Property Expo
×

ေသဆုံးသြားတဲ့ မိုင္းေယာ္ရြာသား ၅ ဦးရဲ႕ မိသားစု၀င္မ်ား
မုိင္းေယာ္ရြာသား ၅ ဦးေသဆုံးခဲ့မႈ နဲ႔ ပတ္သက္ၿပီး ပါ၀င္ပတ္သက္ခဲ့တဲ့ ျမန္မာစစ္တပ္က အရာရွိနဲ႔ စစ္သည္ေတြကို စစ္တရားရုံးက အျပစ္ရွိတယ္လို႔ ဆုံးျဖတ္ၿပီး ေထာင္ဒဏ္ခ်မွတ္လိုက္ပါတယ္။ ျပစ္မႈက်ဴးလြန္သူေတြကို အလုပ္ၾကမ္းနဲ႔ ေထာင္ဒဏ္နဲ႔ ၅ ႏွစ္ခ်မွတ္လုိက္သလို၊ အရပ္ဖက္အက်ဥ္းေထာင္ေတြမွာ ျပစ္ဒဏ္က်ခံဖို႔ စစ္တရားရုံးက ဆုံးျဖတ္လိုက္တာျဖစ္ပါတယ္။ အခုလို ျပစ္ဒဏ္ေပးလိုက္တာဟာ တပ္မေတာ္အတြင္းက အေျပာင္းအလဲတခုျဖစ္ၿပီး၊ အနာဂတ္ဒီမုိကေရစီႏုိင္ငံတည္ေဆာက္ဖို႔အတြက္ ေကာင္းမြန္တဲ့လကၡဏာတခုျဖစ္တယ္လို႔ လႊတ္ေတာ္အမတ္တဦးက ေျပာလိုက္ပါတယ္။ ဒီအေျခအေနအျပည့္အစုံကို ဆက္သြယ္စုံစမ္းထားတဲ့ ကိုရန္ႏုိင္က ေျပာျပေပးမွာျဖစ္ပါတယ္။

ရွမ္းျပည္နယ္ေျမာက္ပုိင္း လားရႈိးၿမိဳ႕နယ္အတြင္းက မုိင္းေယာ္ေက်းရြာအနီးမွာ ၿပီးခဲ့တဲ့ ဇြန္လ ၂၅ ရက္ေန႔က ေသဆုံးသြားခဲ့တဲ့ မိုင္းေယာ္ရြာသား ၅ ဦးေသဆုံးသြားခဲ့အမႈနဲ႔ ပတ္သက္ၿပီး စစ္တရားရုံးက ဒီကေန႔မွာ စီရင္ခ်က္ေတြခ်မွတ္ခဲ့ပါတယ္။ ၿပီးခဲ့တဲ့ ၾသဂုတ္လ ၈ ရက္ေန႔က စတင္ဖဲြ႔စည္းခဲ့တဲ့ စစ္တရားရုံးက ေထာင္ဒဏ္ ၅ ႏွစ္ စီခ်မွတ္လိုက္တာျဖစ္ပါတယ္။

ဒီအမႈမွာ ပါ၀င္ပတ္သက္ေနတဲ့ ျမန္မာတပ္မေတာ္က တပ္မမွဴး ၁ ဦး အပါအ၀င္ စစ္သည္ ၇ ဦးကို တပ္မေတာ္အက္ဥပေဒပုဒ္မ ၇၁ ၊ ရာဇသတ္ႀကီးဥပေဒပုဒ္မ ၃၀၂ (၂)/၃၄ က်ဴးလြန္ခဲ့တယ္ဆုိတာ ေတြ႔ရွိရတဲ့အတြက္ ျပစ္မႈက်ဴးလြန္တဲ့သူ အရာရွိ ၄ ဦးကို ရႈတ္ခ်ၿပီး တပ္မေတာ္က အၿမဲထုတ္ပစ္ၿပီး၊ အလုပ္ၾကမ္း နဲ႔ ေထာင္ဒဏ္ ၅ ႏွစ္ ခ်မွတ္လိုက္ေၾကာင္း၊ ဒါ့အျပင္ အဲဒီျပစ္ဒဏ္ေတြကိုလည္း နယ္ဘက္အက်ဥ္းေထာင္ေတြမွာ က်ခံဖို႔ စစ္တရားရုံး စီရင္ဆုံးျဖတ္ခဲ့တယ္လို႔ ကာကြယ္ေရး၀န္ႀကီးဌာနက ထုတ္ျပန္လိုက္ပါတယ္။

ဒ့ါအျပင္ ဒီျပစ္မႈမွာ ပါ၀င္တဲ့ အျခားအဆင့္ စစ္သည္ ၃ ဦးကိုလည္း တပ္သားအဆင့္ကို ေလွ်ာ့ခ်ၿပီး နယ္ဘက္အက်ဥ္းေထာင္ေတြမွာ အလုပ္ၾကမ္း နဲ႔ ေထာင္ဒဏ္ ၅ ႏွစ္က်ခံသြားမယ္လို႔ အဲဒီထုတ္ျပန္ခ်က္မွာ ေျပာထားပါတယ္။

မိုင္းေယာ္ရြာသား ၅ ဦးေသဆုံးသြားခဲ့တာဟာ မျဖစ္သင့္တဲ့ကိစၥျဖစ္ၿပီး၊ ျမန္မာစစ္တပ္ဘက္က အခုလို အေရးယူလိုက္တာနဲ႔ ပတ္သက္ၿပီး ရွမ္းျပည္နယ္ မဲဆႏၵနယ္ အမွတ္ ၃ က အမ်ိဳးသားလႊတ္ေတာ္ကိုယ္စားလွယ္ စုိင္း၀မ္းလႈိင္ခမ္းက ေျပာပါတယ္။

“ဒီတပ္မေတာ္ကေနၿပီးေတာ့ စစ္ေဆးမႈေတြ ၊ ခံုရံုးေတြဖြဲ႔တယ္ ၊ ၿပီးေတာ့ ကာယကံရွင္မိဘ ျပည္သူေတြေရွ႕မွာ ေက်နပ္ေလာက္တဲ့အထိကို စစ္ေဆးမႈေတြ လုပ္တယ္၊ ျပစ္ဒဏ္ေတြေပးတယ္ ဆိုတာ ေတာ္ေတာ္ေလးကို ရွားပါတဲ့ လုပ္ရက္ျဖစ္တယ္ေပါ့ေနာ္။ ဒါေၾကာင့္ က်ေနာ္တို႔က ဒါေကာင္းတဲ့ အေျပာင္းအလဲတခုပဲေပါ့ေနာ္။ က်ေနာ္တို႔ မဲဆႏၵနယ္မွာဆိုရင္ အမ်ိဳးသားလႊတ္ေတာ္ကိုယ္စားလွယ္ေတြ ၊ ျပည္နယ္လႊတ္ေတာ္ကိုယ္စားလွယ္ေတြနဲ႔ ေပါင္းစပ္ညိွႏိႈင္းၿပီးေတာ့ ၀င္ထြက္ဖူးပါတယ္။ ၿပီးခဲ့တဲ့ လာရိႈးမွာ ထိေတြ႔မႈတုန္းက ဒါကေတာ့ ထံုးစံပါပဲ အရပ္သားေတြကို စစ္တပ္ဆိုတဲ့အတိုင္း သူတို႔နယ္ေျမမွာ မသကၤာတဲ့ ရြာသားေတြဖမ္းဆီးတာေတြဘာေတြရွိတယ္။ က်ေနာ္တို႔က ႀကိဳးစားၿပီးေတာ့ ေပါင္းစပ္ညိွႏိႈင္းတဲ့အခ်ိန္က်မွ သူတို႔ လြတ္တာေတြ ရွိတာေပါ့ေနာ္။ အဲဒါေၾကာင့္ ေတာ္ေတာ္ေလး ေျပာင္းလဲတိုးတက္မႈတခုလို႔ က်ေနာ္တို႔ ေျပာႏိုင္ပါတယ္ခင္ဗ်။”

ျမန္မာစစ္တပ္အတြင္းက ျပစ္မႈက်ဴးလြန္သူေတြအေပၚ အခုလိုအေရးယူလိုက္တာဟာ အနာဂတ္ဒီမုိကေရစီႏုိင္ငံတခုကို တည္ေဆာက္ဖို႔အတြက္ စံျပလုပ္ရပ္တခုအျဖစ္နဲ႔ လုပ္ေဆာင္လိုက္တာမ်ိဳးလည္း ျဖစ္တယ္လို႔ အမ်ိဳးသားလႊတ္ေတာ္ကိုယ္စားလွယ္ စိုင္း၀မ္းလႈိင္ခမ္းက ေျပာပါတယ္။

“က်ေနာ္တို႔ ဒီမိုကေရစီႏိုင္ငံကို ဦးတည္ေနတဲ့ဟာက ယခုလိုလုပ္ျပတဲ့ပံုစံမ်ိဳးေနာက္လာမယ့္ အခ်ိန္ေတြမွာ မရွိလာႏိုင္ေတာ့ေအာင္ ၊ ေရွာင္ၾကဥ္ေအာင္ေပါ့ေလ အဲလိုလုပ္ျပျခင္းျဖစ္တယ္လို႔ က်ေနာ္သံုးသပ္လိုပါတယ္ခင္ဗ်။”

ရွမ္းျပည္နယ္ေျမာက္ပိုင္းမွာ ျမန္မာစစ္တပ္နဲ႔ TNLA တပ္ေတြ အျပန္အလွန္တုိက္ပဲြေတြျဖစ္ပြားခဲ့စဥ္အတြင္း TNLA တပ္ေတြနဲ႔ ပတ္သက္ဆက္ႏြယ္တယ္ဆုိၿပီး ျမန္မာစစ္တပ္က မုိင္းေယာ္ရြာသား ၅ ဦးကို ဖမ္းဆီးသြားခဲ့တာျဖစ္ပါတယ္။ အဲဒီေနာက္ ျမန္မာစစ္တပ္က ဖမ္းဆီးထိန္းသိမ္းထားစဥ္အတြင္း အဆုိပါ ရြာသား ၅ ဦး ေသဆုံးသြားခဲ့တာျဖစ္ပါတယ္။ ဒီကိစၥနဲ႔ ပတ္သက္ၿပီး ျမန္မာစစ္တပ္အေနနဲ႔ မွားယြင္းေကာင္းမွားယြင္းႏုိင္တယ္ဆုိၿပီး ၿပီးခဲ့တဲ့သီတင္းပတ္ေတြအတြင္းက ျမန္မာတပ္မေတာ္ရဲ႕ ဗုိလ္ခ်ဳပ္ႀကီး ျမထြန္းဦးက သတင္းစာရွင္းလင္းပဲြလုပ္ၿပီး ေျပာၾကားခဲ့ပါတယ္။ တပ္မေတာ္အရာရွိ စစ္သည္ ၇ ေယာက္၊ ရဲအုပ္ ၁ ေယာက္နဲ႔ နဲ႔ မုိင္းေယာ္ရြာသာ ၁၈ ေယာက္တုိ႔ရဲ႕ ထြက္ဆုိခ်က္ေတြကို စစ္ေဆးၿပီး၊ ျပစ္မႈက်ဴးလြန္ေၾကာင္း ေတြ႔ရွိတဲ့အတြက္ အခုလို ျပစ္ဒဏ္ခ်မွတ္လိုက္တာျဖစ္ပါတယ္။

ဖိုးသူေတာ္ (www.phothutaw.com)
Credit:ဗြီအိုေအ (ျမန္မာပုိင္း)

#Unicode Version
သေဆုံးသွားတဲ့ မိုင်းယော်ရွာသား ၅ ဦးရဲ့ မိသားစုဝင်များ
မိုင်းယော်ရွာသား ၅ ဦးသေဆုံးခဲ့မှု နဲ့ ပတ်သက်ပြီး ပါဝင်ပတ်သက်ခဲ့တဲ့ မြန်မာစစ်တပ်က အရာရှိနဲ့ စစ်သည်တွေကို စစ်တရားရုံးက အပြစ်ရှိတယ်လို့ ဆုံးဖြတ်ပြီး ထောင်ဒဏ်ချမှတ်လိုက်ပါတယ်။ ပြစ်မှုကျူးလွန်သူတွေကို အလုပ်ကြမ်းနဲ့ ထောင်ဒဏ်နဲ့ ၅ နှစ်ချမှတ်လိုက်သလို၊ အရပ်ဖက်အကျဉ်းထောင်တွေမှာ ပြစ်ဒဏ်ကျခံဖို့ စစ်တရားရုံးက ဆုံးဖြတ်လိုက်တာဖြစ်ပါတယ်။ အခုလို ပြစ်ဒဏ်ပေးလိုက်တာဟာ တပ်မတော်အတွင်းက အပြောင်းအလဲတခုဖြစ်ပြီး၊ အနာဂတ်ဒီမိုကရေစီနိုင်ငံတည်ဆောက်ဖို့အတွက် ကောင်းမွန်တဲ့လက္ခဏာတခုဖြစ်တယ်လို့ လွှတ်တော်အမတ်တဦးက ပြောလိုက်ပါတယ်။ ဒီအခြေအနေအပြည့်အစုံကို ဆက်သွယ်စုံစမ်းထားတဲ့ ကိုရန်နိုင်က ပြောပြပေးမှာဖြစ်ပါတယ်။

ရှမ်းပြည်နယ်မြောက်ပိုင်း လားရှိုးမြို့နယ်အတွင်းက မိုင်းယော်ကျေးရွာအနီးမှာ ပြီးခဲ့တဲ့ ဇွန်လ ၂၅ ရက်နေ့က သေဆုံးသွားခဲ့တဲ့ မိုင်းယော်ရွာသား ၅ ဦးသေဆုံးသွားခဲ့အမှုနဲ့ ပတ်သက်ပြီး စစ်တရားရုံးက ဒီကနေ့မှာ စီရင်ချက်တွေချမှတ်ခဲ့ပါတယ်။ ပြီးခဲ့တဲ့ သြဂုတ်လ ၈ ရက်နေ့က စတင်ဖွဲ့စည်းခဲ့တဲ့ စစ်တရားရုံးက ထောင်ဒဏ် ၅ နှစ် စီချမှတ်လိုက်တာဖြစ်ပါတယ်။

ဒီအမှုမှာ ပါဝင်ပတ်သက်နေတဲ့ မြန်မာတပ်မတော်က တပ်မမှူး ၁ ဦး အပါအဝင် စစ်သည် ၇ ဦးကို တပ်မတော်အက်ဥပဒေပုဒ်မ ၇၁ ၊ ရာဇသတ်ကြီးဥပဒေပုဒ်မ ၃၀၂ (၂)/၃၄ ကျူးလွန်ခဲ့တယ်ဆိုတာ တွေ့ရှိရတဲ့အတွက် ပြစ်မှုကျူးလွန်တဲ့သူ အရာရှိ ၄ ဦးကို ရှုတ်ချပြီး တပ်မတော်က အမြဲထုတ်ပစ်ပြီး၊ အလုပ်ကြမ်း နဲ့ ထောင်ဒဏ် ၅ နှစ် ချမှတ်လိုက်ကြောင်း၊ ဒါ့အပြင် အဲဒီပြစ်ဒဏ်တွေကိုလည်း နယ်ဘက်အကျဉ်းထောင်တွေမှာ ကျခံဖို့ စစ်တရားရုံး စီရင်ဆုံးဖြတ်ခဲ့တယ်လို့ ကာကွယ်ရေးဝန်ကြီးဌာနက ထုတ်ပြန်လိုက်ပါတယ်။

ဒ့ါအပြင် ဒီပြစ်မှုမှာ ပါဝင်တဲ့ အခြားအဆင့် စစ်သည် ၃ ဦးကိုလည်း တပ်သားအဆင့်ကို လျှော့ချပြီး နယ်ဘက်အကျဉ်းထောင်တွေမှာ အလုပ်ကြမ်း နဲ့ ထောင်ဒဏ် ၅ နှစ်ကျခံသွားမယ်လို့ အဲဒီထုတ်ပြန်ချက်မှာ ပြောထားပါတယ်။

မိုင်းယော်ရွာသား ၅ ဦးသေဆုံးသွားခဲ့တာဟာ မဖြစ်သင့်တဲ့ကိစ္စဖြစ်ပြီး၊ မြန်မာစစ်တပ်ဘက်က အခုလို အရေးယူလိုက်တာနဲ့ ပတ်သက်ပြီး ရှမ်းပြည်နယ် မဲဆန္ဒနယ် အမှတ် ၃ က အမျိုးသားလွှတ်တော်ကိုယ်စားလှယ် စိုင်းဝမ်းလှိုင်ခမ်းက ပြောပါတယ်။

“ဒီတပ်မတော်ကနေပြီးတော့ စစ်ဆေးမှုတွေ ၊ ခုံရုံးတွေဖွဲ့တယ် ၊ ပြီးတော့ ကာယကံရှင်မိဘ ပြည်သူတွေရှေ့မှာ ကျေနပ်လောက်တဲ့အထိကို စစ်ဆေးမှုတွေ လုပ်တယ်၊ ပြစ်ဒဏ်တွေပေးတယ် ဆိုတာ တော်တော်လေးကို ရှားပါတဲ့ လုပ်ရက်ဖြစ်တယ်ပေါ့နော်။ ဒါကြောင့် ကျနော်တို့က ဒါကောင်းတဲ့ အပြောင်းအလဲတခုပဲပေါ့နော်။ ကျနော်တို့ မဲဆန္ဒနယ်မှာဆိုရင် အမျိုးသားလွှတ်တော်ကိုယ်စားလှယ်တွေ ၊ ပြည်နယ်လွှတ်တော်ကိုယ်စားလှယ်တွေနဲ့ ပေါင်းစပ်ညှိနှိုင်းပြီးတော့ ဝင်ထွက်ဖူးပါတယ်။ ပြီးခဲ့တဲ့ လာရှိုးမှာ ထိတွေ့မှုတုန်းက ဒါကတော့ ထုံးစံပါပဲ အရပ်သားတွေကို စစ်တပ်ဆိုတဲ့အတိုင်း သူတို့နယ်မြေမှာ မသင်္ကာတဲ့ ရွာသားတွေဖမ်းဆီးတာတွေဘာတွေရှိတယ်။ ကျနော်တို့က ကြိုးစားပြီးတော့ ပေါင်းစပ်ညှိနှိုင်းတဲ့အချိန်ကျမှ သူတို့ လွတ်တာတွေ ရှိတာပေါ့နော်။ အဲဒါကြောင့် တော်တော်လေး ပြောင်းလဲတိုးတက်မှုတခုလို့ ကျနော်တို့ ပြောနိုင်ပါတယ်ခင်ဗျ။”

မြန်မာစစ်တပ်အတွင်းက ပြစ်မှုကျူးလွန်သူတွေအပေါ် အခုလိုအရေးယူလိုက်တာဟာ အနာဂတ်ဒီမိုကရေစီနိုင်ငံတခုကို တည်ဆောက်ဖို့အတွက် စံပြလုပ်ရပ်တခုအဖြစ်နဲ့ လုပ်ဆောင်လိုက်တာမျိုးလည်း ဖြစ်တယ်လို့ အမျိုးသားလွှတ်တော်ကိုယ်စားလှယ် စိုင်းဝမ်းလှိုင်ခမ်းက ပြောပါတယ်။

“ကျနော်တို့ ဒီမိုကရေစီနိုင်ငံကို ဦးတည်နေတဲ့ဟာက ယခုလိုလုပ်ပြတဲ့ပုံစံမျိုးနောက်လာမယ့် အချိန်တွေမှာ မရှိလာနိုင်တော့အောင် ၊ ရှောင်ကြဉ်အောင်ပေါ့လေ အဲလိုလုပ်ပြခြင်းဖြစ်တယ်လို့ ကျနော်သုံးသပ်လိုပါတယ်ခင်ဗျ။”

ရှမ်းပြည်နယ်မြောက်ပိုင်းမှာ မြန်မာစစ်တပ်နဲ့ TNLA တပ်တွေ အပြန်အလှန်တိုက်ပွဲတွေဖြစ်ပွားခဲ့စဉ်အတွင်း TNLA တပ်တွေနဲ့ ပတ်သက်ဆက်နွယ်တယ်ဆိုပြီး မြန်မာစစ်တပ်က မိုင်းယော်ရွာသား ၅ ဦးကို ဖမ်းဆီးသွားခဲ့တာဖြစ်ပါတယ်။ အဲဒီနောက် မြန်မာစစ်တပ်က ဖမ်းဆီးထိန်းသိမ်းထားစဉ်အတွင်း အဆိုပါ ရွာသား ၅ ဦး သေဆုံးသွားခဲ့တာဖြစ်ပါတယ်။ ဒီကိစ္စနဲ့ ပတ်သက်ပြီး မြန်မာစစ်တပ်အနေနဲ့ မှားယွင်းကောင်းမှားယွင်းနိုင်တယ်ဆိုပြီး ပြီးခဲ့တဲ့သီတင်းပတ်တွေအတွင်းက မြန်မာတပ်မတော်ရဲ့ ဗိုလ်ချုပ်ကြီး မြထွန်းဦးက သတင်းစာရှင်းလင်းပွဲလုပ်ပြီး ပြောကြားခဲ့ပါတယ်။ တပ်မတော်အရာရှိ စစ်သည် ၇ ယောက်၊ ရဲအုပ် ၁ ယောက်နဲ့ နဲ့ မိုင်းယော်ရွာသာ ၁၈ ယောက်တို့ရဲ့ ထွက်ဆိုချက်တွေကို စစ်ဆေးပြီး၊ ပြစ်မှုကျူးလွန်ကြောင်း တွေ့ရှိတဲ့အတွက် အခုလို ပြစ်ဒဏ်ချမှတ်လိုက်တာဖြစ်ပါတယ်။


ဖိုးသူတော် (www.phothutaw.com)
Credit:ဗွီအိုအေ (မြန်မာပိုင်း)
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top