ရန္ကင္းျမိဳ ႔နယ္ Sedona Hotel အနီး အသင့္ေဆာက္ျပီး စိမ္းလဲ့ေအာင္ကြန္ဒိုအေရာင္းျပပြဲ
×

ရန္ကုန္ၿမိဳ႕ေတာ္သည္ ျမန္မာႏိုင္ငံ၏ စီးပြားေရးၿမိဳ႕ေတာ္ ျဖစ္သည္ႏွင့္အညီ ၂၄ နာရီ နီးပါးခန္႔ သြားလာစည္ကားေနေသာ ၿမိဳ႕တစ္ခုလည္းျဖစ္သည္။ အစစအရာရာတြင္ စည္ကားအခ်က္အခ်ာက်ေနၿပီး အသြားအလာမပ်က္ ေသာ ၿမိဳ႕ျပႀကီးတစ္ခုျဖစ္ေသာ္လည္း တရားဥပေဒစိုးမိုးမႈကို ၿခိမ္းေျခာက္လာေန ေသာ ျပစ္မႈ မႈခင္းမ်ားကိုလည္း မၾကာခဏဆိုသလိုပင္ ၾကားသိေနရသည္။ ယင္းသို႔ေသာ တရားဥပေဒခ်ဳိးေဖာက္ေနၾကသည့္ အမႈအခင္းအမ်ဳိးမ်ဳိးတို႔တြင္ စီးတီးတကၠစီအငွားယာဥ္ေမာင္းမ်ား အသတ္ခံရသည့္သတင္း၊ စီးတီးတကၠစီ အငွားယာဥ္ေမာင္းမ်ားက ခရီးသည္မ်ားအေပၚ ဥပေဒမဲ့က်ဴးလြန္သည့္ သတင္း မ်ားကလည္း ထိတ္လန္႔တုန္လႈပ္ဖြယ္ အနိ႒ာ႐ုံ သတင္းမ်ားပင္ျဖစ္သည္။

ၿပီးခဲ့သည့္ ဇန္နဝါရီ ၂ဝ ရက္ ညပိုင္းက ႏိုင္ငံ့ဝန္ထမ္းအမ်ဳိးသမီးတစ္ဦး လွည္းတန္းလမ္းဆုံအနီးမွ ဒဂုံၿမိဳ႕နယ္ မင္းမႏိုင္ရပ္ကြက္သို႔ တကၠစီငွားစီးရာတြင္ အိမ္သို႔ ျပန္မေရာက္ခဲ့ဘဲ တကၠစီယာဥ္ေမာင္း၏ မတရားျပဳက်င့္မႈကို ခံရသည့္ အျပင္ အသတ္ခံခဲ့ရသည့္ ျဖစ္စဥ္အၿပီးတြင္ ရန္ကုန္ၿမိဳ႕ေန အမ်ဳိးသမီးထုမွာ တကၠစီငွားစီးရန္ စိုးရိမ္ထိတ္လန္႔မႈမ်ား ျဖစ္ေပၚခံစားလာရၿပီး လုံံၿခံဳစိတ္ခ်ရမႈ မရွိေတာ့ဟု ခံစားလာၾကရသည္။ အလားတူ ေကာင္းမြန္စြာ လုပ္ကိုင္ေနၾကသည့္ တကၠစီယာဥ္ေမာင္းမ်ားအေနျဖင့္လည္း ခရီးသည္ဟန္ေဆာင္ကာ လုယက္ သတ္ျဖတ္တတ္သူမ်ားကို ေၾကာက္ရြံ႕ထိတ္လန္႔ေနရသည့္အတြက္ ခရီးသည္မ်ား ႏွင့္ ယာဥ္ေမာင္းမ်ားအၾကားတြင္ အျပန္အလွန္ ယုံၾကည္မႈ ေလ်ာ့နည္းလာၾက ေၾကာင္း၊ အဓိကအားျဖင့္ တရားဥပေဒစိုးမိုးေရးအျပင္ ေကာင္းမြန္ေသာ ၿမိဳ႕ျပ သယ္ယူပို႔ေဆာင္ေရးစနစ္ကို ပီျပင္စြာ အေကာင္အထည္ေဖာ္သင့္ေၾကာင္း ရန္ကုန္ၿမိဳ႕ေန ျပည္သူလူထုအမ်ားစုက ေတာင္းဆိုလာၾကသည္။

''အရင္ကေတာ့ ကားငွားစီးရင္ ကားသမားရဲ႕ အေနအထားကို ၾကည့္ၿပီး ငွားရတယ္၊ ကားခေစ်းဆစ္ရင္း စကားမ်ားၿပီး မစီးျဖစ္တဲ့ ကားေတြလည္းရွိတယ္၊ ႐ိုင္း႐ိုင္းစိုင္းစိုင္း ေျပာသြားတာမ်ဳိးေတြလည္း ခံခဲ့ရဖူးတယ္၊ အခုေတာ့Grab လိုမ်ဳိး တကၠစီေတြစီးတယ္၊ ယာဥ္ေမာင္းရဲ႕ပုံနဲ႔ ကားနံပါတ္၊ သြားမယ့္ ခရီးရဲ႕ ေစ်းႏႈန္း တစ္ခါတည္းပါတဲ့အတြက္ တစ္ခုခုျဖစ္ျဖစ္၊ ပစၥည္းေမ့က်န္ခဲ့လည္း လိုက္ရတာအဆင္ေျပတယ္၊ ရန္ကုန္တစ္ၿမိဳ႕လုံးက တကၠစီေတြကို အဲလိုပုံစံမ်ဳိးနဲ႔ လုပ္ေပးေစခ်င္တယ္၊ မဟုတ္ရင္ အမ်ဳိးသမီးေတြရဲ႕ဘဝက ညဥ့္နက္မိုးခ်ဳပ္တဲ့ အခ်ိန္မဟုတ္တာေတာင္မွပဲ မလုံၿခံဳဘူးလို႔ ခံစားရတယ္၊ တကၠစီကို တစ္ေယာက္ တည္း ငွားမစီးရဲသေလာက္ပဲ''ဟု ရန္ကုန္ၿမိဳ႕ခံ ကုမၸဏီဝန္ထမ္း မၿဖိဳးက ေျပာသည္။

အမ်ဳိးမ်ဳိးအဖုံဖုံေသာ တကၠစီေတြကို ဘယ္လိုထိန္းခ်ဳပ္ကြပ္ကဲမွာလဲ

ရန္ကုန္ၿမိဳ႕၏ ဘတ္စ္ကားသယ္ယူပို႔ေဆာင္ေရးစနစ္ ျပဳျပင္ေဆာင္ရြက္မႈ ေနာက္တြင္ ၿမိဳ႕ေတာ္အတြင္း ေျပးဆြဲေနသည့္ စီးတီးတကၠစီစနစ္ကို ျပဳျပင္ ေျပာင္းလဲရန္ ေဆာင္ရြက္သြားမည္ဟု ရန္ကုန္တိုင္းေဒသႀကီး ဝန္ႀကီးခ်ဳပ္ ဦးၿဖိဳးမင္းသိန္းကYBS တစ္ႏွစ္ျပည့္ ႏွစ္ပတ္လည္အခမ္းအနားတြင္ ေျပာၾကား ခဲ့သည္။

တိုင္းေဒသႀကီးအစိုးရအေနျဖင့္ စီးတီးတကၠစီမ်ားကို ၾကပ္မတ္ကြပ္ကဲရန္ စတင္ေဆာင္ရြက္ေနၿပီျဖစ္ေသာ္လည္း မည္ကဲ့သို႔ေသာ နည္းလမ္းမ်ားျဖင့္ ကြပ္ကဲ ထိန္းခ်ဳပ္သြားမည္ဆိုသည့္ မူဝါဒ ေပၚထြက္လာျခင္းမရွိေသးေၾကာင္း ျပည္သူမ်ားဘက္ကလည္း ေဝဖန္လ်က္ရွိသည္။ ႏိုင္ငံတကာ ၿမိဳ႕ျပမ်ားတြင္ က်င့္သုံးေဆာင္ရြက္ေနသည့္ ေခတ္မီနည္းစနစ္မ်ားျဖင့္ ထိန္းခ်ဳပ္ေဆာင္ရြက္ ရန္ လိုလားလ်က္ရွိၿပီး Uber, Grab, Oway စသည့္ မိုဘိုင္းအပလီေကးရွင္းသုံး ခ်ိတ္ဆက္ေဆာင္ရြက္သည့္ တကၠစီဝန္ေဆာင္မႈမ်ားကဲ့သို႔ ရန္ကုန္ၿမိဳ႕တြင္ ေျပးဆြဲခြင့္ရရွိထားေသာ စီးတီးတကၠစီမ်ားအားလုံးကို ယာဥ္ႏွင့္ ပတ္သက္ေသာ သတင္းအခ်က္အလက္၊ ယာဥ္ေမာင္းႏွင့္ပတ္သက္ေသာ သတင္းအခ်က္အလက္ မ်ား ျပည့္စုံစြာရယူထား၍ ကြပ္ကဲထိန္းခ်ဳပ္ႏိုင္ေသာ စနစ္မ်ဳိးကို ေဆာင္ရြက္ သင့္ေၾကာင္း အႀကံျပဳလာၾကသည္။ ယင္းသို႔ ေဆာင္ရြက္ႏိုင္ပါက ယာဥ္ေပၚ တြင္ ေမ့က်န္ခဲ့ေသာ ပစၥည္းမ်ားႏွင့္ ပစၥည္းေပ်ာက္ျပႆနာမ်ား ေျဖရွင္းရန္ ပိုမို လြယ္ကူလာမည့္အျပင္ ဒုစ႐ိုက္မႈက်ဴးလြန္သူမ်ားကိုလည္း အလြယ္တကူ ေဖာ္ထုတ္အေရးယူႏိုင္မည္ျဖစ္သည္။

''ရန္ကုန္ၿမိဳ႕ အေနအထားနဲ႔ဆိုရင္ ရွိေနတဲ့ တကၠစီအစီးေရကလည္း လိုအပ္တာထက္ေတာင္ မ်ားေနတယ္၊ ကားအမ်ဳိးအစားေတြကလည္း စုံေန တာပဲ၊ တကၠစီလို အမ်ားျပည္သူကို ပို႔ေဆာင္ေပးေနတဲ့ ယာဥ္မ်ဳိးေတြကို ေမာင္းတဲ့သူဟာ ကြၽမ္းက်င္မႈ၊ စိတ္ရွည္မႈ၊ စိတ္ပိုင္းဆိုင္ရာ၊ က်န္းမာေရး၊ ရာဇဝတ္မႈကင္းရွင္းတာ ဒါမ်ဳိးေတြစိစစ္ၿပီးလို႔ အရည္အခ်င္းျပည့္မွသာ တကၠစီ ေမာင္းႏွင္ခြင့္လိုင္စင္ ထုတ္ေပးရမယ္၊ ဒါေပမယ့္ အလုပ္အကိုင္အရ အဆင္ ေျပတာ ဝင္လုပ္ေနၾကရတဲ့အေနအထားမွာ မကြၽမ္းက်င္ဘဲ ေမာင္းေနတာေတြ လည္း ေတြ႕ေနရတယ္၊ ကားလည္း စုံတယ္၊ လူလည္း အစုံပဲေပါ့၊ ဒါေတြကို စနစ္တက် ထိန္းခ်ဳပ္ေဆာင္ရြက္ဖို႔ ေအာ္ပေရတာနဲ႔ျဖစ္ေစ၊ ကုမၸဏီကပဲျဖစ္ ေစ၊ ႏိုင္ငံတကာကသုံးေနတဲ့ အပလီေကးရွင္းစနစ္ေတြနဲ႔ျဖစ္ေစ လုပ္သင့္ ပါတယ္၊ စီးပြားေရးၿမိဳ႕ေတာ္ျဖစ္တဲ့အျပင္ ႏိုင္ငံတကာဝင္/ထြက္ေပါက္ျဖစ္ေန တဲ့အတြက္ ကိုယ့္ႏိုင္ငံသားေတြသာမက ႏိုင္ငံျခားသားေတြရဲ႕အျမင္မွာလည္း လုံၿခံဳစိတ္ခ်ရမႈရွိဖို႔၊ တရားဥပေဒစိုးမိုးမႈရွိဖို႔ လိုအပ္ပါတယ္''ဟု ယာဥ္စည္းကမ္း ထိန္းသိမ္းႀကီးၾကပ္ေရး ေဆာင္ရြက္ခဲ့သူ အၿငိမ္းစားအရာရွိတစ္ဦးက အႀကံျပဳ သည္။

အတိတ္၊ ပစၥဳပၸန္ႏွင့္ အနာဂတ္ တကၠစီယာဥ္တို႔၏ လားရာ

ျမန္မာႏိုင္ငံတြင္ တကၠစီစနစ္ စတင္ခဲ့သည္မွာ ၁၉၅၄ ခုႏွစ္ကဟု သိရၿပီး ဂ်ပန္ႏိုင္ငံလုပ္ မီတာခ်ဳိးသည့္ သုံးဘီးယာဥ္မ်ားႏွင့္ စတင္ခဲ့သည္ဟု ၿမိဳ႕ျပ သယ္ယူပို႔ေဆာင္ေရးဆိုင္ရာ စာတမ္းမ်ားအရ သိရသည္။ ၁၉၈ဝ ျပည့္ႏွစ္ ေနာက္ပိုင္း ေလးဘီးတကၠစီမ်ား စိုးမိုးလာခဲ့ၿပီး ၁၉၈၅ ခုႏွစ္တြင္ သုံးဘီး ယာဥ္ေလးမ်ားကို မႏၲေလးႏွင့္ ျပည္ၿမိဳ႕တို႔သို႔ ေရႊ႕ပစ္ခဲ့သည္ဟု သိရသည္။ ေနာက္ပိုင္းတြင္ ေလးဘီး၊ ဆလြန္း၊ ဗင္ စသည့္ယာဥ္မ်ားမွသည္ ကက၊ ခခ တကၠစီေခတ္သို႔ ေရာက္ရွိလာခဲ့ၿပီး ယခုအခါ AA ၊ BBစသည့္ ရာသက္ပန္ တကၠစီအျဖစ္ ေျပးဆြဲရမည့္ ယာဥ္မ်ား၊ ေမာ္ဒယ္ အနိမ့္အျမင့္ အေရာင္အေသြး အမ်ဳိးစုံလင္ကာ စီးတီးတကၠစီအဖုံဖုံ ျဖစ္လာခဲ့သည္။ ခရီးသည္ တင္ေဆာင္ ေျပးဆြဲရန္ မသင့္သည့္ ယာဥ္အမ်ဳိးအစားမ်ားကိုပါ တကၠစီလုပ္ငန္းလိုင္စင္ ခြင့္ျပဳခဲ့သည့္အတြက္ေၾကာင့္လည္း တကၠစီယာဥ္ အမ်ဳိးစုံလင္လွသည္။ ထိုသို႔ ေသာ အမ်ဳိးမ်ဳိးအဖုံဖုံ စီးတီးတကၠစီတို႔ကို ယခင္က ၿမိဳ႕ေတာ္စည္ပင္က ခ႐ိုင္ အလိုက္ မွတ္ပုံတင္ေစကာ ႀကီးၾကပ္ကြပ္ကဲခဲ့ၿပီး ၂ဝဝ၈ ခုႏွစ္တြင္ မီတာ မတပ္မေနရ စနစ္က်င့္သုံးကာ မီတာမ်ား တပ္ေစခဲ့သည္။ မီတာတစ္လုံးလွ်င္ ေငြက်ပ္ ႏွစ္သိန္းေပးရသည္သာရွိခဲ့ၿပီး ယင္းစနစ္ ေအာင္ျမင္မႈမရွိခဲ့ေပ။ ထို႔အတူ ၂ဝ၁၃ ခုႏွစ္တြင္ ၿမိဳ႕ေတာ္စည္ပင္ စီမံအုပ္ခ်ဳပ္မႈမွသည္ မထသ (ဗဟို)သို႔ လႊဲေျပာင္းခဲ့ေသာ္လည္း ယခင္က မွတ္ပုံတင္ခဲ့ေသာ ယာဥ္မ်ားအား ဆက္လက္ မွတ္ပုံတင္ေစခဲ့ၿပီး အခ်ဳိ႕ယာဥ္မ်ားသည္ မွတ္ပုံတင္သက္တမ္း ျပတ္ကာ သက္တမ္းမရွိေတာ့သည့္အျပင္ အသစ္ထပ္မံတိုးလာသည့္ တကၠစီ ယာဥ္မ်ားသည္လည္း မွတ္ပုံတင္ျခင္း မရွိေတာ့ေခ်။ သို႔ေသာ္ ယခုအစိုးရ လက္ထက္တြင္ ရန္ကုန္တိုင္းေဒသႀကီး သယ္ယူပို႔ေဆာင္ေရး ႀကီးၾကပ္ကြပ္ကဲမႈ အာဏာပိုင္အဖြဲ႕ကို ဖြဲ႕စည္းကာ သယ္ယူပို႔ေဆာင္ေရးက႑ ႀကီးၾကပ္ကြပ္ကဲျခင္း တြင္ တကၠစီယာဥ္မ်ားကို ထိန္းခ်ဳပ္ကြပ္ကဲျခင္းသည္လည္း ပါဝင္မည္ျဖစ္ေၾကာင္း သိရသည္။

ရန္ကုန္လိုင္စင္ စီးတီးတကၠစီမ်ားအားလုံး ရန္ကုန္တိုင္းေဒသႀကီး သယ္ယူ ပို႔ေဆာင္ေရး ႀကီးၾကပ္ကြပ္ကဲမႈအာဏာပိုင္အဖြဲ႕(YRTA)တြင္ ၂ဝ၁၇ ခုႏွစ္ ဒီဇင္ဘာ ၃၁ ရက္ ေနာက္ဆုံးထားကာ မွတ္ပုံတင္ရန္ၫႊန္ၾကားထားၿပီးျဖစ္သလို ၂ဝ၁၈ ခုႏွစ္ ဇန္နဝါရီ ၁ ရက္မွစတင္ကာ မွတ္ပုံတင္ထားျခင္းမရွိေသာ ရန္ကုန္လိုင္စင္ တကၠစီမ်ားကို အေရးယူမည္ဟုလည္း သတိေပးထုတ္ျပန္ထား သည္။ အဆိုပါ ၂ဝ၁၇ ခုႏွစ္ ဒီဇင္ဘာ ၃၁ ရက္အထိ မွတ္ပုံတင္ထားေသာ စီးတီးတကၠစီအစီးေရမွာ ၃၅ဝ၈၆ စီးျဖစ္ၿပီး စာရင္းေပးသြင္းထားၿပီးျဖစ္၍ မွတ္ပုံတင္ျခင္းလုပ္ငန္းမ်ားကို ဆက္လက္ေဆာင္ရြက္ေနဆဲျဖစ္ေသာ ယာဥ္မ်ား အပါအဝင္ ဇန္နဝါရီ တတိယပတ္ခန္႔အထိ စီးတီးတကၠစီအစီးေရ ၄ဝဝဝဝ ေက်ာ္၊ ၅ဝဝဝဝ နီးပါးခန္႔ ရွိလာၿပီျဖစ္သည္။ ယင္းသို႔ မွတ္ပုံတင္လုပ္ငန္းၿပီးစီးပါက စီးတီးတကၠစီမ်ားကို စနစ္တက် ကြပ္ကဲၾကပ္မတ္သြားမည္ျဖစ္ၿပီး ယာဥ္ေမာင္း၊ ယာဥ္ပိုင္ရွင္တို႔ႏွင့္ပတ္သက္သည့္ အခ်က္အလက္မ်ားကို မွတ္တမ္းယူျပဳစုထားရွိ မည္ဟုYRTA မွ တာဝန္ရွိသူတစ္ဦးက ေျပာသည္။ ယင္းအျပင္ ယာဥ္ လမ္းေၾကာင္း ထိန္းခ်ဳပ္ေရးစင္တာ၊ စီစီတီဗီြကင္မရာမ်ားအျပင္ အခ်က္အခ်ာ က်ေသာလမ္းမ်ား၊ ေနရာမ်ားတြင္လည္း လုံၿခံဳေရး စီစီတီဗီြကင္မရာမ်ား ထပ္မံ တပ္ဆင္ကာ ခ်ိတ္ဆက္ေဆာင္ရြက္သြားမည္ဟု ၎က ဆက္လက္ေျပာၾကား သည္။

''တကၠစီေတြနဲ႔ပတ္သက္လို႔YBSစနစ္ၿပီးတာနဲ႔ ထိန္းခ်ဳပ္ၾကပ္မတ္ မယ္လို႔ ေျပာထားတာလည္း ရွိပါတယ္၊ အခုရက္ပိုင္းကျဖစ္သြားတဲ့ ဝန္ထမ္း အမ်ဳိးသမီးငွားစီးသြားတဲ့ယာဥ္ဆိုရင္ စီးတီးတကၠစီ မွတ္ပုံတင္သက္တမ္း မရွိ ေတာ့တဲ့ သက္တမ္းပ်က္ယာဥ္ ျဖစ္ေနတယ္၊ အခုဆိုရင္ တကၠစီေတြ မွတ္ပုံတင္ တာေတြ ေဆာင္ရြက္ေနတဲ့အတြက္ စနစ္တက် ေဆာင္ရြက္သြားဖို႔ ရွိပါတယ္၊ ေသခ်ာတာကေတာ့ တကၠစီေတြကို စေတကာမွန္အမည္း ကပ္ခြင့္မျပဳပါဘူး၊ ကားသမား၊ ကားနံပါတ္နဲ႔ပတ္သက္တဲ့ အခ်က္အလက္ ကားမွာေဖာ္ျပေပးဖို႔ လည္း လုပ္ေနတယ္၊ သတ္မွတ္ထားတဲ့ရက္ ေက်ာ္လြန္တာနဲ႔ မွတ္ပုံတင္ထားျခင္း မရွိတဲ့ယာဥ္ေတြကိုလည္း အေရးယူမွာျဖစ္သလို၊ နယ္လိုင္စင္တကၠစီေတြကို လည္း ညအိပ္ခြန္ေတြ၊ ၿမိဳ႕ဝင္ေၾကးေတြ ေကာက္ခံသြားမွာျဖစ္ပါတယ္''ဟု အဆိုပါတာဝန္ရွိသူက ဆက္လက္ေျပာၾကားသည္။

လတ္တေလာတြင္မူ ရန္ကုန္ၿမိဳ႕ေန ခရီးသြားျပည္သူမ်ားအေနျဖင့္ ယာဥ္စီးခညႇိႏႈိင္းစီးနင္းရသည့္ တကၠစီယာဥ္မ်ားထက္ မိုဘိုင္းအပလီေကးရွင္းသုံး ဝန္ေဆာင္မႈေပးေနသည့္ တကၠစီမ်ားကို ပိုမိုအားထား စီးနင္းလာၾကသည္။ ယင္းအတြက္ ဝန္ေဆာင္မႈပိုမိုေကာင္းမြန္ေသာ၊ ေစ်းႏႈန္း သင့္တင့္မွ်တေသာ၊ လုံၿခံဳစိတ္ခ်ရေသာယာဥ္မ်ားကို ေရြးခ်ယ္စီးနင္းၾကမည္သာျဖစ္သည္။ ၿမိဳ႕ေန လူထု အားထားစီးေနရသည့္ ဘတ္စ္ကားအစီးေရသည္ တစ္ၿမိဳ႕လုံးတြင္ အစီး ေရ ၅ဝဝဝ ခန္႔သာရွိၿပီး စီးတီးတကၠစီအစီးေရသည္ ၅ဝဝဝဝ ခန္႔အထိ ရွိေန သည္။ ညေန ၆ နာရီေနာက္ပိုင္းတြင္ ေျပးဆြဲမႈ နည္းပါးလာေသာ ခရီးသည္တင္ ယာဥ္မ်ားေၾကာင့္ ခရီးသြားျပည္သူမ်ားမွာ ၾကားကား၊ ေအာက္ဆိုက္ကားမ်ားကို အားထားေနရသည္။ ယင္းတြင္ စီးတီးတကၠစီမ်ားသည္လည္း အေရးပါေသာ သယ္ယူပို႔ေဆာင္ေရးယာဥ္မ်ားျဖစ္ေနသည့္အတြက္ လိုရာခရီးကို သင့္တင့္မွ်တ ေသာ ေစ်းႏႈန္းျဖင့္ လုံၿခံဳေခ်ာေမြ႕စြာ သယ္ယူပို႔ေဆာင္ေပးႏိုင္ေရးသည္ ျပည္သူ႔ ဝန္ေဆာင္မႈတစ္ခုပင္ျဖစ္ပါသည္။ ထို႔ေၾကာင့္ လုံၿခံဳစိတ္ခ်စြာျဖင့္ သြားလာႏိုင္ သည့္ ယာဥ္မ်ား၊ လမ္းမ်ားျဖင့္ ေကာင္းမြန္ေသာ သယ္ယူပို႔ေဆာင္ေရးစနစ္မ်ား အေကာင္အထည္ေဖာ္ရန္ လိုအပ္မည္ျဖစ္သည္။

ဖိုးသူေတာ္ (www.phothutaw.com)
Credit: ဆုႏွင္းလဲ့
The Mirror Daily

#Unicode Version#
ရန်ကုန်မြို့တော်သည် မြန်မာနိုင်ငံ၏ စီးပွားရေးမြို့တော် ဖြစ်သည်နှင့်အညီ ၂၄ နာရီ နီးပါးခန့် သွားလာစည်ကားနေသော မြို့တစ်ခုလည်းဖြစ်သည်။ အစစအရာရာတွင် စည်ကားအချက်အချာကျနေပြီး အသွားအလာမပျက် သော မြို့ပြကြီးတစ်ခုဖြစ်သော်လည်း တရားဥပဒေစိုးမိုးမှုကို ခြိမ်းခြောက်လာနေ သော ပြစ်မှု မှုခင်းများကိုလည်း မကြာခဏဆိုသလိုပင် ကြားသိနေရသည်။ ယင်းသို့သော တရားဥပဒေချိုးဖောက်နေကြသည့် အမှုအခင်းအမျိုးမျိုးတို့တွင် စီးတီးတက္ကစီအငှားယာဉ်မောင်းများ အသတ်ခံရသည့်သတင်း၊ စီးတီးတက္ကစီ အငှားယာဉ်မောင်းများက ခရီးသည်များအပေါ် ဥပဒေမဲ့ကျူးလွန်သည့် သတင်း များကလည်း ထိတ်လန့်တုန်လှုပ်ဖွယ် အနိဋ္ဌာရုံ သတင်းများပင်ဖြစ်သည်။

ပြီးခဲ့သည့် ဇန်နဝါရီ ၂ဝ ရက် ညပိုင်းက နိုင်ငံ့ဝန်ထမ်းအမျိုးသမီးတစ်ဦး လှည်းတန်းလမ်းဆုံအနီးမှ ဒဂုံမြို့နယ် မင်းမနိုင်ရပ်ကွက်သို့ တက္ကစီငှားစီးရာတွင် အိမ်သို့ ပြန်မရောက်ခဲ့ဘဲ တက္ကစီယာဉ်မောင်း၏ မတရားပြုကျင့်မှုကို ခံရသည့် အပြင် အသတ်ခံခဲ့ရသည့် ဖြစ်စဉ်အပြီးတွင် ရန်ကုန်မြို့နေ အမျိုးသမီးထုမှာ တက္ကစီငှားစီးရန် စိုးရိမ်ထိတ်လန့်မှုများ ဖြစ်ပေါ်ခံစားလာရပြီး လုံံခြုံစိတ်ချရမှု မရှိတော့ဟု ခံစားလာကြရသည်။ အလားတူ ကောင်းမွန်စွာ လုပ်ကိုင်နေကြသည့် တက္ကစီယာဉ်မောင်းများအနေဖြင့်လည်း ခရီးသည်ဟန်ဆောင်ကာ လုယက် သတ်ဖြတ်တတ်သူများကို ကြောက်ရွံ့ထိတ်လန့်နေရသည့်အတွက် ခရီးသည်များ နှင့် ယာဉ်မောင်းများအကြားတွင် အပြန်အလှန် ယုံကြည်မှု လျော့နည်းလာကြ ကြောင်း၊ အဓိကအားဖြင့် တရားဥပဒေစိုးမိုးရေးအပြင် ကောင်းမွန်သော မြို့ပြ သယ်ယူပို့ဆောင်ရေးစနစ်ကို ပီပြင်စွာ အကောင်အထည်ဖော်သင့်ကြောင်း ရန်ကုန်မြို့နေ ပြည်သူလူထုအများစုက တောင်းဆိုလာကြသည်။

''အရင်ကတော့ ကားငှားစီးရင် ကားသမားရဲ့ အနေအထားကို ကြည့်ပြီး ငှားရတယ်၊ ကားခဈေးဆစ်ရင်း စကားများပြီး မစီးဖြစ်တဲ့ ကားတွေလည်းရှိတယ်၊ ရိုင်းရိုင်းစိုင်းစိုင်း ပြောသွားတာမျိုးတွေလည်း ခံခဲ့ရဖူးတယ်၊ အခုတော့Grab လိုမျိုး တက္ကစီတွေစီးတယ်၊ ယာဉ်မောင်းရဲ့ပုံနဲ့ ကားနံပါတ်၊ သွားမယ့် ခရီးရဲ့ ဈေးနှုန်း တစ်ခါတည်းပါတဲ့အတွက် တစ်ခုခုဖြစ်ဖြစ်၊ ပစ္စည်းမေ့ကျန်ခဲ့လည်း လိုက်ရတာအဆင်ပြေတယ်၊ ရန်ကုန်တစ်မြို့လုံးက တက္ကစီတွေကို အဲလိုပုံစံမျိုးနဲ့ လုပ်ပေးစေချင်တယ်၊ မဟုတ်ရင် အမျိုးသမီးတွေရဲ့ဘဝက ညဉ့်နက်မိုးချုပ်တဲ့ အချိန်မဟုတ်တာတောင်မှပဲ မလုံခြုံဘူးလို့ ခံစားရတယ်၊ တက္ကစီကို တစ်ယောက် တည်း ငှားမစီးရဲသလောက်ပဲ''ဟု ရန်ကုန်မြို့ခံ ကုမ္ပဏီဝန်ထမ်း မဖြိုးက ပြောသည်။

အမျိုးမျိုးအဖုံဖုံသော တက္ကစီတွေကို ဘယ်လိုထိန်းချုပ်ကွပ်ကဲမှာလဲ

ရန်ကုန်မြို့၏ ဘတ်စ်ကားသယ်ယူပို့ဆောင်ရေးစနစ် ပြုပြင်ဆောင်ရွက်မှု နောက်တွင် မြို့တော်အတွင်း ပြေးဆွဲနေသည့် စီးတီးတက္ကစီစနစ်ကို ပြုပြင် ပြောင်းလဲရန် ဆောင်ရွက်သွားမည်ဟု ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းကYBS တစ်နှစ်ပြည့် နှစ်ပတ်လည်အခမ်းအနားတွင် ပြောကြား ခဲ့သည်။

တိုင်းဒေသကြီးအစိုးရအနေဖြင့် စီးတီးတက္ကစီများကို ကြပ်မတ်ကွပ်ကဲရန် စတင်ဆောင်ရွက်နေပြီဖြစ်သော်လည်း မည်ကဲ့သို့သော နည်းလမ်းများဖြင့် ကွပ်ကဲ ထိန်းချုပ်သွားမည်ဆိုသည့် မူဝါဒ ပေါ်ထွက်လာခြင်းမရှိသေးကြောင်း ပြည်သူများဘက်ကလည်း ဝေဖန်လျက်ရှိသည်။ နိုင်ငံတကာ မြို့ပြများတွင် ကျင့်သုံးဆောင်ရွက်နေသည့် ခေတ်မီနည်းစနစ်များဖြင့် ထိန်းချုပ်ဆောင်ရွက် ရန် လိုလားလျက်ရှိပြီး Uber, Grab, Oway စသည့် မိုဘိုင်းအပလီကေးရှင်းသုံး ချိတ်ဆက်ဆောင်ရွက်သည့် တက္ကစီဝန်ဆောင်မှုများကဲ့သို့ ရန်ကုန်မြို့တွင် ပြေးဆွဲခွင့်ရရှိထားသော စီးတီးတက္ကစီများအားလုံးကို ယာဉ်နှင့် ပတ်သက်သော သတင်းအချက်အလက်၊ ယာဉ်မောင်းနှင့်ပတ်သက်သော သတင်းအချက်အလက် များ ပြည့်စုံစွာရယူထား၍ ကွပ်ကဲထိန်းချုပ်နိုင်သော စနစ်မျိုးကို ဆောင်ရွက် သင့်ကြောင်း အကြံပြုလာကြသည်။ ယင်းသို့ ဆောင်ရွက်နိုင်ပါက ယာဉ်ပေါ် တွင် မေ့ကျန်ခဲ့သော ပစ္စည်းများနှင့် ပစ္စည်းပျောက်ပြဿနာများ ဖြေရှင်းရန် ပိုမို လွယ်ကူလာမည့်အပြင် ဒုစရိုက်မှုကျူးလွန်သူများကိုလည်း အလွယ်တကူ ဖော်ထုတ်အရေးယူနိုင်မည်ဖြစ်သည်။

''ရန်ကုန်မြို့ အနေအထားနဲ့ဆိုရင် ရှိနေတဲ့ တက္ကစီအစီးရေကလည်း လိုအပ်တာထက်တောင် များနေတယ်၊ ကားအမျိုးအစားတွေကလည်း စုံနေ တာပဲ၊ တက္ကစီလို အများပြည်သူကို ပို့ဆောင်ပေးနေတဲ့ ယာဉ်မျိုးတွေကို မောင်းတဲ့သူဟာ ကျွမ်းကျင်မှု၊ စိတ်ရှည်မှု၊ စိတ်ပိုင်းဆိုင်ရာ၊ ကျန်းမာရေး၊ ရာဇဝတ်မှုကင်းရှင်းတာ ဒါမျိုးတွေစိစစ်ပြီးလို့ အရည်အချင်းပြည့်မှသာ တက္ကစီ မောင်းနှင်ခွင့်လိုင်စင် ထုတ်ပေးရမယ်၊ ဒါပေမယ့် အလုပ်အကိုင်အရ အဆင် ပြေတာ ဝင်လုပ်နေကြရတဲ့အနေအထားမှာ မကျွမ်းကျင်ဘဲ မောင်းနေတာတွေ လည်း တွေ့နေရတယ်၊ ကားလည်း စုံတယ်၊ လူလည်း အစုံပဲပေါ့၊ ဒါတွေကို စနစ်တကျ ထိန်းချုပ်ဆောင်ရွက်ဖို့ အော်ပရေတာနဲ့ဖြစ်စေ၊ ကုမ္ပဏီကပဲဖြစ် စေ၊ နိုင်ငံတကာကသုံးနေတဲ့ အပလီကေးရှင်းစနစ်တွေနဲ့ဖြစ်စေ လုပ်သင့် ပါတယ်၊ စီးပွားရေးမြို့တော်ဖြစ်တဲ့အပြင် နိုင်ငံတကာဝင်/ထွက်ပေါက်ဖြစ်နေ တဲ့အတွက် ကိုယ့်နိုင်ငံသားတွေသာမက နိုင်ငံခြားသားတွေရဲ့အမြင်မှာလည်း လုံခြုံစိတ်ချရမှုရှိဖို့၊ တရားဥပဒေစိုးမိုးမှုရှိဖို့ လိုအပ်ပါတယ်''ဟု ယာဉ်စည်းကမ်း ထိန်းသိမ်းကြီးကြပ်ရေး ဆောင်ရွက်ခဲ့သူ အငြိမ်းစားအရာရှိတစ်ဦးက အကြံပြု သည်။

အတိတ်၊ ပစ္စုပ္ပန်နှင့် အနာဂတ် တက္ကစီယာဉ်တို့၏ လားရာ

မြန်မာနိုင်ငံတွင် တက္ကစီစနစ် စတင်ခဲ့သည်မှာ ၁၉၅၄ ခုနှစ်ကဟု သိရပြီး ဂျပန်နိုင်ငံလုပ် မီတာချိုးသည့် သုံးဘီးယာဉ်များနှင့် စတင်ခဲ့သည်ဟု မြို့ပြ သယ်ယူပို့ဆောင်ရေးဆိုင်ရာ စာတမ်းများအရ သိရသည်။ ၁၉၈ဝ ပြည့်နှစ် နောက်ပိုင်း လေးဘီးတက္ကစီများ စိုးမိုးလာခဲ့ပြီး ၁၉၈၅ ခုနှစ်တွင် သုံးဘီး ယာဉ်လေးများကို မန္တလေးနှင့် ပြည်မြို့တို့သို့ ရွှေ့ပစ်ခဲ့သည်ဟု သိရသည်။ နောက်ပိုင်းတွင် လေးဘီး၊ ဆလွန်း၊ ဗင် စသည့်ယာဉ်များမှသည် ကက၊ ခခ တက္ကစီခေတ်သို့ ရောက်ရှိလာခဲ့ပြီး ယခုအခါ AA ၊ BBစသည့် ရာသက်ပန် တက္ကစီအဖြစ် ပြေးဆွဲရမည့် ယာဉ်များ၊ မော်ဒယ် အနိမ့်အမြင့် အရောင်အသွေး အမျိုးစုံလင်ကာ စီးတီးတက္ကစီအဖုံဖုံ ဖြစ်လာခဲ့သည်။ ခရီးသည် တင်ဆောင် ပြေးဆွဲရန် မသင့်သည့် ယာဉ်အမျိုးအစားများကိုပါ တက္ကစီလုပ်ငန်းလိုင်စင် ခွင့်ပြုခဲ့သည့်အတွက်ကြောင့်လည်း တက္ကစီယာဉ် အမျိုးစုံလင်လှသည်။ ထိုသို့ သော အမျိုးမျိုးအဖုံဖုံ စီးတီးတက္ကစီတို့ကို ယခင်က မြို့တော်စည်ပင်က ခရိုင် အလိုက် မှတ်ပုံတင်စေကာ ကြီးကြပ်ကွပ်ကဲခဲ့ပြီး ၂ဝဝ၈ ခုနှစ်တွင် မီတာ မတပ်မနေရ စနစ်ကျင့်သုံးကာ မီတာများ တပ်စေခဲ့သည်။ မီတာတစ်လုံးလျှင် ငွေကျပ် နှစ်သိန်းပေးရသည်သာရှိခဲ့ပြီး ယင်းစနစ် အောင်မြင်မှုမရှိခဲ့ပေ။ ထို့အတူ ၂ဝ၁၃ ခုနှစ်တွင် မြို့တော်စည်ပင် စီမံအုပ်ချုပ်မှုမှသည် မထသ (ဗဟို)သို့ လွှဲပြောင်းခဲ့သော်လည်း ယခင်က မှတ်ပုံတင်ခဲ့သော ယာဉ်များအား ဆက်လက် မှတ်ပုံတင်စေခဲ့ပြီး အချို့ယာဉ်များသည် မှတ်ပုံတင်သက်တမ်း ပြတ်ကာ သက်တမ်းမရှိတော့သည့်အပြင် အသစ်ထပ်မံတိုးလာသည့် တက္ကစီ ယာဉ်များသည်လည်း မှတ်ပုံတင်ခြင်း မရှိတော့ချေ။ သို့သော် ယခုအစိုးရ လက်ထက်တွင် ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ကို ဖွဲ့စည်းကာ သယ်ယူပို့ဆောင်ရေးကဏ္ဍ ကြီးကြပ်ကွပ်ကဲခြင်း တွင် တက္ကစီယာဉ်များကို ထိန်းချုပ်ကွပ်ကဲခြင်းသည်လည်း ပါဝင်မည်ဖြစ်ကြောင်း သိရသည်။

ရန်ကုန်လိုင်စင် စီးတီးတက္ကစီများအားလုံး ရန်ကုန်တိုင်းဒေသကြီး သယ်ယူ ပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့(YRTA)တွင် ၂ဝ၁၇ ခုနှစ် ဒီဇင်ဘာ ၃၁ ရက် နောက်ဆုံးထားကာ မှတ်ပုံတင်ရန်ညွှန်ကြားထားပြီးဖြစ်သလို ၂ဝ၁၈ ခုနှစ် ဇန်နဝါရီ ၁ ရက်မှစတင်ကာ မှတ်ပုံတင်ထားခြင်းမရှိသော ရန်ကုန်လိုင်စင် တက္ကစီများကို အရေးယူမည်ဟုလည်း သတိပေးထုတ်ပြန်ထား သည်။ အဆိုပါ ၂ဝ၁၇ ခုနှစ် ဒီဇင်ဘာ ၃၁ ရက်အထိ မှတ်ပုံတင်ထားသော စီးတီးတက္ကစီအစီးရေမှာ ၃၅ဝ၈၆ စီးဖြစ်ပြီး စာရင်းပေးသွင်းထားပြီးဖြစ်၍ မှတ်ပုံတင်ခြင်းလုပ်ငန်းများကို ဆက်လက်ဆောင်ရွက်နေဆဲဖြစ်သော ယာဉ်များ အပါအဝင် ဇန်နဝါရီ တတိယပတ်ခန့်အထိ စီးတီးတက္ကစီအစီးရေ ၄ဝဝဝဝ ကျော်၊ ၅ဝဝဝဝ နီးပါးခန့် ရှိလာပြီဖြစ်သည်။ ယင်းသို့ မှတ်ပုံတင်လုပ်ငန်းပြီးစီးပါက စီးတီးတက္ကစီများကို စနစ်တကျ ကွပ်ကဲကြပ်မတ်သွားမည်ဖြစ်ပြီး ယာဉ်မောင်း၊ ယာဉ်ပိုင်ရှင်တို့နှင့်ပတ်သက်သည့် အချက်အလက်များကို မှတ်တမ်းယူပြုစုထားရှိ မည်ဟုYRTA မှ တာဝန်ရှိသူတစ်ဦးက ပြောသည်။ ယင်းအပြင် ယာဉ် လမ်းကြောင်း ထိန်းချုပ်ရေးစင်တာ၊ စီစီတီဗွီကင်မရာများအပြင် အချက်အချာ ကျသောလမ်းများ၊ နေရာများတွင်လည်း လုံခြုံရေး စီစီတီဗွီကင်မရာများ ထပ်မံ တပ်ဆင်ကာ ချိတ်ဆက်ဆောင်ရွက်သွားမည်ဟု ၎င်းက ဆက်လက်ပြောကြား သည်။

''တက္ကစီတွေနဲ့ပတ်သက်လို့YBSစနစ်ပြီးတာနဲ့ ထိန်းချုပ်ကြပ်မတ် မယ်လို့ ပြောထားတာလည်း ရှိပါတယ်၊ အခုရက်ပိုင်းကဖြစ်သွားတဲ့ ဝန်ထမ်း အမျိုးသမီးငှားစီးသွားတဲ့ယာဉ်ဆိုရင် စီးတီးတက္ကစီ မှတ်ပုံတင်သက်တမ်း မရှိ တော့တဲ့ သက်တမ်းပျက်ယာဉ် ဖြစ်နေတယ်၊ အခုဆိုရင် တက္ကစီတွေ မှတ်ပုံတင် တာတွေ ဆောင်ရွက်နေတဲ့အတွက် စနစ်တကျ ဆောင်ရွက်သွားဖို့ ရှိပါတယ်၊ သေချာတာကတော့ တက္ကစီတွေကို စတေကာမှန်အမည်း ကပ်ခွင့်မပြုပါဘူး၊ ကားသမား၊ ကားနံပါတ်နဲ့ပတ်သက်တဲ့ အချက်အလက် ကားမှာဖော်ပြပေးဖို့ လည်း လုပ်နေတယ်၊ သတ်မှတ်ထားတဲ့ရက် ကျော်လွန်တာနဲ့ မှတ်ပုံတင်ထားခြင်း မရှိတဲ့ယာဉ်တွေကိုလည်း အရေးယူမှာဖြစ်သလို၊ နယ်လိုင်စင်တက္ကစီတွေကို လည်း ညအိပ်ခွန်တွေ၊ မြို့ဝင်ကြေးတွေ ကောက်ခံသွားမှာဖြစ်ပါတယ်''ဟု အဆိုပါတာဝန်ရှိသူက ဆက်လက်ပြောကြားသည်။

လတ်တလောတွင်မူ ရန်ကုန်မြို့နေ ခရီးသွားပြည်သူများအနေဖြင့် ယာဉ်စီးခညှိနှိုင်းစီးနင်းရသည့် တက္ကစီယာဉ်များထက် မိုဘိုင်းအပလီကေးရှင်းသုံး ဝန်ဆောင်မှုပေးနေသည့် တက္ကစီများကို ပိုမိုအားထား စီးနင်းလာကြသည်။ ယင်းအတွက် ဝန်ဆောင်မှုပိုမိုကောင်းမွန်သော၊ ဈေးနှုန်း သင့်တင့်မျှတသော၊ လုံခြုံစိတ်ချရသောယာဉ်များကို ရွေးချယ်စီးနင်းကြမည်သာဖြစ်သည်။ မြို့နေ လူထု အားထားစီးနေရသည့် ဘတ်စ်ကားအစီးရေသည် တစ်မြို့လုံးတွင် အစီး ရေ ၅ဝဝဝ ခန့်သာရှိပြီး စီးတီးတက္ကစီအစီးရေသည် ၅ဝဝဝဝ ခန့်အထိ ရှိနေ သည်။ ညနေ ၆ နာရီနောက်ပိုင်းတွင် ပြေးဆွဲမှု နည်းပါးလာသော ခရီးသည်တင် ယာဉ်များကြောင့် ခရီးသွားပြည်သူများမှာ ကြားကား၊ အောက်ဆိုက်ကားများကို အားထားနေရသည်။ ယင်းတွင် စီးတီးတက္ကစီများသည်လည်း အရေးပါသော သယ်ယူပို့ဆောင်ရေးယာဉ်များဖြစ်နေသည့်အတွက် လိုရာခရီးကို သင့်တင့်မျှတ သော ဈေးနှုန်းဖြင့် လုံခြုံချောမွေ့စွာ သယ်ယူပို့ဆောင်ပေးနိုင်ရေးသည် ပြည်သူ့ ဝန်ဆောင်မှုတစ်ခုပင်ဖြစ်ပါသည်။ ထို့ကြောင့် လုံခြုံစိတ်ချစွာဖြင့် သွားလာနိုင် သည့် ယာဉ်များ၊ လမ်းများဖြင့် ကောင်းမွန်သော သယ်ယူပို့ဆောင်ရေးစနစ်များ အကောင်အထည်ဖော်ရန် လိုအပ်မည်ဖြစ်သည်။

ဖိုးသူတော် (www.phothutaw.com)
Credit: ဆုနှင်းလဲ့
The Mirror Daily
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top