Novotel ဟိုတယ္တြင္ က်င္းပမည့္ Yone Min တိုက္ခန္းႏွင့္ ကြန္ဒို အထူးအေရာင္းျပပြဲ
×

ျမန္မာကေန ဘဂၤလားေဒ့ရွ္ကိုထြက္ေျပးခဲ့တဲ့ ဒုကၡသည္ ၃ သိန္း ၇ ေသာင္း ရွိတယ္လို႔ ကုလသမဂၢဆို
ဘဂၤလားေဒ့ရွ္ကို ထြက္ေျပးလာၾကသူ ေတြဟာ ျမန္မာဘက္က လာတာျဖစ္လို႔ ျမန္မာဘက္က ျပန္ေခၚပါလို႔ ဝန္ႀကီးခ်ဳပ္ ရွိတ္ဟာဆီနာက ေဒၚေအာင္ဆန္း စုၾကည္ကို တိုက္ရိုက္ သတင္းစကား ေျပာလိုက္ပါတယ္။

ရိုဟင္ဂ်ာ ရြာသား ေတြကို ျမန္မာအစိုးရစစ္တပ္ပဲ ျဖစ္ျဖစ္၊ လုံျခဳံေရး တပ္ေတြကပဲ ျဖစ္ျဖစ္ တိုက္ခိုက္တာကို ခြင့္မျပဳသင့္ဘူးလို႔ သူက ေျပာပါတယ္။

ဘဂၤလားေဒ့ရွ္ကို ထြက္ေျပးလာသူေတြ ေနထိုင္ေနတဲ့ ဒုကၡသည္စခန္း တစ္ခုကို ၾသဂုတ္လ ၁၂ ရက္ေန႔က သြားခဲ့တဲ့ ရွိတ္ဟာဆီနာက ျမန္မာအစိုးရ အေနနဲ႔ အေၿခ အေနကို စိတ္ရွည္ရွည္ထား ကိုင္တြယ္ခဲ့ သင့္တယ္လို႔လည္း ေျပာပါတယ္။

ၿပီးခဲ့တဲ့ ရက္ပိုင္းေတြ အတြင္း ဘဂၤလားေဒ့ရွ္ ဘက္ကို ထြက္ေျပးလာသူ သုံးသိန္း ခုႏွစ္ေသာင္းေက်ာ္ ရွိခဲ့တယ္လို႔ ကုလသမဂၢက ေျပာပါတယ္။

ျမန္မာ အစိုးရ ဘက္ကေတာ့ ဘဂၤလားေဒ့ရွ္ ဘက္ကို ထြက္ေျပးသြားတဲ့ ဒုကၡသည္ေတြဟာ ျမန္မာ နိုင္ငံဘက္မွာ ေနထိုင္ခဲ့သူေတြ ျဖစ္ေၾကာင္း အေထာက္အထား ျပနိုင္ရင္ စိစစ္ၿပီး ျပန္လက္ခံမယ္လို႔ ဆိုပါတယ္။

လူမ်ိဳးတုန္း သုတ္သင္ ရွင္းလင္းမွု လုပ္ေနတယ္လို႔ ကုလသမဂၢက ေျပာဆိုတာနဲ႔ ပတ္သက္လို႔ ဘီဘီစီက ေမးရာမွာ ျမန္မာ အစိုးရ အေနနဲ႔ လုံျခဳံေရး၊ တည္ၿငိမ္ေရးနဲ႔ တရားဥပေဒ စိုးမိုးေရးကို အဓိကထား ေဆာင္ရြက္ေနၿပီး အဲဒီလို လုပ္ေဆာင္ရာမွာ စည္းမ်ဥ္း စည္းကမ္းေတြကို လိုက္နာဖို႔ ထိပ္ပိုင္း တာဝန္ရွိသူေတြကေန ေအာက္ေၿခ အထိ ဆင့္ကဲ ညႊန္ၾကားထားၿပီး ျဖစ္တယ္လို႔ နိုင္ငံျခားေရး ဝန္ႀကီးဌာန အျမဲတမ္း အတြင္းဝန္ ဦးေက်ာ္ေဇယ်က ေျပာပါတယ္။

ၾသဂုတ္လ ၂၅ ရက္ေန႔က ရဲကင္းစခန္း ၃၀ အပါအဝင္ ဘက္စုံ တိုက္ခိုက္မွု ေတြကို လူေပါင္း တစ္ေသာင္း ႏွစ္ေထာင္ေလာက္ ပါဝင္ ပတ္သက္ခဲ့ တာဟာ သာမန္ ကိစၥ မဟုတ္ေၾကာင္း နဲ႔ ဟိႏၵဴ ဘာသာဝင္ေတြလည္း အမ်ားႀကီး သတ္ျဖတ္ခံခဲ့ရတာေတြ ရွိေၾကာင္း သူက ေျပာပါတယ္။

အစိုးရက အၾကမ္းဖက္ တိုက္ခိုက္သူနဲ႔ သာမန္ အရပ္သားေတြကို မခြဲျခားဘဲ သုတ္သင္ ရွင္းလင္း ေနတယ္လို႔ ကုလသမဂၢက ေျပာတဲ့ အေပၚမွာေတာ့ ဒါမ်ိဳး လုပ္ေဆာင္တာ မရွိေၾကာင္းနဲ႔ မြတ္ဆလင္ ရြာသားေတြက အၾကမ္းဖက္ တိုက္ခိုက္မယ့္သူေတြ သူတို႔ ရြာေတြထဲကို ဝင္လာရင္ ဖမ္းဆီးၿပီး သက္ဆိုင္ရာ လုံျခဳံေရး အဖြဲ႕အစည္း ေတြကို အပ္တဲ့ ပူးေပါင္းေဆာင္ရြက္မွုေတြ ရွိတာကို ၾကည့္ရင္ သိနိုင္တယ္လို႔ ဦးေက်ာ္ေဇယ်က ေျပာပါတယ္။

လူမ်ိဳးေရး သုတ္သင္ ရွင္းလင္းမွုေတြသာ ရွိေနရင္ အဲဒီလို ပူးေပါင္းေဆာင္ရြက္မွု ရွိမွာ မဟုတ္ဘူးလို႔ သူက ေျပာပါတယ္။

http://www.bbc.com/burmese


ဖိုးသူေတာ္ (www.phothutaw.com)
Credit: BBC Burmese

#Unicode Version#
 မြန်မာကနေ ဘင်္ဂလားဒေ့ရှ်ကိုထွက်ပြေးခဲ့တဲ့ ဒုက္ခသည် ၃ သိန်း ၇ သောင်း ရှိတယ်လို့ ကုလသမဂ္ဂဆို
ဘင်္ဂလားဒေ့ရှ်ကို ထွက်ပြေးလာကြသူ တွေဟာ မြန်မာဘက်က လာတာဖြစ်လို့ မြန်မာဘက်က ပြန်ခေါ်ပါလို့ ဝန်ကြီးချုပ် ရှိတ်ဟာဆီနာက ဒေါ်အောင်ဆန်း စုကြည်ကို တိုက်ရိုက် သတင်းစကား ပြောလိုက်ပါတယ်။

ရိုဟင်ဂျာ ရွာသား တွေကို မြန်မာအစိုးရစစ်တပ်ပဲ ဖြစ်ဖြစ်၊ လုံခြုံရေး တပ်တွေကပဲ ဖြစ်ဖြစ် တိုက်ခိုက်တာကို ခွင့်မပြုသင့်ဘူးလို့ သူက ပြောပါတယ်။

ဘင်္ဂလားဒေ့ရှ်ကို ထွက်ပြေးလာသူတွေ နေထိုင်နေတဲ့ ဒုက္ခသည်စခန်း တစ်ခုကို သြဂုတ်လ ၁၂ ရက်နေ့က သွားခဲ့တဲ့ ရှိတ်ဟာဆီနာက မြန်မာအစိုးရ အနေနဲ့ အခြေ အနေကို စိတ်ရှည်ရှည်ထား ကိုင်တွယ်ခဲ့ သင့်တယ်လို့လည်း ပြောပါတယ်။

ပြီးခဲ့တဲ့ ရက်ပိုင်းတွေ အတွင်း ဘင်္ဂလားဒေ့ရှ် ဘက်ကို ထွက်ပြေးလာသူ သုံးသိန်း ခုနှစ်သောင်းကျော် ရှိခဲ့တယ်လို့ ကုလသမဂ္ဂက ပြောပါတယ်။

မြန်မာ အစိုးရ ဘက်ကတော့ ဘင်္ဂလားဒေ့ရှ် ဘက်ကို ထွက်ပြေးသွားတဲ့ ဒုက္ခသည်တွေဟာ မြန်မာ နိုင်ငံဘက်မှာ နေထိုင်ခဲ့သူတွေ ဖြစ်ကြောင်း အထောက်အထား ပြနိုင်ရင် စိစစ်ပြီး ပြန်လက်ခံမယ်လို့ ဆိုပါတယ်။

လူမျိုးတုန်း သုတ်သင် ရှင်းလင်းမှု လုပ်နေတယ်လို့ ကုလသမဂ္ဂက ပြောဆိုတာနဲ့ ပတ်သက်လို့ ဘီဘီစီက မေးရာမှာ မြန်မာ အစိုးရ အနေနဲ့ လုံခြုံရေး၊ တည်ငြိမ်ရေးနဲ့ တရားဥပဒေ စိုးမိုးရေးကို အဓိကထား ဆောင်ရွက်နေပြီး အဲဒီလို လုပ်ဆောင်ရာမှာ စည်းမျဉ်း စည်းကမ်းတွေကို လိုက်နာဖို့ ထိပ်ပိုင်း တာဝန်ရှိသူတွေကနေ အောက်ခြေ အထိ ဆင့်ကဲ ညွှန်ကြားထားပြီး ဖြစ်တယ်လို့ နိုင်ငံခြားရေး ဝန်ကြီးဌာန အမြဲတမ်း အတွင်းဝန် ဦးကျော်ဇေယျက ပြောပါတယ်။

သြဂုတ်လ ၂၅ ရက်နေ့က ရဲကင်းစခန်း ၃၀ အပါအဝင် ဘက်စုံ တိုက်ခိုက်မှု တွေကို လူပေါင်း တစ်သောင်း နှစ်ထောင်လောက် ပါဝင် ပတ်သက်ခဲ့ တာဟာ သာမန် ကိစ္စ မဟုတ်ကြောင်း နဲ့ ဟိန္ဒူ ဘာသာဝင်တွေလည်း အများကြီး သတ်ဖြတ်ခံခဲ့ရတာတွေ ရှိကြောင်း သူက ပြောပါတယ်။

အစိုးရက အကြမ်းဖက် တိုက်ခိုက်သူနဲ့ သာမန် အရပ်သားတွေကို မခွဲခြားဘဲ သုတ်သင် ရှင်းလင်း နေတယ်လို့ ကုလသမဂ္ဂက ပြောတဲ့ အပေါ်မှာတော့ ဒါမျိုး လုပ်ဆောင်တာ မရှိကြောင်းနဲ့ မွတ်ဆလင် ရွာသားတွေက အကြမ်းဖက် တိုက်ခိုက်မယ့်သူတွေ သူတို့ ရွာတွေထဲကို ဝင်လာရင် ဖမ်းဆီးပြီး သက်ဆိုင်ရာ လုံခြုံရေး အဖွဲ့အစည်း တွေကို အပ်တဲ့ ပူးပေါင်းဆောင်ရွက်မှုတွေ ရှိတာကို ကြည့်ရင် သိနိုင်တယ်လို့ ဦးကျော်ဇေယျက ပြောပါတယ်။

လူမျိုးရေး သုတ်သင် ရှင်းလင်းမှုတွေသာ ရှိနေရင် အဲဒီလို ပူးပေါင်းဆောင်ရွက်မှု ရှိမှာ မဟုတ်ဘူးလို့ သူက ပြောပါတယ်။

http://www.bbc.com/burmese


ဖိုးသူတော် (www.phothutaw.com)
Credit: BBC Burmese
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top