Golden City Promotion
×

ႏိုင္ငံေတာ္အတိုင္ပင္ခံပုဂၢိဳလ္ေဒၚေအာင္ဆန္းစုၾကည္ရဲ႕ အမ်ိဳးသားျပန္လည္သင့္ျမတ္ေရးနဲ႔ ၿငိမ္းခ်မ္းေရးဆိုင္ရာမိန္႔ခြန္းဟာ ႏိုင္ငံမွာလက္ရွိၾကံဳေတြ႔ေနရတဲ့ အက်ပ္အတည္း စိန္ေခၚမႈေတြအေပၚ ႏိုင္ငံတကာရဲ႕ စိုးရိမ္မႈေတြ ဖိအားေတြကို အတုိင္းအတာတခုအထိ ေျပေလ်ာ့ေအာင္ ေျဖရွင္းႏိုင္လိမ့္မယ္လို႔ ေမွ်ာ္လင့္ေပမဲ့လို႔ ၾကံဳေနရတဲ့ျပႆနာေတြေတာ့ အလံုးစံု ေျပလည္သြားမွာမဟုတ္ဘူးဆိုတဲ့ ယူဆခ်က္ေတြလည္းရွိပါတယ္။ အဂၤလိပ္ဘာသာနဲ႔ ေျပာမယ့္ ႏုိင္ငံေတာ္အတုိင္ပင္ခံပုဂၢိဳလ္ရဲ႕ မိန္႔ခြန္းအေပၚ ႏိုင္ငံ့လက္ရွိအေျခအေနကို စိုးရိမ္မကင္းျဖစ္ေနရတဲ့ ျပည္သူအမ်ားနားလည္ေအာင္ ျမန္မာဘာသာစကားနဲ႔ လည္းေျပာေစလိုသူေတြလည္း ရွိပါတယ္။ ေဒၚစုမိန္႔ခြန္းအေပၚ သေဘာထားအျမင္ေတြကို မဆုမြန္က စုစည္းတင္ျပထားပါတယ္။

လာမယ့္ သီတင္းပတ္ထဲ စက္တင္ဘာလ ၁၉ရက္ေန႔ အဂၤါေန႔ မနက္ ၁၀နာရီမွာ ေနျပည္ေတာ္အျပည္ျပည္ဆိုင္ရာ ကြန္ဗင္းရွင္းဗဟိုဌာနမွာ ႏိုင္ငံေတာ္၏အတုိင္ပင္ခံပုဂၢိဳလ္ေဒၚေအာင္ဆန္းစုၾကည္က အမ်ိဳးသားျပန္လည္သင့့္ျမတ္ေရးနဲ႔ ၿငိမ္းခ်မ္းေရးဆိုင္ရာမိန္႔ခြန္း ေျပာၾကားမွာျဖစ္ပါတယ္။ အဲ့ဒီ့အခမ္းအနားကိုေတာ့ ျမန္မာႏိုင္ငံဆုိင္ရာ သံ႐ံုးတာဝန္ခံေတြ၊ သံတမန္ေတြ၊ ႏိုင္ငံတကာအဖြဲ႔အစည္းေတြနဲ႔ ျပည္တြင္းျပည္ပ သတင္းမီဒီယာေတြကိုပါ ဖိတ္ၾကားထားပါတယ္။ ေဒၚေအာင္ဆန္းစုၾကည္ မိန္႔ခြန္းေျပာေနတဲ့ တၿပိဳင္နက္တည္း အစိုးရ႐ုပ္ျမင္သံၾကားနဲ႔ ေရဒီယိုေတြကေန တိုက္႐ိုက္ ထုတ္လႊင့္ေပးမွာျဖစ္ပါတယ္။

အေမရိကန္ျပည္ေထာင္စု နယူးေယာက္က ကုလသမဂၢအေထြေထြညီလာခံကို ေဒၚေအာင္ဆန္းစုၾကည္ကိုယ္တုိင္ မတက္ေရာက္နိုင္ခဲ့တာဟာ နိုင္ငံတြင္း လက္ရွိျဖစ္ေပၚေနတဲ့ အၾကမ္းဖက္မႈျဖစ္စဥ္ေၾကာင့္တိမ္းေရွာင္သူေတြကို လူသားခ်င္းစာနာမႈအကူအညီေတြ ေပးဖို႔နဲ႔ ဒီ မၿငိမ္သက္မႈေတြနဲ႔ ဒီျဖစ္စဥ္နဲ႔ ဆက္စပ္ၿပီး ဘာသာေရးလူမ်ိဳးေရးပဋိပကၡ အသြင္ေဆာင္တဲ့ ဖန္တီးမႈေတြေၾကာင့္ ျပည္တြင္း တည္ၿငိမ္လံုျခံဳေရးကို အထူးအေလးထား လုပ္ေဆာင္ဖို႔ စတဲ့ အေၾကာင္းခ်က္(၄)ခ်က္နဲ႔ မသြားေရာက္ခဲ့တာလို႔ ေၾကညာၿပီးတဲ့ေနာက္မွာ ေဒၚေအာင္ဆန္းစုၾကည္ကိုယ္တုိင္ အခုလိုမိန္႔ခြန္းေျပာဆိုမယ့္အေပၚ ႏုိင္ငံတကာကေရာ ျပည္တြင္းမွာပါ အထူးစိတ္ဝင္စားမႈေတြ ျမင့္တက္ေနတာျဖစ္ပါတယ္။

ႏုိင္ငံေတာ္အတုိင္ပင္ခံရဲ႕ အခုလို ေျပာမယ့္မိန္႔ခြန္းဟာ လက္ရွိျမန္မာႏုိင္ငံရဲ႕ အေျခအေနအျဖစ္အပ်က္ေတြ ၊ စိန္ေခၚမႈေတြနဲ႔ပတ္သက္ၿပီး ႏိုင္ငံတကာရဲ႕စိုးရိမ္မႈေတြ ဖိအားေတြကို ေျပေလ်ာ့ေအာင္ ေျဖရွင္းႏိုင္လိမ့္မယ္လို႔ ေမွ်ာ္လင့္ေၾကာင္း The Voice Weekly ဒုတိယ အယ္ဒီတာခ်ဳပ္ ဦးေဇယ်သူက သံုးသပ္ပါတယ္။

“သူ႔အသံ ၾကားခ်င္ေနၾကတာေပါ့ေနာ္ လူေတြက။ ဒါကေတာ့ ၾကားခ်င္ေနတဲ့အခါက်ေတာ့ တိုက္ရိုက္ေျဖရွင္းလိုက္တာပါပဲ။ ႏိုင္ငံတကာ ပရိတ္သတ္ကိုေလ တိုက္ရိုက္ေျဖရွင္းလိုက္တာ ျဖစ္တယ္။ ဒါေပမယ့္ တဖက္မွာေတာ့ ၾကည့္ျပန္ရင္လည္း သူဘယ္ေလာက္ရွင္းရွင္း အျမင္က ေစာင္းေနၾကတဲ့အခါက်ေတာ့ေလ အကုန္အစင္ေတာ့ ေျပာက္သြားမွာမဟုတ္ဘူး။ သို႔ေသာ္လည္း အတိုင္းအတာတခုအထိေတာ့ သက္ေရာက္သြားလိမ့္မယ္ ဒီႏိုင္ငံတကာအျမင္ကုိ သူကလည္း ဒီႏိုင္ငံတကာေပါ့ သူ႔တို႔သေဘာကိုလည္းေကာင္းေကာင္းသိတဲ့အခါက်ေတာ့ ထိေရာက္တဲ့စကားလံုးေတြ ေရြးၿပီးေတာ့ ေျပာမယ္လို႔ေတာ့ထင္ပါတယ္။ ဒါေၾကာင့္လည္း အဂၤလိပ္လို ေျပာမွာေပါ့ေနာ္။ ႏိုင္ငံေတာ္အေျချပမိန္႔ခြန္းနဲ႔ ျမန္မာျပည္သူကိုေျပာမွာထက္စာရင္ ႏိုင္ငံတကာကို အထူးသျဖင့္ေတာ့ အေထြေထြညီလာခံတက္လာမယ့္လူေတြေပါ့ေနာ္ အဲဒီ ပုဂၢိဳလ္ေတြ ေနာက္ၿပီးေတာ့ သူ႔ကိုေျပာဖို႔အတြက္ တိုက္တြန္းေနၾကတဲ့ Key Influencer ေပါ့ေနာ္ ဒီႏိုင္ငံတကာက ေလးစားရတဲ့ ပုဂၢိဳလ္ေတြေပါ့ဗ်ာ ၊ အလြယ္တကူေျပာရင္ေတာ့ Nobel ဆုရတဲ့လူေတြ ဒီလူေတြကိုလည္း သူကရည္ညြန္းၿပီးေျပာတာ ျဖစ္ပါလိမ့္မယ္။”

ႏုိင္ငံကိုကိုယ္စားျပဳတဲ့မိန္႔ခြန္းဟာ ဖြဲ႔စည္းပံုအေျခခံဥပေဒအရ ႏုိင္ငံေတာ္သမၼတကသာေျပာၾကားသင့္တယ္လို႔ ရခိုင္အမ်ိဳးသားပါတီ ANP ရဲ႕ ဥကၠ႒လည္းျဖစ္ ရခုိင္ျပည္နယ္ အမ္းၿမိဳ႕နယ္က ျပည္သူ႔လႊတ္ေတာ္ကိုယ္စားလွယ္လည္းျဖစ္တဲ့ ေဒါက္တာေအးေမာင္ကေတာ့ေဝဖန္ေျပာဆိုလုိက္ပါတယ္။

“ပထမတခ်က္က ေဒၚေအာင္ဆန္းစုၾကည္သည္ ႏုိင္ငံေတာ္သမၼတ မဟုတ္ဘူးဆိုတာကို က်ေနာ္တို႔ သေဘာေပါက္ ေစခ်င္တယ္၊ အဲဒီေတာ့ ႏိုင္ငံေတာ္အေျချပမိန္႔ခြန္းဆိုတာ ႏုိင္ငံေတာ္သမၼတ တဦးတည္းပဲ ဖြဲ႔စည္းပံုအေျခခံ ဥပေဒအရရွိပါတယ္။ ျပည္သူျပည္သားတို႔လည္း သေဘာေပါက္မယ္ ထင္တယ္။ အစိုးရအဖြဲ႔နဲ႔ ေဒၚေအာင္ဆန္းစုၾကည္ကိုယ္တိုင္ သေဘာေပါက္ေစခ်င္တယ္။ သို႔မဟုတ္ႏိုင္ငံတကာမိသားစု ေတြကိုေျပာဖို႔ရည္ရြယ္တယ္ဆိုရင္ ကုလသမဂၢညီလာခံမွာ သြားၿပီးေျပာေစခ်င္တယ္။ သူေျပာတဲ့အသံုးအႏႈန္း သူေျပာလိုတဲ့ရည္ရြယ္ခ်က္ ၊ သူဆြဲေဆာင္လိုတဲ့ ႏိုင္ငံတကာ ပရိတ္သတ္မ်ားဟာ ကုလသမဂၢအေထြေထြညီလာခံနဲ႔ ကမာၻ႕မိသားစုမ်ားမွာရွိတယ္။ အဲဒီ ၂ ခုကို ေသေသခ်ာခ်ာသံုးသပ္ေပးမယ္ဆိုရင္ေတာ့ျဖင့္ အခု ႏိုင္ငံေတာ္အေျချပမိန္႔ခြန္း ကိုေျပာျခင္းသည္ သမၼတႀကီးရဲ႕တာ၀န္ကို ထမ္းေဆာင္ျခင္းျဖစ္တယ္။ လာမယ့္ ၁၉ ရက္ေန႔မွာ ေျပာမယ့္အေျခအေနသည္ ရခိုင္ျပည္နယ္ႏွင့္ အဓိကပတ္သက္တဲ့ ႏိုင္ငံေတာ္အခ်ဳပ္အျခာအာဏာ အမ်ိဳးသားလံုျခံဳေရးနဲ႔ အမ်ိဳးသားအက်ိဳးစီးပြားနဲ႔ ပတ္သက္လို႔ လက္ရွိအစိုးရရဲ႕ ရပ္တည္ခ်က္ကို ခိုင္ခိုင္မာမာ လူထုကို ျပသရမယ့္ ကာလျဖစ္သလို ႏိုင္ငံတကာမိသားစုကို ျပသရမယ့္ ကာလျဖစ္တယ္ ဆိုတာကို က်ေနာ္တို႔ သုံုးသပ္ပါတယ္။”

ေဒၚေအာင္ဆန္းစုၾကည္ကိုယ္တုိင္ မိန္႔ခြန္းေျပာျခင္းအားျဖင့္ ႏိုင္ငံမွာလက္ရွိၾကံဳေတြ႔ေနရတဲ့အက်ပ္အတည္း စိန္ေခၚမႈေတြအေပၚ ႏုိင္ငံတကာဘက္က အတိုင္းအတာတခုအထိ နားလည္လက္ခံလာႏုိင္မယ္လို႔ ေမွ်ာ္လင့္ေပမဲ့ အလံုးစံုေျပေလ်ာ့သြားမွာမဟုတ္ဘူးလို႔ ႏုိင္ငံေရးအကဲခတ္ေဒါက္တာရန္မ်ိဳးသိမ္းက ရႈ႕ျမင္ပါတယ္။

“က်ေနာ္တို႔ႏိုင္ငံမွာ လက္ရွိႀကံဳေတြ႔ေနရတဲ့ ဒီအက်ပ္အတည္း ဒီစိန္ေခၚမႈေတြကို အတိုင္းအတာတခုအထိ ထင္ဟပ္ၿပီးေတာ့ ႏိုင္ငံတကာရဲ႕ ယံုၾကည္မႈကို ျမွင့္တင္ႏိုင္မယ့္ မိန္႔ခြန္းျဖစ္လာမယ္လို႔ က်ေနာ္ကေတာ့ ေမွ်ာ္လင့္တယ္။ သို႔ေသာ္လည္း က်ေနာ္တို႔ တိုင္းျပည္ရဲ႔ လက္ရွိႀကံဳေတြ႔ေနရတဲ့ စိန္ေခၚမႈေတြ အက်ပ္အတည္းေတြကို ေျဖရွင္းတဲ့ေနရာမွာ အစိုးရတခုတည္းကို ၾကည့္လို႔မရဘူးလို႔ က်ေနာ္ကေတာ့ ျမင္တယ္။ အစိုးရေရာ၊ တပ္မေတာ္ေရာ ၊ တိုင္းရင္းသားေခါင္းေဆာင္ေတြေရာ အားလံုးပူးေပါင္းပါ၀င္ၿပီးေတာ့ ေဆာင္ရြက္ႏိုင္တဲ့ လုပ္ငန္းစဥ္မ်ိဳးကို က်ေနာ္တုိ႔ေရွ႕တန္းတင္ဖို႔ လိုအပ္တယ္လို႔ က်ေနာ္တို႔ကျမင္တယ္။ သို႔ေသာ္လည္း က်ေနာ္တို႔လက္ရွိၾကံဳေတြ႔ေနရတဲ႔ စိန္ေခၚမႈေတြ အက်ပ္အတည္းေတြကို ေျဖရွင္းႏိုင္မယ့္လမ္းစနဲ႔ အေျခခံေကာင္းေတြကိုေတာ့ ေဖာ္ထုတ္ေပးႏိုင္မယ္လို႔ အဲဒီလိုေတာ့ ေမွ်ာ္လင့္ပါတယ္။”

တဆက္တည္းပါပဲ ေဒၚေအာင္ဆန္းစုၾကည္ဘက္က စိုးရိမ္မကင္းျဖစ္ေနတဲ့ ႏုိင္ငံတကာကို အဂၤလိပ္စကားနဲ႔ တင္ျပသလို လက္ရွိႏို္င္ငံမွာ ရင္ဆိုင္ၾကံဳေတြ႔ေနရတဲ့ အေျခအေနေတြအေပၚ စိုးရိမ္မကင္းျဖစ္ေနရတဲ့ ႏိုင္ငံသူႏုိင္ငံသားေတြ သိရွိနားလည္ေစဖို႔အတြက္ ႏုိင္ငံေတာ္အတိုင္ပင္ခံအေနနဲ႔ ရံုးသံုးစကားျဖစ္တဲ့ ျမန္မာစကားနဲ႔ပဲျပည္သူကို ေျပာေစလိုတယ္လို႔လည္း ေဒါက္တာေအးေမာင္က တိုက္တြန္းပါတယ္။

စက္တင္ဘာ ၁၉ မွာေဒၚေအာင္ဆန္းစုၾကည္ကိုယ္တုိင္ မိန္႔ခြန္းေျပာၾကားမယ့္ ဒီအခမ္းအနား တက္ေရာက္လိုသူေတြ ႏုိင္ငံတကာသံ႐ံုးေတြ ႏုိင္ငံတကာက သတင္းလာယူလိုသူေတြ ႏုိင္ငံတကာအဖြဲ႔အစည္းေတြအေနနဲ႔ စက္တင္ဘာလ ၁၈ရက္ေန႔ တနလၤာေန႔ မနက္၁၀နာရီအထိ ေနာက္ဆံုးထားၿပီး ျပန္ၾကားေရး ဝန္ႀကီးဌာန၊ ျပည္တြင္းျပည္ပ ဆက္ဆံေရးႏွင့္ သတင္းျပန္ၾကားေရးဌာနခြဲကို ဆက္သြယ္ၾကဖို႔ တိုက္တြန္းထားသလို ျပည္ပက သတင္းလာယူသူေတြအတြက္ မီဒီယာဗီဇာရေရးကိုလည္း ေဆာင္ရြက္ေပးမယ္လို႔ ထုတ္ျပန္ထားပါတယ္။ အခမ္းအနားကေတာ့ သတင္းစာရွင္းလင္းပြဲမဟုတ္ဘဲ မိန္႔ခြန္း ေျပာၾကားမႈကိုပဲ သတင္းရယူရန္သာျဖစ္ေၾကာင္း နဲ႔ ႏုိင္ငံေတာ္အတိုင္ပင္ခံရဲ႕မိန္႔ခြန္းကို အစိုးရသတင္းမီဒီယာရုပ္ျမင္သံၾကားေတြျဖစ္တဲ့ MRTV, MITVနဲ႔ ေရဒီယို၊ FM ေတြကေန တိုက္႐ိုက္ (Live) ထုတ္လႊင့္သြားမည္ျဖစ္ေၾကာင္း ျပန္ၾကားေရးဘက္က အသိေပး ေၾကညာထားပါတယ္။

မဆုမြန္  / ဗြီအိုေအ (ျမန္မာပုိင္း)
https://burmese.voanews.com
ဖိုးသူေတာ္ (www.phothutaw.com)
Credit: thithtoolwin

#Unicode Version#
နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ရဲ့ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဆိုင်ရာမိန့်ခွန်းဟာ နိုင်ငံမှာလက်ရှိကြုံတွေ့နေရတဲ့ အကျပ်အတည်း စိန်ခေါ်မှုတွေအပေါ် နိုင်ငံတကာရဲ့ စိုးရိမ်မှုတွေ ဖိအားတွေကို အတိုင်းအတာတခုအထိ ပြေလျော့အောင် ဖြေရှင်းနိုင်လိမ့်မယ်လို့ မျှော်လင့်ပေမဲ့လို့ ကြုံနေရတဲ့ပြဿနာတွေတော့ အလုံးစုံ ပြေလည်သွားမှာမဟုတ်ဘူးဆိုတဲ့ ယူဆချက်တွေလည်းရှိပါတယ်။ အင်္ဂလိပ်ဘာသာနဲ့ ပြောမယ့် နိုင်ငံတော်အတိုင်ပင်ခံပုဂ္ဂိုလ်ရဲ့ မိန့်ခွန်းအပေါ် နိုင်ငံ့လက်ရှိအခြေအနေကို စိုးရိမ်မကင်းဖြစ်နေရတဲ့ ပြည်သူအများနားလည်အောင် မြန်မာဘာသာစကားနဲ့ လည်းပြောစေလိုသူတွေလည်း ရှိပါတယ်။ ဒေါ်စုမိန့်ခွန်းအပေါ် သဘောထားအမြင်တွေကို မဆုမွန်က စုစည်းတင်ပြထားပါတယ်။

လာမယ့် သီတင်းပတ်ထဲ စက်တင်ဘာလ ၁၉ရက်နေ့ အင်္ဂါနေ့ မနက် ၁၀နာရီမှာ နေပြည်တော်အပြည်ပြည်ဆိုင်ရာ ကွန်ဗင်းရှင်းဗဟိုဌာနမှာ နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က အမျိုးသားပြန်လည်သင့့်မြတ်ရေးနဲ့ ငြိမ်းချမ်းရေးဆိုင်ရာမိန့်ခွန်း ပြောကြားမှာဖြစ်ပါတယ်။ အဲ့ဒီ့အခမ်းအနားကိုတော့ မြန်မာနိုင်ငံဆိုင်ရာ သံရုံးတာဝန်ခံတွေ၊ သံတမန်တွေ၊ နိုင်ငံတကာအဖွဲ့အစည်းတွေနဲ့ ပြည်တွင်းပြည်ပ သတင်းမီဒီယာတွေကိုပါ ဖိတ်ကြားထားပါတယ်။ ဒေါ်အောင်ဆန်းစုကြည် မိန့်ခွန်းပြောနေတဲ့ တပြိုင်နက်တည်း အစိုးရရုပ်မြင်သံကြားနဲ့ ရေဒီယိုတွေကနေ တိုက်ရိုက် ထုတ်လွှင့်ပေးမှာဖြစ်ပါတယ်။

အမေရိကန်ပြည်ထောင်စု နယူးယောက်က ကုလသမဂ္ဂအထွေထွေညီလာခံကို ဒေါ်အောင်ဆန်းစုကြည်ကိုယ်တိုင် မတက်ရောက်နိုင်ခဲ့တာဟာ နိုင်ငံတွင်း လက်ရှိဖြစ်ပေါ်နေတဲ့ အကြမ်းဖက်မှုဖြစ်စဉ်ကြောင့်တိမ်းရှောင်သူတွေကို လူသားချင်းစာနာမှုအကူအညီတွေ ပေးဖို့နဲ့ ဒီ မငြိမ်သက်မှုတွေနဲ့ ဒီဖြစ်စဉ်နဲ့ ဆက်စပ်ပြီး ဘာသာရေးလူမျိုးရေးပဋိပက္ခ အသွင်ဆောင်တဲ့ ဖန်တီးမှုတွေကြောင့် ပြည်တွင်း တည်ငြိမ်လုံခြုံရေးကို အထူးအလေးထား လုပ်ဆောင်ဖို့ စတဲ့ အကြောင်းချက်(၄)ချက်နဲ့ မသွားရောက်ခဲ့တာလို့ ကြေညာပြီးတဲ့နောက်မှာ ဒေါ်အောင်ဆန်းစုကြည်ကိုယ်တိုင် အခုလိုမိန့်ခွန်းပြောဆိုမယ့်အပေါ် နိုင်ငံတကာကရော ပြည်တွင်းမှာပါ အထူးစိတ်ဝင်စားမှုတွေ မြင့်တက်နေတာဖြစ်ပါတယ်။

နိုင်ငံတော်အတိုင်ပင်ခံရဲ့ အခုလို ပြောမယ့်မိန့်ခွန်းဟာ လက်ရှိမြန်မာနိုင်ငံရဲ့ အခြေအနေအဖြစ်အပျက်တွေ ၊ စိန်ခေါ်မှုတွေနဲ့ပတ်သက်ပြီး နိုင်ငံတကာရဲ့စိုးရိမ်မှုတွေ ဖိအားတွေကို ပြေလျော့အောင် ဖြေရှင်းနိုင်လိမ့်မယ်လို့ မျှော်လင့်ကြောင်း The Voice Weekly ဒုတိယ အယ်ဒီတာချုပ် ဦးဇေယျသူက သုံးသပ်ပါတယ်။

“သူ့အသံ ကြားချင်နေကြတာပေါ့နော် လူတွေက။ ဒါကတော့ ကြားချင်နေတဲ့အခါကျတော့ တိုက်ရိုက်ဖြေရှင်းလိုက်တာပါပဲ။ နိုင်ငံတကာ ပရိတ်သတ်ကိုလေ တိုက်ရိုက်ဖြေရှင်းလိုက်တာ ဖြစ်တယ်။ ဒါပေမယ့် တဖက်မှာတော့ ကြည့်ပြန်ရင်လည်း သူဘယ်လောက်ရှင်းရှင်း အမြင်က စောင်းနေကြတဲ့အခါကျတော့လေ အကုန်အစင်တော့ ပြောက်သွားမှာမဟုတ်ဘူး။ သို့သော်လည်း အတိုင်းအတာတခုအထိတော့ သက်ရောက်သွားလိမ့်မယ် ဒီနိုင်ငံတကာအမြင်ကို သူကလည်း ဒီနိုင်ငံတကာပေါ့ သူ့တို့သဘောကိုလည်းကောင်းကောင်းသိတဲ့အခါကျတော့ ထိရောက်တဲ့စကားလုံးတွေ ရွေးပြီးတော့ ပြောမယ်လို့တော့ထင်ပါတယ်။ ဒါကြောင့်လည်း အင်္ဂလိပ်လို ပြောမှာပေါ့နော်။ နိုင်ငံတော်အခြေပြမိန့်ခွန်းနဲ့ မြန်မာပြည်သူကိုပြောမှာထက်စာရင် နိုင်ငံတကာကို အထူးသဖြင့်တော့ အထွေထွေညီလာခံတက်လာမယ့်လူတွေပေါ့နော် အဲဒီ ပုဂ္ဂိုလ်တွေ နောက်ပြီးတော့ သူ့ကိုပြောဖို့အတွက် တိုက်တွန်းနေကြတဲ့ Key Influencer ပေါ့နော် ဒီနိုင်ငံတကာက လေးစားရတဲ့ ပုဂ္ဂိုလ်တွေပေါ့ဗျာ ၊ အလွယ်တကူပြောရင်တော့ Nobel ဆုရတဲ့လူတွေ ဒီလူတွေကိုလည်း သူကရည်ညွန်းပြီးပြောတာ ဖြစ်ပါလိမ့်မယ်။”

နိုင်ငံကိုကိုယ်စားပြုတဲ့မိန့်ခွန်းဟာ ဖွဲ့စည်းပုံအခြေခံဥပဒေအရ နိုင်ငံတော်သမ္မတကသာပြောကြားသင့်တယ်လို့ ရခိုင်အမျိုးသားပါတီ ANP ရဲ့ ဥက္ကဋ္ဌလည်းဖြစ် ရခိုင်ပြည်နယ် အမ်းမြို့နယ်က ပြည်သူ့လွှတ်တော်ကိုယ်စားလှယ်လည်းဖြစ်တဲ့ ဒေါက်တာအေးမောင်ကတော့ဝေဖန်ပြောဆိုလိုက်ပါတယ်။

“ပထမတချက်က ဒေါ်အောင်ဆန်းစုကြည်သည် နိုင်ငံတော်သမ္မတ မဟုတ်ဘူးဆိုတာကို ကျနော်တို့ သဘောပေါက် စေချင်တယ်၊ အဲဒီတော့ နိုင်ငံတော်အခြေပြမိန့်ခွန်းဆိုတာ နိုင်ငံတော်သမ္မတ တဦးတည်းပဲ ဖွဲ့စည်းပုံအခြေခံ ဥပဒေအရရှိပါတယ်။ ပြည်သူပြည်သားတို့လည်း သဘောပေါက်မယ် ထင်တယ်။ အစိုးရအဖွဲ့နဲ့ ဒေါ်အောင်ဆန်းစုကြည်ကိုယ်တိုင် သဘောပေါက်စေချင်တယ်။ သို့မဟုတ်နိုင်ငံတကာမိသားစု တွေကိုပြောဖို့ရည်ရွယ်တယ်ဆိုရင် ကုလသမဂ္ဂညီလာခံမှာ သွားပြီးပြောစေချင်တယ်။ သူပြောတဲ့အသုံးအနှုန်း သူပြောလိုတဲ့ရည်ရွယ်ချက် ၊ သူဆွဲဆောင်လိုတဲ့ နိုင်ငံတကာ ပရိတ်သတ်များဟာ ကုလသမဂ္ဂအထွေထွေညီလာခံနဲ့ ကမ္ဘာ့မိသားစုများမှာရှိတယ်။ အဲဒီ ၂ ခုကို သေသေချာချာသုံးသပ်ပေးမယ်ဆိုရင်တော့ဖြင့် အခု နိုင်ငံတော်အခြေပြမိန့်ခွန်း ကိုပြောခြင်းသည် သမ္မတကြီးရဲ့တာဝန်ကို ထမ်းဆောင်ခြင်းဖြစ်တယ်။ လာမယ့် ၁၉ ရက်နေ့မှာ ပြောမယ့်အခြေအနေသည် ရခိုင်ပြည်နယ်နှင့် အဓိကပတ်သက်တဲ့ နိုင်ငံတော်အချုပ်အခြာအာဏာ အမျိုးသားလုံခြုံရေးနဲ့ အမျိုးသားအကျိုးစီးပွားနဲ့ ပတ်သက်လို့ လက်ရှိအစိုးရရဲ့ ရပ်တည်ချက်ကို ခိုင်ခိုင်မာမာ လူထုကို ပြသရမယ့် ကာလဖြစ်သလို နိုင်ငံတကာမိသားစုကို ပြသရမယ့် ကာလဖြစ်တယ် ဆိုတာကို ကျနော်တို့ သုံးသပ်ပါတယ်။”

ဒေါ်အောင်ဆန်းစုကြည်ကိုယ်တိုင် မိန့်ခွန်းပြောခြင်းအားဖြင့် နိုင်ငံမှာလက်ရှိကြုံတွေ့နေရတဲ့အကျပ်အတည်း စိန်ခေါ်မှုတွေအပေါ် နိုင်ငံတကာဘက်က အတိုင်းအတာတခုအထိ နားလည်လက်ခံလာနိုင်မယ်လို့ မျှော်လင့်ပေမဲ့ အလုံးစုံပြေလျော့သွားမှာမဟုတ်ဘူးလို့ နိုင်ငံရေးအကဲခတ်ဒေါက်တာရန်မျိုးသိမ်းက ရှု့မြင်ပါတယ်။

“ကျနော်တို့နိုင်ငံမှာ လက်ရှိကြုံတွေ့နေရတဲ့ ဒီအကျပ်အတည်း ဒီစိန်ခေါ်မှုတွေကို အတိုင်းအတာတခုအထိ ထင်ဟပ်ပြီးတော့ နိုင်ငံတကာရဲ့ ယုံကြည်မှုကို မြှင့်တင်နိုင်မယ့် မိန့်ခွန်းဖြစ်လာမယ်လို့ ကျနော်ကတော့ မျှော်လင့်တယ်။ သို့သော်လည်း ကျနော်တို့ တိုင်းပြည်ရဲ့ လက်ရှိကြုံတွေ့နေရတဲ့ စိန်ခေါ်မှုတွေ အကျပ်အတည်းတွေကို ဖြေရှင်းတဲ့နေရာမှာ အစိုးရတခုတည်းကို ကြည့်လို့မရဘူးလို့ ကျနော်ကတော့ မြင်တယ်။ အစိုးရရော၊ တပ်မတော်ရော ၊ တိုင်းရင်းသားခေါင်းဆောင်တွေရော အားလုံးပူးပေါင်းပါဝင်ပြီးတော့ ဆောင်ရွက်နိုင်တဲ့ လုပ်ငန်းစဉ်မျိုးကို ကျနော်တို့ရှေ့တန်းတင်ဖို့ လိုအပ်တယ်လို့ ကျနော်တို့ကမြင်တယ်။ သို့သော်လည်း ကျနော်တို့လက်ရှိကြုံတွေ့နေရတဲ့ စိန်ခေါ်မှုတွေ အကျပ်အတည်းတွေကို ဖြေရှင်းနိုင်မယ့်လမ်းစနဲ့ အခြေခံကောင်းတွေကိုတော့ ဖော်ထုတ်ပေးနိုင်မယ်လို့ အဲဒီလိုတော့ မျှော်လင့်ပါတယ်။”

တဆက်တည်းပါပဲ ဒေါ်အောင်ဆန်းစုကြည်ဘက်က စိုးရိမ်မကင်းဖြစ်နေတဲ့ နိုင်ငံတကာကို အင်္ဂလိပ်စကားနဲ့ တင်ပြသလို လက်ရှိနိုင်ငံမှာ ရင်ဆိုင်ကြုံတွေ့နေရတဲ့ အခြေအနေတွေအပေါ် စိုးရိမ်မကင်းဖြစ်နေရတဲ့ နိုင်ငံသူနိုင်ငံသားတွေ သိရှိနားလည်စေဖို့အတွက် နိုင်ငံတော်အတိုင်ပင်ခံအနေနဲ့ ရုံးသုံးစကားဖြစ်တဲ့ မြန်မာစကားနဲ့ပဲပြည်သူကို ပြောစေလိုတယ်လို့လည်း ဒေါက်တာအေးမောင်က တိုက်တွန်းပါတယ်။

စက်တင်ဘာ ၁၉ မှာဒေါ်အောင်ဆန်းစုကြည်ကိုယ်တိုင် မိန့်ခွန်းပြောကြားမယ့် ဒီအခမ်းအနား တက်ရောက်လိုသူတွေ နိုင်ငံတကာသံရုံးတွေ နိုင်ငံတကာက သတင်းလာယူလိုသူတွေ နိုင်ငံတကာအဖွဲ့အစည်းတွေအနေနဲ့ စက်တင်ဘာလ ၁၈ရက်နေ့ တနင်္လာနေ့ မနက်၁၀နာရီအထိ နောက်ဆုံးထားပြီး ပြန်ကြားရေး ဝန်ကြီးဌာန၊ ပြည်တွင်းပြည်ပ ဆက်ဆံရေးနှင့် သတင်းပြန်ကြားရေးဌာနခွဲကို ဆက်သွယ်ကြဖို့ တိုက်တွန်းထားသလို ပြည်ပက သတင်းလာယူသူတွေအတွက် မီဒီယာဗီဇာရရေးကိုလည်း ဆောင်ရွက်ပေးမယ်လို့ ထုတ်ပြန်ထားပါတယ်။ အခမ်းအနားကတော့ သတင်းစာရှင်းလင်းပွဲမဟုတ်ဘဲ မိန့်ခွန်း ပြောကြားမှုကိုပဲ သတင်းရယူရန်သာဖြစ်ကြောင်း နဲ့ နိုင်ငံတော်အတိုင်ပင်ခံရဲ့မိန့်ခွန်းကို အစိုးရသတင်းမီဒီယာရုပ်မြင်သံကြားတွေဖြစ်တဲ့ MRTV, MITVနဲ့ ရေဒီယို၊ FM တွေကနေ တိုက်ရိုက် (Live) ထုတ်လွှင့်သွားမည်ဖြစ်ကြောင်း ပြန်ကြားရေးဘက်က အသိပေး ကြေညာထားပါတယ်။

မဆုမွန်  / ဗွီအိုအေ (မြန်မာပိုင်း)
https://burmese.voanews.com

ဖိုးသူတော် (www.phothutaw.com)
Credit: thithtoolwin
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top