ကြန္ပ်ဴတာေရွ႕မွာ တစ္ေနကုန္ အလုပ္လုပ္ေနရသူ အဖို႔ေတာ့ မ်က္ရိုးကိုက္တာ၊ ေခါင္းကိုက္တာ စတဲ့ ေဝဒနာကို ခံစားၾကရမွာပါပဲ။ အာရံုစူးစုိက္ၿပီး ျပဳလုပ္ရတဲ့အတြက္ ဒီလိုမ်က္ရိုးကိုက္ရာကတစ္ဆင့္ အခ်ိန္ၾကာလာတာနဲ႔ အမွ် မ်က္စိမႈန္ျခင္း၊ အာရံုေၾကာအားနည္းျခင္းနဲ႔ နာတာရွည္ ေခါင္းကိုက္ ေဝဒနာမ်ား ဆက္တိုက္ ျဖစ္ေပၚလာႏုိင္တဲ့ အတြက္ လ်စ္လ်ဴရႈ မထားသင့္ပါဘူး။ ဒါ့ေၾကာင့္မို႔လို႔ စကၠန္႔ ၃၀ ေလာက္အခ်ိန္ေပးရံုနဲ႔ မ်က္ရိုးကိုက္တာ သက္သာေစမယ့္ မ်က္လံုးေလ့က်င့္ခန္းကို မၾကာခဏျပဳလုပ္ေပးဖို႔ အႀကံျပဳပါရေစ။

(၁) မ်က္လံုးလိမ့္ကစားပါ

မ်က္ရိုးကိုက္ျခင္းနဲ႔ မ်က္လံုးေညာင္းတာေတြအတြက္ မ်က္လံုးလိမ့္တဲ့ေလ့က်င့္ခန္းက အထိေရာက္ဆံုးပါပဲ။ မ်က္လံုးကို စက္ဝိုင္းျခမ္းသ႑ာန္လိမ့္ၾကည့္တာက မ်က္လံုးၾကြက္သားမ်ားကို က်န္းမာေစပါတယ္။ ဒီေလ့က်င့္ခန္းကို ျပဳလုပ္ဖုိ႔အတြက္ ပခံုးကိုမတ္မတ္ထားပါ။ မ်က္လံုးအစံုကို နာရီလက္တံအတုိင္း လွည့္ၿပီး  ၾကည့္ပါ။ တဖန္ နာရီလက္တံေျပာင္းျပန္ ျပန္လုပ္ၿပီး စကၠန္႔ ၃၀ေလာက္ မၾကာမၾကာ ျပဳလုပ္ေပးႏုိင္ပါတယ္။

(၂) မ်က္လံုးကိုလက္ဖဝါးေလးနဲ႔ ညင္သာစြာပြတ္သပ္ပါ

မ်က္လံုးအစံုကို မွိတ္ထားၿပီး လက္ဖဝါးနဲ႔ အုပ္လိုက္ပါ။ လက္ဖဝါးနဲ႔ ညင္သာစြာ ေအာက္ကို ဆြဲခ်ၿပီး မ်က္လံုးေႏြးလာတဲ့ထိ ပြတ္ေပးပါ။ အထူးသတိထားရမွာက ဖိၿပီး ပြတ္မဆြဲမိဖို႔ပါပဲ။ ဒီလိုျပဳလုပ္ ေပးတာက မ်က္လံုးတစ္ဝုိက္ အေၾကာမ်ား ေျပေလ်ာ့ေစတဲ့အတြက္ မ်က္ရိုးကိုက္ျခင္းကိို အလ်င္ျမန္ဆံုး သက္သာေစပါမွာပါ။ စကၠန္႔ ၃၀ ေလာက္ညင္သာစြာ ပြတ္သပ္ေပးရံုနဲ႔ လံုေလာက္ပါၿပီ။

(၃) အရာဝတၳဳတစ္ခုကို အာရံုစူးစိုက္ၾကည့္ပါ

ဒီေလ့က်င့္ခန္းကိုေတာ့ အျမင္အာရံုပိုင္းဆိုင္ရာ ဆရာဝန္မ်ားက သူတို႔ရဲ႕ လူနာေတြကို ျပဳလုပ္ခုိင္းတဲ့ အေကာင္းဆံုးေလ့က်င့္ခန္းပါပဲ။ အရာဝတၱဳတစ္ခုကို အာရံုစူးစုိက္ၿပီး ၾကည့္တာက အျမင္အာရံုေဝဝါးျခင္းကို ကုသေပးႏုိင္တဲ့အျပင္ မ်က္လံုးၾကြက္သားမ်ားကိုလည္း က်န္းမာေစတာေၾကာင့္ မ်က္စိမႈန္ျခင္းနဲ႔ မ်က္ရိုးကိုက္ျခင္း ကင္းေဝးေစမွာပါ။ ဒီေလ့က်င့္ခန္းကို ျပဳလုပ္ဖုိ႔အတြက္ ခဲတံ ဒါမွမဟုတ္ ေဘာပင္တစ္ေခ်ာင္း လုိအပ္ပါတယ္။ ႏွာေခါင္းနဲ႔ တည့္တည့္ေလာက္မွာ ခဲတံကို ကိုင္ထားၿပီး စိုက္ၾကည့္ေပးပါ။ ခဲတံကို တေျဖးေျဖးေဝးရာ ေရႊ႕လ်ားၿပီး မ်က္လံုးေလ့က်င့္ခန္း ျပဳလုပ္ေပးႏုိင္ပါတယ္။ ပခံုးနဲ႔ လည္ပင္းကို မတ္မတ္ထားဖို႔ မေမ့ပါနဲ႔။

(၄) မ်က္ခြံကို ညင္သာစြာဖိပါ

မ်က္လံုးမွိတ္လိုက္ၿပီး လက္ေခ်ာင္းေလးန႔ဲ ညင္သာစြာ ဖိသပ္ေပးတာကလည္း မ်က္ရိုးကိုက္တာ၊ မ်က္လံုးၾကြက္သား ေညာင္းတာေတြ  အတြက္ အလ်င္ျမန္ဆံုး သက္သာေပ်ာက္ကင္းေစပါတယ္။ မ်က္လံုးမွိတ္ထားၿပီး လက္ေခ်ာင္းနဲ႔ မ်က္ခြံကိုညင္သာစြာ ဖိေပးပါ။ ၁၀စကၠန္႔ေလာက္ဖိေပးၿပီး မ်က္လံုးျပန္ဖြင့္ပါ။ ၂စကၠန္႔ေလာက္နားၿပီး ၁၀စကၠန္႔စီတစ္ႀကိမ္ စကၠန္႔ ၃၀ ေလာက္ျပဳလုပ္ေပးမယ္ ဆိုရင္ မ်က္ရိုးကိုက္တာ သက္သာလာပါလိမ့္မယ္။

(၅) မ်က္လံုးတဖ်ပ္ဖ်ပ္ျပဳလုပ္ပါ

မ်က္လံုးေညာင္းလာတဲ့အခါ မ်က္လံုးကို ဖြင့္လိုက္ပိတ္လိုက္ တဖ်ပ္ဖ်ပ္ျပဳလုပ္တာကလည္း မ်က္ရိုးကိုက္တာကို အလ်င္ျမန္ဆံုး သက္သာေစတဲ့ နည္းလမ္းေကာင္းတစ္ရပ္ပါပဲ။ ပခံုးကို တင္းမထားဘဲ အေၾကာေျဖေလ်ာ့လိုက္ပါ။ သက္ေတာင့္သက္သာ အေနအထားအတုိင္း ကိုယ္ေနဟန္ထားမတ္မတ္ထားပါ။ ၿပီးရင္ေတာ့ မ်က္လံုးကို ဖြင့္လိုက္ပိတ္လိုက္ ၁၀စကၠန္႔ေလာက္ျပဳ လုပ္ေပးပါ။ ဒီနည္းလမ္းအတုိင္းလည္း ၁၀ စကၠန္႔စီကိုမွ စကၠန္႔ ၃၀ေလာက္ ျပဳလုပ္ေပးရံုနဲ႔ မ်က္လံုးကိုက္တာ သက္သာလာေစမွာပါ။

ဖိုးသူေတာ္ (www.phothutaw.com)
Credit: myanmaplatform
# Unicode Version ျဖင့္ ဖတ္ပါ #
ကွန်ပျူတာရှေ့မှာ တစ်နေကုန် အလုပ်လုပ်နေရသူ အဖို့တော့ မျက်ရိုးကိုက်တာ၊ ခေါင်းကိုက်တာ စတဲ့ ဝေဒနာကို ခံစားကြရမှာပါပဲ။ အာရုံစူးစိုက်ပြီး ပြုလုပ်ရတဲ့အတွက် ဒီလိုမျက်ရိုးကိုက်ရာကတစ်ဆင့် အချိန်ကြာလာတာနဲ့ အမျှ မျက်စိမှုန်ခြင်း၊ အာရုံကြောအားနည်းခြင်းနဲ့ နာတာရှည် ခေါင်းကိုက် ဝေဒနာများ ဆက်တိုက် ဖြစ်ပေါ်လာနိုင်တဲ့ အတွက် လျစ်လျူရှု မထားသင့်ပါဘူး။ ဒါ့ကြောင့်မို့လို့ စက္ကန့် ၃၀ လောက်အချိန်ပေးရုံနဲ့ မျက်ရိုးကိုက်တာ သက်သာစေမယ့် မျက်လုံးလေ့ကျင့်ခန်းကို မကြာခဏပြုလုပ်ပေးဖို့ အကြံပြုပါရစေ။

(၁) မျက်လုံးလိမ့်ကစားပါ

မျက်ရိုးကိုက်ခြင်းနဲ့ မျက်လုံးညောင်းတာတွေအတွက် မျက်လုံးလိမ့်တဲ့လေ့ကျင့်ခန်းက အထိရောက်ဆုံးပါပဲ။ မျက်လုံးကို စက်ဝိုင်းခြမ်းသဏ္ဍာန်လိမ့်ကြည့်တာက မျက်လုံးကြွက်သားများကို ကျန်းမာစေပါတယ်။ ဒီလေ့ကျင့်ခန်းကို ပြုလုပ်ဖို့အတွက် ပခုံးကိုမတ်မတ်ထားပါ။ မျက်လုံးအစုံကို နာရီလက်တံအတိုင်း လှည့်ပြီး  ကြည့်ပါ။ တဖန် နာရီလက်တံပြောင်းပြန် ပြန်လုပ်ပြီး စက္ကန့် ၃၀လောက် မကြာမကြာ ပြုလုပ်ပေးနိုင်ပါတယ်။

(၂) မျက်လုံးကိုလက်ဖဝါးလေးနဲ့ ညင်သာစွာပွတ်သပ်ပါ

မျက်လုံးအစုံကို မှိတ်ထားပြီး လက်ဖဝါးနဲ့ အုပ်လိုက်ပါ။ လက်ဖဝါးနဲ့ ညင်သာစွာ အောက်ကို ဆွဲချပြီး မျက်လုံးနွေးလာတဲ့ထိ ပွတ်ပေးပါ။ အထူးသတိထားရမှာက ဖိပြီး ပွတ်မဆွဲမိဖို့ပါပဲ။ ဒီလိုပြုလုပ် ပေးတာက မျက်လုံးတစ်ဝိုက် အကြောများ ပြေလျော့စေတဲ့အတွက် မျက်ရိုးကိုက်ခြင်းကို အလျင်မြန်ဆုံး သက်သာစေပါမှာပါ။ စက္ကန့် ၃၀ လောက်ညင်သာစွာ ပွတ်သပ်ပေးရုံနဲ့ လုံလောက်ပါပြီ။

(၃) အရာဝတ္ထုတစ်ခုကို အာရုံစူးစိုက်ကြည့်ပါ

ဒီလေ့ကျင့်ခန်းကိုတော့ အမြင်အာရုံပိုင်းဆိုင်ရာ ဆရာဝန်များက သူတို့ရဲ့ လူနာတွေကို ပြုလုပ်ခိုင်းတဲ့ အကောင်းဆုံးလေ့ကျင့်ခန်းပါပဲ။ အရာဝတ္တုတစ်ခုကို အာရုံစူးစိုက်ပြီး ကြည့်တာက အမြင်အာရုံဝေဝါးခြင်းကို ကုသပေးနိုင်တဲ့အပြင် မျက်လုံးကြွက်သားများကိုလည်း ကျန်းမာစေတာကြောင့် မျက်စိမှုန်ခြင်းနဲ့ မျက်ရိုးကိုက်ခြင်း ကင်းဝေးစေမှာပါ။ ဒီလေ့ကျင့်ခန်းကို ပြုလုပ်ဖို့အတွက် ခဲတံ ဒါမှမဟုတ် ဘောပင်တစ်ချောင်း လိုအပ်ပါတယ်။ နှာခေါင်းနဲ့ တည့်တည့်လောက်မှာ ခဲတံကို ကိုင်ထားပြီး စိုက်ကြည့်ပေးပါ။ ခဲတံကို တဖြေးဖြေးဝေးရာ ရွှေ့လျားပြီး မျက်လုံးလေ့ကျင့်ခန်း ပြုလုပ်ပေးနိုင်ပါတယ်။ ပခုံးနဲ့ လည်ပင်းကို မတ်မတ်ထားဖို့ မမေ့ပါနဲ့။

(၄) မျက်ခွံကို ညင်သာစွာဖိပါ

မျက်လုံးမှိတ်လိုက်ပြီး လက်ချောင်းလေးနဲ့ ညင်သာစွာ ဖိသပ်ပေးတာကလည်း မျက်ရိုးကိုက်တာ၊ မျက်လုံးကြွက်သား ညောင်းတာတွေ  အတွက် အလျင်မြန်ဆုံး သက်သာပျောက်ကင်းစေပါတယ်။ မျက်လုံးမှိတ်ထားပြီး လက်ချောင်းနဲ့ မျက်ခွံကိုညင်သာစွာ ဖိပေးပါ။ ၁၀စက္ကန့်လောက်ဖိပေးပြီး မျက်လုံးပြန်ဖွင့်ပါ။ ၂စက္ကန့်လောက်နားပြီး ၁၀စက္ကန့်စီတစ်ကြိမ် စက္ကန့် ၃၀ လောက်ပြုလုပ်ပေးမယ် ဆိုရင် မျက်ရိုးကိုက်တာ သက်သာလာပါလိမ့်မယ်။

(၅) မျက်လုံးတဖျပ်ဖျပ်ပြုလုပ်ပါ

မျက်လုံးညောင်းလာတဲ့အခါ မျက်လုံးကို ဖွင့်လိုက်ပိတ်လိုက် တဖျပ်ဖျပ်ပြုလုပ်တာကလည်း မျက်ရိုးကိုက်တာကို အလျင်မြန်ဆုံး သက်သာစေတဲ့ နည်းလမ်းကောင်းတစ်ရပ်ပါပဲ။ ပခုံးကို တင်းမထားဘဲ အကြောဖြေလျော့လိုက်ပါ။ သက်တောင့်သက်သာ အနေအထားအတိုင်း ကိုယ်နေဟန်ထားမတ်မတ်ထားပါ။ ပြီးရင်တော့ မျက်လုံးကို ဖွင့်လိုက်ပိတ်လိုက် ၁၀စက္ကန့်လောက်ပြု လုပ်ပေးပါ။ ဒီနည်းလမ်းအတိုင်းလည်း ၁၀ စက္ကန့်စီကိုမှ စက္ကန့် ၃၀လောက် ပြုလုပ်ပေးရုံနဲ့ မျက်လုံးကိုက်တာ သက်သာလာစေမှာပါ။

ဖိုးသူတော် (www.phothutaw.com)
Credit: myanmaplatform
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top