ျမန္မာႏိုင္ငံ၏ အၾကီးဆံုးအိမ္ျခံေျမ ႏွင့္ လူသုးံကုန္ပစၥည္း အေရာင္းျပပြဲၾကီး (သတၲမအႀကိမ္ေျမာက္)
×

ေဒသခံ လူထုကန႔္ကြက္ေနၿပီး အျငင္းပြားဖြယ္ျဖစ္ေနတဲ့ ဦးပိုင္နဲ႔ ထူးကုမၸဏီပိုင္ ေရနံခ်က္စက္႐ုံ စီမံကိန္းအပါဝင္ စီမံကိန္း ၄ ခုကို ယာယီရပ္ဆိုင္းဖို႔ တနသၤာရီတိုင္း အစိုးရက ညႊန္ၾကားခ်က္ ထုတ္ျပန္လိုက္ပါတယ္။

ျမန္မာ့ရင္းႏွီးျမႇုပ္ႏွံမွု ေကာ္မရွင္ရဲ့ ခြင့္ျပဳခ်က္နဲ႔ ေဆာင္ရြက္ အေကာင္ထည္ ေဖာ္ဖို႔ ရွိေနတဲ့ စီမံကိန္းေတြကို ယာယီ ရပ္ဆိုင္းဖို႔ တနသၤာရီ အစိုးရက ညႊန္ၾကားလိုက္တာပါ။

အဲဒီ စီမံကိန္းေတြကေတာ့ ထိုင္းျမန္မာနယ္စပ္ ထီးခီးမွာ ဖြင့္ထားတဲ့ ကာစီနို ပါဝင္တဲ့ ဟိုတယ္လုပ္ငန္း ၊ ေလာင္းလုံၿမိဳ႕နယ္က ေရနံခ်က္စက္႐ုံတ႐ုံ ၊ သတၱဳတြင္း လုပ္ငန္းနဲ႔ ဆီအုန္း စိုက္ပ်ိဳးေရး လုပ္ငန္းေတြ ပါဝင္ပါတယ္။

ေရနံခ်က္စက္႐ုံ စီမံကိန္းဟာ ၂ဝ၁၁ ေလာက္ ကတည္းက စတင္ဖို႔ ျပင္ဆင္ေနခဲ့တဲ့ စီမံကိန္းလည္း ျဖစ္သလို ေဒသခံေက်းရြာေတြ ေျပာင္းေရႊ႕ေပးရမွာ ျဖစ္တာေၾကာင့္ ဆႏၵျပပြဲေတြ မၾကာခဏ ျဖစ္ေနတဲ့ စီမံကိန္းလည္း ျဖစ္ပါတယ္။

ယာယီပိတ္ပင္ခံရတဲ့ သတၱဳတြင္း လုပ္ငန္းဟာ ထားဝယ္ ၿမိဳ႕နယ္က ဟိႏၵား သတၱဳတြင္း လုပ္ငန္းမွာ ရင္းႏွီးျမႇုပ္ႏွံတဲ့ ထိုင္းကုမၸဏီ ျမန္မာပြန္ပီပက္ ပိုင္လုပ္ငန္း ျဖစ္ပါတယ္။

သတၱဳတြင္းက ထြက္တဲ့ စြန႔္ပစ္ေရေတြက ေဒသခံေတြ သုံးတဲ့ ေရအရင္းအျမစ္နဲ႔ ပတ္ဝန္းက်င္ ပ်က္စီးတာေတြ ရွိေနတဲ့အတြက္ ေဒသခံေတြက ကန႔္ကြက္ေနတဲ့ လုပ္ငန္း ျဖစ္တယ္လို႔ ထားဝယ္ ေဒသခံေတြက ေျပာပါတယ္။

အဲဒီစီမံကိန္းေတာ့ တစိတ္တပိုင္းပဲ ပိတ္ခိုင္းထားတာလို႔ တနသၤာရီတိုင္းဝန္ႀကီးခ်ဳပ္ ေဒါက္တာေဒၚလဲ့လဲ့ေမာ္က ေျပာပါတယ္။

ထိုင္းျမန္မာ နယ္စပ္က အပိတ္ခံရတဲ့ ဟိုတယ္ လုပ္ငန္းကလည္း ပြန္ပီပက္ကုမၸဏီပဲ ပိုင္ဆိုင္တာျဖစ္ၿပီး ေဒသတြင္းက ေကအန္ယူ ကရင္အမ်ိဳးသား အစည္းအ႐ုံး ကလည္း ကန႔္ကြက္ ေနတာပါ။

အပိတ္ခံရတဲ့ ထိုင္းကုမၸဏီပိုင္ ဆီအုန္းလုပ္ငန္း ကေတာ့ အမွန္တကယ္ ေျမစိုက္ပ်ိဳးျခင္း ရွိတာေၾကာင့္လို႔လည္း တနသၤာရီ အစိုးရဘက္က ဆိုပါတယ္။

ထားဝယ္အေျခစိုက္ ထားဝယ္ေဝါ့ခ်္ သတင္းဌာနက အယ္ဒီတာ ကိုရဲထြဋ္ဝင္းကေတာ့ လူထုအတြက္ အက်ိဳးမရွိတဲ့ စီမံကိန္းအခ်ိဳ႕ကို ယာယီရပ္ဆိုင္းတာ ေကာင္းတဲ့ လကၡဏာ ျဖစ္တယ္လို႔ ေျပာပါတယ္။

အခုပိတ္ပင္ခံရတဲ့ လုပ္ငန္းေတြဟာ ထားဝယ္ေဒသမွာ အဓိက စီမံကိန္းအျဖစ္ ရည္ရြယ္ထားတဲ့ ထားဝယ္အထူးစီးပြားေရးဇုံနဲ႔ တိုက္ရိုက္ပတ္သက္တဲ့ လုပ္ငန္းေတြေတာ့ မဟုတ္ဘူးလို႔လည္း ေဒသခံေတြက ေျပာပါတယ္။

BBC Burmese
ဖိုးသူေတာ္ (www.phothutaw.com)
Credit: Thithtoolwin
#Unicode Version#
ဒေသခံ လူထုကန့်ကွက်နေပြီး အငြင်းပွားဖွယ်ဖြစ်နေတဲ့ ဦးပိုင်နဲ့ ထူးကုမ္ပဏီပိုင် ရေနံချက်စက်ရုံ စီမံကိန်းအပါဝင် စီမံကိန်း ၄ ခုကို ယာယီရပ်ဆိုင်းဖို့ တနင်္သာရီတိုင်း အစိုးရက ညွှန်ကြားချက် ထုတ်ပြန်လိုက်ပါတယ်။

မြန်မာ့ရင်းနှီးမြှုပ်နှံမှု ကော်မရှင်ရဲ့ ခွင့်ပြုချက်နဲ့ ဆောင်ရွက် အကောင်ထည် ဖော်ဖို့ ရှိနေတဲ့ စီမံကိန်းတွေကို ယာယီ ရပ်ဆိုင်းဖို့ တနင်္သာရီ အစိုးရက ညွှန်ကြားလိုက်တာပါ။

အဲဒီ စီမံကိန်းတွေကတော့ ထိုင်းမြန်မာနယ်စပ် ထီးခီးမှာ ဖွင့်ထားတဲ့ ကာစီနို ပါဝင်တဲ့ ဟိုတယ်လုပ်ငန်း ၊ လောင်းလုံမြို့နယ်က ရေနံချက်စက်ရုံတရုံ ၊ သတ္တုတွင်း လုပ်ငန်းနဲ့ ဆီအုန်း စိုက်ပျိုးရေး လုပ်ငန်းတွေ ပါဝင်ပါတယ်။

ရေနံချက်စက်ရုံ စီမံကိန်းဟာ ၂ဝ၁၁ လောက် ကတည်းက စတင်ဖို့ ပြင်ဆင်နေခဲ့တဲ့ စီမံကိန်းလည်း ဖြစ်သလို ဒေသခံကျေးရွာတွေ ပြောင်းရွှေ့ပေးရမှာ ဖြစ်တာကြောင့် ဆန္ဒပြပွဲတွေ မကြာခဏ ဖြစ်နေတဲ့ စီမံကိန်းလည်း ဖြစ်ပါတယ်။

ယာယီပိတ်ပင်ခံရတဲ့ သတ္တုတွင်း လုပ်ငန်းဟာ ထားဝယ် မြို့နယ်က ဟိန္ဒား သတ္တုတွင်း လုပ်ငန်းမှာ ရင်းနှီးမြှုပ်နှံတဲ့ ထိုင်းကုမ္ပဏီ မြန်မာပွန်ပီပက် ပိုင်လုပ်ငန်း ဖြစ်ပါတယ်။

သတ္တုတွင်းက ထွက်တဲ့ စွန့်ပစ်ရေတွေက ဒေသခံတွေ သုံးတဲ့ ရေအရင်းအမြစ်နဲ့ ပတ်ဝန်းကျင် ပျက်စီးတာတွေ ရှိနေတဲ့အတွက် ဒေသခံတွေက ကန့်ကွက်နေတဲ့ လုပ်ငန်း ဖြစ်တယ်လို့ ထားဝယ် ဒေသခံတွေက ပြောပါတယ်။

အဲဒီစီမံကိန်းတော့ တစိတ်တပိုင်းပဲ ပိတ်ခိုင်းထားတာလို့ တနင်္သာရီတိုင်းဝန်ကြီးချုပ် ဒေါက်တာဒေါ်လဲ့လဲ့မော်က ပြောပါတယ်။

ထိုင်းမြန်မာ နယ်စပ်က အပိတ်ခံရတဲ့ ဟိုတယ် လုပ်ငန်းကလည်း ပွန်ပီပက်ကုမ္ပဏီပဲ ပိုင်ဆိုင်တာဖြစ်ပြီး ဒေသတွင်းက ကေအန်ယူ ကရင်အမျိုးသား အစည်းအရုံး ကလည်း ကန့်ကွက် နေတာပါ။

အပိတ်ခံရတဲ့ ထိုင်းကုမ္ပဏီပိုင် ဆီအုန်းလုပ်ငန်း ကတော့ အမှန်တကယ် မြေစိုက်ပျိုးခြင်း ရှိတာကြောင့်လို့လည်း တနင်္သာရီ အစိုးရဘက်က ဆိုပါတယ်။

ထားဝယ်အခြေစိုက် ထားဝယ်ဝေါ့ချ် သတင်းဌာနက အယ်ဒီတာ ကိုရဲထွဋ်ဝင်းကတော့ လူထုအတွက် အကျိုးမရှိတဲ့ စီမံကိန်းအချို့ကို ယာယီရပ်ဆိုင်းတာ ကောင်းတဲ့ လက္ခဏာ ဖြစ်တယ်လို့ ပြောပါတယ်။

အခုပိတ်ပင်ခံရတဲ့ လုပ်ငန်းတွေဟာ ထားဝယ်ဒေသမှာ အဓိက စီမံကိန်းအဖြစ် ရည်ရွယ်ထားတဲ့ ထားဝယ်အထူးစီးပွားရေးဇုံနဲ့ တိုက်ရိုက်ပတ်သက်တဲ့ လုပ်ငန်းတွေတော့ မဟုတ်ဘူးလို့လည်း ဒေသခံတွေက ပြောပါတယ်။

BBC Burmese

ဖိုးသူတော် (www.phothutaw.com)
Credit: Thithtoolwin
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top