Property Expo
×

တစ္ေန႔လံုးနီးပါ ငုတ္တုတ္ထိုင္ အလုပ္လုပ္ေနရတဲ့ ရံုး၀န္ထမ္းေတြအေနနဲ႔ တစ္ေန႔ကို ၂ နာရီ ခန္႔ က်န္းမာေရးအတြက္ မတ္တတ္ ရပ္ေပးသင့္တယ္လို႔ တရား၀င္ သတိေပးခ်က္ေတြ အရ သိရပါတယ္။

ဆရာ၀န္ေတြရဲ႕ ေျပာၾကားခ်က္အရေတာ့ တစ္ေနကုန္ ထုိင္ေနရျခင္းဟာ အ၀လြန္ျခင္း ၊ ကင္ဆာ နဲ႔ ဆီးခ်ိဳ၊ ေသြးခ်ိဳ ေရာဂါေတြလို အႏၱရာယ္မ်ားတဲ့ ေရာဂါ ေတြ ျဖစ္လာႏိုင္တယ္လို႔ သိရပါတယ္။ ဒါ့အျပင္ ေက်ာ ၊ လည္ပင္း နဲ႔ ၾကြက္သား နာက်င္ျခင္း တို႔ကိုလည္း ျဖစ္ေပၚေစႏိုင္ပါတယ္။

အဂၤလန္ ျပည္သူ႔ က်န္းမာေရး ဌာန က ကၽြမ္းက်င္သူေတြ ဟာ ထို ျပသနာ ကို ရင္ဆိုင္ဖို႔အတြက္ ပထမဆံုး ညႊန္ၾကားခ်က္ေတြ ထုတ္ျပန္လိုက္ပါတယ္။

လုပ္ငန္းရွင္ေတြအေနနဲ႔ မိမိတို႕ရဲ႕ ၀န္ထမ္းေတြကို ေန႔စဥ္ အလုပ္ခ်ိန္အတြင္း မတ္တပ္ရပ္ ခ်ိန္ ၂ နာရီ ခန္႔ သတ္မွတ္ေပးထားသင့္ၿပီး အမ်ားဆံုး ၄ နာရီေလာက္ထိ ခြင့္ျပဳေပးထားသင့္ပါတယ္။ ဒါ့အျပင္ ရံုးေတြမွာလည္း ၀န္ထမ္းေတြ မတ္တပ္ရပ္ အလုပ္လုပ္ႏိုင္ဖို႔အတြက္ စားပြဲ ခံု အရွည္ေတြကို ထားေပးသင့္သလို ၀န္ထမ္းေတြအေနနဲ႔ အခ်ိန္ၾကာ ထိုင္ၿပီး အလုပ္လုပ္ေနရာကေန မတ္တပ္ထၿပီး ရံုး တစ္ပတ္ ေလာက္ လမ္းေလွ်ာက္ တာမ်ိဳး ေလာက္ေတာ့ လုပ္ေပးသင့္တယ္လို႔ ညႊန္ၾကားခ်က္ အရ သိရပါတယ္။

" ရံုးမွာ အလုပ္လုပ္ေနတဲ့သူေတြရဲ႕ အလုပ္ခ်ိန္ ၆၅ ရာခိုင္ႏႈန္းကေန ၇၅ ရာခိုင္ႏႈန္းက ထိုင္ေနရတာပါ။ သူတို႔ရဲ႕ ေန႔စဥ္အလုပ္ခ်ိန္မွာ ထိုင္ေနတဲ့ အခ်ိန္ဟာ ၅၀ ရာခိုင္ႏႈန္းေလာက္ပဲ ျဖစ္သင့္ပါတယ္။" လို႔ ထို ညႊန္ၾကားခ်က္ထုတ္ျပန္ေရးကို ဦးေဆာင္ေရးသားခဲ့တဲ့ ဆရာ၀န္ ကဆိုပါတယ္။

ဆရာ၀န္ေတြ ယံုၾကည္ထားတာကေတာ့ အဲဒီလို ၀န္ထမ္းေတြကို မတ္တပ္ရပ္ဖို႔ ညႊန္ၾကားေပးျခင္းဟာ သူတို႔ အတြက္ ေလ့က်င့္ခန္းေတြ လုပ္ျဖစ္သြားေစမယ့္ ပထမေျခလွမ္းပဲ ျဖစ္ပါတယ္တဲ့။ အမွန္တစ္ကယ္က တစ္ေနရာထဲမွာပဲ နာရီေပါင္းမ်ားစြာ မတ္တပ္ရပ္ေနျခင္းဟာလည္း အခ်ိန္ၾကာ ငုတ္တုတ္ထိုင္ေနျခင္းလိုပဲ မေကာင္းတဲ့ သက္ေရာက္မႈေတြ ျဖစ္ေပၚေစႏိုင္ပါတယ္။ ဒါေၾကာင့္မို႔ ရံုးတြင္းမွာ လမ္းေလွ်ာက္တာမ်ိဳး လုပ္ေပးဖို႔ ညႊန္ၾကားထားတာပဲျဖစ္ပါတယ္။

ထို အဂၤလန္ ျပည္သူ႔က်န္းမာေရး ဌာနရဲ႕ လက္ေထာက္ ဒါရိုက္တာ Dr Ann Hoskins ကေတာ့ လႈပ္ရွားေနျခင္းဟာ ရုပ္ပိုင္းဆိုင္ရာ အရေရာ စိတ္ပိုင္းဆိုင္ရာ အရပါ ေကာင္းမြန္တယ္လို႔ ဆိုပါတယ္။ အခ်ိန္မ်ားစြာ ထိုင္ေနျခင္းကေန ခဏေလာက္ ထၿပီး လႈပ္ရွားေပးျခင္းဟာ ႀကီးမားတဲ့ ေျပာင္းလဲမႈေတြ ျဖစ္လာေစႏိုင္ၿပီး ခ်မွတ္ေပးထားတဲ့ ညႊန္ၾကားခ်က္ ကိုလိုက္နာဖို႔လည္း Dr Hoskins က ဆိုပါတယ္။

ဖိုးသူေတာ္ (www.phothutaw.com)
Credit:Thithtoolwin

Unicode Version


တစ်နေ့လုံးနီးပါ ငုတ်တုတ်ထိုင် အလုပ်လုပ်နေရတဲ့ ရုံးဝန်ထမ်းတွေအနေနဲ့ တစ်နေ့ကို ၂ နာရီ ခန့် ကျန်းမာရေးအတွက် မတ်တတ် ရပ်ပေးသင့်တယ်လို့ တရားဝင် သတိပေးချက်တွေ အရ သိရပါတယ်။

ဆရာဝန်တွေရဲ့ ပြောကြားချက်အရတော့ တစ်နေကုန် ထိုင်နေရခြင်းဟာ အဝလွန်ခြင်း ၊ ကင်ဆာ နဲ့ ဆီးချို၊ သွေးချို ရောဂါတွေလို အန္တရာယ်များတဲ့ ရောဂါ တွေ ဖြစ်လာနိုင်တယ်လို့ သိရပါတယ်။ ဒါ့အပြင် ကျော ၊ လည်ပင်း နဲ့ ကြွက်သား နာကျင်ခြင်း တို့ကိုလည်း ဖြစ်ပေါ်စေနိုင်ပါတယ်။

အင်္ဂလန် ပြည်သူ့ ကျန်းမာရေး ဌာန က ကျွမ်းကျင်သူတွေ ဟာ ထို ပြသနာ ကို ရင်ဆိုင်ဖို့အတွက် ပထမဆုံး ညွှန်ကြားချက်တွေ ထုတ်ပြန်လိုက်ပါတယ်။

လုပ်ငန်းရှင်တွေအနေနဲ့ မိမိတို့ရဲ့ ဝန်ထမ်းတွေကို နေ့စဉ် အလုပ်ချိန်အတွင်း မတ်တပ်ရပ် ချိန် ၂ နာရီ ခန့် သတ်မှတ်ပေးထားသင့်ပြီး အများဆုံး ၄ နာရီလောက်ထိ ခွင့်ပြုပေးထားသင့်ပါတယ်။ ဒါ့အပြင် ရုံးတွေမှာလည်း ဝန်ထမ်းတွေ မတ်တပ်ရပ် အလုပ်လုပ်နိုင်ဖို့အတွက် စားပွဲ ခုံ အရှည်တွေကို ထားပေးသင့်သလို ဝန်ထမ်းတွေအနေနဲ့ အချိန်ကြာ ထိုင်ပြီး အလုပ်လုပ်နေရာကနေ မတ်တပ်ထပြီး ရုံး တစ်ပတ် လောက် လမ်းလျှောက် တာမျိုး လောက်တော့ လုပ်ပေးသင့်တယ်လို့ ညွှန်ကြားချက် အရ သိရပါတယ်။

" ရုံးမှာ အလုပ်လုပ်နေတဲ့သူတွေရဲ့ အလုပ်ချိန် ၆၅ ရာခိုင်နှုန်းကနေ ၇၅ ရာခိုင်နှုန်းက ထိုင်နေရတာပါ။ သူတို့ရဲ့ နေ့စဉ်အလုပ်ချိန်မှာ ထိုင်နေတဲ့ အချိန်ဟာ ၅၀ ရာခိုင်နှုန်းလောက်ပဲ ဖြစ်သင့်ပါတယ်။" လို့ ထို ညွှန်ကြားချက်ထုတ်ပြန်ရေးကို ဦးဆောင်ရေးသားခဲ့တဲ့ ဆရာဝန် ကဆိုပါတယ်။

ဆရာဝန်တွေ ယုံကြည်ထားတာကတော့ အဲဒီလို ဝန်ထမ်းတွေကို မတ်တပ်ရပ်ဖို့ ညွှန်ကြားပေးခြင်းဟာ သူတို့ အတွက် လေ့ကျင့်ခန်းတွေ လုပ်ဖြစ်သွားစေမယ့် ပထမခြေလှမ်းပဲ ဖြစ်ပါတယ်တဲ့။ အမှန်တစ်ကယ်က တစ်နေရာထဲမှာပဲ နာရီပေါင်းများစွာ မတ်တပ်ရပ်နေခြင်းဟာလည်း အချိန်ကြာ ငုတ်တုတ်ထိုင်နေခြင်းလိုပဲ မကောင်းတဲ့ သက်ရောက်မှုတွေ ဖြစ်ပေါ်စေနိုင်ပါတယ်။ ဒါကြောင့်မို့ ရုံးတွင်းမှာ လမ်းလျှောက်တာမျိုး လုပ်ပေးဖို့ ညွှန်ကြားထားတာပဲဖြစ်ပါတယ်။

ထို အင်္ဂလန် ပြည်သူ့ကျန်းမာရေး ဌာနရဲ့ လက်ထောက် ဒါရိုက်တာ Dr Ann Hoskins ကတော့ လှုပ်ရှားနေခြင်းဟာ ရုပ်ပိုင်းဆိုင်ရာ အရရော စိတ်ပိုင်းဆိုင်ရာ အရပါ ကောင်းမွန်တယ်လို့ ဆိုပါတယ်။ အချိန်များစွာ ထိုင်နေခြင်းကနေ ခဏလောက် ထပြီး လှုပ်ရှားပေးခြင်းဟာ ကြီးမားတဲ့ ပြောင်းလဲမှုတွေ ဖြစ်လာစေနိုင်ပြီး ချမှတ်ပေးထားတဲ့ ညွှန်ကြားချက် ကိုလိုက်နာဖို့လည်း Dr Hoskins က ဆိုပါတယ်။



ဖိုးသူတော် (www.phothutaw.com)
Credit:Thithtoolwin




 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top