Kantharyar Centre
×

                     ေဒၚေအာင္ဆန္းစုၾကည္တရုတ္နုိင္ငံခရီးစဥ္။ ၾသဂုတ္ ၁၉၊ ၂၀၁၆။

ျမန္မာနိင္ငံအေပၚခ်မွတ္ထားတဲ႔ စီးပြားေရးဒဏ္ခတ္ပိတ္ဆို႔မႈေတြ ကို ေဒၚေအာင္ဆန္းစုၾကည္ အေမရိကန္နုိင္ငံေရာက္ရွိစဥ္ အတြင္းမွာ ေလွ်ာ႔ေပါ႔ေပးေကာင္းေပးနုိင္တယ္လို႔ အေမရိကန္အရာရွိေတြကို ကိုးကားၿပီး ႐ိုက္တာသတင္းမွာေဖာ္ျပထားပါတယ္။

ဒီဒဏ္ခတ္ ပိတ္ဆို႔မႈေတြကို ဘယ္အတုိင္းအတာအထိ ေလွ်ာ႔ေပါ႔ေပးမလဲ ဆိုတာကို ေဒၚေအာင္ဆန္းစုၾကည္နဲ႔ ေတြ႔ဆုံေဆြးေႏြးၿပီး သမၼတ အိုဘားမား ဆုံးျဖတ္ခ်က္ခ်မယ္လို႔ ခန္႔မွန္းရေၾကာင္း သတင္းမွာေဖာ္ျပထားပါတယ္။

တရုတ္နုိင္ငံမွာက်င္းပမယ္႔ ကမၻာ႔စီးပါြးေရးအင္အားႀကီး နုိင္ငံ ၂၀၊ G-20 ထိပ္သီး ညီလာခံကို သမၼတအိုဘားမားတက္ေရာက္ၿပီးရင္ လာ အိုႏိုင္ငံ၊ ဗီယန္က်င္မွာ အဂၤါကေန ၾကာသပေတးေန႔အထိက်င္းပမယ္႔ အေရွ႕ေတာင္အာရွနုိင္ငံမ်ားအသင္း အာဆီယံနဲ႔ အေရွ႕အာရွ ထိပ္သီးေဆြးေႏြးပဲြကို တက္ေရာက္မွာျဖစ္ၿပီး အဲဒီထိပ္သီးေဆြးေႏြးပြဲကို ေဒၚေအာင္ဆန္းစုၾကည္လည္း တက္ေရာက္ဖို႔ရွိပါတယ္။

ေဒၚေအာင္ဆန္းစုၾကည္ဟာ အေမရိကန္ျပည္ေထာင္စုကို စက္တင္ဘာလ ၁၄ နဲ႔ ၁၅ ရက္ေန႔မွာ လာေရာက္မွာျဖစ္ၿပီး သမၼတ အိုဘားမား၊ ဒုသမၼတ ဂ်ိဳးဘိုင္ဒန္တို႔ အျပင္ လႊတ္ေတာ္ အမတ္ေတြ၊ စီးပြားေရးေခါင္းေဆာင္ေတြနဲ ႔လည္း ေတြ႔ဆုံဖို႔ရွိ ပါတယ္။ ျမန္မာနုိင္ငံအေပၚ ဒဏ္ခတ္ပိတ္ဆို႔မႈေလွ်ာ႔ခ်ေရးနဲ႔ပတ္သက္ၿပီး အိမ္ျဖဴေတာ္ကေတာ့ မွတ္ခ်က္မေပးပါဘူး။

ဒါေပမယ္႔လည္း အေမရိကန္ရဲ့ ဒီ အေရးယူဒဏ္ခတ္ မႈေတြဟာ ျမန္မာႏိုင္ငံ ဒီမိုကေရစီေရး ေျပာင္းလဲမႈေတြ ျဖစ္ေပၚေစဖို႔ ဖိအားေပးရာေရာက္တဲ့အတြက္ အေမရိကန္က အေရးယူဒဏ္ခတ္မႈေတြ ဆက္လက္ထားရွိဖို႔ လူ႔အခြင့္ အေရး ေစာင့္ၾကည့္ေရးအဖြဲ႔ HRW ေသာၾကာေန႔ ကပဲ ေတာင္းဆိုသြားခဲ့ပါတယ္။

 ဖိုးသူေတာ္ (www.phothutaw.com)
Credit:ဗီြအုိေအ(ျမန္မာပိုင္း)

#Unicode Version
ဒေါ်အောင်ဆန်းစုကြည်တရုတ်နိုင်ငံခရီးစဉ်။ သြဂုတ် ၁၉၊ ၂၀၁၆။


မြန်မာနိင်ငံအပေါ်ချမှတ်ထားတဲ့ စီးပွားရေးဒဏ်ခတ်ပိတ်ဆို့မှုတွေ ကို ဒေါ်အောင်ဆန်းစုကြည် အမေရိကန်နိုင်ငံရောက်ရှိစဉ် အတွင်းမှာ လျှော့ပေါ့ပေးကောင်းပေးနိုင်တယ်လို့ အမေရိကန်အရာရှိတွေကို ကိုးကားပြီး ရိုက်တာသတင်းမှာဖော်ပြထားပါတယ်။

ဒီဒဏ်ခတ် ပိတ်ဆို့မှုတွေကို ဘယ်အတိုင်းအတာအထိ လျှော့ပေါ့ပေးမလဲ ဆိုတာကို ဒေါ်အောင်ဆန်းစုကြည်နဲ့ တွေ့ဆုံဆွေးနွေးပြီး သမ္မတ အိုဘားမား ဆုံးဖြတ်ချက်ချမယ်လို့ ခန့်မှန်းရကြောင်း သတင်းမှာဖော်ပြထားပါတယ်။

တရုတ်နိုင်ငံမှာကျင်းပမယ့် ကမ္ဘာ့စီးပါွးရေးအင်အားကြီး နိုင်ငံ ၂၀၊ G-20 ထိပ်သီး ညီလာခံကို သမ္မတအိုဘားမားတက်ရောက်ပြီးရင် လာ အိုနိုင်ငံ၊ ဗီယန်ကျင်မှာ အင်္ဂါကနေ ကြာသပတေးနေ့အထိကျင်းပမယ့် အရှေ့တောင်အာရှနိုင်ငံများအသင်း အာဆီယံနဲ့ အရှေ့အာရှ ထိပ်သီးဆွေးနွေးပွဲကို တက်ရောက်မှာဖြစ်ပြီး အဲဒီထိပ်သီးဆွေးနွေးပွဲကို ဒေါ်အောင်ဆန်းစုကြည်လည်း တက်ရောက်ဖို့ရှိပါတယ်။

ဒေါ်အောင်ဆန်းစုကြည်ဟာ အမေရိကန်ပြည်ထောင်စုကို စက်တင်ဘာလ ၁၄ နဲ့ ၁၅ ရက်နေ့မှာ လာရောက်မှာဖြစ်ပြီး သမ္မတ အိုဘားမား၊ ဒုသမ္မတ ဂျိုးဘိုင်ဒန်တို့ အပြင် လွှတ်တော် အမတ်တွေ၊ စီးပွားရေးခေါင်းဆောင်တွေနဲ့လည်း တွေ့ဆုံဖို့ရှိ ပါတယ်။ မြန်မာနိုင်ငံအပေါ် ဒဏ်ခတ်ပိတ်ဆို့မှုလျှော့ချရေးနဲ့ပတ်သက်ပြီး အိမ်ဖြူတော်ကတော့ မှတ်ချက်မပေးပါဘူး။

ဒါပေမယ့်လည်း အမေရိကန်ရဲ့ ဒီ အရေးယူဒဏ်ခတ် မှုတွေဟာ မြန်မာနိုင်ငံ ဒီမိုကရေစီရေး ပြောင်းလဲမှုတွေ ဖြစ်ပေါ်စေဖို့ ဖိအားပေးရာရောက်တဲ့အတွက် အမေရိကန်က အရေးယူဒဏ်ခတ်မှုတွေ ဆက်လက်ထားရှိဖို့ လူ့အခွင့် အရေး စောင့်ကြည့်ရေးအဖွဲ့ HRW သောကြာနေ့ ကပဲ တောင်းဆိုသွားခဲ့ပါတယ်။


 ဖိုးသူတော် (www.phothutaw.com)
Credit:ဗွီအိုအေ(မြန်မာပိုင်း)
 
 
ေန႔စဥ္သတင္းအသစ္မ်ားကို Email ပို႔ေပးပါမည္။
သင္၏ Gmail ကို ေအာက္တြင္ ျဖည့္စြက္၍ Submit လုပ္ပါ။
 
 
Top