Novotel ဟိုတယ္တြင္ က်င္းပမည့္ Yone Min တိုက္ခန္းႏွင့္ ကြန္ဒို အထူးအေရာင္းျပပြဲ
×

မတ္ပဲမ်ားကို ရိတ္သိမ္းေနေသာ ေတာင္သူအခ်ိဳ႕ (ဓာတ္ပံု−ဟိန္းထက္/အီးပီေအ )
စိုက္ပ်ိဳးစရိတ္ က်ပ္သံုးသိန္းခြဲေက်ာ္ အကုန္အက်ခံ၍ စိုက္ပ်ိဳးထားေသာ ပဲစင္းငံုခင္းကိုေတာင္သူ ဦးေနလင္းတစ္ေယာက္ဖ်က္ဆီးပစ္ရန္ ဆံုးျဖတ္ခဲ့သည္။ လူတစ္ရပ္ခန္႔ရွိေသာ စိမ္းစိုေနသည့္ ပဲစင္းငံုပင္မ်ားကို လယ္ထြန္စက္ျဖင့္ ဖ်က္ဆီးေနသည္ကို ၾကည့္ရင္း စိတ္မေကာင္းျဖစ္ခဲ့သည္။

‘‘စိတ္မေကာင္းေပမယ့္ စီးပြားေရးအတြက္ ဆက္မလုပ္ႏိုင္လို႔ ဖ်က္ပစ္လိုက္ရတာပါ’’ ဟု ေက်ာက္ပန္းေတာင္းၿမိဳ႕နယ္ အ ေျမႇာင္ကန္ေက်းရြာမွ ေတာင္သူ ဦးေနလင္းက ၎ကဆံုးျဖတ္ခ်က္ ႏွင့္ပတ္သက္၍ ရွင္းျပသည္။

လယ္ ၈ ဧကတြင္ ပဲစင္းငံု၊ ႏွမ္းႏွင့္ ေျမပဲတို႔ကို ၁၇ ႏွစ္ခန္႔ စိုက္ပ်ိဳးၿပီး မိသားစုစားဝတ္ေနေရး ေျဖရွင္းခဲ့ေသာ ေတာင္သူဦးေနလင္းသည္ စိုက္ပ်ိဳးၿပီး ပဲစင္းငံု ႏွစ္ဧကကို ၎၏ေတာင္သူသက္တမ္းတစ္ေလွ်ာက္ ပထမဆံုးအႀကိမ္ ဖ်က္ဆီးရျခင္းျဖစ္သည္။ ကုန္သည္မ်ားေစ်းဖြင့္သည့္ ပဲစင္းငံုတစ္တင္း က်ပ္တစ္ေသာင္း ေက်ာ္ ေစ်းႏႈန္းသည္ စုိက္ပ်ိဳးမႈ ကုန္က်စရိတ္ထက္မ်ားစြာ ေလ်ာ့နည္းျခင္းေၾကာင့္ တစ္္နာရီက်ပ္တစ္ေသာင္းခြဲေပး၍ ထြန္စက္ငွား ဖ်က္ဆီးၿပီး ပဲစင္းငံုအစား ႏွမ္းျပန္ စိုက္ရန္ စီစဥ္ေနသည္။

အိႏၵိယႏိုင္ငံက ပဲတင္သြင္းမႈ ကန္႔လိုက္ျခင္းက ပဲစိုက္ပ်ိဳးသူ ေတာင္သူမ်ားကဲ့သို႔ပင္ သိုေလွာင္သည့္ ကုန္သည္မ်ား၊ ပြဲစားမ်ားအတြက္လည္း ထိခိုက္မႈႀကံဳေတြ႕ခဲ့ရသည္။

အိႏၵိယက ပဲအဝယ္ကန္႔သတ္လိုက္၍ မတ္ပဲႏွင့္ပဲစင္းငံု တစ္တန္လွ်င္ က်ပ္ႏွစ္သိန္းခန္႔ ေစ်းက်ဆင္းခဲ့သည္။

အိႏိၵယအစိုးရက ျပည္ပမွ ပဲတင္သြင္းမႈ ကန္႔သတ္ရျခင္းသည္ အိႏိၵယႏိုင္ငံအတြင္း လယ္သမားမ်ား၏ ဆႏၵျပေတာင္းဆိုမႈမ်ား ေၾကာင့္ျဖစ္သည္။ အိႏၵိယႏိုင္ငံတြင္ ယခုႏွစ္ မိုးပဲစိုက္ပ်ိဳးခ်ိန္က စတင္၍ ပဲစင္းငံု၊ မတ္ပဲေစ်းႏႈန္း မ်ား က်ဆင္းခဲ့သျဖင့္ ေတာင္သူလယ္သမားမ်ားက အစိုးရကို ဆႏၵ ျပခဲ့ၾကသည္။ ထို႔ေၾကာင့္ မိုဒီအစိုးရသည္ အက်ပ္အတည္းျဖစ္ခဲ့ၿပီး က်ဆင္းေနသည့္ ေစ်းႏႈန္းျပန္လည္ျမင့္တက္ေရး ျပည္ပမွ ပဲတင္သြင္းမႈကန္႔သတ္ရန္ ေရွာ္ခ္႐ိုက္ ျခင္းျဖင့္ ကုစားခဲ့သည္။


ပဲမ်ိဳးစံုကို ေစ်းကြက္တြင္ ခင္းက်င္းထားစဥ္ (ဓာတ္ပံု-စိုင္းေဇာ္)
‘‘ခံရတာေတာ့ အေတာ္နာတယ္ကြာ။ ျပန္ကာဖို႔ေတာ့ စဥ္းစားေနတယ္’’ ဟု မေကြးတိုင္းမွ ပဲသိုေလွာင္သည့္ ကုန္သည္ဦးျပဴးက ေျပာသည္။

၂၀၁၆ ႏွစ္ကုန္ ၂၀၁၇ ႏွစ္ဆန္းပိုင္း ပဲစင္းငံုေပၚခ်ိန္က တစ္တန္လွ်င္ က်ပ္ခုနစ္သိန္းျဖင့္ ပဲတန္ခ်ိန္ ၁,၅၀၀  ဝယ္ယူေလွာင္ခဲ့ေသာ ဦးျပဴးသည္ လက္ရွိပဲေစ်းကြက္အရ က်ပ္သိန္း ၄,၀၀၀ ခန္႔ အ႐ႈံးျပေနသည္ဟု ဆိုသည္။ ေငြေၾကး အရင္းအႏွီးရွိေသာ ကုန္သည္တစ္ဦးျဖစ္ျခင္းေၾကာင့္ ပဲစင္းငံုတြင္ အ႐ႈံးေပၚေနသည္ကို ျပန္လည္ကုစားရန္ မတ္ပဲေပၚခ်ိန္တြင္ ဝယ္ယူသိုေလွာင္မည္ဟု ဆိုသည္။

ယေန႔ ျပည္တြင္းေစ်းကြက္တြင္  မတ္ပဲႏွင့္ ပဲစင္းငံုေစ်းႏႈန္းသည္ ပဲသိုေလွာင္သည့္ ကုန္သည္ ပြဲစားမ်ားအတြက္ တစ္တန္လွ်င္ ၄၀ ရာခိုင္ႏႈန္းခန္႔ ေငြေၾကးတန္ဖိုး ဆံုး႐ႈံးေနၾကာင္း ေက်ာက္ပန္း ေတာင္းၿမိဳ႕နယ္မွ ပဲကုန္သည္တစ္ ဦးက ေျပာသည္။

အိႏၵိယႏိုင္ငံ၏ ပဲတင္သြင္းမႈ ကန္႔သတ္ခ်က္ကို ေျဖေလွ်ာ့ႏိုုင္မည္ဟု ျမန္မာကုန္သည္မ်ား ေမွ်ာ္လင့္ခဲ့ေသာ္လည္း အိႏၵိယဝန္ႀကီးခ်ဳပ္မိုဒီ၏ တုံ႔ျပန္္မႈကလည္းအားရစရာ မရွိခဲ့ေပ။ ထုိ႔ေၾကာင့္ ပဲေလာက၏ အိပ္မက္ဆိုးကို ႏိုးထရန္ အစိုးရႏွင့္ အသင္းအဖြဲ႕မ်ား၏ တိက်ေသာ မူဝါဒလမ္းၫႊန္ခ်က္မ်ားကို ပဲေလာကသားမ်ားက ေစာင့္ေမွ်ာ္ေနၾကသည္။

ထုိ႔အျပင္ ယခုမွ အျခားသီးႏွံတစ္မ်ိဳး ျပန္စိုက္ရန္မွာလည္း ယခုရာသီခ်ိန္အတြက္ နီးကပ္လြန္းေန၍ မ်ိဳးရေရး မလြယ္ကူေပ။

မတ္ပဲအစား အျခားသီးႏွံ ေျပာင္းလဲစိုက္ပ်ိဳးရမည္ဆုိပါက ေရေျမအေျခအေနႏွင့္ ကိုက္ညီ ၿပီး ေစ်းကြက္ဝင္သည့္ သီးႏွံမ်ိဳး လယ္သမားတစ္ဦးအေနျဖင့္ စိုက္ပ်ိဳးလုိေၾကာင္း ပဲခူးတုိင္း ကဝၿမိဳ႕နယ္မွ လယ္သမားတစ္ဦးကသူ၏ ဆႏၵကို ထုတ္ေဖာ္ေျပာလာသည္။

‘‘မတ္ပဲစိုက္ေနက်ဆုိေတာ့ တျခားသီးႏွံေျပာင္းဖို႔ဆုိရင္ မ်ဳိးက မလြယ္ဘူး။ အခ်ိန္ကလည္း အရမ္းကပ္ေနၿပီ’’ဟု ဓႏုျဖဴၿမိဳ႕နယ္မွ လယ္ ၁၀ ဧကခန္႔ စုိက္ပ်ိဳးသည့္ လယ္သမား ဦးထင္ေအာင္ကေျပာသည္။

ပဲစင္းငံုကုိ မုိးရာသီတြင္ အမ်ားဆံုးစိုက္ပ်ိဳးၿပီး မတ္ပဲကုိ မုိးစပါးအၿပီး ေဆာင္းသီးႏွံအျဖစ္ ေတာင္သူလယ္သမားမ်ားက စုိက္ပ်ိဳးသည္။ ျမန္မာႏုိင္ငံတြင္ ပဲစင္းငံုစုိက္ဧက ၂ ဒသမ ၅ သန္းေက်ာ္ ႏွင့္ မတ္ပဲစိုက္ဧက ၂ ဒသမ  ၆ သန္းေက်ာ္ရိွေနသည္။

‘‘ဒီဘက္မွာက စပါးၿပီးရင္ မတ္ပဲပဲစိုက္တာေလ။ တျခားဟာ ေျပာင္းစိုက္ဖို႔က မလြယ္ဘူး’’ဟု ဟသၤာတၿမိဳ႕နယ္မွ ပဲစုိက္ပ်ိဳးသည့္ ေတာင္သူေဒၚျမျမသိန္းက ေျပာျပသည္။


အျခားသီးႏွံေျပာင္း၍ စိုက္ပ်ိဳးရန္ ေတာင္သူဦးေနလင္း၏ ပဲစင္းငံုခင္းကို ဖ်က္ဆီးေနစဥ္ (ဓာတ္ပံု−မိုးသက္တင္ေအာင္ေဖ့စ္ဘြတ္ခ္)

မတ္ပဲစုိက္ပ်ိဳးရန္ အခ်ိန္ႏွစ္ လခန္႔လိုသည္အထိ အစိုးရမွလမ္းၫႊန္ေပးမႈ မရိွေသးျခင္းေၾကာင့္ ေလာေလာဆယ္ ေစာင့္ၾကည့္ေနသည့္အဆင့္တြင္သာရိွေၾကာင္း ဇလြန္ၿမိဳ႕နယ္မွ လယ္သမား ဦးသန္းထြန္းက ေျပာသည္။

အိႏိၵယအစိုးရ၏ ကန္႔သတ္ခ်က္ကို ေက်ာ္လႊားႏုိင္ရန္ မတ္ပဲအစား အျခားသီးႏွံမ်ားေျပာင္းလဲ စုိက္ပ်ိဳးေရးသည္ လက္ရိွအခ်ိန္တြင္ ေတာင္သူမ်ားအတြက္ စိန္ေခၚမႈတစ္ခုျဖစ္ေနသည္ဟု ဟသၤာတၿမိဳ႕မွ ပဲကုန္သည္တစ္ဦးက ေျပာသည္။

ေရေျမရာသီဥတုႏွင့္ ေစ်းကြက္ဝင္သီးႏွံမ်ားကို ေျပာင္းလဲၿပီး ေရြးခ်ယ္စုိက္ပ်ိဳးရန္ မ်ိဳးေစ့ရရိွမႈ အခက္အခဲ၊ ရင္းႏွီးျမႇဳပ္ႏွံမႈ ေငြ ေၾကးလိုအပ္ခ်က္စေသာ အတားအဆီးမ်ားကို ေတာင္သူမ်ား ရင္ဆုိင္ရမည္ဟု အထက္ပါပုဂၢိဳလ္က လက္ရိွအေျခအေနကုိ ရွင္းျပသည္။

မုိးစပါးၿပီးလွ်င္ မတ္ပဲကုိ အမ်ားဆံုးစိုက္ပ်ိဳးသည့္ ဧရာဝတီတုိင္းတြင္ ယခုႏွစ္အတြက္ မတ္ပဲအစား ေရတင္စိုက္ပ်ိဳးႏုိုင္သည့္ ေဒသမ်ား၌ ေႏြစပါးကို အစားထုိး စိုက္ပ်ိဳးရန္ စုိက္ပ်ဳိးေရးပညာရွင္ ဦးတင္ထြဋ္ဦးက အႀကံျပဳသည္။

ျပည္ပသုိ႔ ဆန္တင္ပုိ႔မႈသည္ ယခုဘ႑ာႏွစ္ငါးလေက်ာ္အတြင္း တန္ခ်ိန္ ၁ ဒသမ ၂ သန္းရိွ ၿပီး ဘ႑ာႏွစ္ကုန္ပါက တန္ခ်ိန္ ႏွစ္သန္းေက်ာ္ႏုိင္သည္။ ထုိသု႔ိ တင္ပို႔ႏုိင္ပါက ျပည္တြင္း၌ သုိေလွာင္ထားေသာ ဆန္တန္ခ်ိန္ ပမာဏနည္းပါးသျဖင့္ လာမည့္ ႏွစ္တြင္ ဆန္ေစ်းႏႈန္းျမင့္တက္ႏိုင္သည္ဟု ဦးတင္ထြဋ္ဦးက ခန္႔မွန္းသည္။ ထို႔ေၾကာင့္ ေရတင္ရရိွႏုိင္ေသာ ေဒသမ်ားတြင္ မတ္ပဲအစား ေႏြစပါးကို ေျပာင္းလဲစိုက္ပ်ိဳးရန္ အႀကံျပဳျခင္းျဖစ္သည္ဟု ၎က ရွင္းျပသည္။

‘‘စိုက္ပ်ိဳးေရးမွာ အဓိက ျပႆနာက မ်ိဳးေျပာင္းတာ ခ်က္ခ်င္းမရဘူး။ မ်ိဳးရဖို႔က ခက္တယ္။ စပါးမ်ိဳးက သိပ္ျပႆနာမရွိဘူး’’ ဟု စုိက္ပ်ိဳးေရးပညာရွင္ ဦးတင္ထြဋ္ဦးက ေျပာသည္။

ေရတင္၍ ေႏြစပါးကို ေျပာင္းလဲစိုက္ပ်ိဳးႏုိင္ရန္ စိုက္ပ်ိဳးေရး၊ ေမြးျမဴေရးႏွင့္ ဆည္ေျမာင္း၀န္ႀကီးဌာနက ေရစီးေရလာေကာင္းရန္ ေျမာင္းမ်ား ရွင္းလင္းေပးျခင္း၊ ေရစုပ္စက္မ်ား အလြယ္တကူငွားရမ္းရရွိႏုိင္ရန္ ေဆာင္ရြက္ေပးသင့္ သည္ဟု ၎ကအႀကံျပဳသည္။

 ‘‘မတ္ပဲစိုက္မယ့္ေနရာမွ ေႏြစပါး ေျပာင္းစိုက္မယ္ဆိုရင္ စဥ္းစားစရာေတြ အမ်ားႀကီးရွိပါတယ္’’ ဟု စိုက္ပ်ိဳးေရး၊ ေမြးျမဴေရး ႏွင့္ ဆည္ေျမာင္း၀န္ႀကီးဌာန ၫႊန္ၾကားေရးမွဴးခ်ဳပ္ဦးရဲတင့္ထြန္းက ေျပာသည္။

ေႏြစပါးစိုက္ပ်ိဳးလွ်င္ ေရရရွိပါကလည္း လုပ္သားရွားပါးမႈ ျပႆနာမ်ားရွိေနျခင္း၊ မ်ိဳးေစ့ရရွိ ရန္ အခက္အခဲ၊ စိုက္ပ်ိဳးေရးနည္းပညာစေသာ အခက္အခဲမ်ားရွိေၾကာင္းကို ဦးရဲတင္ထြန္းက ေျပာ သည္။

 ေႏြစပါးစိုက္ပ်ိဳးခ်ိန္သည္ ဟင္းသီးဟင္းရြက္ႏွင့္  ဥယ်ာဥ္ၿခံ အတြက္ အလုပ္သမား လိုအပ္ခ်က္မ်ားရွိျခင္းေၾကာင့္ ေႏြစပါးစိုက္ပ်ိဳးရန္ အလုပ္သမားရွားပါးမႈလည္း ႀကံဳေတြ႕ႏုိင္သည္ဟု ၎က ဆုိသည္။

ထို႔အျပင္ မတ္ပဲအစားထိုးသီးႏွံအျဖစ္ျပည္ပမွမ်ိဳးတင္သြင္းၿပီး ဆီထြက္သီးႏွံျဖစ္ေသာ ေနၾကာကုိ အစားထိုးစိုက္ပ်ိဳးရန္ စိုက္ပ်ိဳးေရးပညာရွင္ ဦးတင္ထြဋ္ဦးက အႀကံျပဳသည္။ ထို႔အတူ ဦးရဲတင့္ ထြန္းကလည္း ေနၾကာ၊ ေျမပဲႏွင့္ ႏွမ္းမ်ားကို အစားထိုးစိုက္္ပ်ိဳးရန္ အႀကံျပဳသည္။ ဆီထြက္သီးႏွံမ်ား စိုက္ပ်ိဳးမည္ဆုိပါက ရာသီဥတု စိန္ေခၚမႈကိုလည္း သတိထားရန္ အထက္ပါ ပုဂၢိဳလ္ႏွစ္ဦးက ဆုိသည္။

‘‘ဆီထြက္သီးႏွံစိုက္ပ်ိဳးေရး ဦးစားေပးမယ္ဆုိရင္ စားအုန္းဆီတင္သြင္းေနမႈနဲ႔ပတ္သက္ၿပီး သြင္းကုန္မူ၀ါဒကို ျပန္စဥ္းစားဖို႔လိုတယ္’’ဟု ေတာင္သူလယ္သမား အခြင့္အေရးကာကြယ္ေရးႏွင့္ အက်ိဳးစီးပြားျမႇင့္တင္ေရးဦးေဆာင္ အဖဲြ႕၀င္ဦးရဲမင္းေအာင္က အႀကံျပဳေျပာၾကားသည္။

မတ္ပဲ၊ ပဲစင္းငံုအစား အျခားသီးႏွံမ်ား ေျပာင္းလဲစိုက္ပ်ိဳးမည္ ဆိုပါက ပဲအဓိက စုိက္ပ်ိဳးသည့္ ဧရာ၀တီတိုင္း၊ ပဲခူးတိုင္း၊ မေကြး တိုင္း၊ စစ္ကုိင္းတိုင္းတို႔ရွိ ၿမိဳ႕နယ္မ်ားတြင္ ေတာင္သူလယ္သမား ပညာေပးပဲြမ်ား ျပဳလုပ္သင့္သည္ ဟုလည္း အထက္ပါပုဂၢိဳလ္ကအ ႀကံျပဳသည္။

 လက္က်န္ပဲမ်ားအတြက္လည္း ေစ်းကြက္မ်ားရွာေဖြရန္ ၀န္ႀကီးဌာနမွ ဒုတိယ၀န္ႀကီးအဆင့္ ဦးေဆာင္၍ အိႏိၵယႏုိင္ငံသို႔ စီးပြားေရးအဖဲြ႕မ်ား ေစလႊတ္ျခင္း၊ ပဲပို႔ ကုန္မ်ားတိုးျမႇင့္ႏုိင္ရန္ မတ္ပဲ၊ ပဲစဥ္းငံု ျပည္ပတင္ပို႔မႈတြင္ ၀င္ေငြ ခြန္ကဲ့သို႔ အခြန္ကင္းလြတ္ခြင့္ မက္လံုးျဖင့္ ဆဲြေဆာင္မႈမ်ားလည္း ျပဳလုပ္သင့္သည္ဟု ဦးရဲမင္းေအာင္က အႀကံျပဳသည္။

မတ္ပဲႏွင့္ ပဲစင္းငုံစုိက္ပ်ိဳး ျခင္းမွ ေျပာင္းလဲရန္ စဥ္းစားလာခ်ိန္တြင္ အိႏိၵယႏိုင္ငံအပါအ၀င္ ႏုိင္ငံတကာေစ်းကြက္သုိ႔ ျမန္မာ ႏိုင္ငံက ပဲမ်ိဳးစုံတုိးခ်ဲ႕တင္ပုိ႔ႏုိင္ေရး အစိုးရ၊ ပုဂၢလိကလုပ္ငန္းရွင္မ်ားႏွင့္ ပညာရွင္မ်ားပါ၀င္ေသာ ပဲမ်ိဳးစံုတင္ပုိ႔မႈဆုိင္ရာ ေပါင္းစပ္ ညိႇႏႈိင္းေရး အထူးလုပ္ငန္းအဖြဲ႕ ဖြဲ႕စည္းခဲ့သည္။

အဆုိပါအဖြဲ႕အေနျဖင့္ အိႏၵိယႏုိင္ငံသုိ႔ ပဲဆက္လက္တင္ပုိ႔ႏုိင္ ေရးညိႇႏႈိင္းေဆြးေႏြးရန္၊ အိႏၵိယ ေစ်းကြက္အပါအ၀င္ အျခားေစ်းကြက္မ်ားကုိ တုိးခ်ဲ႕ရွာေဖြရန္၊ ျပည္တြင္းထုတ္လုပ္မႈတြင္ လက္ရွိ ပဲမ်ားေနရာ၌ အျခားသီးႏွံအစား ထုိးစုိက္ပ်ိဳးရန္ေလ့လာျခင္း၊ ျပည္တြင္း၌ ယခုထက္ပုိ၍ ပဲစားသုံးမႈ တိုးျမႇင့္ႏုိင္ရန္ ပညာေပးလုပ္ငန္းမ်ားလုပ္ကုိင္ျခင္း၊ တိုင္းႏွင့္ျပည္နယ္အစုိးရမ်ားႏွင့္ အျခား၀န္ႀကီးဌာနမ်ား ေပါင္းစပ္ညိႇႏႈိင္းၿပီးအထက္ပါလုပ္ငန္းစဥ္မ်ား ေဆာင္ ရြက္ရန္ အေျခခံမူငါးခ်က္ခ်မွတ္ထားသည္ဟု အဖြဲ႕ေခါင္းေဆာင္ ဦးတိုးေအာင္ျမင့္က ေျပာသည္။

ပဲမ်ိဳးစံုျပည္ပေစ်းကြက္သည္ အိႏၵိယတစ္ႏိုင္ငံသာ အဓိက မွီခိုထားျခင္းက အက်ပ္အတည္း ႀကံဳရခ်ိန္တြင္ ေျဖရွင္းရန္ ခက္ခဲၿပီး စိန္ေခၚမႈမ်ားႏွင့္ ရင္ဆိုင္ေနသည္။ ထို႔ေၾကာင့္ ႏိုင္ငံ့စီးပြားေရးကို ျပည္ပတစ္ႏိုင္ငံတည္းအေပၚတြင္သာ မွီခိုျခင္းအေပၚ ယခုျဖစ္စဥ္က သတိျပဳရန္ မီးေမာင္းထိုးျပျခင္း ျဖစ္သည္။

ပဲမ်ိဳးစံု တင္ပို႔မႈဆိုင္ရာေပါင္းစပ္ညႇိႏႈိင္းေရး အထူးလုပ္ငန္းအဖြဲ႕၏ ေဆာင္ရြက္ခ်က္မ်ားသည္ လက္ရွိအခ်ိန္တြင္ ေႏွးေကြးေနျခင္းေၾကာင့္ အရွိန္အဟုန္ျမႇင့္ ေဆာင္ရြက္ရန္ ပဲကုန္သည္အခ်ိဳ႕က ဆႏၵရွိိသည္။ ထို႔ေၾကာင့္ အထူး လုပ္ငန္းအဖြဲ႕အေနျဖင့္ အထက္ပါအခ်က္ငါးခ်က္ အျမန္ဆံုးအေကာင္အထည္ေဖာ္ေပးရန္ ၎တို႔က ေျပာသည္။


မတ္ပဲပင္မ်ားကို ေနလွန္းၿပီးေနာက္ သန္႔စင္ေနေသာ ေတာင္သူအခ်ိဳ႕ကို ေတြ႔ရစဥ္ (ဓာတ္ပံု−စိုင္းေဇာ္)
အိႏၵိယႏုိင္ငံသို႔ ပဲဆက္လက္ တင္ပုိ႔ႏုိင္ေရး ညိႇႏႈိင္းေဆြးေႏြးရန္ စီးပြားေရးႏွင့္ ကူးသန္းေရာင္း၀ယ္ ေရး၀န္ႀကီးဌာနက ဆက္လက္ ေဆာင္ရြက္ေနေၾကာင္း အဆုိပါ ၀န္ႀကီးဌာနလက္ေထာက္အတြင္း ၀န္ဦးခင္ေမာင္လြင္က ရွင္းျပ သည္။

ျပည္တြင္း၌ ပဲစားသုံးမႈျမႇင့္တင္ေရး စာသင္ေက်ာင္းမ်ားတြင္ ပညာေပးေရးလုပ္ငန္းမ်ား၊ တပ္မ ေတာ္၊ ရဲတပ္ရင္းတပ္ဖြဲ႕၊ အက်ဥ္းဦးစီးဌာနတို႔တြင္လည္း မတ္ပဲႏွင့္ ပဲစင္းငုံအစားထိုးပုိမိုစားသုံးရန္ ပညာေပးဆြဲေဆာင္မႈမ်ားျပဳလုပ္ သင့္သည္ဟု စုိက္ပ်ိဳးေရး၊ ေမြးျမဴ ေရးႏွင့္ ဆည္ေျမာင္း၀န္ႀကီးဌာန ၫႊန္ၾကားေရးမွဴးခ်ဳပ္ ဦးရဲတင့္ ထြန္းက ေျပာသည္။

ျပည္တြင္း၌ မတ္ပဲ၊ ပဲစင္းငံု လက္က်န္တန္ခ်ိန္ ေလးသိန္းခန္႔ က်န္ရွိေနျခင္းေၾကာင့္ ျပည္တြင္း ေစ်းကြက္တည္ၿငိမ္မႈရွိေစရန္ စီးပြားေရးႏွင့္ ကူးသန္းေရာင္းဝယ္ ေရးဝန္ႀကီးဌာနက ျပည္ပမွ ပဲမ်ိဳးစံုတင္သြင္းျခင္းကို စက္တင္ဘာ ၁၅ ရက္က စ၍ ရပ္ဆိုင္းခဲ့သည္။

ျပည္တြင္းပဲေစ်းႏႈန္းထက္ သက္သာသျဖင့္ ၾကာဆံလုပ္ငန္းအတြက္ ကုန္ၾကမ္းအျဖစ္ ကေနဒါ ႏိုင္ငံ အပါအဝင္ ျပည္ပမွပဲတင္သြင္းျခင္းကို ခြင့္ျပဳထားျခင္းကို ယာယီရပ္ဆုိင္လိုက္ျခင္း ျဖစ္သည္။ ထိုသို႔ ရပ္ဆိုင္းျခင္းက လက္ရွိျပည္တြင္း၌ ႀကံဳေတြ႕ေနရသည့္ ပဲေလာက အက်ပ္အတည္းအတြက္ အေထာက္အကူအနည္းငယ္ ျဖစ္ႏိုင္သည္ဟုလည္း ပဲကုန္သည္အခ်ိဳ႕ကေျပာသည္။

သဘာ၀ဓာတ္ေငြ႕ ျပည္ပတင္ပုိ႔မႈမွ ၀င္ေငြေလ်ာ့နည္းခ်ိန္တြင္ ပဲမ်ိဳးစုုံတင္ပုိ႔မႈကလည္း ေလ်ာ့က်လာမည္ဆိုပါက ႏုိင္ငံစီးပြားေရးတြင္ စိုးရိမ္စရာျဖစ္လာသည္ဟု ျမန္မာႏုိင္ငံကုန္သည္မ်ား ႏွင့္ စက္မႈလက္မႈလုပ္ငန္းရွင္မ်ား အသင္းခ်ဳပ္ဒုတိယဥကၠ႒ဦးရဲမင္း ေအာင္က သူ၏အျမင္ကို ေျပာသည္။

ျမန္မာႏုိင္ငံ၏ ျပည္ပပုိ႔ကုန္ပမာဏ၏ ၁၀ ရာခုိင္ႏႈန္းခန္႔ရွိၿပီး တစ္ႏွစ္လွ်င္ ကန္ေဒၚလာ တစ္ဘီလီယံေက်ာ္၀င္ေငြရရွိသည့္ ပဲမ်ိဳးစုံျပည္ပတင္ပုိ႔မႈက အိႏၵိယအစုိးရ၏ ကန္႔သတ္ခ်က္ေၾကာင့္ ျပည္ပ၀င္ေငြ ထိခုိက္လာေစမည္ျဖစ္ သည္။

ဩဂုတ္ ၂၉ ရက္က အစုိးရ ႏွင့္ပုဂၢလိကပဲကုန္သည္မ်ားစုေပါင္း၍ က်ပ္ ၁၀၀ ဘီလီယံကုိ ရန္ပုံေငြထူေထာင္ကာ မတ္ပဲႏွင့္ ပဲစင္းငုံကုိ ေစ်းသတ္မွတ္၀ယ္ယူရန္စီစဥ္ခဲ့သည္။

ျပည္တြင္းပဲလုပ္ငန္းရွင္အခ်ိဳ႕ ေမွ်ာ္လင့္သကဲ့သုိ႔ပင္ ႏွစ္ႏုိင္ငံ ျပည္သူမ်ား၏ အက်ိဳးစီးပြားကုိ ကာကြယ္ေစာင့္ေရွာက္ႏုိင္မည့္ ေရရွည္အစီအမံမ်ား ခ်မွတ္ ေဆာင္ရြက္ရန္ အေရးႀကီးေၾကာင္း ႏုိင္ငံေတာ္၏အတုိင္ပင္ခံပုဂၢိဳလ္ ႏွင့္ေတြ႕ဆုံစဥ္ အိႏၵိယ၀န္ႀကီးခ်ဳပ္က မေရရာသည့္အေျဖကုိသာ ျပန္ေပးခဲ့သည္။

အိႏၵိယဝန္ႀကီးခ်ဳပ္က ေျဖေလွ်ာ့မႈကိုတိက်စြာ မေျပာခဲ့ျခင္းေၾကာင့္ အသစ္ထြက္ရွိလာသည့္ပဲမ်ားကို အစိုးရက အေျခခံေစ်း ႏႈန္းသတ္မွတ္၍ ဝယ္ယူေပးမည္ဟု စီးပြားေရးႏွင့္ကူးသန္းေရာင္း ဝယ္ေရးဝန္ႀကီးဌာန ျပည္ေထာင္စု ဝန္ႀကီး ဦးသန္းျမင့္က ေျပာၾကား ထားသည္။

မုိဒီ၏ အေျဖကုိေမွ်ာ္လင့္ေနသည့္ ျမန္မာ့ပဲေလာကသည္ လက္ရွိအခ်ိန္တြင္ အနာဂတ္မႈန္၀ါးေနသည္။ ေတာင္သူလယ္သမားမ်ားကလည္း မည္သည့္သီး ႏွံစုိက္ပ်ိဳးရမည္ကုိ ေမးခြန္းထုတ္ေနသကဲ့သုိ႔ ပဲလုပ္ငန္းရွင္မ်ားက လည္း ေစ်းကြက္အသစ္မ်ား တုိး ျမႇင့္ရွာေဖြႏုိင္ရန္ အစုိးရကုိ တိုက္တြန္းေနသည္။

ထုိအေျခအေနတြင္ေက်ာက္ပန္းေတာင္းၿမိဳ႕နယ္မွ ေတာင္သူ ဦးေနလင္းက ‘‘ေတာင္သူေတြကုိ လွည့္ၾကည့္ပါဦး၊ ဘာမွလုပ္စားလုိ႔ မရေတာ့ဘူး’’ ဟု အမွာစကားပါးသည္။  ။


ဖိုးသူေတာ္ (www.phothutaw.com)
Credit: 7Day Daily

#Unicode Version#
မတ်ပဲများကို ရိတ်သိမ်းနေသော တောင်သူအချို့ (ဓာတ်ပုံ−ဟိန်းထက်/အီးပီအေ )

စိုက်ပျိုးစရိတ် ကျပ်သုံးသိန်းခွဲကျော် အကုန်အကျခံ၍ စိုက်ပျိုးထားသော ပဲစင်းငုံခင်းကိုတောင်သူ ဦးနေလင်းတစ်ယောက်ဖျက်ဆီးပစ်ရန် ဆုံးဖြတ်ခဲ့သည်။ လူတစ်ရပ်ခန့်ရှိသော စိမ်းစိုနေသည့် ပဲစင်းငုံပင်များကို လယ်ထွန်စက်ဖြင့် ဖျက်ဆီးနေသည်ကို ကြည့်ရင်း စိတ်မကောင်းဖြစ်ခဲ့သည်။

‘‘စိတ်မကောင်းပေမယ့် စီးပွားရေးအတွက် ဆက်မလုပ်နိုင်လို့ ဖျက်ပစ်လိုက်ရတာပါ’’ ဟု ကျောက်ပန်းတောင်းမြို့နယ် အ မြှောင်ကန်ကျေးရွာမှ တောင်သူ ဦးနေလင်းက ၎င်းကဆုံးဖြတ်ချက် နှင့်ပတ်သက်၍ ရှင်းပြသည်။

လယ် ၈ ဧကတွင် ပဲစင်းငုံ၊ နှမ်းနှင့် မြေပဲတို့ကို ၁၇ နှစ်ခန့် စိုက်ပျိုးပြီး မိသားစုစားဝတ်နေရေး ဖြေရှင်းခဲ့သော တောင်သူဦးနေလင်းသည် စိုက်ပျိုးပြီး ပဲစင်းငုံ နှစ်ဧကကို ၎င်း၏တောင်သူသက်တမ်းတစ်လျှောက် ပထမဆုံးအကြိမ် ဖျက်ဆီးရခြင်းဖြစ်သည်။ ကုန်သည်များဈေးဖွင့်သည့် ပဲစင်းငုံတစ်တင်း ကျပ်တစ်သောင်း ကျော် ဈေးနှုန်းသည် စိုက်ပျိုးမှု ကုန်ကျစရိတ်ထက်များစွာ လျော့နည်းခြင်းကြောင့် တစ်နာရီကျပ်တစ်သောင်းခွဲပေး၍ ထွန်စက်ငှား ဖျက်ဆီးပြီး ပဲစင်းငုံအစား နှမ်းပြန် စိုက်ရန် စီစဉ်နေသည်။

အိန္ဒိယနိုင်ငံက ပဲတင်သွင်းမှု ကန့်လိုက်ခြင်းက ပဲစိုက်ပျိုးသူ တောင်သူများကဲ့သို့ပင် သိုလှောင်သည့် ကုန်သည်များ၊ ပွဲစားများအတွက်လည်း ထိခိုက်မှုကြုံတွေ့ခဲ့ရသည်။

အိန္ဒိယက ပဲအဝယ်ကန့်သတ်လိုက်၍ မတ်ပဲနှင့်ပဲစင်းငုံ တစ်တန်လျှင် ကျပ်နှစ်သိန်းခန့် ဈေးကျဆင်းခဲ့သည်။

အိန္ဒိယအစိုးရက ပြည်ပမှ ပဲတင်သွင်းမှု ကန့်သတ်ရခြင်းသည် အိန္ဒိယနိုင်ငံအတွင်း လယ်သမားများ၏ ဆန္ဒပြတောင်းဆိုမှုများ ကြောင့်ဖြစ်သည်။ အိန္ဒိယနိုင်ငံတွင် ယခုနှစ် မိုးပဲစိုက်ပျိုးချိန်က စတင်၍ ပဲစင်းငုံ၊ မတ်ပဲဈေးနှုန်း များ ကျဆင်းခဲ့သဖြင့် တောင်သူလယ်သမားများက အစိုးရကို ဆန္ဒ ပြခဲ့ကြသည်။ ထို့ကြောင့် မိုဒီအစိုးရသည် အကျပ်အတည်းဖြစ်ခဲ့ပြီး ကျဆင်းနေသည့် ဈေးနှုန်းပြန်လည်မြင့်တက်ရေး ပြည်ပမှ ပဲတင်သွင်းမှုကန့်သတ်ရန် ရှော်ခ်ရိုက် ခြင်းဖြင့် ကုစားခဲ့သည်။


ပဲမျိုးစုံကို ဈေးကွက်တွင် ခင်းကျင်းထားစဉ် (ဓာတ်ပုံ-စိုင်းဇော်)

‘‘ခံရတာတော့ အတော်နာတယ်ကွာ။ ပြန်ကာဖို့တော့ စဉ်းစားနေတယ်’’ ဟု မကွေးတိုင်းမှ ပဲသိုလှောင်သည့် ကုန်သည်ဦးပြူးက ပြောသည်။

၂၀၁၆ နှစ်ကုန် ၂၀၁၇ နှစ်ဆန်းပိုင်း ပဲစင်းငုံပေါ်ချိန်က တစ်တန်လျှင် ကျပ်ခုနစ်သိန်းဖြင့် ပဲတန်ချိန် ၁,၅၀၀  ဝယ်ယူလှောင်ခဲ့သော ဦးပြူးသည် လက်ရှိပဲဈေးကွက်အရ ကျပ်သိန်း ၄,၀၀၀ ခန့် အရှုံးပြနေသည်ဟု ဆိုသည်။ ငွေကြေး အရင်းအနှီးရှိသော ကုန်သည်တစ်ဦးဖြစ်ခြင်းကြောင့် ပဲစင်းငုံတွင် အရှုံးပေါ်နေသည်ကို ပြန်လည်ကုစားရန် မတ်ပဲပေါ်ချိန်တွင် ဝယ်ယူသိုလှောင်မည်ဟု ဆိုသည်။

ယနေ့ ပြည်တွင်းဈေးကွက်တွင်  မတ်ပဲနှင့် ပဲစင်းငုံဈေးနှုန်းသည် ပဲသိုလှောင်သည့် ကုန်သည် ပွဲစားများအတွက် တစ်တန်လျှင် ၄၀ ရာခိုင်နှုန်းခန့် ငွေကြေးတန်ဖိုး ဆုံးရှုံးနေကြာင်း ကျောက်ပန်း တောင်းမြို့နယ်မှ ပဲကုန်သည်တစ် ဦးက ပြောသည်။

အိန္ဒိယနိုင်ငံ၏ ပဲတင်သွင်းမှု ကန့်သတ်ချက်ကို ဖြေလျှော့နိုုင်မည်ဟု မြန်မာကုန်သည်များ မျှော်လင့်ခဲ့သော်လည်း အိန္ဒိယဝန်ကြီးချုပ်မိုဒီ၏ တုံ့ပြန်မှုကလည်းအားရစရာ မရှိခဲ့ပေ။ ထို့ကြောင့် ပဲလောက၏ အိပ်မက်ဆိုးကို နိုးထရန် အစိုးရနှင့် အသင်းအဖွဲ့များ၏ တိကျသော မူဝါဒလမ်းညွှန်ချက်များကို ပဲလောကသားများက စောင့်မျှော်နေကြသည်။

ထို့အပြင် ယခုမှ အခြားသီးနှံတစ်မျိုး ပြန်စိုက်ရန်မှာလည်း ယခုရာသီချိန်အတွက် နီးကပ်လွန်းနေ၍ မျိုးရရေး မလွယ်ကူပေ။

မတ်ပဲအစား အခြားသီးနှံ ပြောင်းလဲစိုက်ပျိုးရမည်ဆိုပါက ရေမြေအခြေအနေနှင့် ကိုက်ညီ ပြီး ဈေးကွက်ဝင်သည့် သီးနှံမျိုး လယ်သမားတစ်ဦးအနေဖြင့် စိုက်ပျိုးလိုကြောင်း ပဲခူးတိုင်း ကဝမြို့နယ်မှ လယ်သမားတစ်ဦးကသူ၏ ဆန္ဒကို ထုတ်ဖော်ပြောလာသည်။

‘‘မတ်ပဲစိုက်နေကျဆိုတော့ တခြားသီးနှံပြောင်းဖို့ဆိုရင် မျိုးက မလွယ်ဘူး။ အချိန်ကလည်း အရမ်းကပ်နေပြီ’’ဟု ဓနုဖြူမြို့နယ်မှ လယ် ၁၀ ဧကခန့် စိုက်ပျိုးသည့် လယ်သမား ဦးထင်အောင်ကပြောသည်။

ပဲစင်းငုံကို မိုးရာသီတွင် အများဆုံးစိုက်ပျိုးပြီး မတ်ပဲကို မိုးစပါးအပြီး ဆောင်းသီးနှံအဖြစ် တောင်သူလယ်သမားများက စိုက်ပျိုးသည်။ မြန်မာနိုင်ငံတွင် ပဲစင်းငုံစိုက်ဧက ၂ ဒသမ ၅ သန်းကျော် နှင့် မတ်ပဲစိုက်ဧက ၂ ဒသမ  ၆ သန်းကျော်ရှိနေသည်။

‘‘ဒီဘက်မှာက စပါးပြီးရင် မတ်ပဲပဲစိုက်တာလေ။ တခြားဟာ ပြောင်းစိုက်ဖို့က မလွယ်ဘူး’’ဟု ဟင်္သာတမြို့နယ်မှ ပဲစိုက်ပျိုးသည့် တောင်သူဒေါ်မြမြသိန်းက ပြောပြသည်။


အခြားသီးနှံပြောင်း၍ စိုက်ပျိုးရန် တောင်သူဦးနေလင်း၏ ပဲစင်းငုံခင်းကို ဖျက်ဆီးနေစဉ် (ဓာတ်ပုံ−မိုးသက်တင်အောင်ဖေ့စ်ဘွတ်ခ်)

မတ်ပဲစိုက်ပျိုးရန် အချိန်နှစ် လခန့်လိုသည်အထိ အစိုးရမှလမ်းညွှန်ပေးမှု မရှိသေးခြင်းကြောင့် လောလောဆယ် စောင့်ကြည့်နေသည့်အဆင့်တွင်သာရှိကြောင်း ဇလွန်မြို့နယ်မှ လယ်သမား ဦးသန်းထွန်းက ပြောသည်။

အိန္ဒိယအစိုးရ၏ ကန့်သတ်ချက်ကို ကျော်လွှားနိုင်ရန် မတ်ပဲအစား အခြားသီးနှံများပြောင်းလဲ စိုက်ပျိုးရေးသည် လက်ရှိအချိန်တွင် တောင်သူများအတွက် စိန်ခေါ်မှုတစ်ခုဖြစ်နေသည်ဟု ဟင်္သာတမြို့မှ ပဲကုန်သည်တစ်ဦးက ပြောသည်။

ရေမြေရာသီဥတုနှင့် ဈေးကွက်ဝင်သီးနှံများကို ပြောင်းလဲပြီး ရွေးချယ်စိုက်ပျိုးရန် မျိုးစေ့ရရှိမှု အခက်အခဲ၊ ရင်းနှီးမြှုပ်နှံမှု ငွေ ကြေးလိုအပ်ချက်စသော အတားအဆီးများကို တောင်သူများ ရင်ဆိုင်ရမည်ဟု အထက်ပါပုဂ္ဂိုလ်က လက်ရှိအခြေအနေကို ရှင်းပြသည်။

မိုးစပါးပြီးလျှင် မတ်ပဲကို အများဆုံးစိုက်ပျိုးသည့် ဧရာဝတီတိုင်းတွင် ယခုနှစ်အတွက် မတ်ပဲအစား ရေတင်စိုက်ပျိုးနိုင်သည့် ဒေသများ၌ နွေစပါးကို အစားထိုး စိုက်ပျိုးရန် စိုက်ပျိုးရေးပညာရှင် ဦးတင်ထွဋ်ဦးက အကြံပြုသည်။

ပြည်ပသို့ ဆန်တင်ပို့မှုသည် ယခုဘဏ္ဍာနှစ်ငါးလကျော်အတွင်း တန်ချိန် ၁ ဒသမ ၂ သန်းရှိ ပြီး ဘဏ္ဍာနှစ်ကုန်ပါက တန်ချိန် နှစ်သန်းကျော်နိုင်သည်။ ထိုသု့ိ တင်ပို့နိုင်ပါက ပြည်တွင်း၌ သိုလှောင်ထားသော ဆန်တန်ချိန် ပမာဏနည်းပါးသဖြင့် လာမည့် နှစ်တွင် ဆန်ဈေးနှုန်းမြင့်တက်နိုင်သည်ဟု ဦးတင်ထွဋ်ဦးက ခန့်မှန်းသည်။ ထို့ကြောင့် ရေတင်ရရှိနိုင်သော ဒေသများတွင် မတ်ပဲအစား နွေစပါးကို ပြောင်းလဲစိုက်ပျိုးရန် အကြံပြုခြင်းဖြစ်သည်ဟု ၎င်းက ရှင်းပြသည်။

‘‘စိုက်ပျိုးရေးမှာ အဓိက ပြဿနာက မျိုးပြောင်းတာ ချက်ချင်းမရဘူး။ မျိုးရဖို့က ခက်တယ်။ စပါးမျိုးက သိပ်ပြဿနာမရှိဘူး’’ ဟု စိုက်ပျိုးရေးပညာရှင် ဦးတင်ထွဋ်ဦးက ပြောသည်။

ရေတင်၍ နွေစပါးကို ပြောင်းလဲစိုက်ပျိုးနိုင်ရန် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက ရေစီးရေလာကောင်းရန် မြောင်းများ ရှင်းလင်းပေးခြင်း၊ ရေစုပ်စက်များ အလွယ်တကူငှားရမ်းရရှိနိုင်ရန် ဆောင်ရွက်ပေးသင့် သည်ဟု ၎င်းကအကြံပြုသည်။

 ‘‘မတ်ပဲစိုက်မယ့်နေရာမှ နွေစပါး ပြောင်းစိုက်မယ်ဆိုရင် စဉ်းစားစရာတွေ အများကြီးရှိပါတယ်’’ ဟု စိုက်ပျိုးရေး၊ မွေးမြူရေး နှင့် ဆည်မြောင်းဝန်ကြီးဌာန ညွှန်ကြားရေးမှူးချုပ်ဦးရဲတင့်ထွန်းက ပြောသည်။

နွေစပါးစိုက်ပျိုးလျှင် ရေရရှိပါကလည်း လုပ်သားရှားပါးမှု ပြဿနာများရှိနေခြင်း၊ မျိုးစေ့ရရှိ ရန် အခက်အခဲ၊ စိုက်ပျိုးရေးနည်းပညာစသော အခက်အခဲများရှိကြောင်းကို ဦးရဲတင်ထွန်းက ပြော သည်။

 နွေစပါးစိုက်ပျိုးချိန်သည် ဟင်းသီးဟင်းရွက်နှင့်  ဥယျာဉ်ခြံ အတွက် အလုပ်သမား လိုအပ်ချက်များရှိခြင်းကြောင့် နွေစပါးစိုက်ပျိုးရန် အလုပ်သမားရှားပါးမှုလည်း ကြုံတွေ့နိုင်သည်ဟု ၎င်းက ဆိုသည်။

ထို့အပြင် မတ်ပဲအစားထိုးသီးနှံအဖြစ်ပြည်ပမှမျိုးတင်သွင်းပြီး ဆီထွက်သီးနှံဖြစ်သော နေကြာကို အစားထိုးစိုက်ပျိုးရန် စိုက်ပျိုးရေးပညာရှင် ဦးတင်ထွဋ်ဦးက အကြံပြုသည်။ ထို့အတူ ဦးရဲတင့် ထွန်းကလည်း နေကြာ၊ မြေပဲနှင့် နှမ်းများကို အစားထိုးစိုက်ပျိုးရန် အကြံပြုသည်။ ဆီထွက်သီးနှံများ စိုက်ပျိုးမည်ဆိုပါက ရာသီဥတု စိန်ခေါ်မှုကိုလည်း သတိထားရန် အထက်ပါ ပုဂ္ဂိုလ်နှစ်ဦးက ဆိုသည်။

‘‘ဆီထွက်သီးနှံစိုက်ပျိုးရေး ဦးစားပေးမယ်ဆိုရင် စားအုန်းဆီတင်သွင်းနေမှုနဲ့ပတ်သက်ပြီး သွင်းကုန်မူဝါဒကို ပြန်စဉ်းစားဖို့လိုတယ်’’ဟု တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွားမြှင့်တင်ရေးဦးဆောင် အဖွဲ့ဝင်ဦးရဲမင်းအောင်က အကြံပြုပြောကြားသည်။

မတ်ပဲ၊ ပဲစင်းငုံအစား အခြားသီးနှံများ ပြောင်းလဲစိုက်ပျိုးမည် ဆိုပါက ပဲအဓိက စိုက်ပျိုးသည့် ဧရာဝတီတိုင်း၊ ပဲခူးတိုင်း၊ မကွေး တိုင်း၊ စစ်ကိုင်းတိုင်းတို့ရှိ မြို့နယ်များတွင် တောင်သူလယ်သမား ပညာပေးပွဲများ ပြုလုပ်သင့်သည် ဟုလည်း အထက်ပါပုဂ္ဂိုလ်ကအ ကြံပြုသည်။

 လက်ကျန်ပဲများအတွက်လည်း ဈေးကွက်များရှာဖွေရန် ဝန်ကြီးဌာနမှ ဒုတိယဝန်ကြီးအဆင့် ဦးဆောင်၍ အိန္ဒိယနိုင်ငံသို့ စီးပွားရေးအဖွဲ့များ စေလွှတ်ခြင်း၊ ပဲပို့ ကုန်များတိုးမြှင့်နိုင်ရန် မတ်ပဲ၊ ပဲစဉ်းငုံ ပြည်ပတင်ပို့မှုတွင် ဝင်ငွေ ခွန်ကဲ့သို့ အခွန်ကင်းလွတ်ခွင့် မက်လုံးဖြင့် ဆွဲဆောင်မှုများလည်း ပြုလုပ်သင့်သည်ဟု ဦးရဲမင်းအောင်က အကြံပြုသည်။

မတ်ပဲနှင့် ပဲစင်းငုံစိုက်ပျိုး ခြင်းမှ ပြောင်းလဲရန် စဉ်းစားလာချိန်တွင် အိန္ဒိယနိုင်ငံအပါအဝင် နိုင်ငံတကာဈေးကွက်သို့ မြန်မာ နိုင်ငံက ပဲမျိုးစုံတိုးချဲ့တင်ပို့နိုင်ရေး အစိုးရ၊ ပုဂ္ဂလိကလုပ်ငန်းရှင်များနှင့် ပညာရှင်များပါဝင်သော ပဲမျိုးစုံတင်ပို့မှုဆိုင်ရာ ပေါင်းစပ် ညှိနှိုင်းရေး အထူးလုပ်ငန်းအဖွဲ့ ဖွဲ့စည်းခဲ့သည်။

အဆိုပါအဖွဲ့အနေဖြင့် အိန္ဒိယနိုင်ငံသို့ ပဲဆက်လက်တင်ပို့နိုင် ရေးညှိနှိုင်းဆွေးနွေးရန်၊ အိန္ဒိယ ဈေးကွက်အပါအဝင် အခြားဈေးကွက်များကို တိုးချဲ့ရှာဖွေရန်၊ ပြည်တွင်းထုတ်လုပ်မှုတွင် လက်ရှိ ပဲများနေရာ၌ အခြားသီးနှံအစား ထိုးစိုက်ပျိုးရန်လေ့လာခြင်း၊ ပြည်တွင်း၌ ယခုထက်ပို၍ ပဲစားသုံးမှု တိုးမြှင့်နိုင်ရန် ပညာပေးလုပ်ငန်းများလုပ်ကိုင်ခြင်း၊ တိုင်းနှင့်ပြည်နယ်အစိုးရများနှင့် အခြားဝန်ကြီးဌာနများ ပေါင်းစပ်ညှိနှိုင်းပြီးအထက်ပါလုပ်ငန်းစဉ်များ ဆောင် ရွက်ရန် အခြေခံမူငါးချက်ချမှတ်ထားသည်ဟု အဖွဲ့ခေါင်းဆောင် ဦးတိုးအောင်မြင့်က ပြောသည်။

ပဲမျိုးစုံပြည်ပဈေးကွက်သည် အိန္ဒိယတစ်နိုင်ငံသာ အဓိက မှီခိုထားခြင်းက အကျပ်အတည်း ကြုံရချိန်တွင် ဖြေရှင်းရန် ခက်ခဲပြီး စိန်ခေါ်မှုများနှင့် ရင်ဆိုင်နေသည်။ ထို့ကြောင့် နိုင်ငံ့စီးပွားရေးကို ပြည်ပတစ်နိုင်ငံတည်းအပေါ်တွင်သာ မှီခိုခြင်းအပေါ် ယခုဖြစ်စဉ်က သတိပြုရန် မီးမောင်းထိုးပြခြင်း ဖြစ်သည်။

ပဲမျိုးစုံ တင်ပို့မှုဆိုင်ရာပေါင်းစပ်ညှိနှိုင်းရေး အထူးလုပ်ငန်းအဖွဲ့၏ ဆောင်ရွက်ချက်များသည် လက်ရှိအချိန်တွင် နှေးကွေးနေခြင်းကြောင့် အရှိန်အဟုန်မြှင့် ဆောင်ရွက်ရန် ပဲကုန်သည်အချို့က ဆန္ဒရှိသည်။ ထို့ကြောင့် အထူး လုပ်ငန်းအဖွဲ့အနေဖြင့် အထက်ပါအချက်ငါးချက် အမြန်ဆုံးအကောင်အထည်ဖော်ပေးရန် ၎င်းတို့က ပြောသည်။


မတ်ပဲပင်များကို နေလှန်းပြီးနောက် သန့်စင်နေသော တောင်သူအချို့ကို တွေ့ရစဉ် (ဓာတ်ပုံ−စိုင်းဇော်)

အိန္ဒိယနိုင်ငံသို့ ပဲဆက်လက် တင်ပို့နိုင်ရေး ညှိနှိုင်းဆွေးနွေးရန် စီးပွားရေးနှင့် ကူးသန်းရောင်းဝယ် ရေးဝန်ကြီးဌာနက ဆက်လက် ဆောင်ရွက်နေကြောင်း အဆိုပါ ဝန်ကြီးဌာနလက်ထောက်အတွင်း ဝန်ဦးခင်မောင်လွင်က ရှင်းပြ သည်။

ပြည်တွင်း၌ ပဲစားသုံးမှုမြှင့်တင်ရေး စာသင်ကျောင်းများတွင် ပညာပေးရေးလုပ်ငန်းများ၊ တပ်မ တော်၊ ရဲတပ်ရင်းတပ်ဖွဲ့၊ အကျဉ်းဦးစီးဌာနတို့တွင်လည်း မတ်ပဲနှင့် ပဲစင်းငုံအစားထိုးပိုမိုစားသုံးရန် ပညာပေးဆွဲဆောင်မှုများပြုလုပ် သင့်သည်ဟု စိုက်ပျိုးရေး၊ မွေးမြူ ရေးနှင့် ဆည်မြောင်းဝန်ကြီးဌာန ညွှန်ကြားရေးမှူးချုပ် ဦးရဲတင့် ထွန်းက ပြောသည်။

ပြည်တွင်း၌ မတ်ပဲ၊ ပဲစင်းငုံ လက်ကျန်တန်ချိန် လေးသိန်းခန့် ကျန်ရှိနေခြင်းကြောင့် ပြည်တွင်း ဈေးကွက်တည်ငြိမ်မှုရှိစေရန် စီးပွားရေးနှင့် ကူးသန်းရောင်းဝယ် ရေးဝန်ကြီးဌာနက ပြည်ပမှ ပဲမျိုးစုံတင်သွင်းခြင်းကို စက်တင်ဘာ ၁၅ ရက်က စ၍ ရပ်ဆိုင်းခဲ့သည်။

ပြည်တွင်းပဲဈေးနှုန်းထက် သက်သာသဖြင့် ကြာဆံလုပ်ငန်းအတွက် ကုန်ကြမ်းအဖြစ် ကနေဒါ နိုင်ငံ အပါအဝင် ပြည်ပမှပဲတင်သွင်းခြင်းကို ခွင့်ပြုထားခြင်းကို ယာယီရပ်ဆိုင်လိုက်ခြင်း ဖြစ်သည်။ ထိုသို့ ရပ်ဆိုင်းခြင်းက လက်ရှိပြည်တွင်း၌ ကြုံတွေ့နေရသည့် ပဲလောက အကျပ်အတည်းအတွက် အထောက်အကူအနည်းငယ် ဖြစ်နိုင်သည်ဟုလည်း ပဲကုန်သည်အချို့ကပြောသည်။

သဘာဝဓာတ်ငွေ့ ပြည်ပတင်ပို့မှုမှ ဝင်ငွေလျော့နည်းချိန်တွင် ပဲမျိုးစုုံတင်ပို့မှုကလည်း လျော့ကျလာမည်ဆိုပါက နိုင်ငံစီးပွားရေးတွင် စိုးရိမ်စရာဖြစ်လာသည်ဟု မြန်မာနိုင်ငံကုန်သည်များ နှင့် စက်မှုလက်မှုလုပ်ငန်းရှင်များ အသင်းချုပ်ဒုတိယဥက္ကဋ္ဌဦးရဲမင်း အောင်က သူ၏အမြင်ကို ပြောသည်။

မြန်မာနိုင်ငံ၏ ပြည်ပပို့ကုန်ပမာဏ၏ ၁၀ ရာခိုင်နှုန်းခန့်ရှိပြီး တစ်နှစ်လျှင် ကန်ဒေါ်လာ တစ်ဘီလီယံကျော်ဝင်ငွေရရှိသည့် ပဲမျိုးစုံပြည်ပတင်ပို့မှုက အိန္ဒိယအစိုးရ၏ ကန့်သတ်ချက်ကြောင့် ပြည်ပဝင်ငွေ ထိခိုက်လာစေမည်ဖြစ် သည်။

ဩဂုတ် ၂၉ ရက်က အစိုးရ နှင့်ပုဂ္ဂလိကပဲကုန်သည်များစုပေါင်း၍ ကျပ် ၁၀၀ ဘီလီယံကို ရန်ပုံငွေထူထောင်ကာ မတ်ပဲနှင့် ပဲစင်းငုံကို ဈေးသတ်မှတ်ဝယ်ယူရန်စီစဉ်ခဲ့သည်။

ပြည်တွင်းပဲလုပ်ငန်းရှင်အချို့ မျှော်လင့်သကဲ့သို့ပင် နှစ်နိုင်ငံ ပြည်သူများ၏ အကျိုးစီးပွားကို ကာကွယ်စောင့်ရှောက်နိုင်မည့် ရေရှည်အစီအမံများ ချမှတ် ဆောင်ရွက်ရန် အရေးကြီးကြောင်း နိုင်ငံတော်၏အတိုင်ပင်ခံပုဂ္ဂိုလ် နှင့်တွေ့ဆုံစဉ် အိန္ဒိယဝန်ကြီးချုပ်က မရေရာသည့်အဖြေကိုသာ ပြန်ပေးခဲ့သည်။

အိန္ဒိယဝန်ကြီးချုပ်က ဖြေလျှော့မှုကိုတိကျစွာ မပြောခဲ့ခြင်းကြောင့် အသစ်ထွက်ရှိလာသည့်ပဲများကို အစိုးရက အခြေခံဈေး နှုန်းသတ်မှတ်၍ ဝယ်ယူပေးမည်ဟု စီးပွားရေးနှင့်ကူးသန်းရောင်း ဝယ်ရေးဝန်ကြီးဌာန ပြည်ထောင်စု ဝန်ကြီး ဦးသန်းမြင့်က ပြောကြား ထားသည်။

မိုဒီ၏ အဖြေကိုမျှော်လင့်နေသည့် မြန်မာ့ပဲလောကသည် လက်ရှိအချိန်တွင် အနာဂတ်မှုန်ဝါးနေသည်။ တောင်သူလယ်သမားများကလည်း မည်သည့်သီး နှံစိုက်ပျိုးရမည်ကို မေးခွန်းထုတ်နေသကဲ့သို့ ပဲလုပ်ငန်းရှင်များက လည်း ဈေးကွက်အသစ်များ တိုး မြှင့်ရှာဖွေနိုင်ရန် အစိုးရကို တိုက်တွန်းနေသည်။

ထိုအခြေအနေတွင်ကျောက်ပန်းတောင်းမြို့နယ်မှ တောင်သူ ဦးနေလင်းက ‘‘တောင်သူတွေကို လှည့်ကြည့်ပါဦး၊ ဘာမှလုပ်စားလို့ မရတော့ဘူး’’ ဟု အမှာစကားပါးသည်။  ။


ဖိုးသူတော် (www.phothutaw.com)
Credit: 7Day Daily
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top