းသပ္စစ္ေဆးမႈ သိပ္မလုပ္ၾကတဲ့အတြက္ ေရာဂါသိခ်ိန္မွာ ကင္ဆာပ်ံ႕ေနေလ့ ရွိပါတယ္။ အေမရိကန္ ကင္ဆာအစည္းအ႐ံုးရဲ႕ အဆိုအရ မိန္းမကုယ္ကင္ဆာဟာ အမ်ိဳးသမီးကင္ဆာရဲ႕ 4 ရာခိုင္ႏႈန္းမွ် ရွိပါတယ္။

အသက္ 70၊ 80 ဝန္းက်င္ အမ်ိဳးသမီးေတြမွာ အျဖစ္မ်ားေပမယ့္ အသက္ငယ္သူေတြမွာလည္း ျဖစ္ႏိုင္ပါတယ္။ ျဖစ္ေစႏိုင္တဲ့ အေၾကာင္းရင္းေတြထဲမွာ HPV ပိုးဝင္ျခင္း၊ မိန္းမကိုယ္ ႂကြက္ႏု႔ိေပါက္ျခင္းနဲ႔ သားအိမ္ေခါင္းခြၽဲ ပံုမမွန္ျခင္းတို႔လည္း ပါဝင္ပါတယ္။

မိန္းမကိုယ္ ကင္ဆာအမ်ားစုဟာ ဘာလကၡဏာမွ မျပတတ္ေပမယ့္ အမ်ားဆံုးကေတာ့ ဘယ္လိုကုတ္ကုတ္ မသက္သာတဲ့ ယားယံမႈေတြနဲ႔ လာေလ့ရွိပါတယ္။ ကင္ဆာလကၡဏာ အမ်ားစုဟာ အျခားအေျခအေနေတြနဲ႔လည္း တြဲေနနိုင္တဲ့အတြက္ ဆရာဝန္နဲ႔ တိုင္ပင္ေဆြးေႏြး ကုသသင့္ပါတယ္။

ဖိုးသူေတာ္ (www.phothutaw.com)
Credit: Dr. Mya Phoo Ngon (drmyanmar)
# Unicode Version ျဖင့္ ဖတ္ပါ #
အမျိုးသမီးတွေဟာ မျိုးပွားအင်္ဂါ ကင်ဆာဖြစ်ပြီဆိုတာနဲ့ မိန်းမအင်္ဂါလက္ခဏာများ ဆုံးရှုံးမှာ၊ ကလေး မမွေးနိုင်တော့မှာကို တွေးပူကြောက်ရွံ့တတ်ကြပါတယ်။

ဒါပေမဲ့ အမျိုးသမီး မျိုးပွားအင်္ဂါကင်ဆာ အထူးကုဆရာဝန်ကြီးရဲ့ အဆိုအရတော့ ဒီကင်ဆာတွေ ဖြစ်နှုန်းဟာ အသည်းကင်ဆာ၊ အူမကြီးကင်ဆာတွေလောက် အဖြစ်မများဘဲ ဖြစ်လာရင်လည်း ကုသရ လွယ်ကူတယ်လို့ ဆိုကြပါတယ်။

အရေးအကြီးဆုံး အမျိုးသမီး မျိုးပွားအင်္ဂါကင်ဆာ 4 မျိုး ရှိပါတယ်။

1. သားအိမ်ကင်ဆာ

သားအိမ် အတွင်းသားနံရံတွေမှာဖြစ်တဲ့ ကင်ဆာဖြစ်ပြီး   အမျိုးသမီး မျိုးပွားအင်္ဂါကင်ဆာတွေထဲမှာ အဖြစ်အများဆုံး ဖြစ်ပါတယ်။ ဒါပေမဲ့ စောစော သိနိုင်တာကြောင့် 80 - 90 ရာခိုင်နှုန်းလောက်ဟာ ပြန်လည်ကောင်းမွန်လာတတ်ပါတယ်။

 ဖြစ်စေတဲ့ အကြောင်းအရင်းကတော့ မသိရသေးပေမယ့် အများစုမှာ estrogen နဲ့ progesterone လို့ခေါ်တဲ့ ဟော်မုန်းမမျှတလို့ ဖြစ်တတ်ပါတယ်။

သားအိမ်ကင်ဆာဖြစ်သူ အမျိုးသမီး 90% မှာ သွေးဆုံးပြီးနောက် ပုံမမှန် သွေးဆင်းတာမျိုးနဲ့ လာတတ်တာကြောင့် ကင်ဆာဖြစ်နေကြောင်း စောစောသိနိုင်ပါတယ်။

စမ်းသပ်စစ်ဆေးမှု အမျိုးမျိုးပြုလုပ်ပြီး ရောဂါကို ဖော်ထုတ်နိုင်ပါတယ်။

သားအိမ် ခွဲစိတ်ဖြတ်တောက်ခြင်းက သားအိမ်ကင်ဆာအတွက် အဓိကကုထုံးဖြစ်ပြီး ဓာတ်ကင်ကုသခြင်း၊ ဟော်မုန်းကုသခြင်း၊ ဆေးသွင်းကုသခြင်းများနဲ့လည်း ကုသနိုင်ပါသေးတယ်။ သားအိမ်ကင်ဆာ မဖြစ်ရလေအောင် တားဆေးသောက်ခြင်း၊ ကိုယ်အလေးချိန် ချခြင်း၊ ဆီးချိုထိန်းခြင်း စတာတွေနဲ့ ကာကွယ်နိုင်ပါတယ်။

2. သားဥအိမ်ကင်ဆာ

သေနိုင်လောက်အောင် ဆိုးတတ်ပေမယ့် ရှားပါတယ်။ အမေရိကမှာ တစ်နှစ်ကို အမျိုးသမီး 20000 လောက် ဖြစ်တတ်ကြောင်း သိရပါတယ်။ စောစောသိပြီး ကုသနိုင်ရင်တော့ 95 ရာနှုန်းလောက်ဟာ ကုသပျောက်ကင်းနိုင်ပေမယ့် 70 ရာနှုန်းသော ကင်ဆာတွေဟာ အချိန်လွန်မှ ရောက်လာတတ်ကြပါတယ်။

သားဥအိမ်ကင်ဆာဟာ အသက် 50 ကျော်မှာ ဖြစ်တတ်ပေမယ့် အသက် 35 နှစ်အောက် အမျိုးသမီးတွေမှာလည်း တွေ့ရတတ်ပါတယ်။

ဘာကြောင့်ဖြစ်ရတယ်ဆိုတာ သေချာမသိသေးပေမယ့် ရောဂါမျိုးရိုးရှိသူတွေမှာ သားဥအိမ်ကို ကြိုတင်ဖြတ်တောက်ထားဖို့ စဉ်းစားသင့်ပါတယ်။

သန္ဓေတားဆေး သောက်သူတွေဟာ သားကြောဖြတ်သူတွေထက်စာရင် အဖြစ်များပြီး အဆီအစိမ့် လျှော့စားခြင်းက ရောဂါဖြစ်နှုန်းကို လျော့နည်းစေတာကိုလည်း တွေ့ရပါတယ်။

သားဥအိမ်ကင်ဆာရဲ့ရောဂါလက္ခဏာများဟာ အခြားအသေးအမွှားရောဂါတွေနဲ့ သွားတူနေတဲ့အတွက် တော်ရုံသတိမပြုတတ်ကြပါဘူး။ သားဥအိမ်ကင်ဆာ ပုံမှန်စစ်ဆေးမှု မပြုလုပ်ထားမိရင် သူ့ရောဂါလက္ခဏာတွေကို အူ ပုံမမှန်တုံ့ပြန်ရောဂါ၊ အူရောင်ရောဂါ၊ သည်းခြေအိတ် ပုံမမှန်ရောဂါတွေနဲ့ မှားယွင်းကုသနေတတ်ပါတယ်။

မိန်းမကိုယ်အောက်ပိုင်းကို စမ်းသပ်ရာမှာ သားဥအိမ် ကြီးနေတာကို တွေ့ရရင်တော့ အခြားလိုအပ်တဲ့ သွေးစစ်ခြင်း၊ အာထရာောင်းဓာတ်မှန်ရိုက်ခြင်း စတဲ့ စစ်ဆေးမှုတွေ ပြုလုပ်ဖို့ လိုအပ်ပါတယ်။

အဓိကကုထုံးတွေကတော့ သားဥအိမ်နဲ့ ကင်ဆာတစ်သျှူးတွေကို ဖြတ်တောက်ပြီး အခြားဓာတ်ကင်တာ၊ ဆေးသွင်းတာ စတဲ့ ကင်ဆာကုသနည်းတွေနဲ့ ဆက်လက်ကုသရပါမယ်။

သတိပြုရမှာက ပုံမမှန် သွေးဆင်းတာ၊ ဗိုက်နာတာနဲ့ အခြား ပုံမမှန်လက္ခဏာတွေ တွေ့ရပါက ဆရာဝန်နဲ့ တိုင်ပင်ပြီး လိုအပ်တဲ့ စမ်းသပ်စစ်ဆေးမှုတွေ ပြုလုပ်ရပါမယ်။

3.သားအိမ်ခေါင်းကင်ဆာ

သားအိမ်ခေါင်းကင်ဆာဟာ အရင်တုန်းက အမေရိကမှာ အဖြစ်အများဆုံး ရောဂါတစ်ခု ဖြစ်ခဲ့ပေမယ့် နောက်ပိုင်းမှာ သေချာစစ်ဆေးမှုတွေ၊ ကာကွယ်ဆေးတွေနဲ့ ရှာဖွေကုသကာကွယ်နိုင်ပြီ ဖြစ်တဲ့အတွက် တဖြည်းဖြည်းနဲ့ လျော့နည်းပြီ ဖြစ်ပါတယ်။ အသက် 9 နှစ်မှ 26 နှစ်အတွင်း အမျိုးသမီးများကို သားအိမ်ခေါင်းချွဲ စစ်ဆေးပြီး ကာကွယ်ဆေးထိုးပေးခြင်းဖြင့် တစ်နှစ်ကို သားအိမ်ခေါင်းကင်ဆာ 10000 အောက်သာ တွေ့ရတော့တယ်လို့ ဆိုပါတယ်။

ပုံမှန်စစ်ဆေးစမ်းသပ်မှု ခံယူမယ်ဆိုရင် ကင်ဆာ မပြောင်းမီကတည်းက စောစောသိ၊ စောစောကုနိုင်တဲ့အတွက် ကင်ဆာဖြစ်နှုန်း လျော့နည်းလာမှာပါ။

အသက် 21 နှစ်အရွယ်မှာ ပထမဆုံး သားအိမ်ခေါင်းချွဲ စစ်ဆေးကြည့်ပြီး ပုံမှန်အဖြေရပါက 3 နှစ်တစ်ခါပုံမှန် ဆက်လက်စစ်ဆေးသင့်ပါတယ်။ အသက် 30 နောက်ပိုင်း ရောက်တဲ့အခါ 5 နှစ်တစ်ခါမျှ ပြောင်းလဲစစ်ဆေးပေးနိုင်ပါတယ်။ အသက် 65 နှစ်ကျော်ပြီးနောက် သားအိမ်ခေါင်းချွဲ စစ်ဆေးမှု 3 ကြိမ်ဆက်တိုက် ပုံမှန်ဖြစ်ပြီး လွန်ခဲ့တဲ့နှစ်ပေါင်း 20 အတွင်း ပုံမမှန်တာမျိုး မတွေ့ခဲ့ရဘူး ဆိုရင်တော့ ဆက်လက်စစ်ဆေးစရာ မလိုအပ်တော့ပါဘူး။

အတွင်းထဲထိ တိုးဝင်နေပြီဖြစ်တဲ့ သားအိမ်ခေါင်းကင်ဆာကို စောစော သိရှိခဲ့မယ်ဆိုရင် ရှင်သန်နှုန်း 5 နှစ်ခန့် ရှိပါတယ်။

သားအိမ်ခေါင်းကင်ဆာကို ဖြစ်စေနိုင်တဲ့အချက်တွေကတော့ HPV ပိုးဝင်ခြင်း၊ ဆေးလိပ်သောက်ခြင်းနဲ့ HIV ပိုးဝင်ခြင်းတို့ပဲ ဖြစ်ပါတယ်။

အစောပိုင်း သားအိမ်ခေါင်းကင်ဆာတွေဟာ နာကျင်ခြင်းလည်း မရှိသလို ရောဂါလက္ခဏာလည်း မပြသတတ်ပါဘူး။ တဖြည်းဖြည်း ရောဂါဆိုးလာတော့မှသာ ပုံမမှန် သွေးဆင်းတာမျိုး ဖြစ်လာတတ်ပါတယ်။

သားအိမ်ခေါင်းကင်ဆာ အများစုဟာ မိန်းမကိုယ်အောက်ပိုင်း စမ်းသပ်မှုနဲ့ သားအိမ်ခေါင်းချွဲ စစ်ဆေးမှုတွေကနေ သိရတာဖြစ်ပြီး ကင်ဆာရောဂါနဲ့ တူနေပါက သေချာအောင် စစ်ဆေးမှုတွေ လုပ်ရပါမယ်။

ကုသမှုကတော့ ရောဂါအဆင့်၊ လူနာအသက်၊ ကျန်းမာရေးအခြေအနေ၊ ကလေးထပ်ယူ/မယူ စတာတွေအပေါ် မူတည်ပြီး ဓာတ်ကင်ခြင်း၊ ကင်ဆာဆေးသွင်းခြင်း၊ ခွဲစိတ်ခြင်း စတာတွေနဲ့ အဓိက ကုသနိုင်ပါတယ်။

4.မိန်းမကိုယ်ကင်ဆာ

မိန်းမကိုယ်နှုတ်ခမ်းသားမှာလည်း ကင်ဆာ ဖြစ်နိုင်ပါသေးတယ်။ မိန်းမကိုယ်ကင်ဆာဟာ အဖြစ်နည်းပြီး တော်ရုံ သတိမမူမိတတ်ကြပါဘူး။ ဒါပေမဲ့ စောစောသိခဲ့မယ်ဆိုရင် အလွယ်တကူ ကုသပျောက်ကင်းနိုင်ပါတယ်။ အသက်ကြီးတဲ့ အမျိုးသမီးတွေဟာ ပုံမှန်စမ်းသပ်စစ်ဆေးမှု သိပ်မလုပ်ကြတဲ့အတွက် ရောဂါသိချိန်မှာ ကင်ဆာပျံ့နေလေ့ ရှိပါတယ်။ အမေရိကန် ကင်ဆာအစည်းအရုံးရဲ့ အဆိုအရ မိန်းမကုယ်ကင်ဆာဟာ အမျိုးသမီးကင်ဆာရဲ့ 4 ရာခိုင်နှုန်းမျှ ရှိပါတယ်။

အသက် 70၊ 80 ဝန်းကျင် အမျိုးသမီးတွေမှာ အဖြစ်များပေမယ့် အသက်ငယ်သူတွေမှာလည်း ဖြစ်နိုင်ပါတယ်။ ဖြစ်စေနိုင်တဲ့ အကြောင်းရင်းတွေထဲမှာ HPV ပိုးဝင်ခြင်း၊ မိန်းမကိုယ် ကြွက်နု့ိပေါက်ခြင်းနဲ့ သားအိမ်ခေါင်းချွဲ ပုံမမှန်ခြင်းတို့လည်း ပါဝင်ပါတယ်။

မိန်းမကိုယ် ကင်ဆာအများစုဟာ ဘာလက္ခဏာမှ မပြတတ်ပေမယ့် အများဆုံးကတော့ ဘယ်လိုကုတ်ကုတ် မသက်သာတဲ့ ယားယံမှုတွေနဲ့ လာလေ့ရှိပါတယ်။ ကင်ဆာလက္ခဏာ အများစုဟာ အခြားအခြေအနေတွေနဲ့လည်း တွဲနေနိုင်တဲ့အတွက် ဆရာဝန်နဲ့ တိုင်ပင်ဆွေးနွေး ကုသသင့်ပါတယ်။

ဖိုးသူတော် (www.phothutaw.com)
Credit: Dr. Mya Phoo Ngon (drmyanmar)
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top