ကန္ေတာ္ၾကီးအနီး ႏိုင္ငံတကာအဆင့္မီ Royal Garden View ကြန္ဒို အထူးအေရာင္းျပပြဲ
×

မဟာေဇယ် သူရသခၤယာဘြဲ႔ခံ နာခံေတာ္ ဦးေပၚဦး နဲ႔ ပတ္သတ္ရင္ ရယ္စရာေလွ်ာက္ထုံးေတြကုိပဲ အၿမဲၾကားရ ဖတ္ရလ့ရွိပါတယ္။ တကယ္ေတာ့ ဦးေပၚဦးဟာ ညီလာခံမွာ မ်ားေသာအားျဖင့္ အတည္အခန္႔စကားေတြကုိသာေျပာတတ္ၿပီး မင္း ၊ မိဖုရား အနည္းငယ္ရွိတဲ့ အတြင္းေတာ္မွာပဲ ရယ္စရာေတြကုိ ေျပာတတ္ေလ့ ရွိပါတယ္။ အခုတစ္ခါေျပာတာလည္း အတြင္းေတာ္မွာပဲ ျဖစ္ပါတယ္။

တစ္ခါကလည္း ဘုိးေတာ္ဘုရားဟာ ေမးတုိင္းေျဖႏုိင္ေနတဲ့အတြက္ မေျဖႏုိင္တဲ့ ကပ္သီးကပ္ဖဲ့ေမးခြန္းတစ္ခုေတာ့ ေမးဦးမွ ဆုိတာ အနားမွာရွိေနတဲ့ မဟာဒါန္၀န္ကုိ ငဲ့ၾကည့္ၿပီး ဦးေပၚဦးကုိ ေမးေတာ္မူပါတယ္။
“ဟဲ့ ေပၚဦး ၊ ဟိုးေရွးေရွးက ဘုရင္မင္းျမတ္မ်ားဟာ ျမတ္စြာဘုရား ဆင္းတုေတာ္မ်ားထုလုပ္ကုိး ကြယ္တဲ့အခါမွာ ငါေတြ႔ဖူးသေလာက္ေတာ့ ေရႊ၊ ေငြ ၊ ေၾကး၀ါ ၊ သစ္သား ၊ အဂၤေတပဲ ဟဲ့။ သံနဲ႔ သြန္းလုပ္ကိုးကြယ္တဲ့ ေစတီရုပ္ပြားေတာ္ရယ္လုိ႔ ကိုယ္ေတာ္ေတာ့ မၾကားဖူးဘူး ၊ ေမာင္မင္းေရာ ၾကားဖူးသလားဟဲ့”
“ဘယ္စာေပ ၊ ဘယ္ပုရပုိက္ မွာမွ မေတြ႔ဖူး မၾကားဖူးပါ ဘုရား”

ဘုိးေတာ္ဘုရားက ထပ္မိန္႔တယ္။
“သုိ႔ပါလ်က္ ကုိယ္ေတာ္ျမတ္ နန္းေတာ္ရာကြ်န္းအရပ္မွာ တည္ထားတဲ့ ေကာင္းမႈေတြထဲမွာ သံနဲ႔ သြန္းလုပ္တဲ့ ရုပ္ပြားေတာ္ ပါေနတယ္ဟဲ့”
“ကြ်န္ေတာ္မ်ဳိး အသိျဖစ္ေၾကာင္းပါ ဘုရား”
” ဒါ လုပ္ေကာင္းရဲ႕လားဟဲ့”
“ေလွ်ာ္ကန္သင့္ျမတ္ေၾကာင္းပါ ဘုရား” ၊ ဘုရင္က စိတ္ပ်က္ဟန္ျဖင့္ ေခါင္းခါပါတယ္။
“ေမာင္မင္းကုိ ၾကည့္ရတာ မင္းႀကဳိက္ေဆာင္တဲ့ ကပ္ပါး အမတ္နဲ႔ တူပါတယ္။ ပညာရွိ အမတ္နဲ႔ မတူဘူး ”

“မွန္လွပါ … သံျဖင့္ သြန္းလုပ္ျခင္းဟာ သီဟုိရ္နမကၠာရႀကီးဘုရား ရွိခုိး ႏွင့္ ကုိက္ညီတဲ့အတြက္ ေလွ်ာ္ကန္သင့္ျမတ္တယ္လုိ႔ ေလွ်ာက္တင္ရျခင္းပါ ”
“တင္စမ္းဟဲ့ ၊ နင့္သီဟုိရၤနမကၠာႀကီးကုိ”
” မွန္လွပါ ၊ ဘုရားရွိခုိးထဲမွာ သံဗုေဒၶ အဌ၀ီသဥၥ လုိ႔ပဲ ပါပါတယ္ဘုရား ၊ ေၾကးဗုဒၶအဌ၀ီသဥၥ လုိ႔ မပါေၾကာင္းပါဘုရား”
ဒီအခါမွာ ဘုရင္ က သေဘာက်ၿပီး ႀကံႀကံဖန္ဖန္ေလွ်ာက္တန္ပါေပတယ္ ဆုိတဲ့သေဘာနဲ႔ ၿပဳံးေတာ္မူပါတယ္။ ဘုရင္ၿပဳံးတဲ့အခါ မွ မဟာဒါန္၀န္ အပါအ၀င္က်န္ ပုဂၢဳိလ္ေတြက ‘ဟုတ္ေပတယ္’ လုိ႔ ရယ္သံစြက္ၿပီး ေထာက္ခံၾကပါေတာ့တယ္။

Ref; ဦးေပၚဦးရဲ႕ စကားအလကၤာ

ဖိုးသူေတာ္ (www.phothutaw.com)
Credit: Thutazone

#Unicode Version#
မဟာဇေယျ သူရသင်္ခယာဘွဲ့ခံ နာခံတော် ဦးပေါ်ဦး နဲ့ ပတ်သတ်ရင် ရယ်စရာလျှောက်ထုံးတွေကိုပဲ အမြဲကြားရ ဖတ်ရလ့ရှိပါတယ်။ တကယ်တော့ ဦးပေါ်ဦးဟာ ညီလာခံမှာ များသောအားဖြင့် အတည်အခန့်စကားတွေကိုသာပြောတတ်ပြီး မင်း ၊ မိဖုရား အနည်းငယ်ရှိတဲ့ အတွင်းတော်မှာပဲ ရယ်စရာတွေကို ပြောတတ်လေ့ ရှိပါတယ်။ အခုတစ်ခါပြောတာလည်း အတွင်းတော်မှာပဲ ဖြစ်ပါတယ်။

တစ်ခါကလည်း ဘိုးတော်ဘုရားဟာ မေးတိုင်းဖြေနိုင်နေတဲ့အတွက် မဖြေနိုင်တဲ့ ကပ်သီးကပ်ဖဲ့မေးခွန်းတစ်ခုတော့ မေးဦးမှ ဆိုတာ အနားမှာရှိနေတဲ့ မဟာဒါန်ဝန်ကို ငဲ့ကြည့်ပြီး ဦးပေါ်ဦးကို မေးတော်မူပါတယ်။
“ဟဲ့ ပေါ်ဦး ၊ ဟိုးရှေးရှေးက ဘုရင်မင်းမြတ်များဟာ မြတ်စွာဘုရား ဆင်းတုတော်များထုလုပ်ကိုး ကွယ်တဲ့အခါမှာ ငါတွေ့ဖူးသလောက်တော့ ရွှေ၊ ငွေ ၊ ကြေးဝါ ၊ သစ်သား ၊ အင်္ဂတေပဲ ဟဲ့။ သံနဲ့ သွန်းလုပ်ကိုးကွယ်တဲ့ စေတီရုပ်ပွားတော်ရယ်လို့ ကိုယ်တော်တော့ မကြားဖူးဘူး ၊ မောင်မင်းရော ကြားဖူးသလားဟဲ့”
“ဘယ်စာပေ ၊ ဘယ်ပုရပိုက် မှာမှ မတွေ့ဖူး မကြားဖူးပါ ဘုရား”

ဘိုးတော်ဘုရားက ထပ်မိန့်တယ်။
“သို့ပါလျက် ကိုယ်တော်မြတ် နန်းတော်ရာကျွန်းအရပ်မှာ တည်ထားတဲ့ ကောင်းမှုတွေထဲမှာ သံနဲ့ သွန်းလုပ်တဲ့ ရုပ်ပွားတော် ပါနေတယ်ဟဲ့”
“ကျွန်တော်မျိုး အသိဖြစ်ကြောင်းပါ ဘုရား”
” ဒါ လုပ်ကောင်းရဲ့လားဟဲ့”
“လျှော်ကန်သင့်မြတ်ကြောင်းပါ ဘုရား” ၊ ဘုရင်က စိတ်ပျက်ဟန်ဖြင့် ခေါင်းခါပါတယ်။
“မောင်မင်းကို ကြည့်ရတာ မင်းကြိုက်ဆောင်တဲ့ ကပ်ပါး အမတ်နဲ့ တူပါတယ်။ ပညာရှိ အမတ်နဲ့ မတူဘူး ”

“မှန်လှပါ … သံဖြင့် သွန်းလုပ်ခြင်းဟာ သီဟိုရ်နမက္ကာရကြီးဘုရား ရှိခိုး နှင့် ကိုက်ညီတဲ့အတွက် လျှော်ကန်သင့်မြတ်တယ်လို့ လျှောက်တင်ရခြင်းပါ ”
“တင်စမ်းဟဲ့ ၊ နင့်သီဟိုင်္ရနမက္ကာကြီးကို”
” မှန်လှပါ ၊ ဘုရားရှိခိုးထဲမှာ သံဗုဒ္ဓေ အဌဝီသဉ္စ လို့ပဲ ပါပါတယ်ဘုရား ၊ ကြေးဗုဒ္ဓအဌဝီသဉ္စ လို့ မပါကြောင်းပါဘုရား”
ဒီအခါမှာ ဘုရင် က သဘောကျပြီး ကြံကြံဖန်ဖန်လျှောက်တန်ပါပေတယ် ဆိုတဲ့သဘောနဲ့ ပြုံးတော်မူပါတယ်။ ဘုရင်ပြုံးတဲ့အခါ မှ မဟာဒါန်ဝန် အပါအဝင်ကျန် ပုဂ္ဂိုလ်တွေက ‘ဟုတ်ပေတယ်’ လို့ ရယ်သံစွက်ပြီး ထောက်ခံကြပါတော့တယ်။

Ref; ဦးပေါ်ဦးရဲ့ စကားအလင်္ကာ


ဖိုးသူတော် (www.phothutaw.com)
Credit: Thutazone
 
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top