Novotel ဟိုတယ္တြင္ က်င္းပမည့္ Yone Min တိုက္ခန္းႏွင့္ ကြန္ဒို အထူးအေရာင္းျပပြဲ
×

ေမာ္ခ်ီးေက်းရြာအုပ္စုအနာဂတ္အလင္းတန္းရြာေက်းရြာတြင္ မူလတန္းေက်ာင္းဆရာမတစ္ဦးကို ေရြ႕ေျပာင္းအလုပ္သမားတစ္ဦးက အဓမၼျပဳက်င့္ရန္ ႀကံစည္မႈျဖစ္ပြားခဲ့ၿပီးေနာက္ပိုင္း စိတ္ပိုင္းဆိုင္ရာ ထိခိုက္နစ္နာေနရၿပီး ၎ေနရာသို႔ တာဝန္ထမ္းေဆာင္ရန္ စိတ္ဆႏၵ မရိွေတာ့ဘဲ အျခားေနရာသို႔ ေျပာင္းေရႊ႕တာဝန္ေပးရန္ လိုလာသည္ဟု ကာယကံရွင္ ေဒၚရို႕ထူးက ေျပာသည္။

ႏိုဝင္ဘာ ၉ ရက္ေန႔က အလက(ခြဲ) လယ္ပြာခိုမူလတန္ျပ ဆရာမျဖစ္သူ ေဒၚရို႕ထူးသည္ အနာဂတ္အလင္းတန္းေက်းရြာရိွ ေက်ာင္းဆရာမမ်ားေနထိုင္ေသာ အိမ္တြင္ တစ္ဦးတည္း အိပ္စက္ေနစဥ္ ေဝလင္းထြန္းက ေနအိမ္ရိွ အိပ္ရာအထိ က်ဴးေက်ာ္ဝင္ကာ အဓမၼျပဳက်င့္ရန္ ႀကံစည္ခဲ့ျခင္း ျဖစ္သည္။

“က်မအရမ္း ထိခိုက္ခံစားရတယ္။ ဒါေတာင္ဒီေလာက္အထိပဲ ျဖစ္သြားလို႔သာ ေတာ္ေသးတယ္။ ဒီေနရာမွာ မေနခ်င္ေတာ့ဘူး။ က်မ ေႏြးေထြးမႈလိုအပ္တယ္။ ျဖစ္ႏိုင္ရင္ ေတာင္ငူမွာရိွတဲ့ အေမ့ဆီကိုပဲ ျပန္ေျပာင္းေနခ်င္ပါတယ္။”ဟု ေဒၚရို႕ထူးက ကႏၱာရဝတီတိုင္း(မ္)သို႔ ေျပာသည္။

မူလတန္းျပဆရာမအျဖစ္ လုပ္သက္ ၄ ႏွစ္ ရိွေနၿပီျဖစ္ရာ အဆိုပါ ေက်ာင္၌သာ ရာထူးတိုးေလွ်ာက္ရန္ မူလက စီစဥ္ခဲ့ေသာ္လည္း ႏိုဝင္ဘာ ၉ ရက္ေန႔က ႀကံဳေတြ႔ခဲ့ရေသာ စိတ္ေျခာက္ျခားဖြယ္ရာ အျဖစ္အပ်က္မ်ားေၾကာင့္ ၎ေနရာတြင္ ဆက္လက္တာဝန္ထမ္းေဆာင္ရန္ မျဖစ္ႏိုင္ေတာ့ေၾကာင့္ ဆရာမ ရို႕ထူးက ေျပာသည္။

ႀကံစည္ က်ဴးလြန္သူ ေဝလင္းထြန္း ကိုင္ေဆာင္လာေသာ အရိုး-အသြား ၆ လက္မရိွ လက္လုပ္ ဓါးတစ္ေခ်ာင္းကို သက္ေသခံပစၥည္းအျဖစ္ သိမ္းဆည္းခဲ့ၿပီး ေမာ္ခ်ီးနယ္ေျမရဲစခန္းမွဴး ရဲအုပ္ေက်ာ္ျမင့္ခိုင္က တရားလို ျပဳလုပ္ကာ (ပ) ၅/၂၀၁၇ ရာဇသတ္ပုဒ္မ ၄၅၈/၃၇၆/၅၁၁ တို႔ျဖစ္ အမႈဖြင့္လွစ္ အေရးယူႏိုင္ရန္ ေဆာင္ရြက္လွ်က္ရိွသည္။

က်ဴးလြန္သူ ေဝလင္းထြန္းသည္ အနာဂတ္အလင္းတန္းေက်းရြာအနီးတြင္ Great Summit Industry ကုမၸဏီလီမိတက္မွ တာဝန္ယူ တည္ေဆာက္ေနေသာ ေမာ္ခ်ီးနယ္ေျမမီးသတ္စခန္း အေဆာက္အဦးကို ေဆာက္လုပ္ရန္ အလုပ္သမားအျဖစ္ လာေရာက္လုပ္ကိုင္ေနသူ ျဖစ္ေၾကာင္း သိရသည္။

ဖိုးသူေတာ္ (www.phothutaw.com)
Credit: Thithtoolwin
#Unicode Version#
မော်ချီးကျေးရွာအုပ်စုအနာဂတ်အလင်းတန်းရွာကျေးရွာတွင် မူလတန်းကျောင်းဆရာမတစ်ဦးကို ရွေ့ပြောင်းအလုပ်သမားတစ်ဦးက အဓမ္မပြုကျင့်ရန် ကြံစည်မှုဖြစ်ပွားခဲ့ပြီးနောက်ပိုင်း စိတ်ပိုင်းဆိုင်ရာ ထိခိုက်နစ်နာနေရပြီး ၎င်းနေရာသို့ တာဝန်ထမ်းဆောင်ရန် စိတ်ဆန္ဒ မရှိတော့ဘဲ အခြားနေရာသို့ ပြောင်းရွှေ့တာဝန်ပေးရန် လိုလာသည်ဟု ကာယကံရှင် ဒေါ်ရို့ထူးက ပြောသည်။

နိုဝင်ဘာ ၉ ရက်နေ့က အလက(ခွဲ) လယ်ပွာခိုမူလတန်ပြ ဆရာမဖြစ်သူ ဒေါ်ရို့ထူးသည် အနာဂတ်အလင်းတန်းကျေးရွာရှိ ကျောင်းဆရာမများနေထိုင်သော အိမ်တွင် တစ်ဦးတည်း အိပ်စက်နေစဉ် ဝေလင်းထွန်းက နေအိမ်ရှိ အိပ်ရာအထိ ကျူးကျော်ဝင်ကာ အဓမ္မပြုကျင့်ရန် ကြံစည်ခဲ့ခြင်း ဖြစ်သည်။

“ကျမအရမ်း ထိခိုက်ခံစားရတယ်။ ဒါတောင်ဒီလောက်အထိပဲ ဖြစ်သွားလို့သာ တော်သေးတယ်။ ဒီနေရာမှာ မနေချင်တော့ဘူး။ ကျမ နွေးထွေးမှုလိုအပ်တယ်။ ဖြစ်နိုင်ရင် တောင်ငူမှာရှိတဲ့ အမေ့ဆီကိုပဲ ပြန်ပြောင်းနေချင်ပါတယ်။”ဟု ဒေါ်ရို့ထူးက ကန္တာရဝတီတိုင်း(မ်)သို့ ပြောသည်။

မူလတန်းပြဆရာမအဖြစ် လုပ်သက် ၄ နှစ် ရှိနေပြီဖြစ်ရာ အဆိုပါ ကျောင်၌သာ ရာထူးတိုးလျှောက်ရန် မူလက စီစဉ်ခဲ့သော်လည်း နိုဝင်ဘာ ၉ ရက်နေ့က ကြုံတွေ့ခဲ့ရသော စိတ်ခြောက်ခြားဖွယ်ရာ အဖြစ်အပျက်များကြောင့် ၎င်းနေရာတွင် ဆက်လက်တာဝန်ထမ်းဆောင်ရန် မဖြစ်နိုင်တော့ကြောင့် ဆရာမ ရို့ထူးက ပြောသည်။

ကြံစည် ကျူးလွန်သူ ဝေလင်းထွန်း ကိုင်ဆောင်လာသော အရိုး-အသွား ၆ လက်မရှိ လက်လုပ် ဓါးတစ်ချောင်းကို သက်သေခံပစ္စည်းအဖြစ် သိမ်းဆည်းခဲ့ပြီး မော်ချီးနယ်မြေရဲစခန်းမှူး ရဲအုပ်ကျော်မြင့်ခိုင်က တရားလို ပြုလုပ်ကာ (ပ) ၅/၂၀၁၇ ရာဇသတ်ပုဒ်မ ၄၅၈/၃၇၆/၅၁၁ တို့ဖြစ် အမှုဖွင့်လှစ် အရေးယူနိုင်ရန် ဆောင်ရွက်လျှက်ရှိသည်။

ကျူးလွန်သူ ဝေလင်းထွန်းသည် အနာဂတ်အလင်းတန်းကျေးရွာအနီးတွင် Great Summit Industry ကုမ္ပဏီလီမိတက်မှ တာဝန်ယူ တည်ဆောက်နေသော မော်ချီးနယ်မြေမီးသတ်စခန်း အဆောက်အဦးကို ဆောက်လုပ်ရန် အလုပ်သမားအဖြစ် လာရောက်လုပ်ကိုင်နေသူ ဖြစ်ကြောင်း သိရသည်။

ဖိုးသူတော် (www.phothutaw.com)
Credit: Thithtoolwin
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top