Kantharyar Centre
×

ထုိင္း-ျမန္မာနယ္စပ္ မဲေဆာက္ၿမိဳ႕မွာရွိတဲ့ မဲေတာ္ေဆးခန္းထူေထာင္သူ ေဒါက္တာစင္သီယာေမာင္ကို ႏုိင္ငံတကာပရဟိတအဖြဲ႔တခုျဖစ္တဲ့ AidEx အဖြဲ႔ကေန ၂၀၁၆ ခုႏွစ္ရဲ႕ လူသားခ်င္းစာနာမႈသူရဲေကာင္းဆု ခ်ီးျမႇင့္ခံခဲ့ရပါတယ္။

ဒီဆုရရွိမႈနဲ႔ပတ္သက္လို႔ ေဒါက္တာ စင္သီယာေမာင္က - သူ႔ေဆးခန္းမွာ ႏွစ္တုိင္း လူနာအေရအတြက္ တိုးလာေနၿပီး ေဆးခန္းအေနနဲ႔ က်န္းမာေရးလုပ္သားမ်ားကို သင္တန္းေတြ ပို႔ခ်တဲ့အျပင္ ေဆး၀ါးကုသဖို႔ လိုအပ္ေနတဲ့ လူ႔အဖြဲ႔အစည္းေတြထံကိုလည္း နယ္လွည့္ေက်ာပိုးအိတ္ ေဆးကုတဲ့အဖြဲ႔ေတြက သြားေရာက္ ကုသေပးေနတဲ့အေၾကာင္းနဲ႔ သူ႔ေဆးခန္းအေနနဲ႔ ရင္ဆုိင္ရတဲ့ အႀကီးမားဆံုး အကဲစမ္းမႈကေတာ့ အိုးအိမ္မဲ့ ျဖစ္ၾကေနသူေတြရဲ႕ အစားအစာ၊ က်န္းမာေရးျပဳစုေစာင့္ေရွာက္မႈ၊ အလုပ္လက္မဲ့ျဖစ္မႈတုိ႔အေပၚ စိုးရိမ္မကင္းျဖစ္မႈေတြေၾကာင့္ ခံစားၾကရတဲ့ ႀကီးမားတဲ့ စိတ္ဒဥ္ရာရမႈေတြ ျဖစ္တယ္လို႔ ေျပာဆုိခဲ့ပါတယ္။

ဒါ့အျပင္ ထိုင္း-ျမန္မာနယ္စပ္ မဲေဆာက္ရွိ မဲေတာ္ေဆးခန္းအေနနဲ႔ ဒုကၡသည္ေတြ၊ ေရႊ႕ေျပာင္းအလုပ္သမားေတြ လူမႈေရးနဲ႔ က်န္းမာေရးအကူအညီ လိုအပ္ေနတဲ့ ကာလပတ္လံုး ဆက္လက္ ရပ္တည္ေပးသြားမွာျဖစ္တယ္လို႔လည္း ေဒါက္တာ စင္သီယာေမာင္ က ေျပာဆုိခဲ့ပါတယ္။

AidEx ရဲ႕ ႏွစ္ပတ္လည္ ဆုေပးပြဲအခမ္းအနားကို ႏုိ၀င္ဘာလ ၁၆ ရက္ ဗုဒၶဟူးေန႔က ဘယ္လ္ဂ်ီယံႏုိင္ငံ ဘရတ္စဲလ္ၿမိဳ႕မွာ က်င္းပခဲ့တာျဖစ္ၿပီး -၂၀၁၆ ခုႏွစ္ရဲ႕ လူသားခ်င္းစာနာမႈ သူရဲေကာင္းဆုကိုေပးအပ္ဖို႔ ေနာက္ဆံုးစကာတင္ လ်ာထားျခင္းခံရသူေတြထဲမွာ - အမ်ိဳးသမီးေတြအေပၚ လိင္ပိုင္းဆုိင္ရာေစာ္ကားမႈ ကို ဆန္႔က်င္လႈပ္ရွားသူ Jaha Dukureh; ကင္ညာႏုိင္ငံမွာ လူထုအက်ိဳးျပဳလူမႈေရးလုပ္ငန္းတခုကို ထူေထာင္သူ ေဒါက္တာ Martin Fisher; နဲ႔ အေမရိကန္ျပည္ေထာင္စုမွာ လူထုအက်ိဳးပူးေပါင္းေဆာင္ရြက္မႈအဖြဲ႔ကို ထူေထာင္ခဲ့သူ Shaima Al Zarooni တို႔နဲ႔အတူ ျမန္မာႏုိင္ငံသား ေဒါက္တာ စင္သီယာေမာင္လည္း ပါ၀င္ခဲ့တာျဖစ္ၿပီး - သူ႔ကို - ကိုယ္က်ိဳးမဖက္ လူထုအက်ိဳးျပဳ ေစတနာ့လုပ္ငန္းေတြကို စြမ္းစြမ္းတမံ လုပ္ေဆာင္ေနမႈေတြအတြက္ ဒီဆု ေပးအပ္ဖို႔ AidEx အဖြဲ႔ႀကီးက ေရြးခ်ယ္ခဲ့တာ ျဖစ္ပါတယ္။

ေဒါက္တာစင္သီယာေမာင္ဟာ ၁၉၈၈ ဒီမိုကေရစီအေရးေတာ္ပံုႀကီး ျဖစ္ပြားခဲ့ၿပီးေနာက္ပိုင္း - ထုိင္း-ျမန္မာနယ္စပ္က ဒုကၡသည္ေတြကို ကူညီဖို႔ အတြက္ - မဲေဆာက္ၿမိဳ႕မွာ ေဆးခန္းငယ္ေလးတခုကို စတင္ဖြင့္လွစ္ခဲ့တာပါ။ မဲေတာ္ေဆးခန္းကို စတင္ခ်ိန္က ကုတင္ ၄ လံုးသာရွိခဲ့ၿပီး၊ အခုဆုိရင္ အဲဒီေဆးခန္းမွာ က်န္းမာေရး၀န္ထမ္း ၇၀၀ ေလာက္နဲ႔အတူ ႏွစ္စဥ္ ေဆးခန္းကို လာတဲ့ လူနာ အေရအတြက္က ၁ သိန္းခြဲနီးပါးထိ ရွိခဲ့တာျဖစ္ပါတယ္။

ေဆးခန္းစတင္ဖြင့္လွစ္ခ်ိန္က ျမန္မာဒုကၡသည္ေတြကို ကူညီဖို႔ အဓိကရည္ရြယ္ခဲ့ေပမဲ့ ေနာက္ပိုင္း ထုိင္းႏုိင္ငံမွာ လာေရာက္ အလုပ္လုပ္ကိုင္ၾကတဲ့ ျမန္မာေရႊ႕ေျပာင္းအလုပ္သမားေတြအပါအ၀င္ ကရင္ျပည္နယ္တြင္း မိုင္းထိမွန္သူေတြ၊ ကိုယ္၀န္ေဆာင္မိခင္ေတြနဲ႔ HIV ပိုးကူးစက္ခံထားရသူေတြ အျပင္ ျမန္မာႏုိင္ငံ ေ၀းလံေခါင္သီတဲ့ အရပ္ေဒသေတြကေန က်န္းမာေရးစရိတ္ မတတ္ႏုိင္သူေတြနဲ႔ ဒီေဆးခန္းမွာ လာေရာက္ျပသရင္း လူနာေတြ တိုးမ်ားလာတာျဖစ္ပါတယ္။ ဒါ့အျပင္ ျမန္မာေရႊ႕ေျပာင္းအလုပ္သမားေတြရဲ႕ ကေလးငယ္ေတြအတြက္လည္း အခမဲ့ေက်ာင္းေတြ ဖြင့္လွစ္ၿပီး ပညာသင္ၾကားေပးေနတာလည္း ျဖစ္ပါတယ္ရွင္။ အခုရရွိခဲ့တဲ့ ၂၀၁၆ လူသားခ်င္းစာနာမႈသူရဲေကာင္းဆုအျပင္ Ramon Magsaysay ဆု၊ အာရွ ဒီမိုကေရစီနဲ႔ လူ႔အခြင့္အေရးဆုေတြ အပါအ၀င္ ႏုိင္ငံတကာက ေပးအပ္တဲ့ ဆုေပါင္း ၂၀ ေလာက္ကိုလည္း ရရွိခဲ့တာ ျဖစ္ပါတယ္။

 ဖိုးသူေတာ္ (www.phothutaw.com)
Credit:ဗြီအိုေအ (ျမန္မာပုိင္း)

Unicode Version

ထိုင်း-မြန်မာနယ်စပ် မဲဆောက်မြို့မှာရှိတဲ့ မဲတော်ဆေးခန်းထူထောင်သူ ဒေါက်တာစင်သီယာမောင်ကို နိုင်ငံတကာပရဟိတအဖွဲ့တခုဖြစ်တဲ့ AidEx အဖွဲ့ကနေ ၂၀၁၆ ခုနှစ်ရဲ့ လူသားချင်းစာနာမှုသူရဲကောင်းဆု ချီးမြှင့်ခံခဲ့ရပါတယ်။

ဒီဆုရရှိမှုနဲ့ပတ်သက်လို့ ဒေါက်တာ စင်သီယာမောင်က - သူ့ဆေးခန်းမှာ နှစ်တိုင်း လူနာအရေအတွက် တိုးလာနေပြီး ဆေးခန်းအနေနဲ့ ကျန်းမာရေးလုပ်သားများကို သင်တန်းတွေ ပို့ချတဲ့အပြင် ဆေးဝါးကုသဖို့ လိုအပ်နေတဲ့ လူ့အဖွဲ့အစည်းတွေထံကိုလည်း နယ်လှည့်ကျောပိုးအိတ် ဆေးကုတဲ့အဖွဲ့တွေက သွားရောက် ကုသပေးနေတဲ့အကြောင်းနဲ့ သူ့ဆေးခန်းအနေနဲ့ ရင်ဆိုင်ရတဲ့ အကြီးမားဆုံး အကဲစမ်းမှုကတော့ အိုးအိမ်မဲ့ ဖြစ်ကြနေသူတွေရဲ့ အစားအစာ၊ ကျန်းမာရေးပြုစုစောင့်ရှောက်မှု၊ အလုပ်လက်မဲ့ဖြစ်မှုတို့အပေါ် စိုးရိမ်မကင်းဖြစ်မှုတွေကြောင့် ခံစားကြရတဲ့ ကြီးမားတဲ့ စိတ်ဒဉ်ရာရမှုတွေ ဖြစ်တယ်လို့ ပြောဆိုခဲ့ပါတယ်။

ဒါ့အပြင် ထိုင်း-မြန်မာနယ်စပ် မဲဆောက်ရှိ မဲတော်ဆေးခန်းအနေနဲ့ ဒုက္ခသည်တွေ၊ ရွှေ့ပြောင်းအလုပ်သမားတွေ လူမှုရေးနဲ့ ကျန်းမာရေးအကူအညီ လိုအပ်နေတဲ့ ကာလပတ်လုံး ဆက်လက် ရပ်တည်ပေးသွားမှာဖြစ်တယ်လို့လည်း ဒေါက်တာ စင်သီယာမောင် က ပြောဆိုခဲ့ပါတယ်။

AidEx ရဲ့ နှစ်ပတ်လည် ဆုပေးပွဲအခမ်းအနားကို နိုဝင်ဘာလ ၁၆ ရက် ဗုဒ္ဓဟူးနေ့က ဘယ်လ်ဂျီယံနိုင်ငံ ဘရတ်စဲလ်မြို့မှာ ကျင်းပခဲ့တာဖြစ်ပြီး -၂၀၁၆ ခုနှစ်ရဲ့ လူသားချင်းစာနာမှု သူရဲကောင်းဆုကိုပေးအပ်ဖို့ နောက်ဆုံးစကာတင် လျာထားခြင်းခံရသူတွေထဲမှာ - အမျိုးသမီးတွေအပေါ် လိင်ပိုင်းဆိုင်ရာစော်ကားမှု ကို ဆန့်ကျင်လှုပ်ရှားသူ Jaha Dukureh; ကင်ညာနိုင်ငံမှာ လူထုအကျိုးပြုလူမှုရေးလုပ်ငန်းတခုကို ထူထောင်သူ ဒေါက်တာ Martin Fisher; နဲ့ အမေရိကန်ပြည်ထောင်စုမှာ လူထုအကျိုးပူးပေါင်းဆောင်ရွက်မှုအဖွဲ့ကို ထူထောင်ခဲ့သူ Shaima Al Zarooni တို့နဲ့အတူ မြန်မာနိုင်ငံသား ဒေါက်တာ စင်သီယာမောင်လည်း ပါဝင်ခဲ့တာဖြစ်ပြီး - သူ့ကို - ကိုယ်ကျိုးမဖက် လူထုအကျိုးပြု စေတနာ့လုပ်ငန်းတွေကို စွမ်းစွမ်းတမံ လုပ်ဆောင်နေမှုတွေအတွက် ဒီဆု ပေးအပ်ဖို့ AidEx အဖွဲ့ကြီးက ရွေးချယ်ခဲ့တာ ဖြစ်ပါတယ်။

ဒေါက်တာစင်သီယာမောင်ဟာ ၁၉၈၈ ဒီမိုကရေစီအရေးတော်ပုံကြီး ဖြစ်ပွားခဲ့ပြီးနောက်ပိုင်း - ထိုင်း-မြန်မာနယ်စပ်က ဒုက္ခသည်တွေကို ကူညီဖို့ အတွက် - မဲဆောက်မြို့မှာ ဆေးခန်းငယ်လေးတခုကို စတင်ဖွင့်လှစ်ခဲ့တာပါ။ မဲတော်ဆေးခန်းကို စတင်ချိန်က ကုတင် ၄ လုံးသာရှိခဲ့ပြီး၊ အခုဆိုရင် အဲဒီဆေးခန်းမှာ ကျန်းမာရေးဝန်ထမ်း ၇၀၀ လောက်နဲ့အတူ နှစ်စဉ် ဆေးခန်းကို လာတဲ့ လူနာ အရေအတွက်က ၁ သိန်းခွဲနီးပါးထိ ရှိခဲ့တာဖြစ်ပါတယ်။

ဆေးခန်းစတင်ဖွင့်လှစ်ချိန်က မြန်မာဒုက္ခသည်တွေကို ကူညီဖို့ အဓိကရည်ရွယ်ခဲ့ပေမဲ့ နောက်ပိုင်း ထိုင်းနိုင်ငံမှာ လာရောက် အလုပ်လုပ်ကိုင်ကြတဲ့ မြန်မာရွှေ့ပြောင်းအလုပ်သမားတွေအပါအဝင် ကရင်ပြည်နယ်တွင်း မိုင်းထိမှန်သူတွေ၊ ကိုယ်ဝန်ဆောင်မိခင်တွေနဲ့ HIV ပိုးကူးစက်ခံထားရသူတွေ အပြင် မြန်မာနိုင်ငံ ဝေးလံခေါင်သီတဲ့ အရပ်ဒေသတွေကနေ ကျန်းမာရေးစရိတ် မတတ်နိုင်သူတွေနဲ့ ဒီဆေးခန်းမှာ လာရောက်ပြသရင်း လူနာတွေ တိုးများလာတာဖြစ်ပါတယ်။ ဒါ့အပြင် မြန်မာရွှေ့ပြောင်းအလုပ်သမားတွေရဲ့ ကလေးငယ်တွေအတွက်လည်း အခမဲ့ကျောင်းတွေ ဖွင့်လှစ်ပြီး ပညာသင်ကြားပေးနေတာလည်း ဖြစ်ပါတယ်ရှင်။ အခုရရှိခဲ့တဲ့ ၂၀၁၆ လူသားချင်းစာနာမှုသူရဲကောင်းဆုအပြင် Ramon Magsaysay ဆု၊ အာရှ ဒီမိုကရေစီနဲ့ လူ့အခွင့်အရေးဆုတွေ အပါအဝင် နိုင်ငံတကာက ပေးအပ်တဲ့ ဆုပေါင်း ၂၀ လောက်ကိုလည်း ရရှိခဲ့တာ ဖြစ်ပါတယ်။

 ဖိုးသူတော် (www.phothutaw.com)
Credit:ဗွီအိုအေ (မြန်မာပိုင်း)




 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top