Property Expo
×

ေကာလဟလလား၊ ျဖစ္ရပ္မွန္ပဲလား၊ လုပ္ႀကံခံရတာပဲလား ကာယကံရွင္ေတြကပဲ သိၾကလိမ့္မည္။ ယခုရက္ပိုင္း ျမန္မာျပည္ကေဖ့စ္ဘြခ္ အင္တာနက္စာမ်က္ႏွာမွာ ေဖာက္ျပန္ေသာ ခင္ပြန္းလင္ေယာက်ၤားေၾကာင့္ ကိုယ့္ကိုယ္ကို သတ္ေသသြားေသာ ဆရာဝန္မ တစ္ဦးအေၾကာင္းက အေတာ္ လူသိမ်ား ပ်ံ႕ႏွံ႔ေနသည္။ သူ၏ သတင္းစာပါ နာေရးသတင္းကိုပါ တြဲျပထားရာ အဆိုပါနာေရးအရ သားတစ္ဦး မိခင္တစ္ေယာက္ဟု သိရသျဖင့္ ဝမ္းနည္းေၾကကြဲဖြယ္ ျဖစ္သည္။ သို႔ေသာ္လည္း မိမိ၏ အလုပ္၊ ပညာတို႔သာမက သားေလး၏ ဘဝေနာင္ေရး အတြက္ကိုပါ ေဖာက္ျပန္ေသာ ေယာက်ာ္း တစ္ဦးေၾကာင့္ အရႈံးေပးစြန္႔လႊတ္သြားသည္က ပိုေၾကကြဲစရာ ေကာင္းလွပါသည္။

ေဖ့စ္ဘြခ္ စာမ်က္ႏွာေပၚက အဆိုပါသတင္းသည္ အမ်ဳိးသားမ်ားထက္ ျမန္မာ အမ်ဳိးသမီးထုႀကီးကို ပိုၿပီး ႐ုိက္႐ိုက္ခတ္ခတ္ ျဖစ္သြားသည္။
ပိုၿပီးေတာ့ ခံစားရေစသည္။ အဘယ္ေၾကာင့္ဆိုေသာ္ အမ်ဳိးသမီးေတြမွာ ဒီလိုအိမ္ ေထာင္ေရး ျပႆနာ ဂယက္ေတြက အနည္းနဲ႔ အမ်ားရွိေနၾကတာမို႔ အမ်ဳိးသမီးခ်င္း ကိုယ္ခ်င္း စာနာကာ သနားၾကတာ ျဖစ္ပါသည္။ တခ်ဳိ႕ကေတာ့ ထိုဆရာဝန္မ၏ လုပ္ရပ္ကို
ေလးစားသည္ဟု ဆိုသည္။ တခ်ဳိ႕က အဆိုပါ ဆရာဝန္မလိုလူမ်ဳိးကို အသက္ဆုံးရံႈးေစခဲ့သည့္ အိမ္ေထာင္ေရး ေဖာက္ျပန္ေသာ အမ်ဳိးသမီးကို အျပစ္တင္ၾကသည္။ တခ်ဳိ႕ကေတာ့ သားေလးမ်က္ႏွာကို မေထာက္မထား သတ္ေသသြားသည္ဆိုေသာ ဆရာဝန္မကို က႐ုဏာေဒါသ ျဖစ္ၾကသည္။

“ကြ်န္မေတာ့ သူ႔ပဲႏွေျမာတယ္။ ေဖာက္ျပန္တဲ့လူ၊ ကိုယ့္ကိုမခ်စ္တဲ့ လူအတြက္ ကိုယ့္ဘဝကို စြန္႔စရာလား။ ကိုယ့္သားေလးမ်က္ႏွာကို ေထာက္ဖို႔သင့္တယ္" ဟု ေကေကဆိုသည့္ တာေမြက အသက္ ၃၀ အရြယ္ အမ်ဳိးသမီး တစ္ဦးက ေျပာပါသည္။

ေသဆုံးသြားေသာ ဆရာဝန္ အမ်ဳိးသမီးလို အိမ္ေထာင္ေရး ျပႆနာက ယခုေခတ္မွသာ မဟုတ္။ ေခတ္အဆက္ဆက္ အမ်ဳိးသမီးတိုင္း ႀကဳံရသည့္ ျပႆနာ ျဖစ္ပါသည္။ အနီးစပ္ဆုံး ျမန္မာမင္းဆက္ကိုပင္ ၾကည့္ပါ။ ျမန္မာမင္းတို႔၏ ေနာက္ဆုံး မင္းဆက္ျဖစ္သည့္ သီေပါမင္းႏွင့္ ကိုယ္လုပ္ေတာ္ ဒိုင္းခင္ခင္တို႔အၾကား အခ်စ္ဇာတ္လမ္းကို မိဖုရားေခါင္ႀကီး စုဖုရားလတ္က ခပ္ၾကမ္းၾကမ္းေျဖရွင္းခဲ့ရသည့္ ဇာတ္လမ္းကလည္း စာတစ္တန္ ေပတစ္ဖြဲ႔ ျဖစ္ရသည့္အထိ အထင္အရွား ရွိခဲ့သည္။

ေယာက်ာ္းေကာင္း ေမာင္းမတစ္ေထာင္ဆိုသည့္ ျမန္မာဆို႐ိုးစကားကလည္း ေယာက်ာ္းမ်ားကို ဇနီးမယားေတြ ခပ္မ်ားမ်ားထားရွိမႈကို အားေပးတိုက္တြန္းထားပါသည္။ ျမန္မာႏုိင္ငံကဲ့သို႔ ေယာက်ာ္းမ်ား၏ လႊမ္းမိုးမႈမ်ားေသာ လူမႈအသိုင္းအဝိုင္း မဆိုထားဘိ။

မိန္းမတစ္ေယာက္ထက္ ပိုယူခြင့္မရွိေသာ အေမရိကန္လို ႏိုင္ငံမ်ားပင္ ႏိုင္ငံေခါင္းေဆာင္ သမၼတမ်ားကအစ ဒီလိုဇာတ္လမ္းေတြ ဟိုေလးတစ္ေက်ာ္ ရွိဖူးသည္။ ဒုတိယ ကမၻာစစ္ အတြင္းက အေမရိကန္ သမၼတ ႐ုစဗဲ့ဆိုလွ်င္ သူႏွင့္ အမ်ဳိးသမီး ေလး၊ ငါးဦး၏ အခ်စ္ဇာတ္လမ္းမ်ားက ႐ုပ္ရွင္မ်ားပင္ ရွိသည္။ ထို႔အတူ သမၼတ ဂြ်န္အက္ဖ္ကေနဒီကလည္း ကမၻာေက်ာ္ ေဟာလိဝုဒ္မင္းသမီး မာရီလင္မြန္႐ုိးႏွင့္ ေဖာက္ျပန္သည္ဟု ယေန႔ထိလူေတြက ေျပာမဆုံး။

အေမရိကန္ သမၼတ ဘီလ္ကလင္တန္ႏွင့္ အိမ္ျဖဴေတာ္ဝန္ထမ္း လူဝင္စကီးတို႔၏ အရႈပ္ေတာ္ပုံကလည္း ကမၻာတစ္ဝန္းက မီဒီယာမ်ားထက္မွာ ယေန႔ထက္ထိ ေရပန္းစားတုန္းပင္။ ထို႔ေၾကာင့္ အိမ္ေထာင္ေရး ေဖာက္ျပန္ျခင္း လူမူေရးျပႆနာသည္ ယဥ္ေက်းမႈမေရြး၊ ဆင္းရဲခ်မ္းသာ အနိမ့္အျမင့္မေရြး၊ ပညာတတ္မတတ္ မေရြးႀကဳံေတြ႔ရေသာ ျပႆနာဟု ဆိုႏိုင္သည္။

အိမ္ေထာင္ေရး ေဖာက္ျပန္ျခင္းမွာ အမ်ဳိးသားေရာ အမ်ဳိးသမီးမ်ားပါ ျဖစ္ႏိုင္ေသာ္လည္း သဘာဝအရ အမ်ဳိးသားမ်ားက ပိုမ်ားသည္ကို ေတြ႔ရသည္။ အိမ္ေထာင္ေရးဆိုင္ရာ လူမူေရးအႀကံေပး စာေရးဆရာ မီရာကီရြန္ဘရြန္က အိမ္ေထာင္သည္မ်ား အိမ္ေထာင္ေရး ေဖာက္ျပန္သည့္ အေျခခံအေၾကာင္းရင္း ၁၇ ခုရွိသည္ဟု ဆိုပါသည္။

ထိုအထဲမွ ပထမဦးဆုံး အေၾကာင္းအရာကေတာ့ တခ်ဳိ႕သူမ်ားသည္ အဆင္မေျပ မသာယာေသာ သူတို႔၏ အိမ္ေထာင္ေရးကို အဆုံးသတ္ရန္အတြက္ ျဖစ္သည္ဟု ဆိုပါသည္။ အိမ္ေထာင္ အဆင္မေျပေသာ္လည္း ကြဲကြာရန္ သတၱိမရွိ။ ထို႔ေၾကာင့္ အိမ္ေထာင္ေရး ေဖာက္ျပန္လိုက္မွပဲ အိမ္ေထာင္ေရး အဆုံးသတ္မည္ဟု ထင္ၾက၏။ မိန္းမက သိလို႔ ကြာရွင္းလိုက္ပါကလည္း ခပ္ေကာင္းေကာင္း၊ ေနာက္ခ်စ္သူကသူတို႔ ပထမအိမ္ေထာင္ကို ကြဲရဲသည့္ သတၱိမ်ားေပးပါကလည္း ခပ္ေကာင္းေကာင္းဆိုေသာ လုပ္ရပ္မ်ဳိးျဖစ္၏။

ထို႔ျပင္ တျခားတစ္ေယာက္ႏွင့္ ရခဲ့ေသာ အရာတစ္ခုကို ကိုယ့္အိမ္ေထာင္ေရးမွာ မရရွိပါက အိမ္ေထာင္ေရးမွာ ကိုယ္ေမွ်ာ္လင့္သည္ႏွင့္ တျခားစီျဖစ္လာခဲ့သည္။ ထိုအေၾကာင္းေၾကာင့္လည္း အိမ္ေထာင္ရွင္မ်ား ေဖာက္ျပန္ၾကသည္ဟု ဆိုပါသည္။

“ျမန္မာျပည္မွာကေတာ့ စီးပြားေရး မေျပလည္တာ၊ အမ်ဳိးသမီးေတြအတြက္ ဝင္ေငြေကာင္းတဲ့ အလုပ္ေတြ နည္းပါးတာ ေတြလဲပါတယ္။ ခ်မ္းသာတဲ့ ေယာက်ာ္းေတြကို ဘာလို႔ပဲျဖစ္ျဖစ္ စားဝတ္ေနေရးအတြက္ လိုက္ကပ္ၾကတာ မိန္းကေလးေတြ မ်ားလာတယ္။ အဲဒီလို အမ်ဳိးအစားက ပိုဆိုးတယ္။” ဟု လုပ္ငန္းရွင္ အမ်ဳိးသမီး တစ္ဦးက ဆိုပါသည္။

ခ်မ္းသာေသာ လုပ္ငန္းရွင္ သူေဌးမ်ားႏွင့္ ငယ္ရြယ္သူ မိန္းကေလးမ်ားၾကားက ဇာတ္လမ္းေတြကေတာ့ ေခတ္အဆက္ဆက္ မ႐ိုးႏိုင္ေအာင္ပင္။ စစ္ႀကိဳေခတ္က နာမည္ႀကီး ႐ုပ္ရွင္ဇာတ္ကား တစ္ကားျဖစ္သည့္ ''အေတြ႔" ဟူေသာ ႐ုပ္ရွင္ဇာတ္ကားမွာပင္ ဒီအိမ္ေထာင္ေရး ေဖာက္ျပန္မႈကို အေျခခံထားသည္။ အၿငိမ့္သမေလး စံရွားတင္ႏွင့္ ဇာတ္လမ္းရႈပ္သည့္ ခင္ပြန္းျဖစ္သူ ေမာင္သီကို မင္းသမီးႀကီး သီသီက ''ဆိုဖီယာေလာရင္းႀကီးဆို ေမာင္ရဲ႕" ဟု ေျပာစကားကို အမ်ဳိးသမီးေတြက သေဘာလည္းက်သလို ကိုယ္ခ်င္းလည္း စာနာခံစားခဲ့ၾက၏။

ျမန္မာမွာေတာ့ အိမ္ေထာင္ေရး ေဖာက္ျပန္မႈေၾကာင့္ ျဖစ္ေသာ ေသာကကို အမ်ဳိးသမီးမ်ားက ပိုခံစားၾကရသည္။ အဘယ္ေၾကာင့္ဆိုေသာ္ အမ်ဳိးသားဦးစားေပး အသိုင္းအ၀ိုင္းျဖစ္သည့္အျပင္ လူမႈဓေလ့အရ အိမ္ေထာင္ကြဲ တစ္ခုလပ္ တစ္လင္ကြာ အမ်ဳိးသမီးကို လူ႔အသိုင္းအ၀ိုင္းက ေလးစားမႈ နည္းပါးသည့္အတြက္ ျဖစ္သည္။ အမ်ဳိးသားက ေဖာက္ျပန္သူျဖစ္ေသာ္လည္း အိမ္ေထာင္ကြဲၾကလွ်င္ ဒုကၡပိုေရာက္သည္က အမ်ဳိးသမီးပင္ ျဖစ္သည္။ သားသမီးမ်ား၏ တာ၀န္ကိုလည္း အမ်ဳိးသမီးကပင္ ယူရ၏။ မယားစရိတ္ သားသမီး စားရိတ္မ်ားကလည္း ေလာက္ေလာက္ငင မရွိ။ ဒီၾကားထဲ တစ္ခုလပ္အေနျဖင့္ ကိုယ္အေနအထိုင္မတတ္လွ်င္ ပတ္၀န္းက်င္က ေျပာတာဆိုတာကိုပင္ ခံရေသးသည္။

“ကံဆိုးလို႔မ်ား ကိုယ့္လူက အိမ္ေထာင္ေရး ေဖာက္ျပန္ေနတယ္ ဆိုပါစို႔။ လုပ္ရမွာက ႏွစ္နည္းပဲရွိတယ္။ ခြင့္လႊတ္ရင္ ခြင့္လႊတ္။

မခြင့္လႊတ္ရင္ေတာ့ စြန္႔လႊတ္ပဲ။ ႏို႔မို႔ကေတာ့ ကိုယ္ပဲ စိတ္ဆင္းရဲရမွာ” ဟု မမြန္မြန္က ေျပာပါသည္။

ခင္ပြန္းျဖစ္သူက တစ္႐ုံးတည္း လုပ္ေဖာ္ကိုင္ဖက္ အမ်ဳိးသမီးတစ္ဦး ႏွင့္ လူသိထင္ရွား ေဖာက္ျပန္ေနသျဖင့္ အသက္ ၃၀အရြယ္ မမြန္မြန္ ကေလး-ငါးႏွစ္ေလာက္ အိမ္ေထာင္ေရးေသာကမ်ားကို အံႀကိတ္ခံစားေနရသူ ျဖစ္ပါသည္။။ ယခုေတာ့ သမီးေလးလည္း ၅ႏွစ္ေက်ာ္လာၿပီျဖစ္သျဖင့္ သူ႔ခံစားမႈမ်ား အနည္ထိုင္ သြားၿပီဟု ဆိုပါသည္။ ခင္ပြန္းျဖစ္သူအေၾကာင္း စသိကာစက အ႐ူးမီး၀ိုင္းခံစားရၿပီး နည္းမ်ဳိးစုံႏွင့္ သာယာေသာ အိမ္ေထာင္ေရးျပန္ျဖစ္လာေအာင္ သူႀကိဳးစားခဲ့ေသးသည္ဟုဆိုပါသည္။

သို႔ေသာ္ ေျပးသူကေတာ့ လိုက္ေလေျပးေလ၊ ပိုေ၀းေလသာျဖစ္ခဲ့သည္။ ထို႔ေၾကာင့္ ယခုအခါမွာ သူကစိတ္ဒုန္းဒုန္းခ်လိုက္ကာခင္ပြန္းႏွင့္ ကြာရွင္းရန္ ျပင္ဆင္ေနပါၿပီ။

“အခုေတာ့ေတာ္ၿပီ။ လုံေလာက္ၿပီ။ ကၽြန္မသမီးေလးနဲ႔ ကၽြန္မ ကိုယ့္ဘာသာ ဘဝရပ္တည္ႏိုင္ဖို႔ ျပင္ဆင္ေတာ့မယ္။ ကၽြန္မလည္း အရြယ္ေကာင္းေသးတယ္။ ကိုယ့္ကိုမခ်စ္တဲ့ ေယာက်ၤား တစ္ေယာက္အတြက္ေတာ့ ဆက္မခံစားႏုိင္ေတာ့ဘူး။ ကိုယ့္အခ်စ္နဲ႔ မတန္ဘူးေလ။”

ဖိုးသူေတာ္ (www.phothutaw.com)
Credit:Mizzima News

#Unicode Version
ကောလဟလလား၊ ဖြစ်ရပ်မှန်ပဲလား၊ လုပ်ကြံခံရတာပဲလား ကာယကံရှင်တွေကပဲ သိကြလိမ့်မည်။ ယခုရက်ပိုင်း မြန်မာပြည်ကဖေ့စ်ဘွခ် အင်တာနက်စာမျက်နှာမှာ ဖောက်ပြန်သော ခင်ပွန်းလင်ယောကျၤားကြောင့် ကိုယ့်ကိုယ်ကို သတ်သေသွားသော ဆရာဝန်မ တစ်ဦးအကြောင်းက အတော် လူသိများ ပျံ့နှံ့နေသည်။ သူ၏ သတင်းစာပါ နာရေးသတင်းကိုပါ တွဲပြထားရာ အဆိုပါနာရေးအရ သားတစ်ဦး မိခင်တစ်ယောက်ဟု သိရသဖြင့် ဝမ်းနည်းကြေကွဲဖွယ် ဖြစ်သည်။ သို့သော်လည်း မိမိ၏ အလုပ်၊ ပညာတို့သာမက သားလေး၏ ဘဝနောင်ရေး အတွက်ကိုပါ ဖောက်ပြန်သော ယောကျာ်း တစ်ဦးကြောင့် အရှုံးပေးစွန့်လွှတ်သွားသည်က ပိုကြေကွဲစရာ ကောင်းလှပါသည်။

ဖေ့စ်ဘွခ် စာမျက်နှာပေါ်က အဆိုပါသတင်းသည် အမျိုးသားများထက် မြန်မာ အမျိုးသမီးထုကြီးကို ပိုပြီး ရိုက်ရိုက်ခတ်ခတ် ဖြစ်သွားသည်။
ပိုပြီးတော့ ခံစားရစေသည်။ အဘယ်ကြောင့်ဆိုသော် အမျိုးသမီးတွေမှာ ဒီလိုအိမ်ထောင်ရေး ပြဿနာ ဂယက်တွေက အနည်းနဲ့ အများရှိနေကြတာမို့ အမျိုးသမီးချင်း ကိုယ်ချင်း စာနာကာ သနားကြတာ ဖြစ်ပါသည်။ တချို့ကတော့ ထိုဆရာဝန်မ၏ လုပ်ရပ်ကို
လေးစားသည်ဟု ဆိုသည်။ တချို့က အဆိုပါ ဆရာဝန်မလိုလူမျိုးကို အသက်ဆုံးရှုံးစေခဲ့သည့် အိမ်ထောင်ရေး ဖောက်ပြန်သော အမျိုးသမီးကို အပြစ်တင်ကြသည်။ တချို့ကတော့ သားလေးမျက်နှာကို မထောက်မထား သတ်သေသွားသည်ဆိုသော ဆရာဝန်မကို ကရုဏာဒေါသ ဖြစ်ကြသည်။

“ကျွန်မတော့ သူ့ပဲနှမြောတယ်။ ဖောက်ပြန်တဲ့လူ၊ ကိုယ့်ကိုမချစ်တဲ့ လူအတွက် ကိုယ့်ဘဝကို စွန့်စရာလား။ ကိုယ့်သားလေးမျက်နှာကို ထောက်ဖို့သင့်တယ်" ဟု ကေကေဆိုသည့် တာမွေက အသက် ၃၀ အရွယ် အမျိုးသမီး တစ်ဦးက ပြောပါသည်။

သေဆုံးသွားသော ဆရာဝန် အမျိုးသမီးလို အိမ်ထောင်ရေး ပြဿနာက ယခုခေတ်မှသာ မဟုတ်။ ခေတ်အဆက်ဆက် အမျိုးသမီးတိုင်း ကြုံရသည့် ပြဿနာ ဖြစ်ပါသည်။ အနီးစပ်ဆုံး မြန်မာမင်းဆက်ကိုပင် ကြည့်ပါ။ မြန်မာမင်းတို့၏ နောက်ဆုံး မင်းဆက်ဖြစ်သည့် သီပေါမင်းနှင့် ကိုယ်လုပ်တော် ဒိုင်းခင်ခင်တို့အကြား အချစ်ဇာတ်လမ်းကို မိဖုရားခေါင်ကြီး စုဖုရားလတ်က ခပ်ကြမ်းကြမ်းဖြေရှင်းခဲ့ရသည့် ဇာတ်လမ်းကလည်း စာတစ်တန် ပေတစ်ဖွဲ့ ဖြစ်ရသည့်အထိ အထင်အရှား ရှိခဲ့သည်။

ယောကျာ်းကောင်း မောင်းမတစ်ထောင်ဆိုသည့် မြန်မာဆိုရိုးစကားကလည်း ယောကျာ်းများကို ဇနီးမယားတွေ ခပ်များများထားရှိမှုကို အားပေးတိုက်တွန်းထားပါသည်။ မြန်မာနိုင်ငံကဲ့သို့ ယောကျာ်းများ၏ လွှမ်းမိုးမှုများသော လူမှုအသိုင်းအဝိုင်း မဆိုထားဘိ။

မိန်းမတစ်ယောက်ထက် ပိုယူခွင့်မရှိသော အမေရိကန်လို နိုင်ငံများပင် နိုင်ငံခေါင်းဆောင် သမ္မတများကအစ ဒီလိုဇာတ်လမ်းတွေ ဟိုလေးတစ်ကျော် ရှိဖူးသည်။ ဒုတိယ ကမ္ဘာစစ် အတွင်းက အမေရိကန် သမ္မတ ရုစဗဲ့ဆိုလျှင် သူနှင့် အမျိုးသမီး လေး၊ ငါးဦး၏ အချစ်ဇာတ်လမ်းများက ရုပ်ရှင်များပင် ရှိသည်။ ထို့အတူ သမ္မတ ဂျွန်အက်ဖ်ကနေဒီကလည်း ကမ္ဘာကျော် ဟောလိဝုဒ်မင်းသမီး မာရီလင်မွန်ရိုးနှင့် ဖောက်ပြန်သည်ဟု ယနေ့ထိလူတွေက ပြောမဆုံး။

အမေရိကန် သမ္မတ ဘီလ်ကလင်တန်နှင့် အိမ်ဖြူတော်ဝန်ထမ်း လူဝင်စကီးတို့၏ အရှုပ်တော်ပုံကလည်း ကမ္ဘာတစ်ဝန်းက မီဒီယာများထက်မှာ ယနေ့ထက်ထိ ရေပန်းစားတုန်းပင်။ ထို့ကြောင့် အိမ်ထောင်ရေး ဖောက်ပြန်ခြင်း လူမူရေးပြဿနာသည် ယဉ်ကျေးမှုမရွေး၊ ဆင်းရဲချမ်းသာ အနိမ့်အမြင့်မရွေး၊ ပညာတတ်မတတ် မရွေးကြုံတွေ့ရသော ပြဿနာဟု ဆိုနိုင်သည်။

အိမ်ထောင်ရေး ဖောက်ပြန်ခြင်းမှာ အမျိုးသားရော အမျိုးသမီးများပါ ဖြစ်နိုင်သော်လည်း သဘာဝအရ အမျိုးသားများက ပိုများသည်ကို တွေ့ရသည်။ အိမ်ထောင်ရေးဆိုင်ရာ လူမူရေးအကြံပေး စာရေးဆရာ မီရာကီရွန်ဘရွန်က အိမ်ထောင်သည်များ အိမ်ထောင်ရေး ဖောက်ပြန်သည့် အခြေခံအကြောင်းရင်း ၁၇ ခုရှိသည်ဟု ဆိုပါသည်။

ထိုအထဲမှ ပထမဦးဆုံး အကြောင်းအရာကတော့ တချို့သူများသည် အဆင်မပြေ မသာယာသော သူတို့၏ အိမ်ထောင်ရေးကို အဆုံးသတ်ရန်အတွက် ဖြစ်သည်ဟု ဆိုပါသည်။ အိမ်ထောင် အဆင်မပြေသော်လည်း ကွဲကွာရန် သတ္တိမရှိ။ ထို့ကြောင့် အိမ်ထောင်ရေး ဖောက်ပြန်လိုက်မှပဲ အိမ်ထောင်ရေး အဆုံးသတ်မည်ဟု ထင်ကြ၏။ မိန်းမက သိလို့ ကွာရှင်းလိုက်ပါကလည်း ခပ်ကောင်းကောင်း၊ နောက်ချစ်သူကသူတို့ ပထမအိမ်ထောင်ကို ကွဲရဲသည့် သတ္တိများပေးပါကလည်း ခပ်ကောင်းကောင်းဆိုသော လုပ်ရပ်မျိုးဖြစ်၏။

ထို့ပြင် တခြားတစ်ယောက်နှင့် ရခဲ့သော အရာတစ်ခုကို ကိုယ့်အိမ်ထောင်ရေးမှာ မရရှိပါက အိမ်ထောင်ရေးမှာ ကိုယ်မျှော်လင့်သည်နှင့် တခြားစီဖြစ်လာခဲ့သည်။ ထိုအကြောင်းကြောင့်လည်း အိမ်ထောင်ရှင်များ ဖောက်ပြန်ကြသည်ဟု ဆိုပါသည်။

“မြန်မာပြည်မှာကတော့ စီးပွားရေး မပြေလည်တာ၊ အမျိုးသမီးတွေအတွက် ဝင်ငွေကောင်းတဲ့ အလုပ်တွေ နည်းပါးတာ တွေလဲပါတယ်။ ချမ်းသာတဲ့ ယောကျာ်းတွေကို ဘာလို့ပဲဖြစ်ဖြစ် စားဝတ်နေရေးအတွက် လိုက်ကပ်ကြတာ မိန်းကလေးတွေ များလာတယ်။ အဲဒီလို အမျိုးအစားက ပိုဆိုးတယ်။” ဟု လုပ်ငန်းရှင် အမျိုးသမီး တစ်ဦးက ဆိုပါသည်။

ချမ်းသာသော လုပ်ငန်းရှင် သူဌေးများနှင့် ငယ်ရွယ်သူ မိန်းကလေးများကြားက ဇာတ်လမ်းတွေကတော့ ခေတ်အဆက်ဆက် မရိုးနိုင်အောင်ပင်။ စစ်ကြိုခေတ်က နာမည်ကြီး ရုပ်ရှင်ဇာတ်ကား တစ်ကားဖြစ်သည့် ''အတွေ့" ဟူသော ရုပ်ရှင်ဇာတ်ကားမှာပင် ဒီအိမ်ထောင်ရေး ဖောက်ပြန်မှုကို အခြေခံထားသည်။ အငြိမ့်သမလေး စံရှားတင်နှင့် ဇာတ်လမ်းရှုပ်သည့် ခင်ပွန်းဖြစ်သူ မောင်သီကို မင်းသမီးကြီး သီသီက ''ဆိုဖီယာလောရင်းကြီးဆို မောင်ရဲ့" ဟု ပြောစကားကို အမျိုးသမီးတွေက သဘောလည်းကျသလို ကိုယ်ချင်းလည်း စာနာခံစားခဲ့ကြ၏။

မြန်မာမှာတော့ အိမ်ထောင်ရေး ဖောက်ပြန်မှုကြောင့် ဖြစ်သော သောကကို အမျိုးသမီးများက ပိုခံစားကြရသည်။ အဘယ်ကြောင့်ဆိုသော် အမျိုးသားဦးစားပေး အသိုင်းအဝိုင်းဖြစ်သည့်အပြင် လူမှုဓလေ့အရ အိမ်ထောင်ကွဲ တစ်ခုလပ် တစ်လင်ကွာ အမျိုးသမီးကို လူ့အသိုင်းအဝိုင်းက လေးစားမှု နည်းပါးသည့်အတွက် ဖြစ်သည်။ အမျိုးသားက ဖောက်ပြန်သူဖြစ်သော်လည်း အိမ်ထောင်ကွဲကြလျှင် ဒုက္ခပိုရောက်သည်က အမျိုးသမီးပင် ဖြစ်သည်။ သားသမီးများ၏ တာဝန်ကိုလည်း အမျိုးသမီးကပင် ယူရ၏။ မယားစရိတ် သားသမီး စားရိတ်များကလည်း လောက်လောက်ငင မရှိ။ ဒီကြားထဲ တစ်ခုလပ်အနေဖြင့် ကိုယ်အနေအထိုင်မတတ်လျှင် ပတ်ဝန်းကျင်က ပြောတာဆိုတာကိုပင် ခံရသေးသည်။

“ကံဆိုးလို့များ ကိုယ့်လူက အိမ်ထောင်ရေး ဖောက်ပြန်နေတယ် ဆိုပါစို့။ လုပ်ရမှာက နှစ်နည်းပဲရှိတယ်။ ခွင့်လွှတ်ရင် ခွင့်လွှတ်။

မခွင့်လွှတ်ရင်တော့ စွန့်လွှတ်ပဲ။ နို့မို့ကတော့ ကိုယ်ပဲ စိတ်ဆင်းရဲရမှာ” ဟု မမွန်မွန်က ပြောပါသည်။

ခင်ပွန်းဖြစ်သူက တစ်ရုံးတည်း လုပ်ဖော်ကိုင်ဖက် အမျိုးသမီးတစ်ဦး နှင့် လူသိထင်ရှား ဖောက်ပြန်နေသဖြင့် အသက် ၃၀အရွယ် မမွန်မွန် ကလေး-ငါးနှစ်လောက် အိမ်ထောင်ရေးသောကများကို အံကြိတ်ခံစားနေရသူ ဖြစ်ပါသည်။။ ယခုတော့ သမီးလေးလည်း ၅နှစ်ကျော်လာပြီဖြစ်သဖြင့် သူ့ခံစားမှုများ အနည်ထိုင် သွားပြီဟု ဆိုပါသည်။ ခင်ပွန်းဖြစ်သူအကြောင်း စသိကာစက အရူးမီးဝိုင်းခံစားရပြီး နည်းမျိုးစုံနှင့် သာယာသော အိမ်ထောင်ရေးပြန်ဖြစ်လာအောင် သူကြိုးစားခဲ့သေးသည်ဟုဆိုပါသည်။

သို့သော် ပြေးသူကတော့ လိုက်လေပြေးလေ၊ ပိုဝေးလေသာဖြစ်ခဲ့သည်။ ထို့ကြောင့် ယခုအခါမှာ သူကစိတ်ဒုန်းဒုန်းချလိုက်ကာခင်ပွန်းနှင့် ကွာရှင်းရန် ပြင်ဆင်နေပါပြီ။

“အခုတော့တော်ပြီ။ လုံလောက်ပြီ။ ကျွန်မသမီးလေးနဲ့ ကျွန်မ ကိုယ့်ဘာသာ ဘဝရပ်တည်နိုင်ဖို့ ပြင်ဆင်တော့မယ်။ ကျွန်မလည်း အရွယ်ကောင်းသေးတယ်။ ကိုယ့်ကိုမချစ်တဲ့ ယောကျၤား တစ်ယောက်အတွက်တော့ ဆက်မခံစားနိုင်တော့ဘူး။ ကိုယ့်အချစ်နဲ့ မတန်ဘူးလေ။”


ဖိုးသူတော် (www.phothutaw.com)
Credit:Mizzima News
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top