Property Expo
×

ဇီကာဗုိင္းရပ္စ္ပုိးဟာ မ်က္ေစ့ထဲမွာ ရွင္သန္ႏုိင္ၿပီး၊ တိရစာၦန္ေတြရဲ႕ မ်က္ရည္ေတြမွာ ေနထုိင္ႏုိင္တာကုိလည္း အေထာက္အထားနဲ႔တကြ ေတြ႔ခဲ့ၾကရပါတယ္။ ဒါေပမဲ့လည္း လူေတြၾကားမွာ မ်က္ရည္ကေန ေရာဂါကူးစက္ႏုိင္သလား ဆုိတာကုိေတာ့ သိပၸံပညာရွင္ေတြ အတိအက် မသိၾကေသးပါဘူး။

ဇီကာဗုိင္းရပ္စ္ပုိး ကူးစက္ခံရၿပီး ေမြးဖြားလာတဲ့ ကေလးငယ္ေတြရဲ႕ ၃ ပုံ ၁ ပုံေလာက္ဟာ မ်က္လုံးေတြ ေယာင္ယမ္းေနတာ ေတြ႔ရတတ္ၿပီး၊ တခါတရံမွာ မ်က္ေစ့ကြယ္တဲ့အထိလည္း ျဖစ္တတ္ပါတယ္။

ဇီကာေရာဂါ ကူးစက္ခံရတဲ့ အရြယ္ေရာက္သူေတြ ၾကားမွာေတာ့ ၁၅ ရာခုိင္ႏႈန္းေလာက္ဟာ မ်က္ေစ့အလယ္လႊာေယာင္ယမ္းတာ၊ မ်က္ေစ့နာတာလုိ ေရာဂါမ်ဳိးေတြ ျဖစ္တတ္တယ္လုိ႔လည္း ဆုိပါတယ္။

သုေတသီေတြကေတာ့ ဇီကာဗုိင္းရပ္စ္ပုိးကုိ ႂကြက္ရဲ႕မ်က္လုံးမွာ စမ္းသပ္ေလ့လာၾကည့္တဲ့အခါ - ေရာဂါကူးစက္ေနတဲ့ မ်က္လုံးဟာ ျပဴးထြက္လာတာ ေတြ႔ရတယ္လုိ႔လည္း St. Louis မွာရွိတဲ့ ၀ါရွင္တန္တကၠသိုလ္ ေဆးပညာဌာနက ေမာ္လီက်ဳးဆုိင္ရာ အဏုဇီ၀ေဗဒပညာ ပါေမာကၡ Michael Diamond က ေျပာပါတယ္။

ဇီကာဗုိင္းရပ္စ္ပုိးနဲ႔ စမ္းသပ္ၾကည့္တဲ့ ႂကြက္ရဲ႕ မ်က္ရည္ထဲမွာ ေရာဂါပုိးဟာ ၂၈ ရက္အထိၾကာျမင့္ေအာင္ ရွိေနတာကုိလည္း သိပၸံပညာရွင္ေတြ ေတြ႔ရွိခဲ့ၾကတာ ျဖစ္ပါတယ္။ ေရာဂါရေနတဲ့ ႂကြက္ရဲ႕ မ်က္ရည္နဲ႔ တျခားႂကြက္ေတြကုိ ကူးစက္မႈ ရွိႏုိင္ မရွိႏုိင္ စမ္းသပ္ၾကည့္ရမွာ ေအာင္ျမင္မႈ မရွိတာကုိ ေတြ႔ရွိခဲ့ၾကပါတယ္။

ဒါေပမဲ့လည္း ဒီေတြ႔ရွိခ်က္ေၾကာင့္ လူေတြရဲ႕ မ်က္ရည္ဟာ ေရာဂါ ကူးစက္မႈ မရွိႏုိင္ဘူးဆုိတဲ့ အဓိပၸါယ္မ်ဳိးေတာ့ မဟုတ္ပါဘူး။ လူေတြၾကားမွာ မ်က္ရည္ကတဆင့္ ကူးစက္မႈ ရွိ မရွိ ဆုိတာကုိ မေလ့လာရေသးဘူးလုိ႔လည္း ပါေမာကၡ Diamond က ေျပာပါတယ္။

 ဖိုးသူေတာ္ (www.phothutaw.com)
Credit:ဗြီအိုေအ (ျမန္မာပုိင္း)

#Unicode Version
ဇီကာဗိုင်းရပ်စ်ပိုးဟာ မျက်စေ့ထဲမှာ ရှင်သန်နိုင်ပြီး၊ တိရစ္ဆာန်တွေရဲ့ မျက်ရည်တွေမှာ နေထိုင်နိုင်တာကိုလည်း အထောက်အထားနဲ့တကွ တွေ့ခဲ့ကြရပါတယ်။ ဒါပေမဲ့လည်း လူတွေကြားမှာ မျက်ရည်ကနေ ရောဂါကူးစက်နိုင်သလား ဆိုတာကိုတော့ သိပ္ပံပညာရှင်တွေ အတိအကျ မသိကြသေးပါဘူး။

ဇီကာဗိုင်းရပ်စ်ပိုး ကူးစက်ခံရပြီး မွေးဖွားလာတဲ့ ကလေးငယ်တွေရဲ့ ၃ ပုံ ၁ ပုံလောက်ဟာ မျက်လုံးတွေ ယောင်ယမ်းနေတာ တွေ့ရတတ်ပြီး၊ တခါတရံမှာ မျက်စေ့ကွယ်တဲ့အထိလည်း ဖြစ်တတ်ပါတယ်။

ဇီကာရောဂါ ကူးစက်ခံရတဲ့ အရွယ်ရောက်သူတွေ ကြားမှာတော့ ၁၅ ရာခိုင်နှုန်းလောက်ဟာ မျက်စေ့အလယ်လွှာယောင်ယမ်းတာ၊ မျက်စေ့နာတာလို ရောဂါမျိုးတွေ ဖြစ်တတ်တယ်လို့လည်း ဆိုပါတယ်။

သုတေသီတွေကတော့ ဇီကာဗိုင်းရပ်စ်ပိုးကို ကြွက်ရဲ့မျက်လုံးမှာ စမ်းသပ်လေ့လာကြည့်တဲ့အခါ - ရောဂါကူးစက်နေတဲ့ မျက်လုံးဟာ ပြူးထွက်လာတာ တွေ့ရတယ်လို့လည်း St. Louis မှာရှိတဲ့ ဝါရှင်တန်တက္ကသိုလ် ဆေးပညာဌာနက မော်လီကျုးဆိုင်ရာ အဏုဇီဝဗေဒပညာ ပါမောက္ခ Michael Diamond က ပြောပါတယ်။

ဇီကာဗိုင်းရပ်စ်ပိုးနဲ့ စမ်းသပ်ကြည့်တဲ့ ကြွက်ရဲ့ မျက်ရည်ထဲမှာ ရောဂါပိုးဟာ ၂၈ ရက်အထိကြာမြင့်အောင် ရှိနေတာကိုလည်း သိပ္ပံပညာရှင်တွေ တွေ့ရှိခဲ့ကြတာ ဖြစ်ပါတယ်။ ရောဂါရနေတဲ့ ကြွက်ရဲ့ မျက်ရည်နဲ့ တခြားကြွက်တွေကို ကူးစက်မှု ရှိနိုင် မရှိနိုင် စမ်းသပ်ကြည့်ရမှာ အောင်မြင်မှု မရှိတာကို တွေ့ရှိခဲ့ကြပါတယ်။

ဒါပေမဲ့လည်း ဒီတွေ့ရှိချက်ကြောင့် လူတွေရဲ့ မျက်ရည်ဟာ ရောဂါ ကူးစက်မှု မရှိနိုင်ဘူးဆိုတဲ့ အဓိပ္ပါယ်မျိုးတော့ မဟုတ်ပါဘူး။ လူတွေကြားမှာ မျက်ရည်ကတဆင့် ကူးစက်မှု ရှိ မရှိ ဆိုတာကို မလေ့လာရသေးဘူးလို့လည်း ပါမောက္ခ Diamond က ပြောပါတယ်။


 ဖိုးသူတော် (www.phothutaw.com)
Credit:ဗွီအိုအေ (မြန်မာပိုင်း)
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top