Kantharyar Centre
×

 ဂ်ပန္အလွမယ္ ေရြးပြဲတြင္ အိႏိၵယ ေသြးေႏွာသည့္ အမ်ိဳးသမီးတစ္ဦး ပထမဆံုးအႀကိမ္အျဖစ္ သရဖူေဆာင္းသြားခဲ့ေၾကာင္း သိရွိရသည္။

အသက္ ၂၂ ႏွစ္အရြယ္ ပရီယန္ကာ ယိုရွီကာဝါသည္ စက္တင္ဘာ ၆ ရက္က က်င္းပသည့္ ဂ်ပန္အလွမယ္ၿပိဳင္ပြဲတြင္ ၿပိဳင္ဘက္မ်ားကို ေက်ာ္ျဖတ္ကာ ေအာင္ျမင္မႈရရွိခဲ့ျခင္း ျဖစ္သည္။ ၿပိဳင္ပြဲတြင္ ၂ ႏွစ္ဆက္တိုက္ ႏုိင္ငံျခားေသြးေႏွာသည့္ အလွမယ္မ်ား ေအာင္ပြဲခံျခင္း ျဖစ္ၿပီး ယမန္ႏွစ္ကလည္း အာဖရိကန္ အေမရိကန္-ဂ်ပန္ ကျပားတစ္ဦးျဖစ္သည့္ အရီယာနာ မီယာမိုတို အႏုိင္ရခဲ့သည္။

ဂ်ပန္လူ႔အဖဲြ႕အစည္းတြင္ ႏုိင္ငံျခားေသြးေႏွာသည့္ ကေလးအေရအတြက္မွာ ႏွစ္စဉ္ ေမြးဖြားမႈအားလံုး၏ ၂ ရာခုိင္ႏႈန္းမွ်သာရွိၿပီး ဂ်ပန္ဘာသာျဖင့္ ဟားဖူ (တစ္ဝက္)ဟု ေခၚေဝၚေလ့ ရွိသည္။ ဂ်ပန္အမ်ိဳးသားေရး ဝါဒီအခ်ိဳ႕ကို ဂ်ပန္ကို ကိုယ္စားျပဳသည့္ အလွမယ္မ်ားသည္ ဂ်ပန္ေသြးစစ္စစ္သာ ျဖစ္သင့္ေၾကာင္း ေဝဖန္ခဲ့သည့္တိုင္ ဆုေရြးခ်ယ္ေရးအဖြဲ႕၏ အျမင္ကို ေျပာင္းလဲႏုိင္စြမ္း မရွိခဲ့ေခ်။

“ကၽြန္မတို႔အားလံုး ဂ်ပန္ႏုိင္ငံသားေတြပါ။ ဟုတ္တယ္။ ကၽြန္မအေဖဟာ အိႏၵိယသားတစ္ေယာက္ပါ။ ဒါကိုကၽြန္မ ဂုဏ္ယူတယ္။ ကၽြန္မရဲ႕ ခႏၶာကိုယ္မွာ အိႏၵိယေသြးေရာေႏွာေနတာကို ကၽြန္မဂုဏ္ယူတယ္။ ဒါေပမဲ့ ဒီအခ်က္ေၾကာင့္ ကၽြန္မဟာ ဂ်ပန္သူတစ္ေယာက္ မဟုတ္ဘူးလုိ႔ မေျပာႏုိင္ပါဘူး”ဟု ယိုရွီကာဝါက ဆိုသည္။

ယိုရွီကာဝါကို ဂ်ပန္အလွမယ္အျဖစ္ေရြးခ်ယ္ေၾကာင္း ေၾကညာၿပီးခ်ိန္တြင္ သူမသည္ ဝမ္းသာလြန္းသျဖင့္ ငိုေႂကြးခဲ့ၿပီး ယခုႏွစ္ၿပိဳင္ပြဲတြင္ ပါဝင္ကူညီခဲ့သူ ယမန္ႏွစ္ အလွမယ္ မီယာမိုတိုကို ေက်းဇူးတင္စကား ေျပာၾကားခဲ့သည္။

“မီယာမိုတို ဆုမရခင္တုန္းကဆိုရင္ ဟားဖူမိန္းကေလးေတြဟာ ဂ်ပန္ကို ကိုယ္စားျပဳခြင့္ မရခဲ့ပါဘူး။ ကၽြန္မစိတ္ထဲမွာလည္း အဲဒီအတုိင္း စြဲၿမဲေနခဲ့တာပါ။ ဒါေပမဲ့ မီယာမိုတိုရဲ႕ ရပ္တည္မႈက ကၽြန္မကို တြန္းအားျဖစ္ေစခဲ့တယ္။ ကျပားမိန္းကေလးေတြအတြက္ လမ္းသစ္ထြင္ေပးခဲ့တယ္။ ဟားဖူေတြအတြက္ ဘယ္လိုထိခုိက္နာက်င္စရာေတြ ႀကံဳရတတ္သလဲဆိုတာကို ကၽြန္မသိတယ္။ အိႏၵိယကေန ဂ်ပန္ကို ကၽြန္မျပန္လာတုန္းကဆိုရင္ လူတိုင္းက ကၽြန္မကို ေရာဂါပိုးတစ္ခုလို ႐ႈျမင္ေနၾကတယ္”ဟု ဆိုသည္။

သူမက “ကၽြန္မနဲ႔ထိေတြ႕ဆက္ဆံရမွာကို မသတီစရာကိစၥတစ္ခုလို ျဖစ္ေနခဲ့ၾကတယ္။ ဒါေပမဲ့ ဒီအတြက္လည္း ေက်းဇူးတင္ပါတယ္။ အဲဒီအေတြ႕အႀကံဳေတြေၾကာင့္ပဲ ကၽြန္မပိုၿပီး စိတ္ဓာတ္ခုိင္မာလာခဲ့တာ ျဖစ္ပါတယ္”ဟုလည္း ေျပာၾကားခဲ့သည္။

ယိုရွီကာဝါသည္ ကစ္ေဘာက္ဆင္ အားကစားသမား တစ္ဦးျဖစ္သလုိ အိႏၵိယတြင္ ပေရာ္ဖက္ရွင္နယ္ ဆင္ထိန္းတစ္ဦးအျဖစ္လည္း အလုပ္လုပ္ခဲ့ဖူးသည္။ သူမက ႏိုင္ငံျခား ေသြးေႏွာသူမ်ားအေပၚ ဂ်ပန္ႏိုင္ငံတြင္ အျမင္စိမ္းကားတတ္ျခင္းကို ျပင္ဆင္ေျပာင္းလဲသြားရန္ ႀကိဳးစားမည္ဟုလည္း ကတိျပဳခဲ့သည္။

“ႏုိင္ငံျခားမွာဆိုရင္ ကၽြန္မကို ဘာေသြးေႏွာလဲ ဘယ္သူမွ မေမးခဲ့ဘူး။ အခုကၽြန္မ ဂ်ပန္ကိုယ္စားျပဳအလွမယ္ ျဖစ္လာပါၿပီ။ ဒီႏုိင္ငံမွာ တည္ၿမဲေနတဲ့ အေျခအေနတစ္ရပ္ကို ေျပာင္းလဲရာမွာ ဒီအခ်က္က အေထာက္အကူ ျဖစ္ေစမယ္လုိ႔ ေမွ်ာ္လင့္မိပါတယ္”ဟု ယိုရွီကာဝါက ေျပာၾကားသြားသည္။

ဖိုးသူေတာ္ (www.phothutaw.com)
Credit:7Day Daily

#Unicode Version
 ဂျပန်အလှမယ် ရွေးပွဲတွင် အိန္ဒိယ သွေးနှောသည့် အမျိုးသမီးတစ်ဦး ပထမဆုံးအကြိမ်အဖြစ် သရဖူဆောင်းသွားခဲ့ကြောင်း သိရှိရသည်။

အသက် ၂၂ နှစ်အရွယ် ပရီယန်ကာ ယိုရှီကာဝါသည် စက်တင်ဘာ ၆ ရက်က ကျင်းပသည့် ဂျပန်အလှမယ်ပြိုင်ပွဲတွင် ပြိုင်ဘက်များကို ကျော်ဖြတ်ကာ အောင်မြင်မှုရရှိခဲ့ခြင်း ဖြစ်သည်။ ပြိုင်ပွဲတွင် ၂ နှစ်ဆက်တိုက် နိုင်ငံခြားသွေးနှောသည့် အလှမယ်များ အောင်ပွဲခံခြင်း ဖြစ်ပြီး ယမန်နှစ်ကလည်း အာဖရိကန် အမေရိကန်-ဂျပန် ကပြားတစ်ဦးဖြစ်သည့် အရီယာနာ မီယာမိုတို အနိုင်ရခဲ့သည်။

ဂျပန်လူ့အဖွဲ့အစည်းတွင် နိုင်ငံခြားသွေးနှောသည့် ကလေးအရေအတွက်မှာ နှစ်စဉ် မွေးဖွားမှုအားလုံး၏ ၂ ရာခိုင်နှုန်းမျှသာရှိပြီး ဂျပန်ဘာသာဖြင့် ဟားဖူ (တစ်ဝက်)ဟု ခေါ်ဝေါ်လေ့ ရှိသည်။ ဂျပန်အမျိုးသားရေး ဝါဒီအချို့ကို ဂျပန်ကို ကိုယ်စားပြုသည့် အလှမယ်များသည် ဂျပန်သွေးစစ်စစ်သာ ဖြစ်သင့်ကြောင်း ဝေဖန်ခဲ့သည့်တိုင် ဆုရွေးချယ်ရေးအဖွဲ့၏ အမြင်ကို ပြောင်းလဲနိုင်စွမ်း မရှိခဲ့ချေ။

“ကျွန်မတို့အားလုံး ဂျပန်နိုင်ငံသားတွေပါ။ ဟုတ်တယ်။ ကျွန်မအဖေဟာ အိန္ဒိယသားတစ်ယောက်ပါ။ ဒါကိုကျွန်မ ဂုဏ်ယူတယ်။ ကျွန်မရဲ့ ခန္ဓာကိုယ်မှာ အိန္ဒိယသွေးရောနှောနေတာကို ကျွန်မဂုဏ်ယူတယ်။ ဒါပေမဲ့ ဒီအချက်ကြောင့် ကျွန်မဟာ ဂျပန်သူတစ်ယောက် မဟုတ်ဘူးလို့ မပြောနိုင်ပါဘူး”ဟု ယိုရှီကာဝါက ဆိုသည်။

ယိုရှီကာဝါကို ဂျပန်အလှမယ်အဖြစ်ရွေးချယ်ကြောင်း ကြေညာပြီးချိန်တွင် သူမသည် ဝမ်းသာလွန်းသဖြင့် ငိုကြွေးခဲ့ပြီး ယခုနှစ်ပြိုင်ပွဲတွင် ပါဝင်ကူညီခဲ့သူ ယမန်နှစ် အလှမယ် မီယာမိုတိုကို ကျေးဇူးတင်စကား ပြောကြားခဲ့သည်။

“မီယာမိုတို ဆုမရခင်တုန်းကဆိုရင် ဟားဖူမိန်းကလေးတွေဟာ ဂျပန်ကို ကိုယ်စားပြုခွင့် မရခဲ့ပါဘူး။ ကျွန်မစိတ်ထဲမှာလည်း အဲဒီအတိုင်း စွဲမြဲနေခဲ့တာပါ။ ဒါပေမဲ့ မီယာမိုတိုရဲ့ ရပ်တည်မှုက ကျွန်မကို တွန်းအားဖြစ်စေခဲ့တယ်။ ကပြားမိန်းကလေးတွေအတွက် လမ်းသစ်ထွင်ပေးခဲ့တယ်။ ဟားဖူတွေအတွက် ဘယ်လိုထိခိုက်နာကျင်စရာတွေ ကြုံရတတ်သလဲဆိုတာကို ကျွန်မသိတယ်။ အိန္ဒိယကနေ ဂျပန်ကို ကျွန်မပြန်လာတုန်းကဆိုရင် လူတိုင်းက ကျွန်မကို ရောဂါပိုးတစ်ခုလို ရှုမြင်နေကြတယ်”ဟု ဆိုသည်။

သူမက “ကျွန်မနဲ့ထိတွေ့ဆက်ဆံရမှာကို မသတီစရာကိစ္စတစ်ခုလို ဖြစ်နေခဲ့ကြတယ်။ ဒါပေမဲ့ ဒီအတွက်လည်း ကျေးဇူးတင်ပါတယ်။ အဲဒီအတွေ့အကြုံတွေကြောင့်ပဲ ကျွန်မပိုပြီး စိတ်ဓာတ်ခိုင်မာလာခဲ့တာ ဖြစ်ပါတယ်”ဟုလည်း ပြောကြားခဲ့သည်။

ယိုရှီကာဝါသည် ကစ်ဘောက်ဆင် အားကစားသမား တစ်ဦးဖြစ်သလို အိန္ဒိယတွင် ပရော်ဖက်ရှင်နယ် ဆင်ထိန်းတစ်ဦးအဖြစ်လည်း အလုပ်လုပ်ခဲ့ဖူးသည်။ သူမက နိုင်ငံခြား သွေးနှောသူများအပေါ် ဂျပန်နိုင်ငံတွင် အမြင်စိမ်းကားတတ်ခြင်းကို ပြင်ဆင်ပြောင်းလဲသွားရန် ကြိုးစားမည်ဟုလည်း ကတိပြုခဲ့သည်။

“နိုင်ငံခြားမှာဆိုရင် ကျွန်မကို ဘာသွေးနှောလဲ ဘယ်သူမှ မမေးခဲ့ဘူး။ အခုကျွန်မ ဂျပန်ကိုယ်စားပြုအလှမယ် ဖြစ်လာပါပြီ။ ဒီနိုင်ငံမှာ တည်မြဲနေတဲ့ အခြေအနေတစ်ရပ်ကို ပြောင်းလဲရာမှာ ဒီအချက်က အထောက်အကူ ဖြစ်စေမယ်လို့ မျှော်လင့်မိပါတယ်”ဟု ယိုရှီကာဝါက ပြောကြားသွားသည်။


ဖိုးသူတော် (www.phothutaw.com)
Credit:7Day Daily
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top