Property Expo
×

၁။ အဆီေတြ က်သြားမယ္။

          ဘယ္ေလ့က်င့္ခန္းမဆို ကယ္လိုရီ ေလာင္ကၽြမ္းေစသည္ခ်ည္း ျဖစ္သည္။ သို႔ေသာ္ ၀ိတ္မ ေလ့က်င့္ခန္းက အဆီခ်ဖို႔ပိုၿပီး အေထာက္အကူျပဳသည္။

          အေမရိကန္ ေလ့လာမႈ စစ္တမ္းတစ္ရပ္တြင္ ၀ိတ္မ ေလ့က်င့္ခန္းႏွင့္ ေအ႐ိုးဗစ္ ေလ့က်င့္ခန္း လုပ္သူကို ယွဥ္ၾကည့္ရာ ၀ိတ္မေလ့က်င့္ခန္း လုပ္သူသည္ အဆီ(၄၀) ရာခိုင္ႏႈန္းေလာက္ ပိုက်သြားေၾကာင္း ေတြ႕ရသည္။

၂။ ၾကြက္သားေတြက ကယ္လိုရီ ပိုေလာင္ကၽြမ္းေပးႏုိင္။

          ႂကြက္သား တစ္သွ်ဴး တစ္ေပါင္က အဆီ တစ္သွ်ဴး တစ္ေပါင္ထက္ ကယ္လိုရီ ႏွစ္ဆေလာက္ ပိုေလာင္ကၽြမ္း ေခ်ဖ်က္ေပးႏိုင္သည္။

          အဓိပၸာယ္မွာ ၀ိတ္မေလ့က်င့္ခန္း မွန္မွန္လုပ္သူသည္ မလုပ္သူနဲ႔ ယွဥ္လွ်င္ အလိုလိုကို ကယ္လိုရီ ႏွစ္ဆေလာက္ ပိုေလာင္ကၽြမ္းပစ္ႏိုင္သျဖင့္ ေတာ္႐ံုနဲ႔ ၀ိတ္တက္လာတာမ်ဳိး၊ အဆီမ်ားလာတာမ်ဳိး ကင္းေ၀းသြားသည္။

၃။ အ႐ိုးသန္မာေစသည္။

          အသက္ႀကီးလာေလ အ႐ိုးပြလာေလ၊ က်ဳိးလြယ္လာေလ။ ၀ိတ္မျခင္းက ထိုျပႆနာကို ေျဖရွင္းေပးႏိုင္႐ံုသာမက အ႐ိုးကိုပါ တဖန္ ျပန္သန္မာလာေစႏုိင္သည္။

          အေမရိကန္ ေလ့လာမႈတစ္ခု အရ ေလးလေလာက္ ၀ိတ္မ ေလ့က်င့္ခန္း လုပ္လိုက္ေသာ သက္ႀကီးပိုင္းမ်ားသည္ တင္ပါးဆံု႐ိုး သိပ္သည္းဆ ပိုမ်ားကာ အ႐ိုးပိုသန္မာလာသလို၊ အ႐ိုးသန္မာေအာင္ ကူေပးေသာ ေသြးတြင္းက စတီယို ကယ္လ္စင္ ပ႐ိုတိန္းလည္း ၀ိတ္မျခင္း မရွိေသာ ရြယ္တူမ်ားထက္ (၂၀) ရာခိုင္ႏႈန္းေလာက္ ပိုမ်ားလာေၾကာင္း ေတြ႕ခဲ့ရသည္။

၄။ ႏွလံုးပိုက်န္းမာလာ။

          ၀ိတ္မျခင္းက ေသြးေပါင္ခ်ိန္ကိုလည္း မွန္ေစသည္။

          တစ္ပတ္ သံုးႀကိမ္ ၀ိတ္မေလ့က်င့္ခန္း လုပ္႐ံုနဲ႔ပင္ ေလျဖတ္ႏုိင္ေျခ (၄၀) ရာခိုင္ႏႈန္း၊ ႏွလံုးေဖာက္ျပန္ႏိုင္ေျခ (၁၅) ရာခိုင္ႏႈန္း ေလ်ာ႔နည္းသြားေၾကာင္း ေတြ႕ရသည္။

၅။ လူကို ပိန္သြယ္ က်စ္လ်စ္ေစသည္။

          ႂကြက္သား တစ္သွ်ဴးက အဆီတစ္သွ်ဴးထက္ ပိုေလးသည္။ သို႔ျဖစ္ရာ ၀ိတ္မေလ့က်င့္ခန္း ပံုမွန္လုပ္လိုက္လွ်င္ ၀ိတ္တက္လာတတ္သည္။ ထိုသို႔တက္လာသည္မွာ ခႏၶာမွာ ႂကြက္သားတိုးကာ အေလးခ်ိန္ ပိုစီးလာေသာေၾကာင့္သာ ျဖစ္သည္။ ပို၀လာျခင္းေၾကာင့္ေတာ႔ မဟုတ္။ အဆီတစ္သွ်ဴး တစ္ေပါင္သည္ ႂကြက္သား တစ္သွ်ဴး တစ္ေပါင္ထက္ (၁၈) ရာခိုင္ႏႈန္းေလာက္ ေနရာပိုယူသည္။

          သို႔ျဖစ္ရာ ခႏၶာကိုယ္ အေလးခ်ိန္ျခင္းတူလွ်င္ပင္ ၀ိတ္မေလ့က်င့္ခန္း လုပ္သူက ပိန္သြယ္က်စ္လ်စ္ေနမည္ ျဖစ္ၿပီး မလုပ္သူက အဆီမ်ားကာ ၀ဖိုင့္ဖိုင့္ ျဖစ္ေနလိမ့္မည္။

၆။ လူကို ဟန္ခ်က္ညီေစသည္။

          ၀ိတ္မ ေလ့က်င့္ခန္းက သက္ႀကီးပိုင္းမ်ားအတြက္ပါ  ေကာင္းသည္။ အသက္ႀကီးလာလွ်င္ လူက သြားလာထိုင္ထရတာ ဟန္ခ်က္မညီခ်င္။ ၀ိတ္မျခင္းက ထိုျပႆနာကို ေျဖရွင္းေပးလိမ့္မည္။

          ၀ိတ္မ ေလ့က်င့္ခန္း တစ္ႏွစ္ေလာက္ လုပ္ၿပီးသြားေသာ အသက္ (၇၀) အထက္ လူႀကီးပိုင္းမ်ားသည္ မလုပ္ေသာ ရြယ္တူမ်ားနဲ႔ယွဥ္လွ်င္ ခႏၶာဟန္ခ်က္ ပ်က္ကာ ေခ်ာ္လဲႏႈန္း (၃၁) ရာခိုင္ႏႈန္းေလာက္ နည္းသြားေၾကာင္း ၾသစေၾတးလ် သုေတသီမ်ား ေတြ႕ရွိခဲ့သည္။

၇။ ေဆးလိပ္ျပတ္ေအာင္ ကူေပးလိမ့္မည္။

          ေဆးလိပ္ျဖတ္လိုသူမ်ားကို ႏွစ္စုခြဲၿပီး တစ္စုကို ၀ိတ္မေလ့က်င့္ခန္း လုပ္ခိုင္းသည္။ က်န္တစ္စုကို ေနၿမဲအတိုင္း ေနေစသည္။ ရက္သတၱပတ္ (၁၂) ပတ္ၾကာ ေစာင့္ၾကည့္ခဲ့ရာ ၀ိတ္မေလ့က်င့္ခန္း လုပ္သူမ်ားထဲတြင္ ေဆးလိပ္ျပတ္သြားသူ ႏွစ္ဆေလာက္ ပိုမ်ားေနေၾကာင္း ေတြ႕ရွိခဲ့ရသည္။

၈။ ကင္ဆာနာလန္ ျမန္ျမန္ ျပန္ထလာေစသည္။

          လင္ဖိုဒီမာဟု ေခၚသည့္ လက္တစ္ေလွ်ာက္ အေရၾကည္မ်ားစုျခင္း ေရာဂါသည္ ရင္သားကင္ဆာ ခြဲစိတ္ခံၿပီးသူ၊ ဓာတ္ေရာင္ျခည္နည္းျဖင့္ ကုသခံၿပီးသူမ်ားတြင္ အျဖစ္မ်ားသည္။ အခ်ဳိ႕တြင္ လပိုင္းခန္႔ ၾကာျမင့္တတ္ၿပီး၊ အခ်ဳိ႕တြင္ ႏွစ္ေတြနဲ႔ခ်ီေအာင္ အေရၾကည္ေတြ စုေနတတ္သည္။

          ရင္သားကင္ဆာ ခြဲစိတ္ ကုသခံၿပီးေနာက္ပိုင္း ၀ိတ္မေလ့က်င့္ခန္း မွန္မွန္ လုပ္သူမ်ားသည္ မလုပ္သူမ်ားႏွင့္ ယွဥ္လွ်င္ အရည္ၾကည္မ်ား ေအာင္းေနႏႈန္း သိသိသာသာ နည္းသြားသလို၊ ေနာက္ဆက္တြဲ နာက်င္ကိုက္ခဲမႈမ်ားလည္း သိပ္မခံစားရေတာ့ေၾကာင္း ေတြ႕ရွိခဲ့သည္။

၉။ လူကို ေပ်ာ္ရႊင္ေစသည္။

          မည္သည့္ က်န္းမာေရး ေလ့က်င့္ခန္းမဆို လူကိုတက္ၾကြ ေပ်ာ္ရႊင္လာေစသည္ခ်ည္း ျဖစ္သည္။ သို႔ေသာ္ ၀ိတ္မျခင္း၏ သက္ေရာက္မႈက ထို႔ထက္ပိုႀကီးမားသည္။ ၀ိတ္မျခင္းသည္ လူကို ေပ်ာ္ရႊင္တက္ႂကြေစေသာ ဟိုမုန္းမ်ားႏွင့္ လူကို အားငယ္ စိတ္က်ေစေသာ ဟိုမုန္းမ်ားကိုပါ မွ်ေျခရွိေအာင္ ထိန္းညႇိေပးႏိုင္သျဖင့္ လူသည္ အားငယ္ျခင္း ကင္းေ၀းကာ ၾကည္ေမြ႕ခ်မ္းသာ ေနထိုင္လို႔ ေကာင္းေနတတ္သည္။

          ေျခာက္လေလာက္ ၀ိတ္မေလ့က်င့္ခန္း ပံုမွန္လုပ္သူမ်ားသည္ အျခားသူမ်ားထက္ ေဒါသထိန္းႏုိင္စြမ္း ပိုေကာင္းၾကသလို၊ ေပ်ာ္ရႊင္တက္ႂကြစိတ္လည္း ပိုရွိၾကၿပီး ဘ၀ကို အျပဳသေဘာ ပို႐ႈျမင္တတ္ၾကေၾကာင္း အယ္လ္ဘားမား တကၠသိုလ္ ေလ့လာသုေတသန ကလည္း ေဖာ္ျပသည္။

၁၀။ အိမ္ေထာင္သုခ ပိုျပည့္၀ေစ။

          အသက္(၃၀) ေနာက္ပိုင္း အမ်ဳိးသားတို႔တြင္ ဖိုဟိုမုန္းတက္ တိုစထ႐ုန္း တျဖည္းျဖည္း ေလ်ာ့ပါးလာတတ္သည္။ ဖိုဟိုမုန္း ေလ်ာ့နည္းလာျခင္းေၾကာင့္ က်ားအဂၤါ မာေၾကာမႈ ေလ်ာ့က်သည့္ ျပႆနာ ႀကံဳရႏုိင္သလို၊ ပိုဆိုး၀ါးသည့္ ႏွလံုးေရာဂါ၊ ဆီးခ်ဳိေရာဂါမ်ားလည္း ၀င္လာႏိုင္သည္။

          ၀ိတ္မျခင္းက ထိုျပႆနာကိုလည္း ေျဖရွင္းေပးႏိုင္သည္။ ၀ိတ္မ ေလ့က်င့္ခန္း လုပ္သူ အမ်ဳိးသားတို႔သည္ ဖိုဟုိမုန္း ပံုမွန္ထြက္ရွိသျဖင့္ အထက္ပါ ျပႆနာမ်ား ေျပလည္ေစႏိုင္သည္။ မျခင္း၊ ထိုင္ျခင္း၊ မတင္၊ မခ်လုပ္ျခင္း စေသာ ၀ိတ္မသည့္ လႈပ္ရွားမႈမ်ားသည္ တက္တို စထ႐ုန္း ပိုထြက္လာေအာင္ ႏိႈးေဆာ္ႏုိင္စြမ္း ရွိသည္။

ဖိုးသူေတာ္ (www.phothutaw.com)
Credit:Messenger

Unicode Version
၁။ အဆီတွေ ကျသွားမယ်။

          ဘယ်လေ့ကျင့်ခန်းမဆို ကယ်လိုရီ လောင်ကျွမ်းစေသည်ချည်း ဖြစ်သည်။ သို့သော် ဝိတ်မ လေ့ကျင့်ခန်းက အဆီချဖို့ပိုပြီး အထောက်အကူပြုသည်။

          အမေရိကန် လေ့လာမှု စစ်တမ်းတစ်ရပ်တွင် ဝိတ်မ လေ့ကျင့်ခန်းနှင့် အေရိုးဗစ် လေ့ကျင့်ခန်း လုပ်သူကို ယှဉ်ကြည့်ရာ ဝိတ်မလေ့ကျင့်ခန်း လုပ်သူသည် အဆီ(၄၀) ရာခိုင်နှုန်းလောက် ပိုကျသွားကြောင်း တွေ့ရသည်။

၂။ ကြွက်သားတွေက ကယ်လိုရီ ပိုလောင်ကျွမ်းပေးနိုင်။

          ကြွက်သား တစ်သျှူး တစ်ပေါင်က အဆီ တစ်သျှူး တစ်ပေါင်ထက် ကယ်လိုရီ နှစ်ဆလောက် ပိုလောင်ကျွမ်း ချေဖျက်ပေးနိုင်သည်။

          အဓိပ္ပာယ်မှာ ဝိတ်မလေ့ကျင့်ခန်း မှန်မှန်လုပ်သူသည် မလုပ်သူနဲ့ ယှဉ်လျှင် အလိုလိုကို ကယ်လိုရီ နှစ်ဆလောက် ပိုလောင်ကျွမ်းပစ်နိုင်သဖြင့် တော်ရုံနဲ့ ဝိတ်တက်လာတာမျိုး၊ အဆီများလာတာမျိုး ကင်းဝေးသွားသည်။

၃။ အရိုးသန်မာစေသည်။

          အသက်ကြီးလာလေ အရိုးပွလာလေ၊ ကျိုးလွယ်လာလေ။ ဝိတ်မခြင်းက ထိုပြဿနာကို ဖြေရှင်းပေးနိုင်ရုံသာမက အရိုးကိုပါ တဖန် ပြန်သန်မာလာစေနိုင်သည်။

          အမေရိကန် လေ့လာမှုတစ်ခု အရ လေးလလောက် ဝိတ်မ လေ့ကျင့်ခန်း လုပ်လိုက်သော သက်ကြီးပိုင်းများသည် တင်ပါးဆုံရိုး သိပ်သည်းဆ ပိုများကာ အရိုးပိုသန်မာလာသလို၊ အရိုးသန်မာအောင် ကူပေးသော သွေးတွင်းက စတီယို ကယ်လ်စင် ပရိုတိန်းလည်း ဝိတ်မခြင်း မရှိသော ရွယ်တူများထက် (၂၀) ရာခိုင်နှုန်းလောက် ပိုများလာကြောင်း တွေ့ခဲ့ရသည်။

၄။ နှလုံးပိုကျန်းမာလာ။

          ဝိတ်မခြင်းက သွေးပေါင်ချိန်ကိုလည်း မှန်စေသည်။

          တစ်ပတ် သုံးကြိမ် ဝိတ်မလေ့ကျင့်ခန်း လုပ်ရုံနဲ့ပင် လေဖြတ်နိုင်ခြေ (၄၀) ရာခိုင်နှုန်း၊ နှလုံးဖောက်ပြန်နိုင်ခြေ (၁၅) ရာခိုင်နှုန်း လျော့နည်းသွားကြောင်း တွေ့ရသည်။

၅။ လူကို ပိန်သွယ် ကျစ်လျစ်စေသည်။

          ကြွက်သား တစ်သျှူးက အဆီတစ်သျှူးထက် ပိုလေးသည်။ သို့ဖြစ်ရာ ဝိတ်မလေ့ကျင့်ခန်း ပုံမှန်လုပ်လိုက်လျှင် ဝိတ်တက်လာတတ်သည်။ ထိုသို့တက်လာသည်မှာ ခန္ဓာမှာ ကြွက်သားတိုးကာ အလေးချိန် ပိုစီးလာသောကြောင့်သာ ဖြစ်သည်။ ပိုဝလာခြင်းကြောင့်တော့ မဟုတ်။ အဆီတစ်သျှူး တစ်ပေါင်သည် ကြွက်သား တစ်သျှူး တစ်ပေါင်ထက် (၁၈) ရာခိုင်နှုန်းလောက် နေရာပိုယူသည်။

          သို့ဖြစ်ရာ ခန္ဓာကိုယ် အလေးချိန်ခြင်းတူလျှင်ပင် ဝိတ်မလေ့ကျင့်ခန်း လုပ်သူက ပိန်သွယ်ကျစ်လျစ်နေမည် ဖြစ်ပြီး မလုပ်သူက အဆီများကာ ဝဖိုင့်ဖိုင့် ဖြစ်နေလိမ့်မည်။

၆။ လူကို ဟန်ချက်ညီစေသည်။

          ဝိတ်မ လေ့ကျင့်ခန်းက သက်ကြီးပိုင်းများအတွက်ပါ  ကောင်းသည်။ အသက်ကြီးလာလျှင် လူက သွားလာထိုင်ထရတာ ဟန်ချက်မညီချင်။ ဝိတ်မခြင်းက ထိုပြဿနာကို ဖြေရှင်းပေးလိမ့်မည်။

          ဝိတ်မ လေ့ကျင့်ခန်း တစ်နှစ်လောက် လုပ်ပြီးသွားသော အသက် (၇၀) အထက် လူကြီးပိုင်းများသည် မလုပ်သော ရွယ်တူများနဲ့ယှဉ်လျှင် ခန္ဓာဟန်ချက် ပျက်ကာ ချော်လဲနှုန်း (၃၁) ရာခိုင်နှုန်းလောက် နည်းသွားကြောင်း သြစတြေးလျ သုတေသီများ တွေ့ရှိခဲ့သည်။

၇။ ဆေးလိပ်ပြတ်အောင် ကူပေးလိမ့်မည်။

          ဆေးလိပ်ဖြတ်လိုသူများကို နှစ်စုခွဲပြီး တစ်စုကို ဝိတ်မလေ့ကျင့်ခန်း လုပ်ခိုင်းသည်။ ကျန်တစ်စုကို နေမြဲအတိုင်း နေစေသည်။ ရက်သတ္တပတ် (၁၂) ပတ်ကြာ စောင့်ကြည့်ခဲ့ရာ ဝိတ်မလေ့ကျင့်ခန်း လုပ်သူများထဲတွင် ဆေးလိပ်ပြတ်သွားသူ နှစ်ဆလောက် ပိုများနေကြောင်း တွေ့ရှိခဲ့ရသည်။

၈။ ကင်ဆာနာလန် မြန်မြန် ပြန်ထလာစေသည်။

          လင်ဖိုဒီမာဟု ခေါ်သည့် လက်တစ်လျှောက် အရေကြည်များစုခြင်း ရောဂါသည် ရင်သားကင်ဆာ ခွဲစိတ်ခံပြီးသူ၊ ဓာတ်ရောင်ခြည်နည်းဖြင့် ကုသခံပြီးသူများတွင် အဖြစ်များသည်။ အချို့တွင် လပိုင်းခန့် ကြာမြင့်တတ်ပြီး၊ အချို့တွင် နှစ်တွေနဲ့ချီအောင် အရေကြည်တွေ စုနေတတ်သည်။

          ရင်သားကင်ဆာ ခွဲစိတ် ကုသခံပြီးနောက်ပိုင်း ဝိတ်မလေ့ကျင့်ခန်း မှန်မှန် လုပ်သူများသည် မလုပ်သူများနှင့် ယှဉ်လျှင် အရည်ကြည်များ အောင်းနေနှုန်း သိသိသာသာ နည်းသွားသလို၊ နောက်ဆက်တွဲ နာကျင်ကိုက်ခဲမှုများလည်း သိပ်မခံစားရတော့ကြောင်း တွေ့ရှိခဲ့သည်။

၉။ လူကို ပျော်ရွှင်စေသည်။

          မည်သည့် ကျန်းမာရေး လေ့ကျင့်ခန်းမဆို လူကိုတက်ကြွ ပျော်ရွှင်လာစေသည်ချည်း ဖြစ်သည်။ သို့သော် ဝိတ်မခြင်း၏ သက်ရောက်မှုက ထို့ထက်ပိုကြီးမားသည်။ ဝိတ်မခြင်းသည် လူကို ပျော်ရွှင်တက်ကြွစေသော ဟိုမုန်းများနှင့် လူကို အားငယ် စိတ်ကျစေသော ဟိုမုန်းများကိုပါ မျှခြေရှိအောင် ထိန်းညှိပေးနိုင်သဖြင့် လူသည် အားငယ်ခြင်း ကင်းဝေးကာ ကြည်မွေ့ချမ်းသာ နေထိုင်လို့ ကောင်းနေတတ်သည်။

          ခြောက်လလောက် ဝိတ်မလေ့ကျင့်ခန်း ပုံမှန်လုပ်သူများသည် အခြားသူများထက် ဒေါသထိန်းနိုင်စွမ်း ပိုကောင်းကြသလို၊ ပျော်ရွှင်တက်ကြွစိတ်လည်း ပိုရှိကြပြီး ဘဝကို အပြုသဘော ပိုရှုမြင်တတ်ကြကြောင်း အယ်လ်ဘားမား တက္ကသိုလ် လေ့လာသုတေသန ကလည်း ဖော်ပြသည်။

၁၀။ အိမ်ထောင်သုခ ပိုပြည့်ဝစေ။

          အသက်(၃၀) နောက်ပိုင်း အမျိုးသားတို့တွင် ဖိုဟိုမုန်းတက် တိုစထရုန်း တဖြည်းဖြည်း လျော့ပါးလာတတ်သည်။ ဖိုဟိုမုန်း လျော့နည်းလာခြင်းကြောင့် ကျားအင်္ဂါ မာကြောမှု လျော့ကျသည့် ပြဿနာ ကြုံရနိုင်သလို၊ ပိုဆိုးဝါးသည့် နှလုံးရောဂါ၊ ဆီးချိုရောဂါများလည်း ဝင်လာနိုင်သည်။

          ဝိတ်မခြင်းက ထိုပြဿနာကိုလည်း ဖြေရှင်းပေးနိုင်သည်။ ဝိတ်မ လေ့ကျင့်ခန်း လုပ်သူ အမျိုးသားတို့သည် ဖိုဟိုမုန်း ပုံမှန်ထွက်ရှိသဖြင့် အထက်ပါ ပြဿနာများ ပြေလည်စေနိုင်သည်။ မခြင်း၊ ထိုင်ခြင်း၊ မတင်၊ မချလုပ်ခြင်း စသော ဝိတ်မသည့် လှုပ်ရှားမှုများသည် တက်တို စထရုန်း ပိုထွက်လာအောင် နှိုးဆော်နိုင်စွမ်း ရှိသည်။


ဖိုးသူတော် (www.phothutaw.com)
Credit:Messenger
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top