Novotel ဟိုတယ္တြင္ က်င္းပမည့္ Yone Min တိုက္ခန္းႏွင့္ ကြန္ဒို အထူးအေရာင္းျပပြဲ
×

# Zawgyi Version ျဖင့္ ဖတ္ပါ #

ပ်ိဳေမတို့မွာ ခုလက္ရွိျဖစ္ျဖစ္ ဟိုး…… အရင္ကျဖစ္ျဖစ္ ေယာင္းတို့ဘက္ကၾကိတ္ေၾကြရတဲ့သူ တစ္ေယာက္ေလာက္ေတာ့ အနည္းဆံုးရွိတယ္ဟုတ္။ (မရွိရင္လည္း မရွိဘူးေပါ့ေနာ္။ :P)  ေယာင္းတို့နဲ႔ေရွးေရစက္မပါ တဲ့အခါ ကိုယ့္အတြက္မဟုတ္ဘဲ တျခားလူအတြက္ျဖစ္သြားတဲ့အခါမ်ိဳး ရွိဖူးမွာပါ။ အဲဒီအခါက် ရင္ကြဲပက္လက္ေတာ့ ျဖစ္မိမွာပဲ။ အဲဒီအခါ ကိုယ္နဲ႔ေရစက္မပါတဲ့သူကို အျမန္ဆံုး ေမ့ပစ္ဖို႔ Rin လက္ေတြ႕စမ္းသပ္ထားတဲ့နည္းလမ္းေတြကို ၾကည့္ရေအာင္။

စည္းမ်ဥ္း (၁)

crushရဲ႕ အျပစ္အနာအဆာ ေတြကို ျမင္ေအာင္ၾကည့္ၾကစို႔။ ဒီအဆင့္ကို တစ္နည္းေျပာရရင္ လုပ္ႀကံဖန္တီးအဆင့္လို႔လည္း ေခၚတယ္။ မီးရဲ႕ crushေလးက ျပစ္မ်ိဳးမွည့္မထင္ေလးပါရွင္ဆိုတဲ့ ေယာင္းတို႔အတြက္ေပါ့။ ဥပမာ ေျပာရရင္ fashion၊ သူ႔မွာကိုယ္ႀကိဳက္တဲ့ styleတစ္ခု လိုအပ္ေနတဲ့အခါ…အမေလး…..သူ႔ဝတ္ပံုစားပံုႀကီးကလည္း  ဂြမ္းလိုက္တာဟယ္ေပါ့။ ကိုယ္ကတိရစၧာန္ေလးေတြ ခ်စ္တတ္တယ္ သူက မခ်စ္တတ္ဘူး ။အဲ့အခါက်ရင္လည္း ဒီလိုအၾကင္အနာတရားမရွိတဲ့လူႀကီးကို ငါဘာလို႔မ်ား ႀကိဳက္မိသလဲေပါ့။ လိုအပ္ခ်က္ေသးေသးေလးေတြကို အႀကီးႀကီး ခ်ဲ့ပစ္ရမယ္ ေယာင္းတို႔ေရ ဒါမွ အခ်ိန္ေတြၾကာလာတာနဲ႔အတူ သူ႔အေပၚအထင္ႀကီးစိတ္လည္း ေလ်ာ့လာမယ္။

စည္းမ်ဥ္း (၂)

သူနဲ႔ မေတြ႕ေအာင္ ေရွာင္ရမယ္။ အေနေဝးေလ ေသြးေအးေလဆိုတဲ့ စကားၾကာဖူးတယ္ဟုတ္။ Facebookတို႔ instagramတို႔မွာလည္း unfollowပါ။ (Unfollowထားၿပီး တစ္ေန႔ အခါႏွစ္ဆယ္ေလာက္လည္း သူ႔timelineကို ဝင္မၾကည့္နဲ႔ဦးေနာ္) သူနဲ႔တစ္ေက်ာင္းတည္းအတူတူဆိုရင္လည္း ေယာင္လို႔ ေတာင္မွ သူ႔ အခန္းေရွ႕က ျဖတ္မေလၽွာက္မိေလနဲ႔ ေယာင္းတို႔ ။ လူ႔စိတ္က ေျပာႏိုင္တာမဟုတ္ဘူးရယ္။ ခ်စ္စိတ္ေတြ ျပန္ဝင္လာမွျဖင့္ ႀကိဳးစားထားသမၽွ အလကားျဖစ္ရခ်ည္ရဲ႕။ အတတ္ႏိုင္ဆံုး သူ႔ကို မျမင္မိေအာင္ ေနပါ။ ကုန္ကုန္ေျပာမယ္ကြာ ကိုယ္နဲ႔ တစ္ခန္းထဲျဖစ္ေနတယ္ဆိုရင္ေတာင္… သူရွိတဲ့ ဘက္ကို လွည့္မၾကည့္မိပါေစနဲ႔။ သူနဲ႔ အေဝးဆံုး ေနရာမွာ ေျပာင္းထိုင္ပါ။ သူနဲ႔ပတ္သက္တဲ့ အေၾကာင္းေတြဆို ေကာင္းသည္ျဖစ္ေစ ဆိုးသည္ျဖစ္ေစ နားမေထာင္ပါနဲ႔ မသိခ်င္ပါနဲ႔။ သူ႔အေၾကာင္းလာေျပာတဲ့ သူငယ္ခ်င္းဆို အခန္းျပတင္းေပါက္ကေနသာ ပစ္ခ်လိုက္ပါ။ ရက္စက္တက္ရမယ္ေနာ္ ေယာင္းတို႔။

စည္းမ်ဥ္း (၃)

ေနာက္တစ္ေယာက္နဲ့ အစားထိုးပါ။ ဒီနည္းလမ္းကေတာ့ အလုပ္အျဖစ္ဆံုးနဲ႔အျမန္ဆံုးနည္းေပါ့ ေယာင္းေယာင္းတို႔ေရ…သူ႔ကို ေမ့ဖို႔ႀကိဳးစားေနတဲ့အခ်ိန္မွာ ကိုယ့္ကိုယ္ကိုယ္ စိတ္အေျပာင္းအလဲ လုပ္ေပးရမယ္။ ဒီေတာ့သူ႔ထက္သာတဲ့ တစ္ေယာက္ကို အစားထိုးရမယ္။ သူနဲ႔လံုးဝမတူတဲ့ ဆန္႔က်င္ဘက္ တစ္ေယာက္ကို အစားထိုးပါ။ ဥပမာကြာ သူက ရွက္တက္တဲ့ေကာင္ေလးဆို…. ေယာင္းတို႔က သူနဲ႔မတူတဲ့ ခပ္သြက္သြက္ ေကာင္ေလးကိုအစားထိုးပါ။ သူ႔ကို ေမ့ပစ္ေနပါတယ္ဆိုမွ သူနဲ႔ တူတဲ့ ေကာင္ေလးကို ေရြးလို႔မရဘူးေလေနာ္။

ဒီေနရာမွာေမးစရာရွိတာက ဒုတိယ တစ္ေယာက္ကိုပါ ခရက္ရွ္ သြားရင္ ဘယ္လို လုပ္မလဲေပါ့။ ရက္စက္တယ္လို႔ ဆိုမလား Rin ကေတာ့ ဒုတိယကိုေမ့ဖို႔က ပထမေလာက္မခက္ဘူးလို႔ ထင္တယ္…လက္ခံတယ္ဟုတ္?(ခြက္ရွ္တာ ဝါရင့္သြားၿပီဆိုေတာ့ :P)  ဒီေတာ့ ေယာင္းေယာင္းတို႔ေရ အႏၲရာယ္ကင္းခ်င္တယ္ ဆိုရင္ေတာ့ ကြီးယားမင္းသားတို႔ ေဟာလိဝုဒ္က Captain America တို႔ကိုသာ crushတာ အေကာင္းဆံုးပါပဲ။

စည္းမ်ဥ္း (၄)

စိတ္ႀကီးဝင္ပါ။ ကုိယ္က သူ႔ထက္သာတဲ့သူနဲ႔သာ ထိုက္တန္တယ္လို႔ေတြးပါ။ သူက ေယာင္းကို မျမင္တာဟာ သူ႔မွာ ၾကည့္တတ္တဲ့ မ်က္လံုး မရွိလို႔ပါ… ေယာင္းမွာ ခ်ိဳ႕ယြင္းခ်က္ရွိလို႔ မဟုတ္ပါဘူး။ အဲ့လို မျမင္တတ္တဲ့သူကိုလည္း ဆက္တြယ္တာစရာ အေၾကာင္းမွ မရွိတာေလ။

ခြက္ရွ္ျပန္မႀကိဳက္လို႔ သူ႕အခ်စ္ကုိ မရလို႔ဆိုၿပီး စိတ္ဆင္းရဲစရာ မလိုပါဘူး။ သူ႔အႀကိဳက္လည္း အတင္းလိုက္ၿပီးေယာင္းတို႔ ကိုယ့္ကိုယ္ကိုယ္ ေျပာင္းလဲစရာမလိုပါဘူး ။ ဟိုအရာဒီအရာေတြ ေျပာင္းလဲမွ ခ်စ္ႏိုင္တယ္ဆိုတဲ့သူက လူေကာင္းမဟုတ္ဘူး။ ကိုယ့္ဘဝကို လမ္းျပႏိုင္တဲ့သူလည္း ျဖစ္လာမွာမဟုတ္ဘူး… ခ်ဳပ္ကိုင္တဲ့သူသာျဖစ္လာမွာပါ။

Rinရဲ႕ နည္းလမ္းေတြဖတ္ ၿပီး ေယာင္းေယာင္းတို႔ ေပ်ာ္ရမယ္ အသံုးတည့္မယ္ဆို Rin အပင္ပန္းခံရက်ိဳးနပ္ပါတယ္ရွင့္။ တကယ္ေတာ့ ေယာင္းတို႔ရယ္ မျဖစ္ႏိုင္တဲ့ သူကို တမ္းတေနမယ့္ အစား သူလည္း သူ႔ဘဝနဲ႔သူ ကိုယ္လည္း ကိုယ့္ဘဝ နဲ႔ ကိုယ္လို႔သာ စိတ္ထဲမွာ အျမဲတမ္းထားပါ။ မျဖစ္ႏိုင္တဲ့ သူေတြအေပၚေတြးၿပီး တန္ဖိုးရွိတဲ့ အခ်ိန္ေတြကို မျဖဳန္းနဲ႔ေတာ့ေနာ္။

ကိုယ့္ကိုယ္ကိုယ္ ပိုခ်စ္ႏိုင္ၾကပါေစ<3

Stay pretty

ဖိုးသူေတာ္ (www.phothutaw.com)
Credit: Rin (For Her Myanmar)

# Unicode Version ျဖင့္ ဖတ္ပါ #

ပျိုမေတို့မှာ ခုလက်ရှိဖြစ်ဖြစ် ဟိုး…… အရင်ကဖြစ်ဖြစ် ယောင်းတို့ဘက်ကကြိတ်ကြွေရတဲ့သူ တစ်ယောက်လောက်တော့ အနည်းဆုံးရှိတယ်ဟုတ်။ (မရှိရင်လည်း မရှိဘူးပေါ့နော်။ :P)  ယောင်းတို့နဲ့ရှေးရေစက်မပါ တဲ့အခါ ကိုယ့်အတွက်မဟုတ်ဘဲ တခြားလူအတွက်ဖြစ်သွားတဲ့အခါမျိုး ရှိဖူးမှာပါ။ အဲဒီအခါကျ ရင်ကွဲပက်လက်တော့ ဖြစ်မိမှာပဲ။ အဲဒီအခါ ကိုယ်နဲ့ရေစက်မပါတဲ့သူကို အမြန်ဆုံး မေ့ပစ်ဖို့ Rin လက်တွေ့စမ်းသပ်ထားတဲ့နည်းလမ်းတွေကို ကြည့်ရအောင်။

စည်းမျဉ်း (၁)

crushရဲ့ အပြစ်အနာအဆာ တွေကို မြင်အောင်ကြည့်ကြစို့။ ဒီအဆင့်ကို တစ်နည်းပြောရရင် လုပ်ကြံဖန်တီးအဆင့်လို့လည်း ခေါ်တယ်။ မီးရဲ့ crushလေးက ပြစ်မျိုးမှည့်မထင်လေးပါရှင်ဆိုတဲ့ ယောင်းတို့အတွက်ပေါ့။ ဥပမာ ပြောရရင် fashion၊ သူ့မှာကိုယ်ကြိုက်တဲ့ styleတစ်ခု လိုအပ်နေတဲ့အခါ…အမလေး…..သူ့ဝတ်ပုံစားပုံကြီးကလည်း  ဂွမ်းလိုက်တာဟယ်ပေါ့။ ကိုယ်ကတိရစ္ဆာန်လေးတွေ ချစ်တတ်တယ် သူက မချစ်တတ်ဘူး ။အဲ့အခါကျရင်လည်း ဒီလိုအကြင်အနာတရားမရှိတဲ့လူကြီးကို ငါဘာလို့များ ကြိုက်မိသလဲပေါ့။ လိုအပ်ချက်သေးသေးလေးတွေကို အကြီးကြီး ချဲ့ပစ်ရမယ် ယောင်းတို့ရေ ဒါမှ အချိန်တွေကြာလာတာနဲ့အတူ သူ့အပေါ်အထင်ကြီးစိတ်လည်း လျော့လာမယ်။

စည်းမျဉ်း (၂)

သူနဲ့ မတွေ့အောင် ရှောင်ရမယ်။ အနေဝေးလေ သွေးအေးလေဆိုတဲ့ စကားကြာဖူးတယ်ဟုတ်။ Facebookတို့ instagramတို့မှာလည်း unfollowပါ။ (Unfollowထားပြီး တစ်နေ့ အခါနှစ်ဆယ်လောက်လည်း သူ့timelineကို ဝင်မကြည့်နဲ့ဦးနော်) သူနဲ့တစ်ကျောင်းတည်းအတူတူဆိုရင်လည်း ယောင်လို့ တောင်မှ သူ့ အခန်းရှေ့က ဖြတ်မလျှောက်မိလေနဲ့ ယောင်းတို့ ။ လူ့စိတ်က ပြောနိုင်တာမဟုတ်ဘူးရယ်။ ချစ်စိတ်တွေ ပြန်ဝင်လာမှဖြင့် ကြိုးစားထားသမျှ အလကားဖြစ်ရချည်ရဲ့။ အတတ်နိုင်ဆုံး သူ့ကို မမြင်မိအောင် နေပါ။ ကုန်ကုန်ပြောမယ်ကွာ ကိုယ်နဲ့ တစ်ခန်းထဲဖြစ်နေတယ်ဆိုရင်တောင်… သူရှိတဲ့ ဘက်ကို လှည့်မကြည့်မိပါစေနဲ့။ သူနဲ့ အဝေးဆုံး နေရာမှာ ပြောင်းထိုင်ပါ။ သူနဲ့ပတ်သက်တဲ့ အကြောင်းတွေဆို ကောင်းသည်ဖြစ်စေ ဆိုးသည်ဖြစ်စေ နားမထောင်ပါနဲ့ မသိချင်ပါနဲ့။ သူ့အကြောင်းလာပြောတဲ့ သူငယ်ချင်းဆို အခန်းပြတင်းပေါက်ကနေသာ ပစ်ချလိုက်ပါ။ ရက်စက်တက်ရမယ်နော် ယောင်းတို့။

စည်းမျဉ်း (၃)

နောက်တစ်ယောက်နဲ့ အစားထိုးပါ။ ဒီနည်းလမ်းကတော့ အလုပ်အဖြစ်ဆုံးနဲ့အမြန်ဆုံးနည်းပေါ့ ယောင်းယောင်းတို့ရေ…သူ့ကို မေ့ဖို့ကြိုးစားနေတဲ့အချိန်မှာ ကိုယ့်ကိုယ်ကိုယ် စိတ်အပြောင်းအလဲ လုပ်ပေးရမယ်။ ဒီတော့သူ့ထက်သာတဲ့ တစ်ယောက်ကို အစားထိုးရမယ်။ သူနဲ့လုံးဝမတူတဲ့ ဆန့်ကျင်ဘက် တစ်ယောက်ကို အစားထိုးပါ။ ဥပမာကွာ သူက ရှက်တက်တဲ့ကောင်လေးဆို…. ယောင်းတို့က သူနဲ့မတူတဲ့ ခပ်သွက်သွက် ကောင်လေးကိုအစားထိုးပါ။ သူ့ကို မေ့ပစ်နေပါတယ်ဆိုမှ သူနဲ့ တူတဲ့ ကောင်လေးကို ရွေးလို့မရဘူးလေနော်။

ဒီနေရာမှာမေးစရာရှိတာက ဒုတိယ တစ်ယောက်ကိုပါ ခရက်ရှ် သွားရင် ဘယ်လို လုပ်မလဲပေါ့။ ရက်စက်တယ်လို့ ဆိုမလား Rin ကတော့ ဒုတိယကိုမေ့ဖို့က ပထမလောက်မခက်ဘူးလို့ ထင်တယ်…လက်ခံတယ်ဟုတ်?(ခွက်ရှ်တာ ဝါရင့်သွားပြီဆိုတော့ :P)  ဒီတော့ ယောင်းယောင်းတို့ရေ အန္တရာယ်ကင်းချင်တယ် ဆိုရင်တော့ ကွီးယားမင်းသားတို့ ဟောလိဝုဒ်က Captain America တို့ကိုသာ crushတာ အကောင်းဆုံးပါပဲ။

စည်းမျဉ်း (၄)

စိတ်ကြီးဝင်ပါ။ ကိုယ်က သူ့ထက်သာတဲ့သူနဲ့သာ ထိုက်တန်တယ်လို့တွေးပါ။ သူက ယောင်းကို မမြင်တာဟာ သူ့မှာ ကြည့်တတ်တဲ့ မျက်လုံး မရှိလို့ပါ… ယောင်းမှာ ချို့ယွင်းချက်ရှိလို့ မဟုတ်ပါဘူး။ အဲ့လို မမြင်တတ်တဲ့သူကိုလည်း ဆက်တွယ်တာစရာ အကြောင်းမှ မရှိတာလေ။

ခွက်ရှ်ပြန်မကြိုက်လို့ သူ့အချစ်ကို မရလို့ဆိုပြီး စိတ်ဆင်းရဲစရာ မလိုပါဘူး။ သူ့အကြိုက်လည်း အတင်းလိုက်ပြီးယောင်းတို့ ကိုယ့်ကိုယ်ကိုယ် ပြောင်းလဲစရာမလိုပါဘူး ။ ဟိုအရာဒီအရာတွေ ပြောင်းလဲမှ ချစ်နိုင်တယ်ဆိုတဲ့သူက လူကောင်းမဟုတ်ဘူး။ ကိုယ့်ဘဝကို လမ်းပြနိုင်တဲ့သူလည်း ဖြစ်လာမှာမဟုတ်ဘူး… ချုပ်ကိုင်တဲ့သူသာဖြစ်လာမှာပါ။

Rinရဲ့ နည်းလမ်းတွေဖတ် ပြီး ယောင်းယောင်းတို့ ပျော်ရမယ် အသုံးတည့်မယ်ဆို Rin အပင်ပန်းခံရကျိုးနပ်ပါတယ်ရှင့်။ တကယ်တော့ ယောင်းတို့ရယ် မဖြစ်နိုင်တဲ့ သူကို တမ်းတနေမယ့် အစား သူလည်း သူ့ဘဝနဲ့သူ ကိုယ်လည်း ကိုယ့်ဘဝ နဲ့ ကိုယ်လို့သာ စိတ်ထဲမှာ အမြဲတမ်းထားပါ။ မဖြစ်နိုင်တဲ့ သူတွေအပေါ်တွေးပြီး တန်ဖိုးရှိတဲ့ အချိန်တွေကို မဖြုန်းနဲ့တော့နော်။

ကိုယ့်ကိုယ်ကိုယ် ပိုချစ်နိုင်ကြပါစေ<3

Stay pretty

ဖိုးသူတော် (www.phothutaw.com)
Credit: Rin (For Her Myanmar)
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top